Come, Follow Me
November 23–29. “Mu Sapnag fare Samoel, mag Rafos”: Amos; Obadiah; Jonah

“November 23–29. ‘Mu Sapnag fare Samoel, mag Rafos’: Amos; Obadiah; Jonah,” Moey, Ngam Lakeg—Fan ko Tabinaew nge Galasia: Bin Kakrom ea M’ag 2026 (2026)

“November 23–29. ‘Mu Sapnag fare Samoel, mag Rafos,’” Moey, Ngam Lakeg—Fan ko Tabinaew nge Galasia: Bin Kakrom ea M’ag 2026

Jonah niyib i qaw nga dappel‘ay

Jonah nibay u daken ea yan‘ u Nineveh, keyib rok Daniel Lewis

November 23–29: “mu Sapnag fare Samoel, mag Rafos”

Amos; Obadiah; Jonah

Jonah ea immoey u daken ba boch nibe yaen nga Tarshish. Dariy ban’en nib tagan ko tarag i yaen nga Tarshish, kemus nirib palog nga urel nga Nineveh, niqir ea susun ninge yaen Jonah ngay ninge yaen i piq ba mulwol ku Got. Napan ni madqeg fare boch bang i yokoq, me nang Jonah ni bachan ea ir ni daqni fol. Me yoeg Jonah, ngorad u daken fare boch ning roen’ed ir ngamaday ye ngeyog ninge gapas ea re yokoq nem. Ke yaen i m’ug ni ireram ea ginimus Jonah riy nge murwel rok. Machene fare Samoel ea dawrimuq ku Jonah—ni taqreb rogon ni dawrimuq ko fapi girdiq u Nineveh, u daken yu Israel, fa daken dad.

Ere Kube piq bugi profet—niboed Jonah, Obadiah, nge tin dabaq ea pi profet rodad—nge fare muwol ni faqan gadad ra kalngan’, madabin noen’dad nga maday nib manemus. U gubin ea “secrets” nidag Got (muguy Amos 3:7), biney ea bay u fidik ea tin th’abbi gaqfan: nibchan Yesus Kristus, ere dawri thimur ningan thil. Ku ba adag ninge ayweg dad ngad folgad ko fapi m’ag nikad ngongliyed Ngak, Ma ba adag ninge piq ngodad reb ea chance.

Ku boech u marngeqgen ea rake babiyor ney, muguy “Amos,” “Obadiah,” nge “Jonah” u langgin fare Dictionary ko fare Babiyor nib Thothup.

study icon

Rogon bugi Ban’en ningan Fil u Tabinaew ngu Galasia

Amos 3:1–8; 7:10–15

Fare Samoel ea madag ea tin riyul’ u daken ea pi profet Rok.

Langgin Amos 3:3–6, fare profet Amos ea kedag rogon ningad yoeloeyed yaqan ko fapi pow nigdad be rungqag fa gadad beguy: napon nira tolul reb ea lion, ma sana kekoel ban’en ninge kay; faqan re aw ba qarcheq ngab wup, ma sana bay ea ggan ko archeq riy. Langgin ea verses 7–8, Amos ea taqreb nag ea ren’ey ko fapi profet. Mang ea rayog ningad yoeloeyyed yaqan u napon nibayi non ea profet? Mang boech ea kamfil ku Amos 7:10–15 ni marngeqgen ea pi profet?

Mang ea ke dag fare Samoel ngom u daken ea pi profet Rok?

Elder Ulisses Soares ea yoeg ni “pi profet nibay ea pow ko adag rok Got” (“pi profet ea yad menon u daken gelngin fare Kan Thothup,” Liahona, May 2018, 99). Mulemnag rogon ningam muruwliy nge m’ay ea re bugithin ney: “Gumnang ni Got ea ba adag geg,nibchanea kepiq ea pi profet …” Baqray boech ea chep ni rayog ninge piq ea ayuw: Deuteronomy 18:18; Ezekiel 3:16–17; Ephesians 4:11–14; 1 Nephi 22:2; Doctrine nge Covenants 21:4–6; 84:36–38; 107:91–92.

Mang ea gara yoeg ngak beq nibe yoeg ni pi profet ea daqnit’uf ea daboq?

Mukum Guy ea Topics and Questions, “pi Profet,” ko Gospel Library.

Amos 4–5

“Mu Sapnag fare Samoel, mag Rafos.“

Nga rogon niyoeg Amos 4:6–13, mang ea be athpeg Samoel ninge buch u tomuren nike madqeg fapi Israelites ea gafgow? (mukun guy Helaman 12:3). Pi gafgow rom ea sana deyib ku Got, ere urogon nikar ayweged gur kam chel Ngak?

