“September 21–27. ‘Ba Muruwel nib Maʼangʼang Mabʼangʼang’: Isaiah 13–14; 22; 24–30; 35,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)
“September 21–27. ‘Ba Muruwel nib Maʼangʼang Mabʼangʼang,’” Come, Follow Me: 2026
Sacred Grove, ke yib rok Brent Borup
September 21– 27: “Ba Muruwel nib Maʼangʼang Mabʼangʼang”
Isaiah 13–14; 22; 24–30; 35
Rebe ban’en nike fith Somoel ngak fapi profet e ngar ted chiylen e pin’en nra buchu tomuren nikan rin’ e denen. Biney ebe yipfan ni, fapi profet ko bin Kakrom e M’ag e bat’uf ningar roged ngak fapi gidii’ nibga’ nibe gagiyegnage nam ni ngar kalngan’gad. Bineye muruwel erib gel e momaw’ riy, machane Isaiah e darma yibe murus ngak, ma pin’en ni chiylen ngak fapi nam nib ga’gang’—e bmu’un yu Irael ngay, nge Judah, nge ku boche nam nib liyeg—erib gel maarin epin’en ni i yoeg ngorad (muguy ko Isaiah 13–23).
Machane araom rogon, ma kubaye mulwol ko athap ni’i weliy Isaiah. Darifan ni aram rogon nibuche pin’ey nikan prophecy nag ni yira gathay nag epi nam ney, ya Isaiah e guy ngam’on riy ni kiyra fulweg nge yarmen min be’ech nag biyay. Ma Somoel era mulwol ngak e gidii’ rok ningar sulod ngak. Mara ngongliy ni “bayi ngal’ ni bangi lipath, ma yungi but’ nike mlik e bayi sug ko alublub” (Isaiah 35:7). Mara rin’ bogi “muruwel nib maʼangʼang mabʼangʼang,” (Isaiah 29:14), mu fulweg ngak pi yu Israel fapi tawa’ath ni michmicheg nag ngorad. Dariy be’ nikumus ku Isaiah mabay nib fos nike guy rogone bineye muruwel nib maʼangʼang mabʼangʼang. Machane gadad e gadad be guy e doba’. Ba’aray e riyul’, gadad e gadad be un ko biney.
Kanawo’en i Fil Mornga’agen ulan e Tabinaew nge lane Galasia
Isaiah 13:1–11, 19–22; 14:1–20
Ufanthin nge tinu fayleng ban’en e dabi gel.
Napan e ki’i moey Isaiah, ma Babylon e rebe nam nibay e pilung riy nirib gel. Make chiney makemus ni yigo mornga’agen e Babylon e yimanang mornga’agen. Ere mulwol rok Isaiah ngak yu Babylon, nibay ko Isaiah 13–14, ere mongfan nikab ga’fan ngodad e doba’? Ya bochane Babylon ebe yipfan e ‘uf, chogow, nge denen, ni bogi ban’en nikab liyegdad e daba’. Mu lemnag epi pow ney u napon ni baymu be’eg e Isaiah 13:1–11, 19–22; 14:1–20. Ma bay ni gara fith e duwer ni bod etin ni ba’aray:
-
Mange gabe guy nib tabrogon ko ‘uf ni’i moey ko fare pilung nu Babylon nge ‘uf ku Mo’oniyan’? (muguy ko Isaiah 14:4–20; Moses 4:1–4). Mang boch etin nikan tay chiylen nikam pir’eg nibay kopi verse ney?
-
Uw rogon ni bayi pithig fare Tathapeg rad “ko amith nge gafgow”? (Isaiah 14:3).
“ Mara th’ab gulngan e pi to’ogor romad” (Isaiah 25:8).
Isaiah 22:22–23; 24:21–23; 25:6–8; 26:19; 28:16
Yesus Kristus e ir fare Messiah ni kan michmicheg nag mornga’agen.
Baga’ ni fapi machib ku Isaiah eba sor fan ko fapi muruwel rok fare Tathapeg, nib mu’un fare maligach ko bayul nnitay, Foskoyam’, nge bin L’agruwe Wub rok. Mang ko mornga’agen e muruwel rok ebe yib ko tafney rom ko napon e baymu be’eg e pi verse ney: Isaiah 22:22–23; 24:21–23; 25:6–8; 26:19; 28:16? Mang boche guruy e nikam pir’eg nibe pugoran ngom fare Tathapeg?
