Prophecy nibe Buch

Brothers nge sisters, gub falfalen’ ni nggu non ko biney e general conference ni mornga’agen fare Yan Somm’on nike Guy Joseph Smith e Chitamangiy nge Faak, ni Yesus Kristus, u lane, gin’en, ni dariy e duwer riy, fithik e Paan nib Thothup. Binem nike buch e ba falel’ ko fare gospel nike Sulyarmen nge gubin e pin’en nikan dag, ni tabab ko fare Babyor ku Mormon nge mada’ ko mat’won nge pi kiy ko fare priesthood, nge bin riyul’ e Galasia rok Somoel, pi temple rok Got, nge pi profet nge pi apostle ni yaed be gagyeg nag fare murwel u tiney e rran ni tomur.

Rogon nikan fal’eg u tharmiy, ma pi profet rok Got ni kakrom, e napan ni ra gagyeg nag raed fare Kan ni Thothup, e ri weliyed mornga’agen fare Sulyarmen nge n’en ni ra buch ko rran rodaed, bin tomur e mfen nge ngiyal’ ni rib falel’. Fare murwel “e ri falfalen’” fapi tathogthog ni kakrom ngay.¹ Bukun e mfen ni yaen, ma kan weliy, kan lik’ay nag, kan guy, ma kan noeg mornga’agen gil’ilungun Got u dakean e fayleng, n’en nike yoeg Isaiah e “ba muruwel nib maʼangʼang” ngay.²

Pin’en nikan noeg e ke buch u dakean fare gospel rok Yesus Kristus nike Sulyarmen, nib mu’un Fare Galasia ku Yesus Kristus ni fan ko Gidii’en Got ko Tin Tomur e Rran, e bo’or. Machane, daba’, e gura weliy in ni gu ba’adag. Tiney e ke fil e sensey rog ko Primary ngog nge nina’ rog.

Daniel, ni taleg fapi layon ko mich rok nga Somoel ni Yesus Kristus ma be non ni pa’ e pi angel rok Got, e cha’an ni guy e rran rodaed u lik’ay. I yoeg e fan e lik’ay rok Nebuchadnezzar ni Pilung nu Babylonian, ni yoeg mornga’agen fare Galasia rok Somoel ni ra sum u lane tin tomur e rran ni woed nochi malang nike “mul u taban bangi war nib tolang ndariy be’ ni math ngay.”³ “Ndariy be’ ni math ngay,” e be yup fan e mithmith, ni fare Galasia rok Somoel e ra garer nge taw ko ngiyal’ nike suguy dakean e fayleng “ni dab [ki] puth … [machane nge] suwon nib manemus.”⁴

Gadaed e chonggin e Galasia, u dakean ga’ngin yang u fayleng, ni yibe yaliy ma yibe motoyil ko conference e daba’ e rib falel’ rogon nikan guy e thin rok Daniel nike buch.

Apostle Paul nib yul’yul’ e weliy e “ngiyal’ ni nge thiliyeg Got urngin ban’en riy nge be’echnag … ni kakrom.”⁵ Apostle Paul e yoloey ni ngiyal’ nib falel’, me Got e ra “kunuy … urngin e tin ni sunumeg ban’en nga ta’bang,”⁶ “fare malang ni ir e ba th’abi ga’ fan ko re def nem e aram Yesus Kristus.”⁷ Ku thamiy ni pi prophecy nem nib gel napan ni gu un i bing fare Rome Italy Temple. Gubin fapi profet nge apostle e ba’ u rom ni yaed be micheg mornga’agen Yesus Kristus, fare Tabiyul ko fayleng, ni woed Peter nge Paul. Fare Galasia e pow ko binem nike buch, walagey ni pumo’on nge bpin, nge chonggin e galasia e pi tamicheg ko pi prophecy nem ni kab kakrom.

Joseph nu Egypt e yoeg ni lane tin tomur e rran: “Bay beeʼ nib tathogthog banʼen u dakean ni bayi sunmiy Somoel ni Got rog, niʼir beeʼ nib tathogthog banʼen u dakean ni bay ni melʼeg u waʼamngini neag.”⁸ “Rinʼ ba muruwel [rok Somoel].”⁹ Joseph SMith, ni fare profet ko Sulyarmen, e chaʼnem nib tathogthog.