Bay beqeg Amos 5:4, 14–15, mulemnag rogon ni rungyem fare Samoel. Urogon Nimgay ea ke piqngom ea yafos?

Amos 8:11–12

Fare thin ko fare Samoel ea rayog ninge m’aynag ea mak’iy nge balel nib thothup.

Baymu beqeg Amos 8:11–12, mulemnag ko mangfan ni uyngol eb mangil ningan taqreb nag ko paer nidariy ea thin ku Got (mukum guy John 6:26–35; 2 Nephi 9:50–51; 32:3; Enos 1:4–8). Urogon magnang ko wiqin ea kamk’iy ni thothup?

Pi verse Ney ea rayog ningan tay ko fare Mul ko Mich nib Gaq (muguy ea Topics nge Questions, “Apostasy,” Gospel Library). Urogon ni l’eg rogon fare “uyngol” ni thothup ngak pifak Got? Urogon ni fare gospel nikan sulweg ea ke m’aynag ea mak’iy rom ni thothup?

Mukum Guy ko “Fare Mul ko Mich nib Gaq” (video), Gospel Library.

16:36

The Great Apostasy

Obadiah 1:21

Miniq ea pi “tathpeg … u daken mount Zion”?

Nibe Sareg ku Obadiah 1:21, President Gordon B. Hinckley ea weliy ni kad manged ea pi tathpeg u daken Mount Zion u napon nikad thapegged fapi thaq nifan kopi yam’ u lane temple (muguy ko “Closing Remarks,” Liahona, Nov. 2004, 105). Urogon ni muruwliy ea re murwel nem ea taqreb rogon—ni faqan ea kemus ni baqchichig rogon—ko mang ea ke rin’ fare Samoel nifan ngodad? Urogon ni muruwliy ea re murwel ney ea ke aywegnem kam chuchgur ko fare Tathpeg?

Mukum Guy ea “Temple nib Thothup u daken Mount Zion,” Hymns, no. 289.

Ba ulung i fel’yangren u baqanyen ko temple

Jonah 1–4

Fare Samoel ea re runguy ea piqen niyad ra chel Ngak.

Nineveh ea yad ba toqgor yu Israel niyimnang farad ko cham nge tin d’abi tagan. Ku Jonah, ea bem’ug ni deriyul’ nikar pired niyad be soen nag ea kalnagn’. Sana mangil ningan taqreb nag ea bitbit’ ku Jonah (muguy Jonah 1; 3–4) ko fare thamtham ku Alma nge fapi pagal nifak Mosiah (muguy Mosiah 28:1–5; Alma 17:23–25). Mang ea kamfil ku Jonah 3 nibe gagiyog nigem i share nag fare gospel ko girdiq nibe m’ug ni dawor ra ready gad ningar paged ngonglenrad?

Baymu beqeg Jonah, magsap nag bugi rarogon ea pi murnguy ku Samoel. Mangfan nignbe thamiy ni Jonah ea ke “dur” meke “puwan’ nib gel” (Jonah 4:1) u napon ni dag Samoel ea murnguy ko fapi girdiq nu Nineveh? Mang ea gabe lemnag nibe gay rogon Samoel ninge fil ngak u langgin ea chapter 4? Mu Lemnag ko urogon nikam nang ea murnguy Rok u lane yafos rom. Mang ea kamfil ku Jonah ni rayog ninge aywegnem mgam dag bioech ea murnguy?

icon ko guruy ko bitir

Bugi Ban’en nifan ko Machib nag ea Bitir

Bachan ea re modnom ney ea bin lal ea modnom ko fare pul, pi sensey ko Primary ea kanoeg ngorad ningar fanayed fapi gosgos nifan i fil ban’en u lane “Appendix B:Fal’eg rogon ea Bitir nifan ko yifos nib manemus ko kanawqen ea m’ag rok Got .”

Amos 3:7

Pi Profet ea yad ea pi tamulwol ku Jesus Kristus.

  • Nge ayweg pifakam ngar nangfanned Amos 3:7, mu kathkathnag ba thin nib moem ngak bagyad magyoeg ngorad ningar share niged rorad. Urogon ni fare tamulwol u lane re gosgos ney ea boed ba profet? Mangfan nike piq Samoel ea profet ngodad?

  • Ngan fil boech marngeqgen komang ea ma rin’ ea pi profet, gur nge pifakam ea nagm beqegged fare mulwol kofare Pilung ko Galasia nikab beqech. Rayog Ningmoen’ reb ea tang niboed ea “Mulek ea profet” (Babiyoren ea Tang ko Bitir, 110–11). Mu Share niged ngomed ko mangfan nikam mel’eg ningam lek ea profet.

