“September 28–October 4. ‘Fal’eged lLniyan’ e Girdi’ Rog’: t e Tathap Rog’: Isaiah 40–49,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)
“September 28–October 4. ‘Fal’eged Laniyan’ e Girdi’ Rog,’” Moey, Ngam Lakeg: Bin Kakrom e M’ag 2026
Golnag Bm’on nib Ma’ew, ke yib ku Carl Heinrich Bloch, ko fare Frederiksborg Museum of National History
September 28–October 4: “Fal’eged Laniyan’ e Girdi’ Rog”
Isaiah 40–49
“Fal’eged Laniyan’” e ireram e bin som’on e thin ku Isaiah ko guruy 40. Ireram e yan nsom’on nib thil lingan, e mulwol niyib rok e profet. Som’on ni’i yoel Isaiah ma itay chiylen ngak piyu Israel nge Judah ni yira kireb nag min kalbus nagrow nibochane pi denen rorow. Machane tineye prophecy ni untay e fan ngak e gidii’ nib Jewish gonapo’n 150 boche duw ngam’on riy—ntomuren nin gathaynag min kirebnag yu Jerusalem nge fare temple riy meyib yu Babylon ngabi kalbus nagrad. Machane, tineye prophecy, e ki yibi buch boch nga m’on riy ma gathi kemus ni mus rogon nibuch ko fapi Israelites. Ya kube non nifan ngodad, ni bochingiyal’ ma gadadma thamiy nikad waer gad, kirbaen’dad, makad malog gad.
Mulwok rok Isaiah ngodad nge ngak e gidii’ rog ab moem: “Dam mu rus” (Isaiah 43:1). Gathi gubin ban’en nike mus. Somoel e dowri pagtalem, ma ir e bay gelngin nibgel kotin ni gabe faney ni dabiyog. Gathi Somoel, e ir e “sunmiy e tharmiy” (Isaiah 42:5), ni’ir e bagel ngak yu Babylon, ma kubgel ko denen, nikab mu’un gubin ban’en ngay nibe kalbus nigem? “Mu sul ngog,” ke wenig nag, “ya gag e kug biyuliyem” (Isaiah 44:22). Rayog rok ninge gol nigem, me sulyweg rogom, gelngin, me na’gfan, me pi’ e gapas ngom— ndemuturug rogone epin’en nib t’uf rom, nib mu’un etin nib t’uf ngom, ni ngayog ni biyuliyem.
Kanawo’en i Fil Mornga’agen ulan e Tabinaew nge lane Galasia
Isaiah 40–49
Yesus Kristus e rayog ninge pi’ e gapas nge athap nggog.
Napan nin kalbus nag e gidii’ nib Israelite u Babylon, ma orani yade tafney nag ni fa’anra kar malog gad ni dakriy bi’id min patag rad niyad e fapi gidii’ nike mel’eg Got, nikar ngongliyed e michmicheg ngak. Napan e baymu be’eg e Isaiah 40–49, magsap nag yuyang nibe weliy mornga’agen e gapas nge athap. Ma tin nibaymu pir’eg, e ngamu lemnag mag yoloey en’en ni gabe tafney nag nibe yoeg Somoel ngom ko pi verses ney. Rayog ningam tababi be’eg etin ba’aray:
-
40:11, 29–31:
-
41:10–13, 17–18:
-
42:6–7:
-
43:1–7, 25:
-
44:1–4, 21–24:
-
46:3–4:
-
49:7–16:
Mange gabe thamiy niba’adag Somoel ningam nang ni mornga’agen?
Sana gara guy ni fare tang niwode “How Firm a Foundation” (Hymns, no. 85) abe weliy mornga’agen ethin ku Isaiah Isaiah 41:10; 43:2–5; 46:4. Rayog ningam moen’ fa mmotoyil ko biney e hymn, ma gabe sapnag eran’en nibay uthilin ethin riy nge pi verse ney ko Isaiah. Uw rogon nike rin’ Somoel e pi tawa’ath nibay ko pi verse ney ulane yafos rom?
Ngkum guy ko Patrick Kearon, “He Is Risen with Healing in His Wings: We Can Be More Than Conquerors,” Liahona, May 2022, 37–40.
