“October 19–25. ‘U M’on Ddawor Mu Sum Nga Mayal Mu Gu Duwgiliyem’: Jeremiah 1–3; 7; 16–18; 20,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)

“October 19–25. ‘U M’on Ddawor Mu Sum Nga Mayal Mu Gu Duwgiliyem,” Moey, Ngam Lakeg: Bin Kakrom e M’ag 2026

Jeremiah, ke yib ku Walter Rane

October 19– 25: “U M’on Ddawor Mu Sum Nga Mayal Mu Gu Duwgiliyem”

Jeremiah 1–3; 7; 16–18; 20

Som’on riy, me tafney nag Jeremiah ni dabi mang rebe profet nib mangil. Me yoeg ni “da gu nang rogon e welthin,” (Jeremiah 1:6). Machane Somoel e michmicheg nag ngak ni, “bay gu tay e thin nga langam” (verse 9). Ke finey Jeremiah ni kayigi gel fane “bitir” (verse 6), machane Somoel e weliy nike taw ko ngiyal’ ningan—ordrain nag ko bineye muruwel ko pigpig nduugliy u m’on ndawor ri sum nga mayal (muguy ko verse 5). Ere yibi siyeg Jeremiah e murus rok me thapeg ninge rin’ fare muruwel ko pigpig. Tay chiylen ngak fapi pilung nu Jerusalem nge fapi prist riy ni ya’arad niyad be susun nag e thothup e dabi ayuwegrad. Fare “tir” ni finey ni dabiyog ninge non e thamiy gelngin e thin ku Got “ni bod ba nifiy ni be yik u fithik’ i lanin’[ug] nib to’ar” ma dabiyog ningan siyeg laman (Jeremiah 20:9).

Yatan Jeremiah e taareb rogon ko yat rom. Kam, manangem Got, u m’on num sum ma ke mu’i fal’ag rogom ko muruwel rom u fayleng. Biney e muruwel, e mu’un e muruwel ngay ni guy Jeremiah: kunuy e gidii’ ku Got nga taabang, ta’ab gimed nge lalag’ruw i gimed, ni nggu “fulweg [med] ko burey nu Zion” (Jeremiah 3:14). Nge ni dariyfan ni da gur nang mang e ngam rin’ fa mog, rayog ni ga ba “dab mu tamdag … ; ya bay ug un ngom, I Gag SOMOL e kugog e pi thin ney” (Jeremiah 1:8, 19).

Mornga’agen e babyor ku Jeremiah ni ga’angin, muguy ko “fare babyor ku Psalms” ulan fare Bible Dictionary.

Kanawo’en i Fil Mornga’agen ulan e Tabinaew nge lane Galasia

Jeremiah 1:4–19; 7:1–7; 20:8–9

Yima pining e profet ninge weliy e thin rok Got.

Mu lemnag ni fa’anra gabe non ko rebe tafagar ma dariy bi’id nike rung’ag mornga’agene profet, makam duugliy ningam weliy mornga’agen Jeremiah nikan pining ninge mang profet nibay ko Jeremiah 1:4–19. Mange kam pir’eg ko pi verse ney nibe machibnag ngom mornga’agen e profet ku Got? Krayog ningam sap ko Jeremiah 7:1–7; 20:8–9 nge rebe hymn niwod e “We Listen to a Prophet’s Voice” (Hymns, no. 22).

Ma sana krayog ningam fil ngak e fagar rom mornag’agen e profet nib fos ko bin doba’ e ran. Kubay ban’en ko pi verse ney nrayog ninge pi’ e ayuw? Wod e, mang e marin’ e profet ko bin doba’ e ran ko “pug ngalang “ fa” “bbuthug”? Mang e yadbe “ubung” ma yad be “yung”? (Jeremiah 1:10). Uw rogon makam nang ni profet rodad nib fos e keyib ku Got?

