“August 24–30. ‘Ma Bay Gog Ngomed e Tin Ke Rin’ ni Fan Ngog’:: Psalms 49 61– 66– 14; 14; 21–; 77– 77; 85– 85,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)

“August 24–30. ‘Ma Bay Gog Ngomed e Tin Ke Rin’ ni Fan Ngog,’” Moey, Ngam Lakeg: Bin Kakrom e M’ag 2026

Ayuweg e En ni ke Malboch, ke yib rok Michael Malm

August 24– 30: “Ma Bay Gog Ngomed e Tin Ke Rin’ ni Fan Ngog”

Psalms 49–51; 61–66; 69–72; 77–78; 85–86

Gidii’ ni yoloey e Psalms era yoloeyed e poetry ko pin’en ni kur thamiyed. Ra yoloeyed mornga’agen e kirbaen’, murus, nga m’agfan. Ma bay bochi ngiyal’, ni kar thamiyed ni gowa ke digey rad Got, mar yoloeyed e pin’en ni kari t’uf rorad fa ke chalban rad ngay ngalan e psalms. Faanra bay bangiyal’ ni kam thamiy ni woed e biney, ma faan gara be’eg e Psalms ma gara guy ni gathi yigo gur e be buch rom e biney. Machane gara guy ni thin ni bay ko psalms e ra yag ni nge pii’ e athamgil ngom ko ngiyal’ ni be yib e tiney e thamtham ngom, ya gidii’ ni yoloey e psalms e kur ogaed e magar ngak Somoel ko pin’en ni pi’ nrib fel’, nge gelngin nrib ma’ang’ang, ma ki falfalaen’ rad ko fare murnguy rok. Yaed manang ni ke gafgow nag dad kireb nge denen machan i Somoel e be’ nrib “gol ngomad ma ka ma n’agfan u wun’ e kireb romed” (Psalm 86:5). Yaed manang ni mich ngak Somoel e gathi be yip fan ni dabi yib e gafgow ngorad, denen, fa murus. Ya be yip fan ni ga manang ko ggin ni ngam sap ngay ko ayuw ko napon ni bayi taw ngay.

Kanawo’en i Fil Mornga’agen ulan e Tabinaew nge lane Galasia

Psalms 49; 62:5–12

Wo’en e bayul e kari mus ni mayib u dakean Yesus Kristus.

Psalm 49 e bay ba mulwol riy ni fan e “pi tolang nge pi sobut’, nge pi fel’ rogon nge pi gafgow” (verse 2). Mang e ga be tafny nag ni be yip fan e rangi mulwol ney? Mang e ga be thamiy nib Psalm 62:5–12 mu’un ko rangi mulwol ney?

Be’eg e yungi psalms ney e bay nra tomilang nag a’num ko rogon e pagan’ ni gadad ma tay ko boch banaan ni gathi wo’en e bayul rok Got (muguy ko Psalm 49:6–7). Mich rom ni ga manang ni “Got e ra ayuweg [neg]; bayi chuwegeg u gelngin e yam” e ba uw rogon ni be gagiyeg nag e yafos rom? (Psalm 49:15).

Psalms 51; 85–86

Ra yag ni ngan n’agfan e kireb rog, nibochan fare murnguy rok fare Tathapeg.

David ni Pilung e yoloey e Psalm 51 ko tomuren ni guy ni rib t’uf ni ngan n’agfan e kireb rok—biney e banaan ni gadad gubin nrib t’uf rodad. Bin ngay ko pi verse ney e be weliy e pin’en ni kam thamiy? Mang e kam pir’eg ulan e psalms ni be pi’ e athap ngom ko mornga’agne e n’agfan?

Ma kra yag ni ngam be’eg e Psalms 51 ngam guy ko mang e be yip fan e kalngan’. Mu yoley e tin ni gabe fil riy. Mu guy ko kra yag ni ngam uneg e mulwol rok President Russell M. Nelson ngay “We Can Do Better and Be Better” (Liahona, May 2019, 67–69).

Ba uw rogon ni gara weliy rogon e biney e thamtham ni ma yib ko n’agfan ni ke yib u dakean Kristus? Faanra bt’uf e ayuw ngom ko rogon i weliy e biney, ma rayog ni ngam guy ko Psalms 51:1–2, 7–12; 85:2–9. Boche gidii’ e badaag ni ma yoloey yaan fa gay e sassing nib puluw rogon ko tin ni yad be thamiy; ra yag ni ngam rrin’ ni wod e biney. Ma kra yag ni ngam mon’ reb e tang fa mu motoyil ko reb e hymn ni mornga’agen fare Tathapeg, ni wod fare “I Know That My Redeemer Lives” (Hymns, no. 193).

Ra ngan kalngan’, ma bt’uf e mich ni ngan nang ni Yesus Kristus e rayag ni nge be’ech nag dad ma kra yag ni nge rin’e biney. Mang e kam pir’eg ulan e Psalm 86:5, 13, 15 nra ayuweg nem ngam nang ni fare Tathapeg e badaag ma rayag rok ni nge n’agfan e kireb rom?