John ni fare Revelator e weliy morngaʼagen ba angel rok e En Gaʼ nibe kunuy e tin nib gaʼfan ko fare Sulyarmen ko pi thin ney: “Mu guy yugu reb e engel ni be changeg nib tolang u fithikʼ e nifeng, ni bay rok e thin ni dabi math biʼid, ni Thin Ni Bfelʼ ni nge weliy ngak e girdiʼ nu fayleng, ni urngin e pi nam, nge ganong nge thin nge gubin mit e girdiʼ.”¹⁰ Moroni e re angel nem. Ke guy e rran rodaed ni rogon nikan yoloey nga lan fare ke Babyor ku Mormon. Ke mʼug ni bukun yay, ke falʼeg rogon Joseph Smith ko birok e murwel, ni nge pilyeg e thin ko fare Babyor ku Mormon: Kureb e Mʼag rokʼ Yesus Kristus.

Boech e profet kafram e kar yoeged e rran rodaed. Malaki e weliy morngaʼagen Elijah ni ra “fulweg e pi matam nge pi bitir nga taʼbang bayay.”¹¹ Ke yib Elijah, ma chiney, e baʼ 168 e temple u dakean e fayleng. Ra reb ma ba sug ko chonggin e galasia ni yibe ngongliy e mʼag ma yibe thapeg e pi gamʼing ni fan ngoraed nge gidiiʼ roraed nike yimʼ. Biney e murwel nib thothup e ke weliy Malaki ni “lukngun ko tanam rok e Tasunmiy ni fan ko yafas nib manemus rok e bitir Rok.”¹²

Gadaed baʼ ko ngiyalʼ nem ni kan noeg; gadaed e pi gidiiʼ nikan noeg ngodaed ni ngad ayuw gaed ni fan ko bin Lʼagruw e Wub rok Yesus Kristus; gadaed e ngad kunuyed e bitir rok Got, piʼin ni ra motoyil me adag e tin riyulʼ, nge pi mʼag, nge pi micheg ko fare gospel nib manechubog. Ke ga’ar Nelson “fa bin tha’abi gaʼfan e sikeng, fa bin tha’abi ga’fan e n’en ninge buch,nge fa bin tha’abi ga’fan e murwel u dakean e fayleng e daba’.”¹³ Binem e maʼangʼang e gube micheg nag.

President Russell M. Nelson e yoeg ngog, u lane February ko re duw ney, ni nggu yibliy fare Durban South Africa Temple. Ba rran ni dabgu pagtilin u lane yafas rog. Gu ba’ ko chonggin e galasia ni kar baed ko fare gospel ni woed nike yoeg Jeremiah ni kab kakrom—“ta’ab gimed u ra reb fa yochi binaw nge lalag’ruw i gimed u ba kan girdi’.”¹⁴ Fare machib rok Yesus Kristus e ma ta’reb nag daed ni gubin—u dakean e fayleng—ni pumo’on nge bpin ni pifaak Got, ni wi ba walag u lan fare gospel. Demtrug rogon ya’am fa rogon e maad rom, ma gadaed ta’reb ni gidii’ ni ba’ e Chitamangiy nu Tharmiy ni tanam rok ko somm’on e nge fulweg biyay e tabinaew Rok nga ta’abang ni ngan ngongliy e pi m’ag u lane temple nib thothup man fol riy.

Thin ngak e pi’in niba’ fare priesthood roraed ni dan yo’or gaed u lan boech na’un ko skul u Kirtland, Ohio, ko 1834, me ga’ar Profet Joseph, “Ri in e Priesthood e gabe guy ko re balayal’ ney, machane re Galasia ney e ra suguy yu Mariken u Lel’uch nge Yimuch—ra suguy e fayleng.”¹⁵

Fapi duw ni kaffini thimur ma ku ug milekag u fayleng ni ngguy chonggin e Galasia. Pi brothers rog u lan fare Ulung ko fare Ragag nge L’agruw e ku ta’ab rogon e murwel ni ngar rrin’ed. Machane, mini’ e rayog ni nge nang gubin ban’en nibe rrin’ e profet rodaed, i President Nelson, ni bin somm’on e milekag rok u lan l’agruw e duw nib president ko Galasia e yaen ni nge mada’eg e Gidii’en Got ko “guyey nge l’agruw e naam nge naam niba’ u tan yu Mariken”¹⁶ ni nge micheg mornga’agen Kristus nib fas.

