2 නෙපි 1-5

වැඩිහිටි ඩී. ටොඩ් ක්‍රිස්ටෝෆර්සන් මෙසේ පැවසීය: “දෙවියන්වහන්සේ අදහස් කරන්නේ තම දරුවන් උන්වහන්සේ ඔවුන්ට ලබාදී ඇති තෝරාගැනීමේ නිදහස අනුව ක්‍රියා කළ යුතු බවයි. … උන්වහන්සේගේ සැලැස්ම සහ උන්වහන්සේගේ කැමැත්ත වන්නේ අපගේ ජීවන නාට්‍යයේ ප්‍රධාන තීරණ ගැනීමේ කාර්යභාරය අප ලබාගැනීමයි” (“Free Forever, to Act for Themselves,” Ensign or Liahona, Nov. 2014, 16). තෝරාගැනීමේ නිදහස පිළිබඳ ලෙහිගේ ඉගැන්වීම් වලදී, පහත සඳහන් දේ ඇතුළුව, අපගේ දිව්‍යමය හැකියාවට ලඟාවීමට අපව සක්‍රීය කරන, නිදහසේ තෝරාගැනීමට හැකිවන අත්‍යවශ්‍ය කොන්දේසි ඔහු විසින් හඳුනාගෙන ඇත:

1. යහපත සහ නපුර පිළිබඳ දැනුමක් (2 නෙපි 2:5)

2. මිනිස් සංහතියට දෙන ලද නීතියක් (2 නෙපි 2:5)

3. ප්‍රතිවිරුද්ධ, සිත්ඇදගන්නා සුළු තෝරාගැනීම් (2 නෙපි 2:11)

4. ක්‍රියාකිරීමට බලය (2 නෙපි 2:16)

ඔබ 2 නෙපි 2 කියවන විට, තෝරාගැනීමේ නිදහස පිළිබඳ මෙම එක් එක් කොන්දේසි සහ ඒවා එකිනෙක සමග ඇති සම්බන්ධතාවය ගැන ඔබ ඉගෙනගන්නේ කුමක්ද? මෙම කොන්දේසි එකක් හෝ කිහිපයක් අතුරුදහන් වුවහොත් අපගේ තෝරාගැනීමේ නිදහසට කුමක් සිදුවේද? ලෙහිගේ වචන වලින් තෝරාගැනීමේ නිදහස ගැන ඔබ ඉගෙනගන්නා අනෙක් දේවල් මොනවාද?

බොහෝ අය ආදම් සහ ඒවගේ වැටීම ඛේදජනක සිදුවීමක් ලෙස දකිති. කෙසේවෙතත්, වැටීම පිළිබඳ ලෙහිගේ ඉගැන්වීම් වලින් හෙළිවන්නේ එය අපගේ සදාකාලික දියුණුව සඳහා පියාණන්වහන්සේගේ සැලැස්මේ අත්‍යවශ්‍ය අංගයක් වූයේ මන්ද යන්නයි. ඔබ මෙම පද කියවන විට, ස්වර්ගික පියාණන්ගේ දරුවන්ට - වර්ධනය වීමට - වැටීම අවශ්‍ය වූයේ මන්දැයි සොයා බලන්න. ගැලවුම්කරුවාණන්ගේ වන්දිගෙවීමේ පරිත්‍යාගය අපව වැටීමෙන් මුදවාගත්තේ කෙසේද?

තවත් බලන්න මෝසෙස් 5:9–12; 6:51–62; “Fall of Adam and Eve,” Gospel Topics, topics.ChurchofJesusChrist.org.

2 නෙපි 3 හි අවසාන කොටසේ ඊජිප්තුවේ ජෝසප් විසින් ඔහුගේ නම බෙදාගන්නා අනාගත එළිදරව්කරුවෙකු පිළිබඳව දුන් එළිදරව්වක් අඩංගු වේ (බලන්න 14–15 පද)—Joseph Smith. ජෝසෆ් ස්මිත්ගේ ධර්මදූත සේවය ගැන කීමටද එහි බොහෝ දේ ඇත. 6-24 පදවල “තෝරාගත් එළිදරව්කරුවෙකු” ලෙස ජෝසෆ් ස්මිත් ගැන කීම, දෙවියන්වහන්සේගේ සෙනගට ආශිර්වාද කිරීමට කුමක් කරයිද? ජෝසෆ් ස්මිත්ගේ වැඩ කටයුතු ඔබට “ඉතා වටිනා” වූයේ කෙසේද?

