Fapi Profet nge Thogthog

Profet nge prophecy e rib ga’fan ma rib sug mornga’agen u lan fare bin Kakrom e M’ag. Abraham, Isak, nge Jacob ni pig e changar rorad ma ur nonad e ta afweg e thin nu tharmiy. I Moses e non ni be guy Got me weliy e tin ni kan noeg ngak ngak fapi gidii’ nu Israel. Fare bin somm’on nge bin l’agruw e babyor ko Kings e basug mornga’agen e muruwel nge mulwol ko fagli profet Elijah nge Elisha. Fare bin Kakrom e M’ag e bay mornga’agen e profet riy ni bpin ni wod Miriam nge Deborah, nge boch e bpin ni kan tawa’ath nagrad ko nangaen’ ko prophecy, ni wod Rebekah nge Hannah. Ku wod e Psalms ni dani yoloey e profet mornga’agen, e kabsug ko nangaen’ ko prophecy, ni be sapeg dad ko fare wub rok fare Messiah.

Tiney e banaan e gathi bogi banaan nib be’ech ngak e Fare Galasia ku Yesus Kristus ni fan ko Gidii’en Got ko Tin Tomur e Rran. Ya, fare gospel ku Yesus Kristus e ke machib nag ngodad ni fapi profet e gathi kemus ni bogi gidii’ ni kakrom ya bogi gidii’ nrib ga’fan rad ko wo’en e tonom ku Got. Bay nsa boche gidii’ e bayi guy ni fapi profet e bathil ko ngiyal’ fare bin Kakrom e M’ag, machane gadad rodad e gadad be guy ni biney e tabrogon ko ngiyal’ ni Kakrom.

Machane be’eg reb e guruy ko Isaiah fa Ezekiel e bathil rogon ko be’eg e thin ko general conference ko bin President ni bay e chiney ko Galasia. Bochi ngiyal’ mab momaw’ rogon ni ngad nanged fan e pin’en ni be gay rogon fapi profet ni kakrom ni ngeyog ngodad. Ya, rogon e par rodad u fayleng e chiney e bathil rogon ko rogon e par rorad ni kakrom e pin’en ni ka ur prophecy niged. Nge chiney nriyul’ ni bay e profet rodad nib fos e rayog ni gadadra fith: Mongfan nrib t’uf ni—ngad gayed rogon e biney—ko be’eg e thin ko fapi profet ni kakrom?

Machane, gidii’ nchiney e gathi gidii’ nima motoyil ko fapi profet ko bin Kakrom e M’ag. Ya tiney e profet e kemus ni i weliy e tin nib t’uf ko ngiyal’ ni ur moyed ni yad bfos—ni kuwod rogon e profet rodad e chiney ni ma weliy e tin nib t’uf ko tiney e rran ni gadad bay riy e chiney.

Machane demuturug rogon e biney, ya fapi profet e yadma guy boch banaan nga m’on nib ga’fan. Yadma machib nag mornga’agen e tin nib machalbog banaan, ndemuturug e gin ni yadbay riy nge ngiyal’ riy Ma kan tawa’ath nagrad ko thapeg e yi’iy, ma yadma guy ga’angin e muruwl rok Got. Woed, Isaiah ni fanow nag e gidii nibochan e pi denen rorad ko nigyal’ ni i moey. Ma ki yoloey mornga’agen fapi gidii’ nu Isreal ni ayuwegrad go napan 200 e duw nga m’on riy. Ma ki, machib nag e re ayuw ney ni ma gay e gidii’ rok’ Got mornga’agen. Ma ki yoloey bogi prophecy, ni ki yibe son nag, ni nge buch e daba’—ni wod fare michmicheg ko “reb e fayleng nib be’ech” (Isaiah 65:17) ni “bayi tamilangan’rad u murung’agen SOMOL” (Isaiah 11:9), ma fapi gidii’ nu Isreal nra malog gad e bar ra sulod nga tabaang ni “pi nam” e “dab ku ra fal’eged rogorad bayay ni fan ko mael.” (Isaiah 2:4). Bang ko falfalaen’ ni ma yib ko be’eg e thin ko fapi profet ni bay u lan fare bin Kakrom e M’ag ni wod Isaiah e wod ni gadad be guy ni kagdad mu’un ko re muruwel ney nifen e pi ran ney nrib fel usun ni kar guyed nra buch.

