Proverbs 1–4; 15–16; 22; 31; Eklesiastes 1–3; 11–12

Fare babyor ko Proverbs nge Eklesiastes e rib sug e thin ko gonop riy. Ra yag ni ngamu mark nag fare bugithin ni wod e “gonop” nge thin ni bay rogon ngay, ni wod e “lowaen’” nge “nang fan,” ni bay u lan e Proverbs 1–4; 15–16; Eklesiastes 1–3; 11–12. Tiney e guruy e ba uw rogon ni ma thilyeg e leam rom ko mornga’agen e gonop? Bochan e tin ni kam pir’eg mornga’agen, ba uw rogon nra yag ni ngam weliy rogon e biney e gonop ni ma “pi Somoel”? (Proverbs 2:6). Mit i mang tawa’ath e ma yib nibochan e gonop ni ma pi’ Got?

Ngkum guy ko Matthew 7:24–27; 25:1–13.

Rebe thin ni bo’or yay ni kan pir’eg ulan e Proverbs nge Eklesiastes e “par ni bay madgun SOMOL u wan’um.” Mu sap nag e biney e thin ko napon ni baymu be’eg mornga’agen. Mang e be yipfan ni nge par ni bay madgun Somol u wun’dad? Muguy ko mulwol ni ke yib rok Elder David A. Bednar “Therefore They Hushed Their Fears” (Liahona, May 2015, 46–49). Ba uw rogon nib thil ni nge par ni bay madgun Somoel u wun’um ko boeche murus?

Ngkum guy ko Proverbs 8:13.

Uw rogon nra yag ni ngamu fil ngak be’ nib mangil ni nge “pagaen’ ngak Somol” ko bin bara’ ni ngar “toer gad ko tin ni yad be finey ni yad manang”? (Proverbs 3:5). Mang e ra yag ni ngamu taareb nag ko mornga’agen e biney? Napan e baymu tafney nag e Proverbs 3:5–7, ma ra yag ni ngamu tafney nag e thin nra yag ni nge polo’ nag e pi thin ni baraay: Pagan’uy ngak Somoel e wod … Taga’ gad ko tin ni gadad be finey ni gadad manang e wod …

Mang fan ni dani fel’ ni ngad taga’gad ko tin ni gadad be finey ni gadad manang? Ba uw rogon ni kam pir’eg ni Somoel e ra yag ni nge pagan’dad ngak?

Demuturug rogon, kra yag ni bochi ngiyal’ e ba momaw’ rogon ni nge pagan’dad ngak Somoel. Mang fan e biney? Elder Gerrit W. Gong e weliy e biney, nib mu’un e mulwon ngay nra yag ni nge pi’ e ayuw ngodad, u lan e “Trust Again” (Liahona, Nov. 2021, 97–99). Mang machib fa yaat ni kam pir’eg u lan e biney nra yag ni nge pi’ e ayuw ngak be’ nge fulweg bayaay e mich rok ngak Somoel?

Proverbs 3:6 nge Proverbs 4 e yeog ni yafos e wod ba pi’ i “kanawo’” fa “gin ni yima yaen riy.” Mang e be yipfan ni nge par ni bay madgun Somol “u wun’ [dad]”? (Proverbs 3:6). Mang e kam pir’eg u lan e guruy 4 ni be ayuwegnem ni “ga ra rin’ mra yib i aw nib mat’aw [ngom]”? (verse 26). Mang e be machib nag e verses 11–12 nge 18–19 ko mornga’agen e tawa’ath ni ma yib nibochan e kanawo’ nib mat’aw ni yibe yean riy? Biney e verses 26–27 mang e be yip fan ngom?

Ngkum guy ko 2 Nephi 31:18–21; “Lord, I Would Follow Thee,” Hymns, no. 220.

Tin ni bay u lan e Proverbs 15–16 e bay nra yag ni nge thogthog nag ngom rogon ni ngamu non ngak e gidii’, nrib ga’ ni tin baraay e gidii’ ni rib t’uf rom. Mu tafney nag bangi yal’, ni “fulweg ku be’ nib sumunguy “ e ayuweg nge “[chuweg] e damumuw” (Proverbs 15:1).

Ma kra yag ni ngamu tafney nag bangi yal’ ni dag fare Tathapeg rogon e tiney e machib ni bay u lan e Proverbs 15:1–4, 18 (muguy ko Mark 12:13–17; John 8:1–11). Uw rogon nra yag ni ngam rin’ ni wod rogon ni ke dag rogon ko ngiya’ ni bay mu non ngak be’?