Musap ko boche babyor nib thothup. Bochingiyal’ mab moen rogon ni gadadra nangfan fare bin Kakrom e M’ag ni fa’an gadadra be’eg yuyang ko fare Babyor ku Mormon. Ni wod, fare profet Nephi nge Jacob ulan fare Babyor ku Mormon nibay rorow fapi yoel ku Isaiah niyib ko fapi plate nib gold (muguy ko 1 Nephi 19:22–23), nikar fanayew epi prophecy ney ni yowbe machib nag mornga’agen fare Tathapeg. Ra ngan fil rogon nib ta’ab rogon Nephi nge Jacob Isaiah 48–49 ngak e gidii’ rorow, ma ngam guy ko 1 Nephi 22. Baynra ayuwegnem ngam adag e pi guruy ney mag fek ngalane yafos rom.
Fa’an yira fol rok Somoel, marayag e “gapas ngodad … ni bod e lul’” (Isaiah 48:18).
Isaiah 40–49
“i Gur e ta pigpig rog.”
Ulane Isaiah 40–49 me non Somoel nibe weliy mornga’agen e “ta pigpig rok” nge pi’inra “michmicheg” mronga’agen. Tiney e thin e rayog nibe yipfan Yesus Kristus (muguy ko Isaiah 42:1–7), fare ulungi gidii’ nu Isreal (muguy ko Isaiah 45:4), nge ngak fare Pilung i Cyrus, nni pag fapi gidii’ nib Jewish ngar sulod nga Jerusalem ngar toyede temple (muguy ko Isaiah 44:26–28; 45:1–4). Ma krayog ningam tafney nag epin’en nibe yipfan epi thin ney nge rogon nibay fan ngom nigur rebe ta pigpig nge michmicheg ku Somoel. Woed, ni rayog ni ngam tafney nag e duwer ni bod etin ni ba’aray:
Isaiah 40:1–3, 9–11; 43:9–12. Ba uw rogon nigur rebe ta michmicheg ku Yesus Kristus? Mang boch ban’en nib “mangil” nrayog ni ngam weliy nigur rebe ta michmicheg rok? Rayog ningam tafney nag niwod nikan piningem ngalang ulane court ko pufthin ningam michmicheg mornga’agen bogi ban’en. Ma ulane bineye pufthin, ma Yesus Kristus ebay ningan qoloboch ngak Isaiah 43:11. Mang mich e gara pi’ ninge ayuweg etin nibe yoeg Yesus? Mang ebay ulane yafos rom ni’ir e pow riy nigara dag?
Isaiah 41:8–13; 42:6; 44:21. Mange ke piningem Somoel ningam rin’? Rayog ningam tafney nag e biney ni wod rogone muruwel rom ulane Galasia nge kuboch kanawo’en ni rayog ningam pigpig ngak. Uw rogon nike “thilyegem” fake fal’ag rogom ni ngayog ningam mange ta pigpig rok? Ba uw rogon nibe ayuwegnem ko ngiyal’ ni gabe pigpig?
Isaiah 49:1–9. Mange gabe pateg ko pi verse ney ni rayog ninge pi’ e athamgil ko gelngin e muruwel rom nge pigpig rom ma dabi “bm’ayfan”? (verse 4).
Isaiah 40:3–8, 15–23; 42:15–16; 47:7–11
Gelngin Got ebagel kotin nu fayleng e gelngin.
Gathi tabiyay ni’i pugoran Isaiah ngak fapi gidii’ rok gelngin Got ni dariy reb nib tabrogon ngay, ndariy reb nib tabrogon ngay ko gubin epin’en nibay rorad ni th’abi gelu fayleng. Musap nag ebiney e mulwon ko napon ni baymu be’eg e Isaiah 40:3–8, 15–23; 42:15–16; nge 47:7–11 (muguy ya guruy 47 eba sorfan ngak fapi Israel ni kalbus nagrad, Babylon). Mange be machib nag e pi verse ney ngom ni mornga’agen etin nu fayleng ban’en? Mange be machib nag ngom ni morngaʼagen Got? Mu tafneynag ko mongfan nirib ga’fan epi thin ney ngak fapi Jewish nikan kalbus nagrad. Mang fan nib ga’fan ngom?
Isaiah 48:10; 49:13–16
Somoel e rayog ninge be’ech nigeg u fithin e gafgow rog.
Napan e baymu be’eg e Isaiah 48:10, mag tafneynag e tirom e “nifiyen e gafgow.” Uw rogon nibe “be’ech” nigem Somoel? Uw rogon nibe ayuwegnem e Isaiah 49:13–16 ko ngiyal’ ni gabe gafgow?
Ngkum guy ko “The Refiner’s Fire” (video), Gospel Library.
The Refiner's Fire
Faanra gabadag ni ngamu guy boch mornga’agen, muguy ko fapi magazine ko Liahona nge Fan ko Gelngin e Pi’in ni Fal’yangren ko piney e puul.