ජෝසෆ් ස්මිත්ගේ ධර්මදූත සේවයේ එක් වැදගත් අංගයක් වූයේ මෝර්මොන්ගේ පොතේ අඩංගු ජෝසප්ගේ වංශයේ ලේඛන ඉදිරියට ගෙන ඒමයි. මෝර්මොන්ගේ පොතේ වැදගත්කම ගැන මෙම පරිච්ඡේදයෙන් ඔබ ඉගෙනගන්නේ කුමක්ද?

තවත් බලන්න Joseph Smith Translation, Genesis 50:24–38 (in Bible appendix).

නෙපිට මෑතකදී තම පියා අහිමි විය. ඔහුගේ පවුල මෙහෙයවීමේ වගකීම දැන් ඔහු මත රඳා පවතී. පරීක්ෂාවන්ගෙන් වටවී සිටින බවක් ඔහුට දැනුණු අතර ඔහුගේ පාප නිසා ඔහු අධෛර්යයට පත් විය. ඔබගේ තත්වයන් නෙපිට වඩා වෙනස් වුවද, 2 නෙපි 4:15–35 හි සටහන් කර ඇති ඔහුගේ සමහර සිතුවිලි හා හැඟීම් සමග ඔබට සම්බන්ධ විය හැකිය. නෙපිට ඔහුගේ දුක් ගැහැටවලදී උදව් වූයේ කුමක්ද? නෙපිගේ අභියෝගයන්ට ඔහු දක්වන ප්‍රතිචාරය ඔබේ අරගලයන්ට මුහුණදීමට ඔබට උපකාර කරන්නේ කෙසේද?

ඔබ සතුට අර්ථදක්වන්නේ කෙසේද? තම ජනතාව ජීවත් වූයේ “ප්‍රීතිමත් ආකාරයෙන්” බව නෙපි ලිවීය (2 නෙපි 5:27). නෙපි සහ ඔහුගේ ජනතාව එකිනෙකාට සහ ඔවුන්ගේ පවුල් වලට සහය දුන් ආකාර, ඔවුන්ගේ සමාජයේ ඔවුන් අගය කළ දේවල් සහ, අනෙකුත් දේ - ඔවුන්ව ප්‍රීතිය කරා මෙහෙයවීමට ඔවුන්ගේ තෝරාගැනීම් ඔබට සොයාබැලිය හැකිය. නෙපිගේ වැසියන් කළාක් මෙන්, සතුටින් පිරි ජීවිතයක් ගොඩනගාගැනීමට උදව් වන ඔබ ඉගෙනගත් දේවල් මොනවාද?

නෙපිගේ දවසේදී ලාමන්වරුන්ගේ ශාපය වූයේ “ඔවුන්ගේ අයුතුකම් නිසා … ස්වාමින්වහන්සේවහන්සේගේ අභිමුඛයෙන් ඔවුන්ව කපා දමා තිබීමයි ” (2 නෙපි 5: 20–21). මෙයින් අදහස් කළේ ස්වාමින්වහන්සේගේ ආත්මය ඔවුන්ගේ ජීවිත වලින් ඉවත්කර ඇති බවයි. පසුකලෙක ලාමන්වරුන් යේසුස් ක්‍රිස්තුස්වහන්සේගේ සුභාරංචිය පිළිගත් විට “දෙවියන්වහන්සේගේ ශාපය තවදුරටත් ඔවුන් පසුපස නොපැමිණියේය” (ඇල්මා 23:18).

නෙපිවරුන් ඔවුන්ගෙන් වෙන්වූ පසු ලාමන්වරුන් මත අඳුරු සමේ සලකුණක් පැමිණි බවත් මෝර්මොන්ගේ පොතෙහි සඳහන් වේ. මෙම සලකුණෙහි ස්වභාවය සහ පෙනුම සම්පූර්ණයෙන් වටහාගෙන නොමැත. මෙම සලකුණ මූලිකවම ලාමන්වරුන්ව නෙපිවරුන්ගෙන් වෙන්කොට දැක්වීය. පසුකාලීනව, නෙපිවරුන් සහ ලාමන්වරුන් යන දෙගොල්ලන්ම දුෂ්ටකමේ හා ධර්මිෂ්ටකමේ කාලපරිච්ඡේදයන් පසුකර යද්දී, ලාමන්වරුන් දෙවියන්වහන්සේ ඉදිරියෙහි සිටීමේ දර්ශකයක් ලෙස එම සලකුණ අදාළ නොවීය.

