Isaiah 1–12

Fare Tathapeg e machib nag ni “gubin e pin’en ni ke weliy [Isaiah] make buch nge tin ni bayi buch, ni boed rogon e pi thin ni ke weliy” (3 Nephi 23:3). Napan e bay mu be’eg mornga’agen fare babyor ku Isaiah, ma rayog ni ngam fal’ag reb e chart ni wod ya’an e biney: fapi ran ku Isaiah, Machib u fayleng ni rin fare Tathapeg, nge Fare tin tomur e rran. Rayog ni ngam guy ni fapi prophecies ku Isaiah e be buch ni gathi kemus ni taareb kanawo’en (muguy ko Bible Dictionary, “Isaiah”).

President Dallin H. Oaks e machib nag: “Fare babyor ku Isaiah e basug e thin ko prophecy riy ni gathi tabaan ni be yupfan. Ya ba mu’un fan e gidii’ riy ko ngiyal’ ni i moey Isaiah fa fan ngak e bin migid e mfen. Kureb e banaan ni be yipfan, ni wod e pow, e wod fare ngiyal’ ni buch ko ngiyal’ ne time ko meridian, ko napon nin gathay nag yu Jerusalem nge gidii’ riy ni wagagay nagrad u tomuren nin kuruth nag fare Fak Got. Kureb e banaan ni yibe son nag ni nge buch ni kan prophecy nag ni tabrogon ko biney e wod fare bin L’agruw e Wub rok fare Tathapeg. Bochan e pi prophecy ney ni taareb banaan e be yoeg machane bo’or e pin’en ni be yipfan e aram fan nrib ga’ fan ni ngad taga’gad ko fare Kan ni Thothup ni nge pilyeg e pin’ey ni ngeyog ni ngad nanged fan” (“Scripture Reading and Revelation,” Ensign, Jan. 1995, 8).

Ku wod e profet ni gubin mit, kumus ku Isaiah ni tay chiylen ngak e gidii’ mornga’agen e pi ngongol rorad nib thothup. Napan e bay mu be’eg e Isaiah 1; 3; 5, mag sap nag e thin ni be weliy rogon ngonglen e pi gidii’ ney ni dani thothup, (muguy ko, ni wod e, Isaiah 1:2–4, 21–23; 3:9, 16–17; 5:11–12, 20–23). Mang e ga be guy riy ni tabrogon ko nigyal’ ni gadad bay riy e chiney? Ma krayog ni ngam guy ko boch e verse ni be weliy mornga’agen e pi Isrealite ney ni dani thothup (ni wod e Isaiah 1:7; 3:17–26; 5:5–7, 13–15).

U fithik e tin ni yibe tay chiylen, ma ki pi’ Isaiah e mulwol ko athap ko bayul nigey ni ma yib u dakean fare Tathapeg (muguy, ni wod e Isaiah 1:16–19, 25–27; 3:10; 4). Mang e kam fil ko pi mulwol ney ni mornga’agen Somoel? Ba uw rogon nib thil e tiney e mulwol ni ke yib rok Somoel ko tin ni badaag Mo’oniyan’ ni nge michu wan’dad ngay?

Ku wod rogon ni rin’ Isaiah, e ku tab rogon ko pi profet rodad e dabay ni yad be tay chiylen ngodad mornga’agen e denen nge tin nra yib u tomuren, ma ki yad be mulwol ngodad ni bay e athap ni ma yib u dakean Yesus Kristus. Mang reb kanawo’en e biney nrayag ni ngam tafney nag? Rayag ni ngam sul ngam be’eg fapi mulwol ni ke yib ko general conference, ni ga be sap nag mornga’agen e pin’ey riy ni kan tay chiylen ma kan michmicheg.

Bo’or e prophecy nitay Isaiah nibay rogon fan ko tiney eran ni gadad bay riy. Ra ngam pir’eg e biney, ma rayog ni ngam sap nag ko future-tense verbs (ni wod e “ra buch” fa “bayi buch”). Wod, napan e bay mu be’eg e Isaiah 2; 4; 11–12mag sap nag e pi verse ney riy. Ma krayog ni ngam mon’ ngaloen e present-tense verbs (ni wod e bayi fa bayi yean). Bin ngan ko pi prophecies ney e ri gabadag? Mang e kam fil ni mornga’agen e pi prophecies ney ni bay rogon ko Zion, dumow tempel, nge kunuy pi yu Isreal nga tabaang?

Isaiah 2:2–3 e ri bay rogon ko Gidii’en Got ko tin Tomur e Rran. Ur rogon ni be yibi buch e pin’ey ni kan prophecy nag? Mang e kam fil ni mornga’agen e “kanawo’” rok Somoel nra yan ngalan fare nu’un rok? (verse 3).

Ngkum guy ko Isaiah 5:26; “High on the Mountain Top,” Hymns, no. 5.

U lan e Isaiah 6, e bay mornga’agen rogon nin pining Isaiah ni nge mang profet. Napan e bay mu be’eg e biney e guruy, ma mang e ran’en ni ri gabadag ni buch rok Isaiah? Bochan e biney e guruy ni kam be’eg ba uw rogon e tafney rom ngak Somoel, ngak e profet rok, nge rogon e muruwel ni kan piningrad ni ngar rin’ed?

