Psalms 102–103; 110; 116–119; 127–128; 135–139; 146–150

Mu guy rogon ni ke weliy e Psalm 102:1–11 ko rogon e m’agfan’ ni ma yib ko ngiyal’ ni gadad be yean u fithik e gafgow. I gur nge boch e gidii’ e bay ni kam thamiyed rogon e biney. Napan e bay mu be’eg e Psalms 102:12–28; 103; 116, magsap nag e thin ni be pi’ e athamgil ngaom ko “pining fithingan Somoel” ulan e yafos rom (Psalm 116:13). Ra yag ni ngam mark nag, fa mu fil rogon, fa mu weliy ngak be’ e pin’en ni be pi’ e athap rom ngak.

Ngkum guy ko Isaiah 25:8; Hebrews 2:17–18; Alma 7:11–13; Camille N. Johnson, “Christ Is Relief,” Liahona, May 2023, 81–83; “Where Can I Turn for Peace?” (Hymns, no. 129).

Ulan e Psalms e basug mornga’agen e mulwol riy nib sor fan ko yafos rok Yesus Kristus nge rogon e machib rok u fayleng. Ba’aray boech kanawo’en:

• Psalm 110:1–4 (muguy ko Matthew 22:41–45; Hebrews 5:4–10; 6:20)

• Psalm 118:22 (muguy ko Matthew 21:42; Acts 4:10–11; 1 Peter 2:7)

• Psalm 118:25–26 (muguy ko Matthew 21:9)

Mang e be machib nag e pi verse ney ngom ko mornga’agen Yesus Kristus? Mang fan nib ga fan ni ngan nang e pin’ey ni mornga’agen?

Psalm 119 bo’or e fanathin riy ni be tabrogon nag e yafos rodad ko ba milekag nra sulweg dad ngak e Chitamangiy nu Tharmiy. Napan e bay mu be’eg, mag sap nag e thin ni woed e “folwok,” “yan u kanawo’en,” “pow’iyeg,” nge “mu ayuwegneg nge dab gu pi’ keru’ug.” Mu tafney nag rogon e milekag ko yafos rom—ggin ni um moey riy, ggin ni gabay riy e chiney, nga ggin ni ngam sor ngay. Mang e kam fil ko mornga’gaen e malekag rom ko sul nga tabinaew ulan e psalms? Mang e kam fil ko rogon e malekag ko boch e gidii’ nib thil ngom? Mang e ke pi’ Got nra ayuwegdad ko par u lan fare kanawo’en e motochiyel, ni bay ko psalms?

Mu tafney nag bangi yal’ ni mu leak ba pi i kanawo’ fa ba map ni fekem ko gin nib t’uf ni ngam maen ngay. Mang e kam fil ko biney ni ke buch rom ko laek wo’en e kanawo’ ku Got?

Bo’or boch e chep nib thothup, ni ma weliy Somoel nga fapi profet rok mornga’gaen ba pi’ i kanawo’. Baraay boch wo’en u tanggin. Mu be’eg e pi verse ney mag yoloey fa mu weliy ngak be’ e tin ni kam fil mornga’agen.

Pin’ey nib riyul’ e ba uw rogon nra ayuwegnem ngam par ulan fare pi i kanawo’ ku Got?

Ku mang e boch banaan nra yag ni ngam fil ko mulwol rok President Russell M. Nelson?

“Faanra malekag ko yafos rodad eba t’uf ni nge mon’og, ma rib t’uf ni ngad dared ko kanawo’ ni kan thogthog nag ngodad. I Somoel e ga’ar, “Musap ngog ni gubin ngiyal’; dabi marwaer u wun’uy, fa mu rusgad” (Doctrine and Covenants 6:36]. Ma fapi gidii’ ni Psalmsist e ra yoloeyed, ‘Thin rom e ba magal ni be pow’iyeg, ma tamilang ko kanawo’ rog’ [Psalm 119:105]. …

“Ulan e yafos rom, ma ra yib e gafgow ngom ma kara tun tuggini em. Machane thothup e ra yag ni nge ayuwegem ngam guy e qoloboch ni kam rrin’ me ayuwegem ngam thilyeg e yafos rom. Mra ayuwegnem ni dabkum maen ko kanawo’en e qoloboch. Mag ul’ul’ ngam fil fapi chep nib thothup. Nge mu’ mag kalngan’ mag sul ko fare ‘paʼ i kanawoʼ ney nib wuʼinʼin mab achichig radan nib sor iyaen ko yafos ni gubinfen;’ [2 Nephi 31:18]” (“Living by Scriptural Guidance,” Ensign, Nov. 2000, 17).