අඳුරු සම යනු දිව්‍ය අප්‍රසාදයේ හෝ ශාපයේ ලකුණක් නොවන බව අපේ කාලයේ අනාගතවක්තෘවරු සහතික කරති. ස්වාමින්වහන්සේ “කළු සහ සුදු, වහල්ලා හෝ නිදහස් තැනැත්තා, පිරිමියෙකු හෝ ගැහැණියෙකු, යන කිසිවෙක් උන්වහන්සේ එපා නොකරන සේක” (2 නෙපි 26:33) යන නෙපිගේ ඉගැන්වීම සභාව පිළිගනී. සභාපති රසල් එම්. නෙල්සන් මෙසේ ප්‍රකාශ කළේය: “ස්වාමින්වහන්සේ තම දරුවන්ට උන්වහන්සේගේ අත්‍යවශ්‍ය දහම සමාන අවස්ථාවන් ලබාදෙමින් අවධාරණය කර ඇත. … ඇදහිලිවන්තයන් ගිවිසුම් මාවතට අවතීර්ණ වී අපගේ ආදරණීය මිදුම්කරුවාණන් වෙතට පැමිණෙන විට සංස්කෘතිය, භාෂාව, ස්ත්‍රී පුරුෂ භාවය, වංශය සහ ජාතිය යන වෙනස්කම් නොවැදගත්ව නැතිවී යයි” (“President Nelson Remarks at Worldwide Priesthood Celebration” [June 1, 2018], newsroom.ChurchofJesusChrist.org).

තවත් බලන්න “Till We All Come in the Unity of the Faith” (video, ChurchofJesusChrist.org).

ධර්මිශ්ට දෙමාපියෙකු තම දරුවන් වෙනුවෙන් කරන ලොකුම පැතුම් ගැන මෙම පද අපට උගන්වන්නේ මොනවාද?

බයිබල් ශබ්දකෝශයේ “Seer” යන වචනය එක්ව කියවන්න. ජෝසෆ් ස්මිත් එළිදරව්කරුවෙකු වන්නේ කෙසේද? ජෝසෆ් ස්මිත් ඉටුකළ කාර්යයට අප කෘතඥ වන්නේ ඇයි? (බලන්න 2 නෙපි 3:6–24).

ඔබ 2 නෙපි 4:20–25 එකට එක්ව කියවන විට, සෑම පදයකටම පසු විරාමයක් තබා, නෙපි විස්තර කරන දේ අත්විඳ ඇත්නම් හෝ දැනී ඇත්නම් එය බෙදාගැනීමට පවුලේ සාමාජිකයින්ට ආරාධනා කරන්න. දෙවියන්වහන්සේ අපේ පවුල වෙනුවෙන් කරඇත්තේ මොනවාද?

“ප්‍රීතියේ ආකාරයෙන්” ඔබේ පවුල ජීවත් වන සමහරක් ක්‍රම මොනවාද? ඔබගේ පවුල 2 නෙපි 5 කියවන විට, පවුල (6 වන පදය), අණ පණත් (10 වන පදය), ශුද්ධලියවිලි (12 වන පදය), අධ්‍යාපනය (15 වන පදය), දේවමාළිගා (16 වන පදය), කාර්යයන් (17 වන පදය) සහ සභාවේ කැඳවීම් (26 වන පදය) වැනි නෙපිවරුන් සැලකිලිමත් වූ දේවල් ඔබට සාකච්ජා කළ හැකිය. මෙය කළ හැකි එක් ක්‍රමයක් නම්, මේවායින් සමහරක් නියෝජනය කරන භාණ්ඩ සොයාගෙන නෙපිවරුන් මෙන් අපත් මේ දේවල් අගය කරන බව පෙන්වන ආකාරය ගැන කතාකිරීමයි.