Daniel 1–7

Woed rogon, nigad bay u Babylon. Bay boech ngiyal’ nima yib e lumael ngodad nga’i marwar laniyan’ ngad chuweged e mich rodad ngak Kristus fa danga. Npan nigara bi’eg u Daniel 1, 3, nge 6, mag yoloey ko rogon ni’un towasariy Daniel, Shadrach, Meshach, nge Abed-nego ko bugibinen’ niyad manang nib kireb. Mang e rin’ed npan ni buchnuch e pin’ey rorad? (muguy u Daniel 1:10–13; 3:15–18; 6:10). Mang e buch nibochan e mich rorad? Mang e kam fil ko biney e nen’ nike buch nrayog ninge ayuwegnem nge pagaen’um ngak fare Somoel npan rayib e magawon ngom? Ma kum laminag e tin ba’aray e duwer:

• Mang bangiyal’ ni’un towasariyem ningam rin’ binen’ nigaminang nda’anifal’? Urogon ni tow’athiyem Somoel nigabe tayfan e motochiyal Rok?

• Ma fa’anra mich roem e da’ani thapeg e ma’ang’ang nigabe gay? (woed rogon, u Alma 14:8–13). Woed rogon nikam bi’eg u Daniel 3:13–18, urogon ni Shadrach, Meshach, nge Abed-nego era fulweg e thin ko re duwer ney? Urogon ni kanawo’enrad era fanow nigem ko tiroem e magagowan?

• Urogon ntin nigabe yul’yul’ ngay era pow’iy e girdi’ ngak fare Somoel? (muguy Daniel 2:47; 3:28–29). Mu laminag rogon e tin nigabe me’eleg ya ra’i pow’iy e girdi’.

Muguy ko Dieter F. Uchtdorf, “Be Not Afraid, Only Believe,” Liahona, Nov. 2015, 76–79.

U fathik e yi’iy, ma Daniel e guy e lik’ay roek Nebuchadnezzar ni’i weliy mornga’agaen gil’ilungun e fayleng nra’i kireb ko gobul nge langlaeth, nga biroek gil’ilungun Got, ni “dabni gathay” (Daniel 2:44). “Fare Galasia e i weliy ni tin tomuran-e rran ko gil’ilungun,” ni weliy Elder D. Todd Christofferson, “ni gathi girdi’ e rtoeyed ya Got nu tharmiy nwoed fare malang ni talolobaeb ngabuut’ ‘nikan thi’ab ko biray ndariy pa’ay riy’ ningan suguy fare fayleng” (“Mangfan fare Galasia,” Liahona, Nov. 2015, 111). Mu laminag mornga’agean Got ko tin tomuran-e rran e gil’ilungun npan nigabe bi’eg u dakaen fare malang Daniel 2:34–35, 44–45. Mang e bin ga’fam nikannoeg ngom ningam pi’ e ayuw riy npan ra buch?

Muguy ko “Hark, All Ye Nations!,” Hymns, no. 264; “Got e Pi’ Ngorad e Tomilang” (video), ChurchofJesusChrist.org.

13:49

Npan nigaram man u dakaen Daniel 2:1–15, laminag ko rogon nigara thamiy nfa’anra nwoed ni buch roek Daniel. Mang e rin’ Daniel? (muguy u Daniel 2:16–18). Mang e rayog ningam fil roek Daniel 1:17 ko rogon ni fal’agin rogon Got Daniel ? Urogon nrayog ningam fil rogon e thin roek Daniel nge ngongol rok npan ni yog e ayuw ku Somoel ngak? (muguy u Daniel 2:19–30).

Npan ni machib fare Tathapeg u fayleng, ma bo’or e Jews ni’i sap ngay ni’ir “Pagel nfak e girdi’” roek Daniel 7:13 nibe yipfan fare wub ko fare Tathapeg. Mang e kam fil ko mornga’agaen fare Tathapeg Daniel 7:13–14? (ma kum guy u Moses 6:57).

Fare Tathapeg e i yog ni bo’or ngiyal’ ni’ir “fare Pagel Nfak e girdi’.” Mu laminag ngam sap boech ko tin ba’aray kanawo’en: Matthew 25:31; Mark 9:31; 10:45. Ir e mang e be fil ni Mornga’agaen u lane pi thin ney? U Mark 14:61–64, Yesus e yoeg ere bugithin ney u tomuran rran rok ko biney yofas. Mu yoloey ngabuut ko rogon e girdi’ npan nirrung’aged ere bugithin ney ni Yoeg. Urogon nin nen’ ni yoeg Daniel ko mornga’agaen fare Pagal Nfak e Girdi’ e be pow’iy rogon e tafiney roem Ngak Mark 15?

