Come, Follow Me
October 12–18. “Fare Tabiyuliy Era Yib Nga Zion”: Isaiah 58–66

“October 12–18. ‘Fare Tabiyuliy Era Yib Nga Zion’: Isaiah 58–66,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)

“October 12–18. ‘Fare Tabiyuliy Era Yib Nga Zion,’” Moey, Ngam Lakeg: Bin Kakrom e M’ag 2026

Yesus nibe be’eg bangi babyor nikan bachiy u tafen e mu’ulung

Jesus nibay u tafen e mu’ulung u Nazareth, ke yib rok Greg Olsen

October 12– 18: “Fare Tabiyuliy Era Yib Nga Zion”

Isaiah 58–66

U som’on nitabab Yesus Kristus ko machibu fayleng, me yan nga tafen e mu’ulung nu Nazareth, ko gin ni ir e nchuguluy riy nge ilal. Me sak’iy urom me tababi be’eg bang ko babyor nib thothup, ko Isaiah, ni kanoeg e Isaiah 61:1–2ngay. Me tabab ko welthin me ga’ar, “fare babyor nib thothup e ke yib i m’ug nib riyul’ e bin daba’ e rran.” Biney e numon nitay fare Tathapeg erib tomilang rogon yake michegnag ni’ir e Facha’ nikan Gapgepnag, ni’ir era “machibnag e Thin Ni Bfel’ ngak e pi’in gafgow” ma bayki “non ngak e pi’in kan kolrad kan tayrad ni bay ni pagrad” (muguy ko Luke 4:16–21). Roffen nem e ke yibi m’ug nib riyul’ e tin nibay ulan fapi babyor nib thothup. Ni ku aram rogon boche prophecy ni tay Isaiah, ni ke yib i m’ug nib riyul’ e bin daba’ e ran. Be ul’ul’ fare Tathapeg nibe machibnag e thin ni bfel’ ngak pi’in gafgow nibe yib Ngak. Ma ri kub bo’or e pi’in kan kolrad kan tayrad ni kab t’uf ni yira ayuweg. Ma kubay reb e yafos nga m’on ni rib mangil ningan fal’ag rogoy ngay—ni bangiyal’ ni bayi fal’ag Somoel “reb e fayleng nib be’ech nge reb e lanelang nib be’ech” (Isaiah 65:17)ma “bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak” (Isaiah 61:11). Be’eg e thin ku Isaiah era bing owchdad kotin nike mu’ Somoel irin’, n’en nibe rin’, nge n’en nibayi rin’ nifan ngak e gidii’ rok.

ikon ko yaan e fil rogon

Kanawo’en i Fil Mornga’agen ulan e Tabinaew nge lane Galasia

Isaiah 58:3–12

ikon ko seminary
Balaynag e abich ema pi’ gelngiy nib gel nib thothup ma kuma tawa’ath nag e gidii’.

Mang fan ninge yim’ be’ ko mak’iy ni fa’anra bay e ggan ni ngan kay? Napan e baymu fil e Isaiah 58:3–12, mag tafney nag fan ni gama balaynag e abich rom—nge fan nike pi’ Somoel e biney e motochiyel. Ba’aray boech e duwer ni ngan leam nag:

  • Mang fan ni yima sap ko balaynag e bich ni wod ban’en nima tomal nigey ma gathi wod e tawa’ath? (muguy ko Isaiah 58:3–5). Machib rok Somoel ko biney e guruy e ba uw rogon nike thilyeg rogon e tafney rom ko biney?

  • Mange be yipfan ni ngan “chuweged e chen ni gafgow” nge “mu lufed e mat’ nib tomal”? (Isaiah 58:6). Pag e abich e ba uw rogon nima tawa’ath nag e gidii’? verse 7).

  • Ba uw rogon nike tawa’ath ningem e pag e abich niwod rogon nikan weliy ulane Isaiah 58:8–12?

Ulane mulwol rok “Is Not This the Fast That I Have Chosen?” (Liahona, May 2015, 22–25), President Henry B. Eyring e sher nag rogon nike tawa’ath e gidii’ nibochane tawa’ath ko pag e abich fa fast offerings. Uw rogon nikam guy rogone tiney e tawa’ath ulane yafos rom?

Ngkum guy ko “Bless Our Fast, We Pray,” Hymns, no. 138; Topics nge Questions, “Fasting and Fast Offerings,” Gospel Library.

Mu nang salpen e pi’in ni gabe machib ngorad. “Sensey ni bod rogon Kristus e kab t’uf ni ngam nang salpen e pi’in ni gabe machib ngorad nge tin nibay ulan gum’ircha’enrad. … Rayog ni ngamu pir’eg e bin nib mangil e kanawo’ niyad ma fil bogi ban’en. Rayog ni ngamu fith e duwer, mag motoyil nib fel’ rogon, mag guy rograd. Ma bin th’abi fel’, era yib u dakean e meybil ni fare Thothup e bayi ayuwegnem ngam nangfan. Gelngin fana gamanang facha’, e aram gelngin nrayog rom ni ngam ayuweg nge nangfan me thapege gelngin e pin’ey nifan ngak nibe yib ko fare gospel ku Yesus Kristus. Napan ni gara nangfan e n’en nib t’uf rok facha’, ma fare Thothup era ayuwegem ngam nang rogon ni ngam ayuweg ko garbod ko fare ran nima yib rok fare Tathapeg” (Teaching in the Savior’s Way, 13).

