Isaiah 50–57

Aram rogon nribo’or e duw nipar fapi Israelite u kalbus—ma aram rogon nin kalbus nagrad nibochane dani fel’ etin nikar mel’eged—ya Somoel e ba’adag ningar sapgad ngam’on nibaye athap rorad. Mang e kam pir’eg ko mulwol ku Isaiah nibe pi’ e athap ngom? Chart niwode biney e sana rayog ninge ayuwegnem ngam fil rogone:

Ngkum guy ko Mosiah 12:20–24; 15:13–18; 3 Nephi 20:29–46; Doctrine and Covenants 113:7–10; Russell M. Nelson, “Embrace the Future with Faith,” Liahona, Nov. 2020, 73–76.

Ri’ine guruy nibay ulane babyor nib thothup ni weliy mornga’gaen e muruwel ko bayuliy ku Yesus Kristus nibfel ko Isaiah 53. Rin’ e activity niwod etin ba’aray ni ngayog ni ayuwegney ngan feke pin’en ni yibe machib nag ngalane yafos:

• Tafneynag fa ni weliy mornga’agen e kachiidoo nibay be’ riy nirib chag ni ayuwege gidii’. Ta’areb nag rogon e pin’ey nibay ni mornga’agen fare Tathapeg ko Isaiah 53.

• Tomuren nikan mu’i be’eg rebe pi verse ney, min tal ngan tafney nag en’en ni gafgow fare Tathapeg riy— “amith,” “gafgow,” nge “pi denen rodad” nifek nga dakean—nifan ngak e gidii’ ni gubin nge gur. Ma napan e baymu be’eg ma krayogn nigamu yoen’ loen ethin niwod e “gadad” nge “tirodad” ko “Gag” nge “tirog” Mang boche thamtham nge tafney nibe thogthoug nag e pi verse ney ngom?

• Rayog ni ngamu yaliy ya’an fare video “My Kingdom Is Not of This World” (Gospel Library), min tafney nag rogon fapi prophecies nibay ulane Isaiah 53 nge rogon nibuch. Mang boche gafgow nge amith nike fek fare Tathapeg nga dakean nifan ngom?

  

  5:25

• Musap nag e sasing ni ya’an e tabayul rok Yesus Kristus (muguy ko Gospel Art Book, nos. 56–60). Ma krayog ni ngamu pateg boche thin nibay ulane Isaiah 53 nibe weliy rogone pisassing ney. Mange be thogthog nag ngom e pi machib ney ni ngam rin’?

Ngkum guy ko “Behold the Great Redeemer Die,” Hymns, no. 191.

Gadad gubin mamayib e tafney ngodad nikad paloggad ku Somoel nibochane pi denen nge mo’war rodad. Ma boche ke mul’aen’ nibochane ke tafney nag ni dabki n’agfan etin nikar rin’ed nib kireb. Isaiah 54 nge 57 e guruy nirib mangil ningan be’eg nibe michmicheg nag mornga’agen e athamgil ningad gayed rogon ko nigyal’ nibe yibe gafgow ngodad. Nrib ga’ nibay ko Isaiah 54:4–10; 57:15–19, mang boche thin nikam fil nibe dag rogon e tafney rok Somoel ngom? Mange rathil ulane yafos rom ni fa’an garanang epin’eny ni mornga’agen?

President Dieter F. Uchtdorf e machib nag:

Dariy’ fan mit e mogoth’goth’ ni ba’ ko yafos rodad e chiney’. Dariy’ fan ni fa’anre ke rowrow e denen rodad, ke to’aer e kirebaen’ rodad, fa ke gel’ e amith ko gumircha’endad. Ya picha’ ni dariy’ e athap riy’, ni rogon e paer rorad e gafgow, ni kar m’ing gad e pa’agaen’, kar baen nagrad, ma yug pi gidii’ ni kar pii’ keru’ rad ngak Got e yad rayog ni ngar toeyed biyay.

“Mulwol ni fan e gospel e ren’ey: bachan ni ba’ fare tunom ko thap kan duwgliy e Chitamangdag ni bay u Tharimy nib t’uf rodad, nge bachan ni ba’ fare miligach rok Yesus fare Kristus, rayog ni ngad thap gad ko gin nib to’aer rodad min fulweged nib bi’ech, ma amrogon rayog ni ngad thapeged pi tawath ni dabda nanged fan e chiney nge manged be’ ni dabi mus bi’id min athapeg e fla’ab rok Got ni de yoeg bee’ ni ngan weliy’ fan ngay” (“He Will Place You on His Shoulders and Carry You Home,” Liahona, May 2016, 102).