Mpag e gidii’ nibe fil ni ngar weliyed etin nibe michu wun’rad ni mornga’agen Yesus Kristus. “Fa’anra ngan machibnag e gospel rok Yesus Kristus mab t’uf ningan ayuweg e gidiii’ ni ngar nangfaned e pi machib rok miyad taga’ gad ngay, ko gelngin e bayul rok, nge t’ufeg rok nib polo’” (Teaching in the Savior’s Way, 8). Rebi kanawo’en ningan rin’ ebiney ko gubin ngiyal’ ni maybu machib e wod ningam fith e duwer ni wod e “Mange kam pir’eg ulane babyor nib thothup nike fil ban’en ngom ni mornga’agen fare Tathapeg?” Nge mu’ mag pagrad ningar weliyed e pin’en nikar filed miyad gel nage mich rorad utabang.
Isaiah 24:1–12; 28:1–8; 29:7–13; 30:8–14
Pi’ ker’um ngak Somoel era feke riyaq iyib ngom ni dani thothup.
U fithik e murnguy rok, me pi’ Somoel Isaiah ni ngabi tay chiylen ngak fapi gidii’ nike ngongliy e michmicheg ngak niyadbe malog Rok. Muguy ko rayog ni ngamu pir’eg e pow kotin nib thothup nikan pi’ nibay ulane Isaiah 24:5; 29:13; 30:8–12. Mang fan ni tiney e ngongol nge ya’an eba kireb ko tin nib thothup ban’en?
Napan ni t’uf ninge tay chiylen etin nra buch ni fa’an yira pi’ ker’uy ngak Somoel, me non Isaiah ni bogi fanethin. Napan e baymu fil mornga’agen, mag fithem ko ba uw rogon ni yima pi’ ker’uy ngak Somoel:
-
Ba fayleng, nib sug ko kirbaen’ (Isaiah 24:1–12).
-
Ra sug ko balyang ko rrum (Isaiah 28:7–8).
-
Maran yim’ ko mak’iy nge balel (Isaiah 29:7–10).
-
Bod bangi rungrung nike yan e tha’al riy ni bod ba th’ib ni but’ (Isaiah 30:13–14).
Mang fan nib ga’fan ngom ni ngam par ni gab chugur ngak Somoel?
Isaiah 29; 30:18–26; 35
Somoel e rayag ni nge sulweg yarmen e tin nike malboch nge tin nike kireb.
Bay bangiyal’ nikam n’ag ban’en makam tafney nag nidariy bi’id magara pataeg? Fa ban’en nike kireb, make m’agfan’um ngay ni sana dabikiyog ni ngan fal’eg biyay ngefel’. Napan e gadadra pi’ keru’dad ngak Somoel, ma Mo’oniyan’ e bada’ag ningad tafney niged ni dakriy bi’id marayog ningad suled biyay fa nigol nagdad. Machane, Isaiah eke dag boche ma’ang’ang nra rin’ Somoel ninge ayuwegdad mayog ningad sulod biyay Ngak. Mang e kam fil ko Isaiah 29:13–24; 30:18–26; 35 ni mornga’agen Somoel, t’ufeg rok, nge gelngin? Sana rayog ni ngam pir’eg bang ko pi thin ney nrayog ninge pi’ e athap ngom ko bangiyal’ nike t’uf rom. Ma krayog ni ngamu sap ko thin nike yoeg Sister Amy A. Wright “Christ Heals That Which Is Broken” (Liahona, May 2022, 81–84).
Rebe kanawo’ nima dag Somoel gelngin nge murnguy rok e ma yibu dakean fare gospel rok nikan Sulweg yarmen. Isaiah 29 bay boche thin riy nib sor fan ko fare Sulyarmen. Ni woed:
-
Mu tarebnag e Isaiah 29:11–12 ko 2 Nephi 27:6–26 nge Joseph Smith—History 1:63–65.
-
Mu tarebnag e Isaiah 29:13–14 ko Doctrine and Covenants 4 nge Joseph Smith—History 1:17–19.
-
Mu tarebnag e Isaiah 29:18–24 ko fare title page of the Book of Mormon.
I Gur rom ni gabe tafney nag, mongfan ni fare bugithin ni “maʼangʼang” nge “mabʼangʼang” (Isaiah 29:14) e bathin nib mangil nibe weliy mornga’agen rogon nni fulweg Somoel e gospel rok? Uw rogon marayog ni ngam pi’ e ayuw kotin nikan prophecy nag ni mornga’agen fare Sulyarmen? Ko boche idea, musap ko mulwol rok Elder Gerrit W. Gong “All Nations, Kindreds, and Tongues” (Liahona, Nov. 2020, 38–41).
Ngkum guy ko “The Restoration of the Fulness of the Gospel of Jesus Christ: A Bicentennial Proclamation to the World” (Gospel Library); “The Morning Breaks,” Hymns, no 1.