Isaiah 58:13–14

Tay fan Somoel ko fare ran ni Sabbath era pi’ e falfalaen’.

Re ran ney ko Sabbath a ba rran nib “falfalaen’” ngay? Napan e bay mu fil e Isaiah 58:13–14, mu tafney nag rogon ni gara pateg boch e falfalaen’ ko fare ran ku Somoel. Wod ni, mang e be yipfan ni ngam pi’ ker’um “ko tin ni gabaadag ban’en ulan fare ran nib thothup [Ngak]”? Mange bathil u thilin e “[falfalaen’] ngak Somoel” ko “kotin ni kanawo’en ni gabe nameg”?

Ngkum guy ko Russell M. Nelson, “The Sabbath Is a Delight,” Liahona, May 2015, 129–32.

Isaiah 59:9–21; 61:1–3; 63:7–9

Yesus Kristus e ir e Tathapeg nge Tathapeg rog.

Isaiah 58–66 e bo’or babyoren e ayuw riy nib sor fan ko rogone muruwel ko bayul rok Yesus Kristus. Musap ngay ko napon ni gabe fil mornga’agen. Nrib ga’ ningam sap, ko fapi title riy nge thin nibe weliy rogon fare Tathapeg. Ni woed:

  • Mange ran’en nike gin owchem ngay ni mornga’agen “nra ayweg e pi’in kan gafgow” ulane Isaiah 59:16–21? Uw rogon ni gel fare Tathapeg kotin nweliy mornag’agen ulan e verses 9–15?

  • Napan ni yoeg Yesus Kristus ngak fapi gidii’ nu Nazareth ni’ir e fare Messiah, me non nibe weliy e thin ulan e Isaiah 61:1–3 (muguy ko Luke 4:16–21; sma ngkum guy ko video ni “Jesus Declares He Is the Messiah,” Gospel Library). Uw rogon nike tawa’ath nigem Yesus Kristus nge kuboche gidii’ ko tineye pi kanawo’ nikan weliy rogon ulane pi verse ney? Uw rogon nike pi’ e tin nib fal’ya’an ko yung ney nibay e qawaat riy?

    3:24

    Jesus Declares He Is the Messiah

  • Bin ngan e “t’ufeg rok Somoel” e rayog ni ngamu “weliy”? (muguy ko Isaiah 63:7–9).

  • Mang boch ban’an nikam pir’eg ni mornga’agen fare Tathapeg nibay ko Isaiah 58–66?

Ngkum guy ko Mosiah 3:7; Doctrine and Covenants 133:46–53.

ya’an pa’ bmo’on nibe fek e magal ninge awfeg rama’en e magal ku be’ nib bpin

Ba Tawa’ath ko Tomilang, ke yib rok Eva Timothy

Isaiah 60; 62

“I Gag SOMOL e bay gu mang tamilang ngom ni manemus.”

Isaiah 60 nge 62 e non nibe weliy mornga’agen e tomilang nge lumor, owchey nra guy e machib ko gospel ku Yesus Kristus nra tawa’ath nag e fayleng ko tin ntomur e ran. Musap nag mornga’agen epin’ey ko Isaiah 60:1–5, 19–20; 62:1–2. Napan e bay mu be’eg e pi guruy ney, mag lem nag ko uw rogon nibe kunuy Got pifak nibay u fithik e lumor ngeyib ko tomilang Rok. Mang e muruwel rom ko biney e muruwel?

Ngkum guy ko 1 Nephi 22:3–12; 3 Nephi 18:24; Doctrine and Covenants 14:9; Bonnie H. Cordon, “That They May See,” Liahona, May 2020, 78–80.

Isaiah 64:1–5; 65:17–25; 66

Kristus e ra gagiyeg nag e Millennium u fayleng.

Fanathin Isaiah nga bbrran ni “tin kakrom e oloboch e ra chuw min pagtalin” (Isaiah 65:16). Bo’or yang ko biney e prophecy nike buch, ma bin ni kabay ni yibe son nag, e fare ran ni bayi yib—ni bayi sul Yesus Kristus biyay. Weliy Isaiah mornga’agen e ra ran ney ni bayib ngam’on ulane Isaiah 64:1–5; 65:17–25; 66. Kam guy rogon ni bo’or yay nibe fanay e thin ni wode “falfalaen’” nge falfalaen’uy” ngay. Mang fan napon nra sul fare Tathapeg ma ir e bbran ko falfalaen’ nifan ngom? Mang e rayog ningam rin’ me fal’ag rogom ko fare wub Rok?

