“October 26–November 1. ‘Bay Gu Thilyeg ea Kirbanʼ Rorad ko Falfalanʼ: Jeremiah 31–33; 36–39; Lamentations 1; 3” Moey, Ngam Lakeg—Fan ko Tabinaew nge Galasia: Bin Kakrom ea M’ag 2026 (2026)
“October 26–November 1. ‘Bay Gu Thilyeg ea Kirbanʼ Rorad ko Falfalanʼ,’” Moey, Ngam Lakeg—Fan ko Tabinaew nge Galasia: Bin Kakrom ea M’ag 2026
Jeremiah Lamenting the Destruction of Jerusalem, by Rembrandt van Rijn
October 26–November 1: “Bay Gu Thilyeg ea Kirbanʼ Rorad ko Falfalan”
Jeremiah 31–33; 36–39; Lamentations 1; 3
Napon ni pinging Samoel Jeremiah ninge mang ea profet, Me yoeg ngak ni murwel rok ea nge “pug lekngin, nge gerngiy ngabut” (Jeremiah 1:10)—ma u Jerusalem, ea riboqor ea denen riy ningan pug lekngin ngan gerngiy ngabut. Machene biney ea buchiyang ko murwek rok Jeremiah—makun pining ninge “toey, mange woldug” (Jeremiah 1:10). Mang ea rayog ningan toey fa niyung ngadaken bangi butʼ nike pag fapi girdiq ni i togopluw nikar falʼegged fare mʼag? Mu fith reb ea rogon, ni denʼen nge gafgow ea kepag ea yafos rodad u fidik ea tagan, urogon ningad toeyed magdad wuldug biyay? Fare fulweg riy ea bay u langgin “fare paqngin ea mangil ” (Jeremiah 33:15), fare Messiah nnimcheg. Ke fek i yib “ba mʼag nib beqech” (Jeremiah 31:31)—reb nib tʼuf boech ngay ko fare outward appearance ko devotion. Motociyal rok ea ngari paer “u fidik [dad],” nikan yoeloey “ingalanggin gumʼirchaqdad [dad].” Ireram ea nʼen nibe yipfan ngak fare Samoel ni “nge mang Got [rodad]” nge gidad ningad manged ea girdiq “[Rok]” (Jeremiah 31:33). Ni nʼumngin ea yafos, ma kagdad ra ngongliy ea oloboch magdad kirbanʼ i yaen i yaen. Machene napon nmigdad rarinʼ, fare Samoel ea micheg, “Baygu thilyeg ea kirbanʼ rorad ngemang falfalanʼ” (Jeremiah 31:13).
Ningan guy ko Lamentations, muguy “Lamentations,Babiyor ko”u langgin fare Guide ko fare Chep.
Bugi banʼen nifan ko ningan fil u Tabinaew nge Galasia
Jeremiah 31; 33
Fare Somoel ea bayi fek nge chuweg ea girdiq Rok ko fagnem nikan tayrad riy.
Langgin Jeremiah 31; 33 fare Somoel ea nang fare “lamentation, nge yoer nib mugnin” (Jeremiah 31:15) nira buch ko fapi Israelites ko ginem nikan tayrad riy. Ere, ki yoeg ea thin ko gapas nge gonop. Mu sapnag u napon nibay mu beqeg ea pi guruy ney. Mang ea pi michmich nikam pirqeg nib sarfan ngom?
Jeremiah 31:31–34; 32:37–42
“Bay ramanged ea girdiq Rog, ma bay Gumang Got rorad.”
Ni aram ni fapi Israelites ni kar thʼabed fapi mʼag rorad, Jeremiah ea yoeg ni fare Samoel ea bayi ngongliy biyay reb “nib beqech” nge “bamʼag nib manemus” ngorad (Jeremiah 31:31; 32:40). Mang ea re mʼag nem? Musapnag fapi insights u langgin fare Guide ko fapi chep, “Beqecg nge Mʼag nib Manemus ,” Gospel Library.
Baymu beqeg Jeremiah 31:31–34; 32:37–42, mag lemnag:
-
Urogon fan ngom ningam un ngak girdiqen Got.
-
Urogon fan ningan yoeloey ea motochiyal Rok ngalan gumʼirchaʼem.
-
Mang ea ke micheg Somoel u napon nibay mu ngongliy fapi mʼag Ngak.
-
Urogon nike thilyeggem fare thaqen ea mʼag rom gak Samoel.
Mang boech ea michmich nikam ngongliy ngak Got u napon nikam un ngaboech ea gamʼing nib machalbog? Urogon nibe rinʼ fapi michmich Rok nike micheg ngom?
Mukum guy ku David A. Bednar, “mu Paer u fidikeg, ange Gag u fidikem; Ere muqun Ngog Ngadarow,” Liahona, May 2023, 123–26.
Jeremiah 36
Fapi chep ea bay gelngin nire palog nigeg nga urel ko tin nib kireb.