Ngkum guy ko Alma 36; Peter F. Meurs, “He Could Heal Me!,” Liahona, May 2023, 39–41.

Psalms 51:13–15; 66:5–20; 71:15–24

Mich rog ngak Yesus Kristus e ra yag ni nge ayuweg e gidii’ nge yib ngak.

Mu tafney nag rogon ni yag e mich ngom ngak Yesus Kristus nge fare gelngin e bayul rok. Nge mu’, ma napon ni bay mu fil e Psalms 51:13–15; 66:5–20; 71:15–24, mag tafney nag rogon nra yag ni ngam pining e gidii’ nge “mired ngam guyed e n’en ke rin’ Got” (Psalm 66:5). Faanra gara yoeg e ran’en ni “ke rin’ [Somoel] ni fan [ngom]” (Psalm 66:16), ma mang e ran’en ni gara yog?

Mang e be yip fan e “bay ug weliy [fanam] yul’yul’ ni polo’ e rran”? (Psalm 71:24).

Kngum guy ko Alma 26.

ba pagal nib fal’yangren ni be ser nag e chep nib thothup ngak e gidii’ — “Mired ngam motoyilgad, … ma bay gog ngomed e tin ke rin’ [Got] ni fan ngog” (Psalm 66:16).

Psalms 63; 69; 77–78

Somoel era ayuwegneg ko ngiyal’ ni kari t’uf e ayuw rog.

Boch e gidii’ ko psalms e thamiy ni gowa ke pag rad Got ma kiyad bay ni kari t’uf e ayuw rok ngorad (muguy ko Psalms 63:1, 8; 69:1–8, 18–21; 77:1–9). Ulan e Psalms 63; 69; 77–78, mang e kam pir’eg riy ni ke micheg nag ngak fapi psalmist?

Napon e bay um gafgow, ma ba uw rogon ni “bay i yib ngan’ug e pi gafarig rom ni bfel’” ni “bay ug leamnag e pi ma’ang’ag ni um rin’ kakrom”? (Psalm 77:11). Boche pi ma’ang’ang ney e kan weliy rogon ulan e Psalm 78. Napon e bay mu be’eg, mag lem nag ko mang e ran’en nra ayuwegem ko “tay e pagan’ [rom] nga daken Got” (verse 7).

Faanra gabadag ni ngamu guy boch mornga’agen, muguy ko fapi magazine ko Liahona nge Fan ko Gelngin e Pi’in ni Fal’yangren ko piney e puul.

Boech e Kanawo’ ko Machib nag e Bitir

Bochan e biney e Madnom e rani aw ko laal ko biney e pul, yi be pi’ e athamgil ngak e sensey ko Primary ni ngar use niged fapi activities nibay ulan e “Appendix B: .”

Psalms 51; 86:5, 13, 15

Napan ni gura mel’eg ban’en ni dani fel’, ma Yesus e rayag ni nge ayuweg neg nggu thil.

Mu ayuweg pifakam ngar pir’eged e tin nib riyul’ ni mornga’agen e kalngan’uy ulan e Psalm 51, ra yag ni ngam yoloey yaab ba gum’ircha’ nrib ga’. Nge mu’ ma ra yag ni ngam ayuweg pifakam ngar yoloeyed bogi banaan ni ma wawoliy Mo’oniyan’ nib kireb ni ngad rrin’ed ngalan fare gum’ircha’. Uw rogon nra yag ni ngad chuweged e pin’ey ulan gum’ircha’endad? Mu fith ngak pifakam ngar gayed fare bugithin ni “gumircha’” ualn e Psalm 51:10, 17. Mu weliyed ko mang e pin’en ni be machib nag e yungi verse ney ko mornga’agen e kalngan’uy. Mpag pifakam ngar thaanged fapi thin ni bay ulan fare gum’ircha’ nge mu’ mar yoloeyed boch e thin ngay nib be’ech ko rogon nra thilyegey Yesus ko napon ni bay da kalngan’ gad.
Ma kra yag ni ngam ayuweg pifakam ngar nanged ko mang e be yip fan ere bugithin ney “maligach rog ngom e subut’an ni ku gu tay” (Psalm 51:17). Ma kra yag ni ra bigyad me gay rogon nge bing banaan nib el’el’ keru’, ni wod e fakanimen fa kael. Ma ra yag ni ngam fil ngorad ni fare keru’ e gali n’ey nib el e rayag ni be palog nag dad ko thamiy e t’ufeg rok e Chitamangiy nu Tharmiy. Uw rogon nra yag ni ngad binged gum’ircha’endad ngak?
Ma kra yag ni ngam yaliyed reb e sassing ni yaan fare Tathapeg nge mu’ mag fith ngak pifakam ko miti mang thin e yadra fanay ni ngar weliyed mornga’agen. Pining rad ngar sap niged e thin ni be weliy mornga’agen ulan e Psalm 86:5, 13, 15. Mongfan nib ga fan nib t’uf ni ngan nang e pin’ey ni mornga’agen?