Ngkum guy ko Kenggin Lik’ngin e Mich 1:6, 9; “Why Do We Have Prophets?” (video), ChurchofJesusChrist.org.

Jeremiah 1:5

Manangeg Got um’on ningan gargel nigeg.

Mange fil Jeremiah ko mornga’agen ulan e Jeremiah 1:5? Ir ni fin gun pining ninge profet nib be’ech, mang fan nib ga’fan ninge nang mornga’agen e piney?

Tin ni fil Jeremiah ni mornag’agen ulane Jeremiah 1:5 u kuwod nib riyul’ ni bod mornga’agen. Manangem Got um’on num sum ma ke mu’i fal’ag rogom ko muruwel rom u fayleng. Ra ngam fil boch mornga’agen e yafos rom um’on nin gargel nigem, mu be’eg e Alma 13:1–4; Doctrine and Covenants 138:53–56; nge Abraham 3:22–23. Ma sana rayog ni ngamu yoloey e list kotin nib riyul’ ni gabe patag. Mang fan nib ga’fan ni ngam nang mornga’agen epin’ey?

Ra gabaadag ningam nang rogon e tiney nibuch ko yafos rok Elder Ahmad S. Corbitt, ma thingarmu fil e mulwol rok ko “You Can Gather Israel!” (Liahona, May 2021, 61–63). Nang morna’agen e yafos rom um’on ko yafos u fayleng e ba uw rogon nibe thilyeg rogone par rom ko bineye yafos u fayleng?

Ba’aray e n’en niyoeg President Russell M. Nelson ko mornga’agen e bin nsom’on e yafos:

“Chitamangim nu Tharmiy e manangem ni kari n’uw napan. I Gur, ni rebi fak ni pumo’on fa bpin, e ke mel’egnem ni ngamub ko fayleng ko ngiyal’ ney, ni ngam mang rebe tiyugang’ ko fare muruwel rok ni rib mangil u fayleng. Gathi kan mel’egnem ni bochane rogon ya’am machane bochane rogone thothup rom, rogon ni gabchag, athamgil, yul’yul’ u gum’ircha’em, gelngin ni gaba’adag ningam nange tin nib riyul’, nang e gonop, nge adag rom ningam pigpig.

“Boche pin’ey emu thapeg ko bin nsom’on e yafos. Ma boch e rayog ngom u fayleng ni fa’an gara gay rogon ningam fil rogon” (“Decisions for Eternity,” Liahona, Nov. 2013, 107).

Mu tafney nag boch rogon nra buch rom nge fan nib t’uf ni nga i par e pin’ey nib riyul’ ni mornga’agen e bin nsom’on e yafos u m’on ko yafos u fayleng u wun’um. Mange rayog ni ngam rin’ mayog ni nga i par e pin’ey nib riyul’ ko tafney rom?

Ngkum guy ko Russell M. Nelson, “Decisions for Eternity,” Liahona, Nov. 2013, 106–9; Topics nge Questions, “Foreordination,” “Premortal Life,” Gospel Library.

ko gilay’, bay be’ riy nib sak’iy ulan e low; ma mat’aw riy, e bay ba lul’ nibe yibu lang ngabut’ — Ualne Jeremiah 2:13, me non Somoel nibe weliy rarogon e thothup ko gidii’ ni bod e “boch e low” ma Ir e wod “fare alublub nib machalbog e ran riy.”

Jeremiah 2; 7

“Ka ra pi’ed keru’rad ngog, ni gag fare alublub nib machalbog e ran riy.”

