Amosa; Obadia; Jona

Ao amin’ny Amosa 3:3–6, ny mpaminany Amosa dia nanolotra ohatrana fehin-kevitra azontsika sintonina avy amin’ireo famantarana izay rentsika na hitantsika: rehefa miherona ny liona, dia tsy maintsy efa nahasambotra haza izy izay; raha tratra ao anaty fandrika ny vorona iray dia tsy maintsy efa nisy tadivavarana izay tao. Ao amin’ny andininy 7–8, dia nampiharin’i Amosa amin’ny mpaminany izany lojika izany. Inona no fehin-kevitra azontsika tsoahina rehefa maminany ny mpaminany iray? Inona ihany koa no ianaranao momba ny mpaminany avy amin’ny Amosa 7:10–15?

Inona no nambaran’ny Tompo taminao tamin’ny alalan’ireo mpaminaniny?

Nilaza ny Loholona Ulisses Soares fa “Ny fananana mpaminany dia mariky ny fitiavan’ Andriamanitra” (“Miteny amin’ny herin’ny Fanahy Masina ireo mpaminany,” Liahona, mey 2018, 99). Diniho ny fomba hamenoanao ity fehezan-teny ity: “Fantatro fa tia ahy Andriamanitra, satria mandefa mpaminany izay …” Ireto misy soratra masina vitsivitsy izay afaka manampy: Deoteronomia 18:18; Ezekiela 3:16–17; Efesiana 4:11–14; 1 Nefia 22:2; Fotopampianarana sy Fanekempihavanana 21:4–6; 84:36–38; 107:91–92.

Inona no holazainao amin’ny olona iray izay mahatsapa fa tsy ilaina ny mpaminany ankehitriny?

Jero koa ny Sujets et questions, “Prophètes,” Médiathèque de l’Évangile.

Araka ny voalazan’ny Amosa 4:6–13, dia inona no nantenain’ny Tompo fa hitranga rehefa avy niatrika fitsapana ny Isiraelita? (jereo koa ny Helamàna 12:3). Raha toa tsy Andriamanitra no nandefa ny fitsapana niainanao dia ahoana no nanomezan’izy ireny anao fahafahana hitodika Aminy?

Eo am-pamakianao ny Amosa 5:4, 14–15, dia saintsaino ny fomba nanehoan’ny Tompo famindrampo taminao. Tamin’ny fomba ahoana no nitondran’ny fitadiavana Azy fiainana ho anao?

Eo am-pamakianao ny Amosa 8:11–12, dia eritrereto ny antony maha-azo ampitahana tsara ny mosary amin’ny fiainana tsy misy ny tenin’ Andriamanitra (jereo koa ny Jaona 6:26–35; 2 Nefia 9:50–51; 32:3; Enôsa 1:4–8). Ahoana no hahalalanao fa noana ara-panahy ianao?

Azo ampiharina amin’ny Apôstazia Lehibe ihany koa ireo andininy ireo (jereo ny Sujets et questions, “Apostasie,” Médiathèque de l’Évangile). Inona no fiantraikan’izany “mosary” ara-panahy izany teo amin’ny zanak’ Andriamanitra? Ahoana no nanafahan’ny Famerenana amin’ny laoniny ny hanoananao ara-panahy?

Jereo koa ny “The Great Apostasy” (horonan-tsary), Médiathèque de l’Évangile.

16:36

Raha niresaka momba ny Obadia 1:21 ny Filoha Gordon B. Hinckley dia nanazava fa lasa mpamonjy ao an-tendrombohitr’i Ziona isika rehefa mandray ireo ôrdônansy ho an’ny maty ao amin’ny tempoly (jereo ny “Closing Remarks,” Liahona, Nov. 2004, 105). Inona no mampitovy ny fanaovana izany asa izany—na dia amin’ny fomba bitika aza—amin’ny zavatra nataon’ny Mpamonjy ho antsika? Nanampy anao hahatsapa ho akaiky kokoa ny Mpamonjy tamin’ny fomba ahoana ny fanaovana izany asa izany?

Jereo koa ny “Temples sur le mont de Sion;” Cantiques,” no. 183.

Fahavalon’i Isiraely izay fantatra tamin’ny herisetra sy ny habibiana nataony i Ninive. Ho an’i Jona dia toa tsy mbola azo noheverina ny hananan’izy ireo fahavononana hibebaka. Mety tena hahaliana ny hampitaha ny fihetsik’i Jona (jereo ny Jona 1; 3–4) amin’ny fahatsapana nananan’i Almà sy ireo zanakalahin’i Môzià (jereo ny Môzià 28:1–5; Almà 17:23–25). Inona no ianaranao avy amin’ny Jona 3 izay mamporisika anao hizara ny filazantsara na dia amin’ireo olona izay toa tsy vonona ny hiova aza?