Nwoed rogon ni kireb lanin’uy Ngak Yesus ni’i yoeg Ni’ir “fare pagel nfak e girdi’,” e kuwoed rogon nra buchbuch roem npan nigara sak’iy ngalang ngam weliy e tinnib riyul’. Ta’areb nag rogon nin weliy u Daniel 7:13–14 ko fapi micheg u Doctrine and Covenants 121:29, 46.

Muguy u Doctrine and Covenants 49:6; Pow’iy u lane fapi Chep Nthothup, “Pagal Nfak e Girdi’,” Gospel Library.

• Rangam ayuweg e bitir roem ngar filed mornga’agaen e yat u lan fare babiyor ku Daniel, ma rayog ningam gay e sasing ko tin ni’i buchbuch u Daniel 1, 3, nge 6 (muguy e gosgos ko biney e babiyor ko biney e wik Gospel Art Book, nos. 23, 25, 26). Mag sapeg e sasing ngabuut mag pining gubin e bitir nge fek reb me weliy mornga’agaen e yat nibe yipfan. (Fa’anra btuuf e ayuw, muguy “Daniel nge Fagar Rok,” “Shadrach, Meshach, nge Abed-nego,” nge “Daniel nge loew ko fapi Lion” u Bin Kakrof e Chep Nthothup, 154–56, 160–62, 163–65.)

  

  1:39

  

  1:39

  

  1:45

• Mu ayuweg e bitir roem ngar lamiged rogon e tin niyid be me’eleg npan nran towasariyrad ko boech binen’ nfa’an ni fal’, nwoed Daniel nge fagar rok u Daniel 1, 3, nge 6. Mu weliyed ngomed ko uwrogon nikan tow’athiymed npan nigamedbe me’eleged e tin nib mangil. Rayog ningam mo’oned e tang u ta’abang nibe yipfan e biney e topic, “Me’eleg e Mataw” (Hymns, no. 239).

• Ran bi’eg mornga’agaen Daniel nge fagar rok nd’an r’unmed e wine fa riked e thim’ag ko fare pilung e ra pi’ e tomilang ko boech e sabathin ko mornga’agaen e motochiyal nike pi Chitamangdad Nu Tharmiy ngodad ko rogon e kolayuw ko doewef (muguy u Doctrine and Covenants 89). Ma kurayog ningam sap ko tow’ath ni yog ngak Daniel nge fagar rok mag chagaliy rogon ngata’abang ko micheg nibay ko Thin ko Gonop (muguy u Daniel 1:15–17 nge Doctrine and Covenants 89:18–21).

• Npan nigara bi’eg Daniel 2:31–35, 44–45 ko pfakam, ma rayog ningam piningrad ngar yoloeyed ya’an e lik’ay roek Nebuchadnezza. Mu ayuwegrad ngar ningedfan mornga’agaen fan fare malang nibe yipfan Fare Galasia ku Yesus Kristus ni Fan ko Gidii’en Got ko Tin Tomur-e Rran. Mang e ked filed mornga’agaen fare Galasia u lane re lik’ay ney? Bitir roem e rayog ningar yoeged boech rogon ni Chitamangindad Nu Tharmiy e fal’agin e Galasia Rok nfan e tin tomuran e rran. Fa’anra tuuf e ayuw rorad, mag dag ya’an e sasing ngorad ko rogon nsulweg fare Galasia (muguy u Gospel Art Book, nos. 90–95).

• Mangfan ni maybil ngak e Chitamangindad Nu Tharmiy e rib tuuf roek Daniel? Sana gur nge pfakam e rayog ningam weliyed mornga’agaen e binef e duwer npan nigamed be bi’eg u Daniel 6 u ta’abang. Ngemu’ migamed weliy u ta’abang ko mangfan ni maybil e rib ga’fan ngomed. Bitir roem e sana yidba ’adag ningar yoloeyed ya’an e sasing niyadbe maybil ndemturug yang niyadbay riy. Rayog ningar filed ngorad ko nen’ nikar yoloeyed ya’an ni rayog nigar maybilgad ngak Chitamanginrad Nu Tharmiy ndemturug ko ngan e yidbay riy fa mang e btuuf rorad.