Ni yoeg Jeremiah 36:2–3,mangfan ni motochiyal nag Samoel ku Jeremiah ninge yoeloey ea pinʼen niobe yoeg? Baymu beqeg Jeremiah 36, mag guy rogon nibe lemnag bugi girdiq marngeqgen ea pi thin ney:
-
Fare Somoel ea be (guy verses 1–3, 27–31)
-
Jeremiah (muguy ko verses 4–7, 32)
-
Baruch (muguy ko verses 4, 8–10, 14–18)
-
Jehudinge Jehoiakim nu pilung (muguy ko verses 20–26)
-
Elnathan, Delaiah, nge Gemariah (muguy ko verse 25)
Mu lemnag rogon nigbe lemnag marngeqgen fapi chep nib thothup. Urogon nikar ayuwegem ni kam chel nga urel ko kireb?
Jeremiah 37–39
Mu gel nigem i lek ea pi profet ku Got.
Langgin ea Jeremiah 37:1–3, 15–21; 38:1–6, 14–28, mang ea kamguy ni Zedekiah ni pilung ea mich u wanʼ ni Jeremiah ea riyulʼ niqir ea profet ku Sammoel? Mang ea kamguy ni Zedekiah ea darmich u wanʼ? Mang ea kamfil ko galinnʼey? Baymu beqeg Jeremiah 39, mulemnag komang ea re thilriy ni faqan ra Zedekiah nge girdiq rok er laked fare profet miyad fol ko fapi motochiyal ku Samoel. (Mu taqreb nag ea nʼen nike buch ku Zedekiah ko nʼen nike buch ko tabinaew rok Lehi u lane 1 Nephi 1–2.)
Jeremiah 38:6–13; 39:15–18
Rayog ningug gel nigeg ngug sakiy kotin nib mangil.
Fapi tiyoegang’ ko fare pilungea yad be lemnag ni fapi thin ku Jeremiah ea be warnag laniyan’ ea salthaw rorad ngar dabuyed ea cham, ere roen’ed Jeremiah ngalanggin ba kalbus nirib gel ea alit riy (muguy Jeremiah 38:1–4). U langgin Jeremiah 38:6–13, mang ea gaba adag u marngeqgen fare thin ni yoeg Ebed-melech fare Ethiopian? Muguy fare tawqath nipiq Samoel ku Ebed-melech in Jeremiah 39:15–18.
Urogon ningam rin’ niboed rogon nike rin’ Ebed-melech?
Fare Meyoer ku Jeremiah
Lamentations 1; 3
Fare Somoel ea royog ninge chuweg ea kirban’ nugbe tay nibchan ea denen.
Fare babiyor ku Lamentation ea buqlung i poems nikan yoeloey u tomuren ke kirebnag u Jerusalem nge temple riy. Mangfan nigbe lemnag nib gaqfan nikan chaqriy ea pi poem nem? Mu lemnag komang ea metaphors u lane Lamentations 1 nge 3 ayweg nem ngam nangfan marngeqgen fare gafgow nibgel nitay Israel Mang bamulwol ko athpeg ngak Kristus ea kam pirqeg? (muguy Lamentations 3:20–33; mukum guy Matthew 5:4; James 4:8–10; Alma 36:17–20).
President M. Russell Ballard ea keyoeg in rogon nira n’igin boech nge ea girdiq ngar paged ea fare athpeg, ma kepiq councel ni marngeqgen ko uw eyra pirqeg ea athpeg riy:
“Boech i gadad ea bayi pirqeg ni yafos rodad ea ke tomal nag ea kankanaen’, taganaen’, nge kirbaen’. Boqor nibt’uf ea ayuw rorad ko pi n’en niboqor nibe buch nibay nim’ug nikri gaq u lane fayleng. Boech ea gafgow nibchan ea choenggin ea tabinaew nikar uned ko fare, lul’ nibgel ma ke waernag ma ke chuweg ea tin nib fel’ yalen. … Boqor nikar pagedyad kar fanayed fapi den’en nge cruelty ko fayleng nidab kiyog i fal’eg rogon. Kar malog athpeg roraed. …
“… Boech i gadad kar malog gad urngine athap nibchan ea denen. Beq ea rayog ningri gaqfan nga fidik ngonglen ea fayleng nidar kirguy woqen ngapalog ko tin kireb ban’en. Gube wenig ngak gubin nike mul ngalanggin ea re wup ney ko fare toqgor ni dabir give up gad! Demutrug rogon nibaynim’ug fa rogon nibay yib, wenig nge pagan’um ngog, gubin ngiyal’ marayog ning qum athpeg. Gubin ngiyal’” (“Fare falfalan’ ko Athpeg ea kan Fulfilled nag,” Ensign, Nov. 1992, 31–32).
Mukum kuy “Moey, Gimed ea pi Kirban’,” Hymns, no. 115.