Rehefa mamaky ny Jona ianao dia mitadiava ohatra mampiseho ny famindrampon’ny Tompo. Nahoana ianao no mahatsapa fa tsy nankasitraka sy nirehitra hatezerana (Jona 4:1) i Jona rehefa nanolotra famindrampo tamin’ny vahoakan’i Ninive ny Tompo? Inona no tsapanao fa nezahin’ny Tompo nampianarina azy ao amin’ny toko 4? Saintsaino ny fomba niainanao ny famindrampony teo amin’ny fiainanao. Inona no ianaranao avy amin’i Jona ka afaka manampy anao ho feno famindrampo kokoa?

• Mba hanampiana ny zanakao hahatakatra ny Amosa 3:7, dia azonao atao ny mibitsibitsika hafatra tsotra amin’ny iray amin’izy ireo ary mangataka azy ireo hizara ilay hafatra amin’ny ankizy hafa. Inona no mampitovy ilay iraka ato amin’ity sahanasa ity amin’ny mpaminany? Nahoana ny Tompo no manome antsika mpaminany?

• Mba hahalalana misimisy kokoa momba ny zavatra ataon’ireo mpaminany dia afaka mandinika ireo hafatra vao haingana avy amin’ny Filohan’ny Fiangonana amin’izao fotoana izao ianao sy ny zanakao. Afaka mihira hira toy ny “Araho hatrany ny mpaminany” (Bokin-kiran’ny ankizy, 58–59) koa ianareo. Ifampizarao ny antony hisafidiananareo hanaraka ny mpaminanin’ Andriamanitra.

• Asao ny zanakao mody hanao hoe noana rehefa mamaky ny Amosa 8:11–12 ianao. Inona no tsapantsika rehefa noana ny tenin’ Andriamanitra isika? Azon’ny zanakao atao angamba ny mody manao hoe misakafo rehefa mifampizara ny sasany amin’ireo soratra masina tianareo indrindra ianareo.

• Azonao ampiasaina ny Torolalana ho an’ny Soratra Masina, “Apôstazia” (Bibliothèque de l’Évangile), na ny “Taorian’ny Testamenta Vaovao” (ao amin’ny Tantara ao amin’ny Testamenta Vaovao, 167–70) mba hanampiana ny zanakao hahatakatra ny “mosary” izay avy amin’ny Apôstazia Lehibe sy ny fomba niafaran’izany tamin’ny Famerenana amin’ny laoniny. Mifampizarà antony maha-velom-pankasitrahana anareo fa namerina tamin’ny laoniny ny filazantsarany ny Tompo amin’izao androntsika izao.

  

  2:52

• Mba hanampiana ny zanakao hianatra ny tantaran’i Jona dia azonareo jerena miaraka ny “Jona mpaminany” ao amin’ny Tantara ao amin’ny Testamenta Taloha; jereo koa ny pejin’ny sahanasa ho an’ity herinandro ity). Avy eo dia azonao atao ny manontany hoe:

  • Inona no nitranga rehefa tsy nankatò ny Tompo i Jona? (jereo ny Jona 1:4–17).

  • Inona no nataon’i Jona mba hibebahana? (jereo ny Jona 1:10–12; 2:1–4, 9; 3:1–4).

  • Inona no nitranga rehefa nankatò i Jona? (jereo ny Jona 3:5).

  

  2:30

• Mety ho tena tian’ny zanakao ny hamerina hitantara ny tantaran’i Jona na hilalao izany an-tsehatra. Mifampizarà zavatra niainana vitsivitsy izay nanirian’ny Tompo anareo hanao zavatra izay sarotra taminareo. Ahoana no nanampiany anareo hankatò Azy?

• Azon’ny zanakao atao angamba ny mody manao tafatafa amin’i Jona momba ny zavatra niainany. Inona avy ireo fanontaniana hapetrak’izy ireo aminy? Amporisiho izy ireo hametraka fanontaniana mba hamantarana ny zavatra nianaran’i Jona momba ny Tompo. Inona ohatra no mety holazain’i Jona momba ny famindrampon’ny Tompo? (jereo ohatra ny Jona 2:7–10; 3:10; 4:2).

• Ampio ny zanakao hieritreritra ireo ohatra amin’ny fotoana nanehoan’ny Mpamonjy famindrampo tamin’ny hafa, tahaka ny Marka 2:3–12; Lioka 23:33–34; ary Jaona 8:1–11. Afaka mitady sary maneho ireo ohatra ireo ianao sy ny zanakao. Inona avy ireo fotoana azontsika araraotina mba hanehoana famindrampo amin’ny hafa?