Psalm 61:2–3

Yesus Kristus e ir e malang rog.

Ma bay ni kara adaag pifakam ni ngar yoloeyed ya’an e pi pow ney nib ulan e Psalm 61:2–3. Yesus Kristus e uw rogon ni wod ba “malang” nib tolang ngalang (verse 2), “manaf rog,” nga “yoror rog”? (verse 3).

bangi chabog ni tigil’ e matanag — “Ya gur e manaf rog, ma yoror rog nib gel ngak e pi to’ogor rog” (Psalm 61:3).

Psalms 66:16; 77:11; 78:6–7

“Bay ug leamnag e pi ma’ang’ag ni um rin’ kakrom.”

Mu fith ngak pifakam ni ngar weliyed e yaat ko chep nib thothup nri yad badaag (sassing riy e kan fek ulan fare Gospel Art Book ). Mang e be machib nag e pi yaat ney ni mornga’agen Somoel? Kra yag ni ngam be’eged u tabaang e Psalm 66:16 nge mu’ mara bigmed me fulweg taban fare duwer ni “mang e tin ke rin’ ni fan ngog”?
Napon e bay mu be’eg e Psalms 77:11; 78:6–7 u tabaang, mra yag ni ngam weliyed u tabaang ko rogon “leamnag e pi ma’ang’ag ni i rin’ Somoel” (Psalm 77:11), nib mu’un e pi ma’ang’ag ni rrin’ ko yafos rom. Ba uw rogon ni ma ayuweg dad e sakrament ni nga i par ni “gubin ngiyal’ ma bay ko leam rodad”? (Moroni 4:3; 5:2).

Psalm 71:8

Rayog ni nggu weliy ngak e gidii’ mornga’agen Yesus Kristus.

Tomuren ni kam be’eg e Psalm 71:8 ngak pifakam, pining rad ngar yoloeyed yaan langay nrib ga’. Mag fith ngorad ni ngar ayuweged gur ngar “suguyed” langan fare sassing ko thin nra yag ni ngad doged ko gidii’ ni mornga’agen Yesus Kristus.
Ra yag ngam pi’ ya’an rebe sassing ku Yesus Kristus ngar guyed yaan. Cha’en ni be kol fare sassing e ra yag ni nge yog banaan ni mornga’agen. Uw rogon nra yag ni ngad ayuweged e gidii’ nge nang mornga’agen e pin’ey?

Pi’in ni bitir e bo’or bogi banaan ni yad ba adaag ni ngar weliyed ngak e gidii’. “Napon nra fil e bitir mornga’agen banaan nib be’ech, ma moem ngorad ni ngar weliyed ngak e gidii’. Mpi’ e athamgil ngorad ko biney ya ra yag ni nge bing wo’en e kanawo’ ko machib nag e yalen e gospel u fithik rad, nge gathon e tabinaew rorad, nge pi tafagar rorad. Ma kra yag ni ngam fith ko mang e yadbe tafney nag, tin ni yadbe thamiy, nge tin ni ke buch rorad ni bay rogon ko yalen e n’en ni ga be machib nag. Ma gara guy nib gel, mab moem, mab gel gelingrad” (Teaching in the Savior’s Way, 32).

Psalm 86:7

Chitamangindad nu Tharmiy e ma rung’agdad ma kuma fulweg taban e meybil rodad.

Oran e thin ko psalms e wod bogi meybil ngak Got. Napon e bay mu be’eg e psalms ngak pifakam, ma ra yag ni ngam dag ngorad e n’en nima non e gidii’ riy ni faanra yad bay ni yad palog rorad, ni wod e fon fa tengaami. Nge mu’ mag be’eg e Psalm 86:7. Uw rogon ni ngadad ma “pining” e Chitamangiy nu Tharmiy? Uw rogon ni ma fulweg e tin ni gadad be ning?
Kra yag ni ngam yin’ e tang ni mornga’agen e meybil, ni wod e “A Child’s Prayer” (Children’s Songbook, 12–13; ngkum guy ko Susan H. Porter, “Pray, He Is There,” Liahona, May 2024, 77–79). Mag med weliy ba ngiyal’ ni fulweg Got tabaan e meybil romed.

Faanra gabadag ni ngamu guy boch mornga’agen, muguy ko fare magazine ko Pi Tafagar ko biney e puul.

sassing ni yaan Yesus — Moey ngak Kristus, ke yib rok Casey Childs

Activity payge ko primary: Naponn ni gura mel’eg ban’en ni dani fel’, ma Yesus e ra yag ni nge ayuweg neg nggu thil — Moey ngak Kristus, ke yib rok Casey Childs