Ngkum guy ko Patrick Kearon, “God’s Intent Is to Bring You Home,” Liahona, May 2024, 87–89.

Bukune mfen, ni yimanang ni fapi Israel e kan turguy ni fapi gidii’ ku Got nikar ngongliyed e michmicheg ngak. Machane, tonom ku Got e gubin ngiyal’ mabe uneg boche nam ngay, ya “gimed gubin e pi’in ke yib e belel ngomed” ekan pining “ni ngeyib … ya “ba’aray e ran” (Isaiah 55:1). Mutay e biney ko tafney rom napone gabe be’eg e Isaiah 55 nge 56, mag tafney nag ko mange be yipfan ni ngan mang e gidii’ rok Got. Mange mulwol nag Got ngak e pi’in ni “dabi pageg nggu’un ko girdi’ rok nggu liyorgad ngak”? (Isaiah 56:3). Mu tafneynag i mark nag e verse nibe weliy rogone ngongol ko gidii’ ni “uned ko fare m’ag rog” (muguy ko Isaiah 56:4–7).

• Sana raadag pifakam ni ngar pateged ethin ni wode “od,” “sak’ing ngalang,” nge “maruwel nga gelngim ngam aywegmad” nibay ulanggin e Isaiah 51:9, 17; 52:1–2, 9 miyad yanu ya’an e pi thin ney. Tomuren nikan rin’ ni arogon, mrayog ni ngan weliy ko mange beyipfan ni ngan od, sak’iy ngalang, nge maruwel nga gelngim ngam aywegmad. Mange bey yoeg Somoel ngodad ningad rin’ed ko pi verse ney?

• Rayog ninge be’eg pifakam e Isaiah 51:1, 4, 7 miyad guy ko mini’ e be non Somoel ngak nge n’en ni baadag ningar rin’ed. Mang ea be yip fan “ningan motoyil ngak” Somoel? Uw rogon mrayog ningad daged ngak Somoel ni gadad be “motoyil” ngak?

• I Gur nge pifakam e rayog ni ngamu sap gaed nga in e sassing ni ya’an Yesus Kristus nibe gafgow (muguy, ni wode Gospel Art Book, nos. 56, 57, 58). Nge mu’ magmed be’eg e Isaiah 53:3–6, 9 utabaang magmed sapnag e thin nibe weliy ko mange be buch ko fapi sasing. Mu ayuweg pifakam ningar nanged ni Isaiah e weliy e pi thin ney boche raqaay e duw um’on nibuch. Mang fan nib t’uf ninge nang e gidii’ e pin’ey boche duw nga m’on riy? (muguy ko Alma 39:15–19).

• Tomuren nikam be’eg e Isaiah 53:4, “Me athamgiliy fare gafgow ni susun e gadad e nge aw ngodad, nge amith ni susun e gadad e ngad pired nga fithik’,” pifakam erayog ninge yanu ya’ani chubiy ban’an nib tomal (fa kemus ni ngar susun niged ya’an). Min weliy rogon nib tomal i thamiy e “kirbaen’”, nge “gafgow”. Mang fan ni fek Yesus e “gafgow,” kirbaen’,” nge “amith” fa pi denen rodad nga dakean? (ngkum guy ko Alma 7:11–12).

• Ra ngan machib nag ngak pifakam e Isaiah 55:6, marayog ningam mithag bange sasing ni yaan Yesus ulane singgil rom. Mag pining pifakam ni ngar gayed fare sasing miyad yoeg reb kanawo’en nrayog ni ngar “gayed … Somoel ko ngiyal’ niyadbe gay egin nibay riy.” Tang niwode “Seek the Lord Early” (Children’s Songbook, 108) erayog ninge ayuwegrad. Nge mu’ ma krayog ni ngamu pag reb fapi bitir ni’ir e nge mithag fare sasing min sul biyay udakean e biney e activity.

• Tomueran nikan be’eg e Isaiah 55:9, sana raadag pifakam ningar sak’iygad nga dakean rebe chiya miyad weliy rogon nibthil rogone changar rorad ko giney nib “tolang ngalang.” Fa sana krayog ni ngar drowing niged rebe sassing ko n’en nibe yipfan e Isaiah 55:9. Ma krayog ninamu weliyed rogon nib tolang kanawo’en Somoen ko kanawo’endad. Ni wod, ba uw rogon nibthil kanawo’en nima ayuweg e gidii’ nibta denen? (muguy ko Mark 2:15–17). Ba uw rogon nima powi’iy kanawo’en e gidii’? (muguy ko Matthew 20:25–28). Mu weliy ngak pifakam rogon nikam fil makamanang nike pagaen’um ko kanawo’en Somoel nib tolang nge tafney rok.