Faanra gabadag ni ngamu guy boch mornga’agen, muguy ko fapi magazine ko Liahona nge Fan ko Gelngin e Pi’in ni Fal’yangren ko piney e puul.
Boech e Kanawo’ ko Machib nag e Bitir
Isaiah 14:3; 25:8–9; 28:16
Yesus Kristus erayog ninge ayuwegneg ko denen nge yam’.
-
Uw rogon ningam ayuweg pifakam ngar guyed fare Tathapeg ulan fapi thin ku Isaiah? Ma krayog ni ngamu ayuwegrad ko thin nibe pugoran Ir ngorad ulane Isaiah 14:3; 25:8; fa 28:16. Ma krayog ningar tareb niged e pi verse ney ko Isaiah koboche verse nibe machib nag mornga’agen fare Tathapeg, ni wode Matthew 11:28–30; 1 Corinthians 15:53–57; Helaman 5:12. Mang boch banaan nike rin’ Somoel nifan ngodad?
-
Tomuen nikam be’eg e Isaiah 25:8–9 utabaang, ma rayog ni ngamu sapgad ko sassing ni ya’an fare Tathapeg u Gethsemane, udakean fare kuruth, nge tomuren nike Foskoyam’. Mpag pifakam ningar weliyed epin’en nibe buchbuch ko fapi sassing miyad yogfan nib t’uf Yesus rorad nge “felfelan’gad ma kad ufgad ni bochan e ke ayuwegdad” (verse 9).
-
Krayog ni ngamu mel’eg ni ngam weliy ngak pifakam ko kirbaen’ niyib ngom napon nike yim’ be’ nirib t’uf rom. Mag micheg nag fare gapas niyib ngom ni bochan Yesus Kristus. Sana rayog ninge drowing nag pifakam ya’an be’ nibe yor machane napon ni bayni be’eg e Isaiah 25:8 utabaang min chuweg ya’an e lu’ u owchen facha’.
Ngan Rin’ e Tin nib M’agaen’um Ngay, ke yib ku Ken Spencer
Isaiah 25:4–6
Yesus e be pi’ ngog e “gin ngar gifgad ngay ko yoko’.”
-
Bay bangiyal’ nike yibe tawa’ath ngom nge pifakam ko bang nimu gifgad ngay ko ngiyal’ ne yoko’ fa bangi taglul’ ko manileng ni tagarbebnag reb e rran nib gawal? Fa rebe ggan nikam kay ma kari falfalaen’um ngay nibochane karam mum’ ko bilig? Napan e gamed be be’eg e Isaiah 25:4–6magmed weliy epin’ey. Uw rogon niba’adag Yesus e pin’ey?
Isaiah 29:11–18, 24
Fare Fulweg yarmen e gospel e ir reb e “muruwel ni th’abi fel.”
-
Napan e gabe be’eg nge pifakam e Isaiah 29:14, moeg ngorad boche thin nibe yipfan taban’en ni wode e “maʼangʼang” nge “mabʼangʼang.” Mpagrad ningar pi’ed e ayuw ngom ko gay ya’an ban’en fa sassing nibe dag ya’an e muruwel rok Somoel ni th’abi fel’ kotin ntomur eran. Biney erayog ningan uneg fare Babyor ku Mormon ngay, rebe sassing ni ya’an e temple, fa rebe sassing ni ya’an fare bin Som’on e Yi’iy (rebi ya’an e biney e bay ko som’on kore outline ney). Nge mu’ marareb fapi bitir rom me mel’eg rebe pin’ey ninge weliy mornga’agen ngefan nirib ga’fan ngak.
-
Rebe tang ni mornga’agen e Fulwegyarmen e gospel erayog ningan uneg ko Isaiah 29, ni wode “On a Golden Springtime” (Children’s Songbook, 88). Ma sana rebe ban’en nike buch rom erayog ninge ayuweg pifakam nge nangfan ko mange be yipfan fare bugthin ni Sulwegyarmen . Wod ni, i Gur nge pifakam erayog ni ngamu weliyed ban’en nike yan ngabang nge rogon nikam patag. Mu ayuweg pifakam ninge tarebnag rogone biney ko fare Fare Gospel ni kan Sulwegyarmen. Rogon nibay ko Isaiah 29:13–15, e mongfan nib t’ufeg rodad fare Sulwegyarmen? Mang muruwel ebe rin’ Somoel ninge sulyarmen fare gospel rok?
Faanra gabadag ni ngamu guy boch mornga’agen, muguy ko fare magazine ko Pi Tafagar ko biney e puul.