Mu ayuweg boech beq ngar feked ea murwel ko learning rorad. Boech ea ngiyal’ ea bayni m’ug ni bin th’abi moem kanawqen ningan fil ea nganoeg ko piqen niyad be fil komang ea gadad be lemnag ningar nanged. Machene, bin nib moem kanawqen ea gathi gubin ngiyal’ magfel’ kanawqen. Elder David A. Bednar ea machib nag: “Tafney rodad ea dabi yadrom ‘Mang ea ngigoeg ngorad?’ Fa, fare duwer ningad fided gadad riy ea ‘Mang ea rayog ninggu piningrad ngar rin’ed? Mang bugi duwer nirayog ning gufid ni, faqan yad ba adag ningar fuwegged, nira tabob i pining fare Kan Thothup ngalanggin ea yafos rorad?’” (balayal’ nibay ba General Authority riy, Feb. 7, 2020, broadcasts.ChurchofJesusChrist.org; mukum guy ea Michib nag u kanawqen fare Tathpeg, 25). Bay rogon ni boqor ningan ayweg ea piqen niyad befil ngar fekem ea murwel riy. Ni boed, ko piqen nibe fil u online ea kan pining rad ningar gayed, mir lrmniged, miyad yoeloey ngbut’, mirsap gad ko fapi sasing, mir uned ko class nibe fil rogon, miyad foeqoed miyad rin’ ea n’en nikar filed.
Bugi ban’en nifan ko Skulnag ea Bitir
Jeremiah 31:3
Chitamngiy ni Tharmiy nge Yesus ea gub tuf rorow “ba adag nib manemus.”
-
Baymu beqeg Jeremiah 31:3 ngak pifakam, marayog ningar piqed ea ayuw ngom ngam pirqeg bugi ban’en (fa yaqan bugi ban’en) nike n’uw napon nike paer, ni boed ba coin nib wasay, nge boech ni dabyoeg ninge paer nib n’uw napon ni boed yuyang i waqamngin ea gakiy. Mu weliy marngeqgen komang ea “everlasting” mag foeqoed niged ngomed rogon nikam thamiyed fare adag ko Chitamngiy nu Tharmiy nib “manemus.” Moen’ed reb ea tang u taqbang ni boed fare “Got ea be Matamgiy Gubin” (Babiyoren ea Tang ko Bitir, 229).
Jeremiah 31:31–34; 32:38–41
Got ea re aywegneg ngug fol ko fapi m’ag rog
-
Pifakam ea sana yadra adag ningar drowinmg miged yaqan ba gum’irchaq ngadaken bangi babiyor miyad yoeloey ngalanggin fare gum’irchaq ea pin’en nikar filed ku Jeremiah 31:31–34 ni marngeqgen i ngongliy ea pi m’ag ngak Got. Sana gaba adag nigam review nag fare m’ag nikar ngongliyed u napon era tawfe (muguy ko Mosiah 18:10, 13) magmed weliy komang ea be yipfan ningan yoeleoy ea pi michmich ney ngalan gum’irchaqrad.
Jeremiah 36:1–4
Fapi chep ea ir fapi thin rok Got.
-
Babiyoren gosgos ko Biney ea week ea re ayweg pifakam ngar filed marngeqgen Jeremiah, Baruch, nge fare pilung (muguy Jeremiah 36). Rayog ning ranoed u yaqan nimmuqun ko fapi thin nibay ko Jeremiah 36:4–10, ni boed ea yolyol ngalanggin ea babiyor (muguy verse 4) min beqeg fapi chep ko girdiq (muguy verses 8, 10).
-
Gur nge pifakam ea rayog ningam sagad ko babiyor ko bitir magmed copy nag fapi chep magmed weliy marngeqgen rogon nib thilthil eapi babiyor ney. Mang ea betay fapi chep nib gaqfan Sana ngam foeqoed ged ngomed boech yuyang ea chep nib gaqfan ngomed.
Jeremiah 38:6–13
Rayog ninggu sakiy ko tin nib fel’.
-
Mu fanay ea sasing u tomuen fare online nge ayweg pifakam ngar guyed fare yat ku Ebed-melech u lane Jeremiah 38:6–13. Sana ngam gay reb ea verse ni rin’ Ebed-melech ben’en nib gaq ninge ayweg fare profet ku Got. Mang ea ngad rin’ed nmingad daged ni gadad manang ni profet ea dabaq ea ke yib Got?
Lamentations 1:1–2, 16; 3:22–26
Fare Somoel ea ke bing rogon ngog ningan n’agfan fapi denen rog.
-
Ni ngan weliy ea Lamentations, mu weliy ngak pifakam ngar ninged nibchan ea daqni kalngan’ fapi Israelites, Jerusalem nge fare temple en buthug. Mu foeqoeded ngomed rogon nigmed be lemnag ni faqan gamed be paer u roem ko ngiyal’ nem (muguy Lamentations 1:1–2, 16). Urogon ni fare mulwol u lane Lamentations 3:22–26 ea ke piq ea gonop ngom?
-
Mu weliyed ngomed marngeqgen bingyal’ nike kirban’med ngareb ea choice nikamted. Mang ea kad pirqegged u lane Lamentations 3:22–26nkibe aywegdad ngad nangfaned fare man’agfan ni piq Yesus Kristus?
Nge boech, muguy ea babiyor ko biney ea pul ko fareFager magazine.