Boech e Kanawo’ ko Machib nag e Bitir
Isaiah 40:3–5
Rayog ni ngu pi’ e ayuw ko “fal’ag pa’ i kanawo’ nifan ngak Somoel.”
-
Mu tafney nag rogon nrayog ningamu dag en’en nibe yipfan ni ngan “fal’ag … pa’ i kanawo’ nifan ngak Somoel,” nikan weliy ulane Isaiah 40:3–5. Sana woed, ni i Gur nge pifakam erayog ni ngamu suwon niged ban’en nike thiig, fa mu kleen niged bang nike yo’or e chugum riy, fa mu kleen niged bange kanawo’. Krayog ningam dag e sasing ni ya’an John nima Tawfe nge Joseph Smith (muguy ko Gospel Art Book, nos. 35, 87). Uw rogon nra fal’agned kanawo’en e wub rok Somoel? (muguy ko Luke 3:2–18; Doctrine and Covenants 135:3). Uw rogon ningad pi’ed e ayuw ngay? Sana ireray e ngiyal’ nib mangil ningan weliy mornga’agen e gidii’ nibaye Aaronic Priesthood rorad nge rogon niyadbe fal’ag e kanawo’ nifan ngak Somoel (muguy ko Doctrine and Covenants 84:26–28).
Isaiah 43:10
Rayag ni nggu mang reb e ta micheg ku Somoel.
-
Tomuren nikam mu’gadi be’eg e Isaiah 43:10 utabaang, ma rayog ni ngamu weliyed ko mange be yipfan ningan mang ta michmicheg. Mu sher niged ngomed epin’en nike buch romed nikam manged e pi “ta michmicheg” ku—ni wod, rebe ggan nikam ri’ lamen, bang nikam milekag ngay, fa be’ ni gamanang. Mange ba yip fan ningan mange ta michmicheg ku Someol? Mange rayog ningad weliyed ni mornga’agen ngak e gidii’?
Isaiah 44:3–4; 45:8
Somoel era “pu’og” e tawa’ath rok nga dakeaneg.
-
Tomuren nikam be’eg epi verse ney, marayog ninge pu’og pifakam e ran nga dakean e foey’ min weliy mornga’agen e tawa’ath nike pu’og Somoel nga dakeanrad. Mange rabuch ko foey’ ni fa’an yira pu’og e ran ngay? Fapi tawa’ath rok Somoel e ba uw rogon nike mon’og nagdad?
Ma “aram e ra map’ e fla’ab nga dakenmed [ni bod ]ba lul’.” (Isaiah 48:18).
Isaiah 48:17–18
Fol ko fapi motochiyel ku Got era pi’ e gapas ngodad.
-
Video fa ya’an e lul’ nge ya’an e n’ew ko day erayog ninge ayuweg pifakam ngar tafney niged e Isaiah 48:18 (ni wod rogone pi sasing ney ko bineye outline). Bay ni sana raadag pifakam ni ngar mithmith niged pa’rad ni go wod ya’an e lul’ fa n’ew ko day. Uw rogon ni gapas e wod e lul’? Uw rogon ni n’ew e wod rogon etin nib mat’aw? Weliy rogon ni ayuweg fapi motochiyel ku Got. ke pi’ e gapas ngom ni wod rogone lul’ fa ba n’ew nirib gel.
-
Rayog ni ngamu yon’ed e tang ni mornga’agen e motochiyel, ni wode “Keep the Commandments” (Children’s Songbook, 146–47). Mange be machib nag ere tang ney ni mornga’agen e fol ko fapi motochiyel ku Got?
Isaiah 49:14–16
Dariy bi’id nra pagtalineg Somoel.
-
Isaiah 49:14–16 e rayog ninge pi’ e gapas ngom nge ngak pifakam koboche duw ngam’on. Napan e baymu be’eged e verse 14, ma krayog ningam weliyed en’en nima thamiy e gidii’ nibe thamiy nikan pagtalin mornga’agen. Uw rogon mrayog ningad nanged ni dawri pagtalindad Somoel?
-
Um’on ningan fil e verse verses 15–16, mrayog ningamu fith ngak pifakam mornga’agen be’ ndariy bi’id miyadra pagtalin, niwod be’ u tabinaew fa rebe tafagar. Rogon nibay ko Isaiah 49:15–16, Someol e mang fan ni dariy bi’id mara pagtalindad? Nge mu’ mrayog ningamu weliyed ngomed etin ni gamed be thamiy ni mornga’agen Yesus Kristus.
Faanra gabadag ni ngamu guy boch mornga’agen, muguy ko fare magazine ko Pi Tafagar ko biney e puul.