Tiney e mulwol ni bay u lan e Proverbs 15; 16:24–32 e ba uw rogon ni bay rogon ko rogon ni gadad ma non ngak e gidii’ u online fa digital? Mu gay ko pi verse ney ni bay ko pi guruy ney ni ra yag ni ngamu thilyeg rogon e thin riy ni fan ko rogon e numon rodad ko social media nge rogon e numon rodad ko text.

Ngkum guy ko Neil L. Andersen, “Following Jesus: Being a Peacemaker,” Liahona, May 2022, 17–20; Ronald A. Rasband, “Words Matter,” Liahona, May 2024, 70–77; Fan ko Gelngin e Pi’in ni Fal’yangren: Babyoren e Powi’iy ko Rogon ni ngan Me’eleg (2022), 11–12.

Proverbs 31:10–31 e weliy rogon “bin bfel’ e bpin,” fa bin ni bpin nib gel buguwon e thothup rok, nge gelinggin, nge tin nra yag ni nge rin’. Ma kra yag ni ngam ngochnag e pi thin ney ko pi verse ney ni be weliy mit e pi bpin ney nri yad bfel’. Bin ngan ko pin’ey e ra yag ni ngam gay rogon?

Mang fan nib t’uf ni ngam tafney nag ni biney e fayleng, ni wod rogon ni ke weliy e Eklesiastes 1–2 e wod, nib “kireb” (e rib ngoch napan ma dani ga’fan)? Mang e kam pir’eg u lan e Eklesiastes 12 nib ga’ fan ko biney e yafos nib machalbog?

• Ra ngam ayuweg pifakam ni ngar nanged fan e madgun ngak Got, ma ra yag ni ngam thilyeg fare bugithin ni “madgun” ko thin ni wod e tayfan, tu’ufeg, fa liyoer (ngkum guy ko Hebrews 12:28). Tiney e verse e ba uw rogon ni be ayuweg dad ko pin’en ni gadad be tafney nag? Uw rogon nra yag ni ngad daged ni bay madgun dad ngak Somoel?

• I Gur nge pifakam e ra yag ni ngam marod u ya’an e pin’en ni bay u lan e Proverbs 3:5–7, ni wod e ngam fal’aged ya’an e hart u ya’an pa’ med, bugbug nga barba’, fa mu folwok gad ko gin ni gamad ba sak’iy riy, nge sapeg pa’am nga owchem. Uw rogon nra yag ni ngad daged ni be pagan’dad ngak Yesus Kristus u polo’ i lanin’um?

• Ra ngam dag ngak pifakam ko mang e be yipfan e “ri dab mu toer ko tin ga be finey ni ga manang” (Proverbs 3:5), ma ra yag ni ngamu piningrad ni ngar pi’ keru’rad ko bangi banaan, ni wod e rungrung. Nge mu’ mag pagrad ngar pi’ed keru’rad nga banaan ni wod, e wolgow. Fa kra yag ni ngar feked buchreb pa’ e gek’iy fa pencil ngar sak’iy niged nga bangi banaan nib gel, ni wod baken e babyor fa buchi babyor. Mang fan nrib ga’ fan ni nge “pagaen’ ngak Somol” (verse 5) ma gathi “tin ga be finey ni ga manang”?

• Sana kra yag ni ngam tafney niged pifakam bangi yal’ ni kar thamiyed e dumumuw. Be’eged e Proverbs 15:1 u tabaang, mag ayuweg pifakam ni ngar gayed rogon e pin’ey ni bay u lan fare verse ko tin ni kar tafney niged. Ma sana ra yag ni ngar gayed rogon e “fulweg nib sumunguy.” Reb e tang ko mornga’agen e t’ufeg, ni wod e “Love Is Spoken Here” (Children’s Songbook, 190–91), e ra yag ni nge pi’ e ayuw ko rogon i fil e biney e yalen.

• Ra ngan fil ko mang e be yipfan e “saga’al ko dumumuw” (Proverbs 15:18), I Gur nge pifakam e ra yag ni ngamu tafney niged bangi yal’ ni mu (fa be’ ni gamanang) ni thamiy e dumumuw machane mel’eg ni nge dag e t’ufeg. Mu ayuweg pifakam ni ngar tafney niged bogi banaan nra yag ni nge rib ko tafney rorad nrib papay ni faanra yadba adag ni ngar daged e “saga’al ko dumumuw.” Ni woed, ni ra yag ni ngad papay niged dad ngad tafney niged Yesus, ning e ayuw ngak e Chitamangiy nu Tharmiy, tafney nag reb e tang ko Primary, fa, faan ra yag, chuw ko giney.