Kogin nrib gel e yal’ nima par e Israelite riy, e bay yuyang riy ni yima ayuweg ninge mang toffen e ran ni kanoeg e low ngay. Mange be yipfan e re bugithin ney ni “kired boch e low” ko Jeremiah 2:13 ? Mang fan ni thapeg e ran nima yib ko alublub e bmangil ko ran nima yib ko low? Mang e be yip fan e pi’ keru’y ko “fare alublub nib machalbog e ran riy”? Napan e bay mu be’eg e Jeremiah 2 nge 7, muguy rogon nibe pi’ e gidii’ keru’ ko fare ran rok Somoel nib alublub nib machalbog (muguy ko Jeremiah 2:26–28; 7:2–11). Mang fan ni “fare alublub nib machalbog e ran riy” e rebe pow nib mangil ko n’en nibe pi’ Somoel ngom? Tafney nag rogon ni gabe thapeg fare ralublub nib machalbog.

Jeremiah 7 e be non ni fanethin ngak e gidii’ nibe yan ngalan e “tempel rok Somoel … liyor ngak Got,” machane ngonglen rad e dar puluw ko pin’en niyad be tayfan (muguy ko verses 2–11). Mang boche mulwol ni gabe tafney nag nike pi’ Somoel ngom ko pi verse ney ko verses 21–23?

Use nag e object lessons. Pi profet rok Somoel eyadma non ni fanethin kotin nib thothup nge ban’an nib chugur rogon ngay. Mugay rogon ngam rin’ ni wod rogon e biney ko napon ni gabe fil ma gabe machib nag e gospel. Woed ni, ra ngan lemnag ya’an e Jeremiah 2:13, ma rayog ni ngam tay e ran ngalan rebe plastik nike kur fa nun’um e ran kogin nibe alublub e ran riy. Uw rogon ni bod Yesus “fare alublub nib machalbog e ran riy”? (Jeremiah 2:13). Uw rogon ni ngad garbod gad ko fare ran rok nib machalbog?

Jeremiah 3:14–18; 16:14–21

Somoel e ra ulunguy e gidii’ rok nga tabaang.

Ulane Jeremiah 16:14–15, me non Jeremiah nibe fanathin nibe tarebnag fare kulnguy ko pi yu Israel kotin ntomur e ray ko Exodus u Israel niyib u Egypt. Ko tafney rom, mangfan ni gabe lemnag ni fare kulnguy e baga’fan ko gidii’ rok Got kobin u Exodus?

Uw rogon nibe m’ug ko Jeremiah 3:14–18; 16:14–21 nibe buch e biney e kulnguy?

Ko mulwol rok ko “Hope of Israel,” President Russell M. Nelson, ni wod rogon nirin’ Jeremiah, me machib nag ni fare kulnguy ko pi yu Israel e “bin ga’ fan ban’en nibe buch ko fayleng daba’” ((worldwide youth devotional, June 3, 2018, Gospel Library). Be’eg fa mu mutoyil ko mulwol rok, mag guy ko rayog ni ngam (a) patag rogon ni weliy President Nelson fare kulnguy ko pi yu Israel, (b) rogon ni weliy nib ga’fan, nge (c) rogon nrayog ni ngam un ko biney e kulnguy.

Faanra gabadag ni ngamu guy boch mornga’agen, muguy ko fapi magazine ko Liahona nge Fan ko Gelngin e Pi’in ni Fal’yangren ko piney e puul.

Boech e Kanawo’ ko Machib nag e Bitir

Jeremiah 1:5

Manangeg e Chitamangiy nu tharmiy um’on ningan gargel nigeg.

Ra ngan weliy e tin nib riyul’ nibay ko Jeremiah 1:5, ma rayog ni ngam dag e sasing ni ya’an e bitir ngak pifakam (fa, fa’an nrayog, musap ko sasing ni ya’an e bitir rom napon e kiyad ba modway). Mfith ngak pifakam ko fa’anra yad manang kogin ni ur moyed riy um’on nin gargel nagrad? Ma krayog ni ngam moen’ed e tang utabaang nibe machib nag mornga’agen e bin nsom’on e yafos, ni wod e “I Lived in Heaven” (Children’s Songbook, 4).
Fa’anra badaag pifakam ni ngar filed boch mornag’agen, mrayog ni ngam ayuweg rad ngar pataged e “Bin Nsom’on e Yafos u m’on ko yafos u fayleng” ulan e Guide ko Babyor nib Thothup. Mrayog ni ngar sap niged e fulweg ko duwer ni wod e “mini”, “wi’in,” nge “mang” ko mornga’agen e bin nsom’on e yafos u m’on ko yafos u fayleng.