Kugu manang napan ni gu thapeg e call ko mission rog ni kab fal’ yangreg. Gu baadag ni nggu pigpig u Germany, ni boed e chitamangig, walageg nib pagael, nge pumo’on ko walageg nib bpin. Danug soen nag bee’ nibe taw nga tabinaew, mug mil ko gin nima yib e mail ngay mug bing. Mug bi’eg ni kan piningeg ni nggu waen ko Eastern States Mission ni ba’ u lan yu New York City. Ke kireban’ug, ere mug wan nga lane na’un mug bing e babyor nib thothup rog ni gube gay e gapas. Mug tabab i bi’eg e Doctrine and Covenants ni ga’ar: “Musap, muguy, bo’or e gidii’ ko giney, nge gin nib liyeg; ma ra mab e maab ko binaew ko giney ko ngek.”¹⁷ Binem e prophecy, nikan pi’ ngak Profet Joseph Smith ko 1833, e fan ngog. Ku nang e roffen nem, ni kan piningeg ko re mission ni ba’adag Somoel ni nggu pigpig riy. Gu paer u rom ni l’agruw e duw ni gube machib nag mornga’agen fare Sulyarmen nge n’en nike buch riy ko somm’on napan ni non e Chitamangdaed nu Tharmiy ngak Joseph Smith ni ga’ar, “Iraray Faakaf nib Tu’uf Rog. Motoyil Ngak!”¹⁸

Prophecy rok Isaiah e n’en ni weliy mornga’agen e Galasia, nib pag 700 e duw um’on nikan gargeleg Yesus Kristus ni ga’ar: “Tin bayib e rran nga m’on e re burey ni bay e Tempel riy e bayi par ni ir e th’abi tolang u fithik’ gubin e burey, … pire’ e nam ni bay rabad ngay.”¹⁹

Tafney rog e daba’ ma gube leam nag bukun milyon e chonggin e galasia rodaed nge tafagar rodaed ni yib ta’areb ko pinn’ey nibe buch u tibi, internet, fa kuboech ban’en. Gamaed be paer nga but ni woed ni gadaed bay u ta’abang ko bin “th’abi tolang u fithik’ e burey.”²⁰ Brigham Young e cha’an ni ga’ar “Iraray e ra gin’en.”²¹ Fapi Gidii’en Got, e boech i giyaed e gidii’ rog ni kakrom, ni ri murwel gaed ni ngan toey e Zion u fithik e Burey nib Malang “u tan pa’ e cha’an nib ga’ lungun ko gubin e naam u fayleng”²²

Gube sak’iy e daba’ u dakean e gin nib thothup ni ki pining bukun e milyon e gidii’. Lane 2002, me tay e Salt Lake City fare Winter Olympic Games. Fare Tabernacle Choir e ri tang gaed, ma Galasia e ta e concert nge pi n’en ni yibe rrin’ boech ni fan ko gidii’ nike yib ko bukun, e naam. Gubin ngiyal’ ma gura tafney nag ni ku guy fare temple ko tomur napan nibe non e pi’in ko news nibe yan ko ga’angin yang u dakean e fayleng.