Ngkum guy ko Articles of Faith 1:10; Russell M. Nelson, “The Future of the Church: Preparing the World for the Savior’s Second Coming,” Ensign, Apr. 2020, 13–17.

Faanra gabadag ni ngamu guy boch mornga’agen, muguy ko fapi magazine ko Liahona nge Fan ko Gelngin e Pi’in ni Fal’yangren ko piney e puul.

ikon ko bin guury nifan e pi’in ni bitir

Boech e Kanawo’ ko Machib nag e Bitir

Isaiah 58:6–11

Pag e abich e ma tawa’ath nigeg ma kuma ayuweg e pi’in ni yad be gafgow.

  • Sana bin nib mangil e kanawo’ nra pi’ e athamgil ngak pifakam ni ngar paged e abich—ni fa’anra ke tow ko ngiyal’ riy—e ngan ayuwegrad ni ngar nanged fan fan nike pi’ Somoel e biney e motochiyel. Mu be’eged u tabaang e Isaiah 58:6–11 ni ngam gayed e fulweg ko pi duwer ney: Mangfan ni gadad ma pag e abich? Urogon ni ngad fast gaed? Krayog ni ngam sap ko Guide ko Babyor nib Thothup ni mornga’agen e “Fast, Fasting.”

  • Fa’anra ke buch rom nikam yudro’ nikam pag e abich, ma rayog ni ngam weliy ngak pifakam. Ma krayog ni ngamu fith ngorad ko uw rogon ni yaedra weliy e biney ngak rebe tafagar fan nike pi’ Somoel e biney e motochiyel ngodad.

Isaiah 58:13–14

Fare rran nib Madnom e rayag ni nge falfalaen’ug ngay.

  • Tomuren nikan mu’ i be’eg e Isaiah 58:13–14, mrayog ni ngam sap gad ko calendar nib sug e ran riy mag pining pifakam ni ngar uned ngom ngam moged fapi ran. Napan e bay mu tow gad ko fare ran nni Sabbath, mag yoeg ngorad ni ngar roged fithingan ni fare ran ko “falfalaen’.” Moeg ngorad fan nib falfalaen’um ko re ran ney ko Sabbath.

  • Mu weliyed rogon nra “gal ram’en SOMOL nga dakenam” fare ran ko Sabbath. Sana rayog ninge drowing nag pifakam ya’an boch ban’en miyad tay ngalan fare “kahol ko rama’en e Sabbath.” Ma, napan e bayi t’uf ni ngar rin’ed ban’en nibfel ko fare ran ni Sabbath, miyad fek ulan e re kahol ney nikar fal’aged.

ba sassing ni yaan Yesus

Rama’en e Tomilang Rodad, ke yib ku Dan Wilson

Isaiah 60:1–3

Fare Tathapeg e wod e tomilang nifan ngog.

  • Rayog ni ngam pining pifakam ni ngar ninged owchrad ma gabe be’eg e Isaiah 60:1–3. Moeg ngorad ni ngar binged owchrad napon e bayra rung’aged ni kamog fare bugithin ni “rama’en” ma kiyad ning ochrad napon e bay ra rung’aged fare bugithin ni “lumor.” Yesus Kristus nge fare gospel rok e wod e rama’en nima ayuwegdad ko kanawo’ rodad ko sul ngak e Chitamangiy nu Tharmiy.

Isaiah 65:17–25

Napan e ra sul biyay Yesus, ma pi’ e gapas nge falfalaen’.

  • Isaiah 65:17–25 mu weliy ko mange ra buch ko fayleng napon e bayi sul biyay fare Tathapeg. Napan e bay mu be’eg e pi verse ney ngak pifakam, ayuwegrad ni ngar guyed rogon nra thil e biney e yafos ko yafos ko fare “bin be’ech e fayleng” nike weliy Isaiah mornga’agen. Mang fan ni ireray e ngiyal’ ni ra “felfelan’gad ndariy n’umngin nap’an”? (verse 18).

  • Ma krayog ni ngam moen’ed rebe tang u tabaang ni morng’aagen e bin L’agruw e Wub, ni wod e “When the Savior Comes Again” (Gospel Library). Mu weliyed ko mange ran’en ni gamed be nameg nga m’on ko fare wub rok fare Tathapeg. Mang e rayog ni ngad rrin’ed me fal’eg rogdad nifan e binem e ran?

Faanra gabadag ni ngamu guy boch mornga’agen, muguy ko fare magazine ko Pi Tafagar ko biney e puul.

Yesus Kristus nibay u lane lang, nibe mat’ rama’en

“Mu od, nge al rama’em ni bod e yal’, ram’en SOMOL e ke gal nga dakenam” (Isaiah 60:1). Rama’en nge Yafos, ke yib ku Mark Mabry

Activity payg ko Primary: Fare rran nib Madnom e rayag ni nge falfalaen’ug ngay