E re napan e bay mu be’eg fapi thin ko profet ni kakrom, ma rayog ni ngam guy rogon ni kan yoloey—ma krayog ni ngam guyem ni gab mu’un ngay, fa “ taʼareb [nigem] ngoraed,” (1 Nephi 19:24; ngkum guy ko verse 23). Biney e kabay ni be yipfan ni fare Babylon e rayog ni ngan guy ni ba pow ko denen nge uf, ma gathi kemus ni bangi binaw ni kakrom. Ma ka bay ni be yipfan ni fapi Gidii’ nu Israel e bogi Gidii’ rok Got ni demturug e ngiyal’ riy nge gin ni yad bay riy. Fa krayog ni ngan nangfan ni Zion e fare muruwel ni be un e gidii’ rok Got ngay, ma gathi kemus ni be yipfan e Jerusalem.

Ma rayog ni ngad feked e pi chep ney nib thothup ngalan e yafos rodad nibochan e prophecy riy e ra yag ni nge boch nib thilthil rogon. Wod fare prophecy ni bay u lan e Isaiah 40:3: “Ba lam ni be non ni ba ga’ gaman e be ga’ar, mon’ed bpa’ i kanawo’ u daken e ted ni fan ngak SOMOL.” Ngak fapi gidii’ nin kalbus nagrad u Babylon, bugney e thin e bay ni be yipfan ni bayi bing Somoel wo’en e kalbus rorad ni ngayog nra sulod ngak Jerusalem. fan ngak Matthew, Mark, nge Luke, biney e prophecy e be yipfan John ni ma Tawfe, ni ngongliy kanawo’en machib rok fare Tathapeg napon ni i moey u fayleng. Nge yi’iy nin nthogthog nag ngak Joseph Smith ni biney e prophecy e ku be buch e chiney ni yibe fal’ag wo’en e machib rok Kristus nifan e millennium. Tiney e kagdad be gay rogon ni ngad nanged fan, ni fapi profet ni kakrom e riyul’ ni non rorad e kafan ngodad e dabay. Ma kar machib niged ngodad bogi banaan nrib fel’, tin nib riyul’ nib machalbog ni rib ga’fan ko tin ni kakrom e gidii’ nge fan ngodad e daba’.

Ra yag ni ngam guy ni wod ni gabay ko ngiyal fare bin kakrom e Mʼag nin prophecy nag ni bay Yesus Kristus rorad. Faan gara sap nag, ma rayog ni gara pir’eg, ndemuturug ni faanra danog fithingan. Mu tay u wun’un ni Got ko fare bin Kakrom e Mʼag, Somoel ni Jehovah, e ir Yesus Kristus. Urngin yay nra non e profet ni be weliy mornga’agen e n’en ni be rin’ Somoel fa n’en ni bayi rin’, ma yadbe non ni yadbe weliy mornga’agen fare Tathapeg.

Kra yag ni ngam guy ko Facha’ nin Yibliy, Tabayul, nge fare lik’ngin e gaal’ ni yib ko gidii’ rok David ni Pilung. Gubin e pin’en nin prophecy nag ni mornga’agen Yesus Kristus. Ma gara guy, ni pin’ey ni gara be’eg e bogi banaan ni mornga’agen e ayuweg, n’agfan, babulnag, nge fulweg yarmen. Faan gara tay fare Tathapeg u lanin’um, ma pi prophecy ney e yadra powi’iyem ngak fare Fak Got. Ra ngan nangfan, mornga’agen e prophecy ma wod ni ngan thapeg e “nangaen’ ko prophecy,” ni wod rogon ni yog John ngodad ni wod “fapi thin ni yib i yog e Kan Nthothup rok Got” (Revelation 19:10).