Napan e ngiyal’ e machib ku Isaiah, meyib yu Isreal nga Syria ngar tareb gow nga tabaang ni ngar cham gow ngak e gidii’ nu Assyria. Ma Isreal nge Syria e yow badaag ni ngar tawosor gow ngak Ahaz, ni’ir e pilung nu Judah, ni nge un ngorow ko cham. Isaiah e prophesy nag ni dabi buch e biney me mulwol nag ngak Ahaz ni nge pagaen’ ngak Somol (Isaiah 7:7–9; 8:12–13).

Napan e be mulwol Isaiah ngak Ahaz, me yoeg ngak boch banaan ni ke prophecy nag, ni baraay mornga’agen u lan e Isaiah 7:14; 8:13–14; 9:2, 6–7. Tiney e prophecy ni fanay Ahaz, e ku bay rogon ngak Yesus Kristus (ngkum guy ko Matthew 1:21–23; 4:16; 21:44; Luke 1:31–33). Mang fan ni biney e ngochol ni “Immanual” e rib fel’ ni nge mang fithingan fare Tathapeg? (muguy ko Matthew 1:23). Ba uw rogon nike mange “Counsellor” fa “Pilung ko Gapas” ngom? (Isaiah 9:7). Mang boch banaan nikam fil ko pi verse ney ni mornga’agen fare Tathapeg?

• U Isaiah 1:2–4, i Gur nge pifakam erayog ni ngamu pir’eged fan ni dani falfalaen’ Somoel ngak fapi gidii’. Kan tarebnag mornga’agen ko fapi gamanman nibay ko verse 3—mini’ e “masta” rodad? Uw rogon nra yag ni ngad daged ni gadad manang?

• Ra ngan guy rogon e Isaiah 1:16–18, i Gur nge pifakam erayog ni ngamu sapgad nga ban’en nirib mat’ rama’en nib rowrow nge ban’an nirib wechwch rama’en. Fa krayag ni ngamu muruwel gadu ta’abang ngam lukuyed ban’en. Uw rogon ni gadad ma alit kotin ni dani thothup ban’en? Uw rogon ni ma ayuwegdad Yesus nge be’ech nagdad? Mang boch banaan nikad filed ko pi verse ney ni mornga’agen fare Tathapeg? Mu weliy ngak pifakam ko pin’en ni gabe tafney nag ngak nge pin’en nike rin’ nifan ngom.

• Isaiah e guy bangiyal’ ni “burey ni bay e Tempel riy” ma “Pire’ e nam” ni bay rabad ngay (Isaiah 2:2). Uw rogon marayog ni ngamu ayuweg pifakam nge falfalalen’rad ko yean ngalane naun rok Somoel? Rayog ni ngamu piningrad ngar drowing niged ya’an e tabinaew rorad. Nge mu’ magmed be’eg e utabaang e Isaiah 2:2, mag piningrad ni ngar drowing niged ya’an e “naun rok Somoel,” ni aram ni ya’an fare temple. Mbe’eged utabaang e Isaiah 2:3. Piningrad ningar uneged ya’ane gidii’ ngay ni bo’or nibe yib ko temple, nib mu’un gathone tabinaew rorad ngay.

• Ma krayog ni ngamu be’eged e Isaiah 2:2–3 utabaang magmed gay epin’en nibe thogthog nag ngom nge pifakam ni ngam marod nga temple. Ma, tomuren nikam mu’gadi be’eg e Isaiah 2:4 utabaang, ma rayog ni ngamu weliy rogon nima pi’ e temple e gapas. Rayog ni ngamu yon’ede tang ni mornga’agen e temple, ni wod e “I Love to See the Temple” (Children’s Songbook, 95). Mu ayuweg pifakam ni ngar gayed boche thin nibay ulane fare tang ko mornga’agen e temple nge n’en ni yima rin’ u rom.

• Ra ngan weliy e prophecy ni yoeg Isaiah ko mornga’gen Kristus, I Gur nge pifakam e rayog ni ngam weliyed mornga’gen fapi liw ko gidii’, ni wod e president, bisof, nge sensey. Pi liw ney ni bay ko pi gidii’ ney e mang e be yipfan? Mu ayuwg pifakam ngar gayed e pi fithinga e pi liw ney ni i moey ku Yesus Kristus ni bay u lan e Isaiah 7:14 nge 9:6–7 (ngkum guy ko fare activity pagy ko biney e wik). Mang e be machib nag e pi liw ney ni mornga’agen? Mang boch banaan ni kagdad be fil ko pi verse ney ni mornga’agen Yesus Kristus?

• Ma krayog ni ngam weliy ngak pifakam mornga’agen “Isaiah ni’ir fare profet” (u lan e Fapi Yaat ko Bin Kakrom e M’ag, 150–51). Nga um tal magfith ko mange manang Isaiah ni mornga’agen Yesus Kristus ko boche duw riy nga m’on nin gargeleg. Rayog ni ngamu fanay e Matthew 1:21–23; Luke 1:31–33 ko mornga’agen e prophecy nitay Isaiah ulane Isaiah 7:14; 9:6–7 kotin nike buch.

  

  1:18