Ngkum guy ko Dieter F. Uchtdorf, “The Prodigal and the Road That Leads Home,” Liahona, Nov. 2023, 86–88.

Ulan e Psalm 135:15–18, e gara guy ni dani fel’ ni nge pagaen’ ko got ni dani riyul’. Mang e ga be tafney nag nra yag ni nge lumel nigem nge pagan’um ko boch banaan ni wod e liyos? Kra yag ni ngamu fal’ag reb e list nib sug e pin’en nra yag ni gne rrin’ Somoel, ni wod rogon ni rin’ fapi psalmsist Psalms 134–36. Mang boch banaan ni ke rin’ ni bay fan ngom nrib gel buguwan?

Mang e kam pir’eg ulan e Psalm, 13, 139 nra ayuweg nem ngam nang ni fare Somoel e badaag ma rayag rok ni nge n’agfan e kireb rom? Biney nib riyul’ e ba uw rogon ni be gagiyeg nag e yafos rom nge pin’en ni ga be mel’eg?

Napan e bay mu be’eg e pi thin ney ko pining e sorok ko psalms. mag tafney nag ko mongfan ni gama pining e sorok ngak Somoel. Mang fan nrib t’uf ni ngan pining e sorok ngak? Mang boch e kanawo’ ko rogon nra yag ni ngan pining e sorok ngak?

• I gur fa reb pifakam e ra yag ni nge be’eg e Psalm 102:1–2, ni ga be sapnag rogon ni ma pi’ Somoel e ayuw ngodad ko ngiyal’ ni gadad be gafgow. Ba uw rogon nra yag ni ngad pir’eged e ayuw rok? Ma kra yag ni ngam weliyed u tabaang ko mornga’agen bangiyal’ ni ke t’uf e ayuw rom me fulweg Got tabaan e meybil rom.

• Bay nsana kara adaag pifakam ni ngar weliyed ko ba uw rogon ni ngan par u fithik e lumor. Fa kra yag ni ngar weliyed mornga’agen boch banaan nib momaw’ rogon ni ngan rrin’ u fithik e lumor. Ma kra yag ni ngam fith ngorad ni ngar rin’ed banaan ni yadbe ning owchrad, ni wod e achay ya’an banaan. Mang e kad filed ni bay u lan e Psalm 119:105 ni mornga’agen e thin rok Got?

• Mu sap nag ko pi verse ney banaan ni ke pi’ e Chitamangiy nu Tharmiy nra ayuwegdad ko par ulan e kanawo’ rok:: Psalms 119:47–48; 119:105; 1 Nephi 11:25; 2 Nephi 31:20. Mang e ra yag ni ngad rin’ed ni ngeyag nda pired u lan fare pi i kanawo’ ku Got?

• Ma bay ni kara adaag pifakam ni ngar guyed yaan e sassing ni kan weliy mornga’agen u lan e Psalm 119:105. Ra yag ni ngar yarmiyed ya’an fapi sassing ko ngiyal’ ni yad be be’eg fapi verse. Ma kra yag ni ngam mu yin’ed rebe tang u tabaang ni bay rogon ko biney, ni wod e “Teach Me to Walk in the Light” (Children’s Songbook, 177) fa “I Will Walk with Jesus” (Gospel Library).

• Kra yag ni ngam fal’ag reb e list ko tin ni ga manang mornga’gaen ko pifakam. Ma napan ni bay mu be’eg fare list, mag fith ngak pifakam ko mini’ e ga be weliy mornga’agen. Nge mu’, ma tomuren ni kam be’eged e Psalm 139:1–3 u tabaang, ma ra yag ni ngam ngongliy reb e list ko tin ni manang e Chitamangiy nu Tharmiy nge Yesus ni mornga’agen dad.

• Mu yoloey fapi thin ko Psalm 139:23–24 ngalan e babyor fa dakean e board. Mu pining pifakam ni ngar underline niged e tin nra yag ni nge rrin’ Got ni fan ngodad. Mang fan ni gadadra adaag ni nge rin’ Got e pin’ey?

• Sana ra ya ni nge weliy pifakam bangi yal’ ni pining be’ e sorok ngorad nibochan e kar rin’ed banaan nib mangil. Ra yag ni ngam weliy boche tin nib mangil ni ke rrin’ Somoel ni bay u lan e Psalm 146:6–9 (mu ayuweg pifakam ko thin nib momaw’ rogon ngorad ni ngar nanged fan). Mu pining pifakam ni ngar weliyed boch banaan ni ke rrin ‘ni fan ngodad. Uw rogon nra yag ni ngad pininged e sorok ngak ko pin’ey?