Bukun e duw nga m’on, ma president ko yu Mariken, pilung, pi’in nima pufthin, padrey, ambasador, nge gidii’ ko ofis ko bukun e naam e yib nga Salt Lake City ni ngan mad’eg e toygang’ rodaed. President Nelson e non ngak e pi toygang’ ko National Association ni fan ko Gidii’ ni Bay Ram’en Dow ni ngan Fal’eg rogon, yu Mariken e ni fal’eg e motochiyel ni dabin siyeg e gidii’ ni bachane gin ni bay riy. Kugu manang ni gube sak’iy u to’ben e pi toygang ney napan ni President Nelson, Chairman Leon W. Russell, nge Reverend Amos Brown e ri weliyed “rogon ni nge yib e gapas ko fayleng.”²³

Ka bo’or e gidii’ ni yib nga Temple Square man mada’ nag e pi toygang’ ko Galasia. Woed ni, biney e duw nike thmur, ni nggog in, ma kug mada’ niged fare United Nations 68th Civil Society Conference, ni bukun e gidii’ u dakean e naam, nge somm’on roraed ni kar baed nga wuru’ e New York City. Ku mada’ niged e Ulung u Vietnam ni fan ko Rogon e Taliw, pi ambasador u Cuba, Malile’, Argentina, Romania, Sudan, Qatar, nge Saudi Arabia. Ku mada’ niged e secretary general ko Muslim World League.

N’en ni gube weliy e be buch e n’en nike yoeg Isaiah ni ra lan e tin tomur e rran, ma bukun e naam e ra yib na lane “burey ni bay e tempel riy.”²⁴ Fare Salt Lake Temple e bay u lukngun e binem nib falel’.

Gathi ya’an e binaew e ke mit owchen e gidii’ ngay, fal’ ya’an; machane taliw niba’ e kan thothup riy, nibe ga’, nib mangil, nib gol niba’ ko Fare Galasia ku Yesus Kristus ni fan ko Gidii’en Got ko Tin Tomur e Rran nge gidii’ riy; tu’ufeg rodaed nga Got nge m’ag rodaed ko tin nib ga’fan, e n’en nike ga’ar Joseph Smith ngay, “fan ngak Kristus”²⁵

Danug nanged ko mangiyal’ e ra sul fare Tathapeg, machane biney e gadaed manang. Ngarin fal’eged rogon daed u lan gumircha’en daed, ngan yul’yul’ ni ngan thapeg, man falfalen’ ni ngam mang bang ko n’en nike noeg ni kab kakrom.

Gube micheg ni President Russell M. Nelson e profet rok Somoel u dakean e fayleng, ma pi’in ni ba’ u to’ben e pi Apostle rok Got, nikan ta’ raed ni ngar manged e pi profet, tathogthog, nge ta yi’iy. Ma, pi brothers nge sister rog, be ulul fare Sulyarmen.

Nggu museg ko thin rok Joseph Smith, thin ni gube micheg e ba riyul’: “Dariy bee’ nib kireb ni rayog ni nge taleg e murwel ni dabi buch; gafgow e ra gel, gidii’ ni kireb e ra yib nga ta’abang, salthaw e ra mukun, thin ni go’baen e ra kireb nag, machane tin riyul’ rok Got e ra yan nga m’on dariy e tuntun riy, nib mangil, ma go’ ir, nge taw ko ngiyal’ nike thap ko gubin e naam, gubin e yafang, nge tha ko gubin e binaew, me rung’ag gubin e gidii’, nge taw ko ngiyal’ nike m’ay fan Got, me ga’ar fare Jehovah ni Gubinfen e ke m’ay fare murwel.”²⁶ Gube micheg ni pi thin ney rok Joseph Smith e be buch.

Gube micheg nag ni napan ni gara fol ko thin rok e profet rodaed, i President Russell M. Nelson, nge fapi Apostle, nge kuboech e toygang ko Galasia, nge napan ni gara fal’eg i motoyil ko thin rok e pi profet ni kakrom nikar yoeg ned mornga’agen e rran rodaed, ma lan gumircha’em nge ya’el rom, e ra sug ko, fare kan thothup nge fare murwel ko Sulyarmen. Gube micheg nag ngom ni gara guy pa’ Got u lane yafas rom, gara rung’ag nibe gagyeg nigem, ma gara thamiy e tu’ufeg Rok. U dakean fithngan Yesus Kristus, u fithik e falfalen’ ko fare gospel nge Galasia Rok nikan Fulweg, ni pow ko tu’ufeg Rok ni dariy ban’en ni ta’abrogon ngay, amen.