Jeremiah 1:4–19

Profet e yima piningrad ni ngar weliyed e thin rok Somoel.

Rayog ni ngam dag e sassing ni ya’an e profet nibay nib fos fa fapi profet nibay mornga’agen ko fapi babyor nib thothup fapi magazine ko Galasia, fare Gospel Art Book, nge Moey, Ngam Lakeg). Mfith ngak pifakam ko mang e yadmanang ni mornga’agen e pi profet ney?
Ra ngan machib nag e n’en nima rin’ e profet, ma sana rayog ni ngam mel’eg boche verse ko Jeremiah 1, ni wod e verses 5, 7, 10, nge 19. Ra reb pifakam me mel’eg rebe pi verse ney, me be’eg, miyad weliy ban’en nikar filed ni mornga’agen e profet.

Jeremiah 16:14–16

Rayag ni nggu ayuweg pi fak e Chitamangiy nu Tharmiy ngar suled Ngak.

Napan e baymu be’eg e Jeremiah 16:16, marayog ninge yan pifakam u ya’an ni susun ni yadbe “fitaaq” fa “mun gamanman” nga ban’en nibay u tabinaew. President Russell M. Nelson e ke fanathin nag e pi gidii’ ney nib ta fitaaq nge mun gamanman ko fapi gidii’en e tamachib (muguy ko “The Gathering of Scattered Israel,” Liahona, Nov. 2006, 81). Mang e ma rrin’ fapi tamachib? Uw rogon ningad pi’ed e ayuw ko “fitaaq” nge “mun gamanman” nifan fapi kunuy pi yu Israel? (muguy ko “Ba mulwol nike yib rok President Russell M. Nelson nifan e pi’in nib bitir” [video], ChurchofJesusChrist.org).

3:30
Video: A Message for Children from President Russell M. Nelson

Jeremiah 18:1–6

Rayog ni nggu pag Somoel nge powi’iy e yafos rog, ni bod e but’ ni yima ngongliy e th’ib riy.

Ra ngan be’eg e pi verse ney, ma rayog ni ngam weliy fa mudag ya’an fare but’ ni yima ngongliy e th’ib riy (muguy ya’an ko tomur ko biney e outline). Mang boche mulwol nike pi’ Somoel ngodad nibay ko Jeremiah 18:1–6? Mange be yipfan ni ngan bod e but’ ni yima ngongliy e th’ib riy? (ngkum guy ko Isaiah 64:8). Rebe yat nima tarebnag dad ko but’ ni yima ngongliy e th’ib riye yib ko fare mulwol rok Elder Richard J. Maynes “The Joy of Living a Christ-Centered Life” (Liahona, Nov. 2015, 27–30).

Fa’an ra gabadag ni ngamu guy boch mornga’agen, muguy ko fare magazine ko Pi Tafagar ko biney e puul.

pa’ay nibe ngongliy e but’ ni yima ngongliy e th’ib riy — “Gimed bay u lan pa’ag ni bod rogon bangi but’ ni bay u lan pa’ be’ nma ma’ th’ib, O gimed e gidii’ nu Israel” (Jeremiah 18:6).

Activity payg ko Primary: Rayag ni nggu ayuweg pi fak e Chitamangiy nu Tharmiy ngar suled ngak — “Gimed bay u lan pa’ag ni bod rogon bangi but’ ni bay u lan pa’ be’ nma ma’ th’ib, O gimed e gidii’ nu Israel” (Jeremiah 18:6).