Mu Ayweg ea bitir ngar filed ngemit ngirad fapi chep nib thothup. Elder Richard G. Scott shared: “Ngan fil ngemit reb ea chep nib thothup ea boed ningan sunmiy reb ea fager nib beqech. Ni boed nikan pirqeg beq nib beqech ni rayog ninge piq ea ayuw u napon nib t’uf ea ayuw, piq ea tomilang nge gapas, me mang beq ninge piq gelngin ea thil nib t’uf” (“Fare Gelngin ea Chep ni Thothup,” Ensign, Nov. 2011, 6). Nge ayweg pifakam ngar filed ngemit ngorad niqurngin fa bang ko Amos 3:7, rayog ningam yoeloey ngabut’ magmed yoeg ngomed ni boqor yay. Ere mudang fa muqupnguy in fapio thin nge madaq ko ngiyal’ ni pifakam ea rayog ningroegned fare verse ni n’umngin ko memory.

Amos 8:11–12

Fare Sulweg ko fare gospel ea tale fare uyngol ko apostasy.

  • Moey ngak pifakam ngaranoed u yaqan nikar k’iygad u napon ni gabe beqeg Amos 8:11–12. Mang rogon ea thamiy riy u napon nikad k’iygad ko thin ku Got? Sana pifakam ea rayog ning ranoed u yaqan niyad be abich u napon nigmed be share nag ngomed boech fapi chep nib thothup nag baqdag.

  • Rayog ningam use nag fare Guide ko fapi chep nib thothup, “Apostasy” (Gospel Library), fa “Tomuren ea bin beqech ea M’ag” (u langgin fapi Yat ko Bin beqech ea M’ag, 167–70) ninge ayweg pifakam ngar nangfaned fare “uyngol” niyib kofare Apostasy nib gaq ngu rogon ni mus kofare Sulweg. Mu Share niged ngomed boech fan nigmed be qoeg ea magar nike suweg Samoel ea gospel Rok u langgin ea rran rodad.

    2:52

    After the New Testament

Jonah 1–3

Fare Samoel ea re ayweg neg ngug fol Rok, u napon nib moqmaw’ rogon.

  • Nge ayweg pifakam ngar filed fare yat ku Jonah, musap ko “Jonah ni Profet” u langgin ea fapi Yat ko Bin Kakrom ea M’ag; mukum guy ea activity page ko biney ea week). Rayog Ningam deqriy:

    • Mang ea buch u napon ni daqni fol Jonah ku Samoel? muguy Jonah 1:4–17).

    • Mang ea rin’ Jonah ningd kalngan’? (muguy Jonah 1:10–12; 2:1–4, 9; 3:1–4).

    • Mang ea buch u napon ni fol Jonah? (see Jonah 3:5).

    2:30

    Jonah the Prophet

  • Pifakam ea sanayad ra adag ning kiroegned fare yat ku Jonah fa ranoed u yaqan. Mu Share niged ngomed boech ban’en nike buch u napon ni ba adag Samoel nimngam rin’ ban’en nirib moqmaw’ ngom ningam rin’. Urogon Ni aywegnem ngam fol Rok?

Jonah 1–4

Fare Samoel ea re runguy ea gubin nira chel Ngak.

  • Sana pifakam ea rayog ning ranoed u yaqan niyad be sededeqriy Jonah u marngeqgen ea n’en nibuch rok. Mang duwer ea yad ra fid ngak? Moeg ngorad ngar deqriyed bugi duwer ningar nanged ko mang ea fil Jonah u marngeqgen Samoel Mang ea sana rayoeg Jonah, boed rogon, marngeqgen fare murnguy ku Samoel? muguy, ni boed rogon, Jonah 2:7–10; 3:10; 4:2).

Yesus nibe k’iyag paq ngab pummoqon niybe piq iyib ngabut’ u thilin ea chig

Kristus nge fare pummoqon nib yaaf,keyib rok J. Kirk Richards

  • Mu Ayweg pifakam ngar lem niged boech yay u napon ni dag fare Tathpeg ea murnguy ku beq, ni boed Mark 2:3–12; Luke 23:33–34; nge John 8:1–11. Gur nge pifakam ea rayog nimgam gayed bugi sasing ni yaqan ea pinn’ey. Mang boech ngiyal nibay ningam rungyed boech beq?

Nge boech,muguy ea babiyor ko biney ea pul k fare Fager magazine.

Jonah ni kanoen’ nga wuruq ea boch nga maday, nibay yaqan ba nig riy nib gaq ni danirguy nibfel’ rogon

Jonah nge fare Whale, keyib rok Kevin Carden

Primary activity page: Fare Samoel ea re ayweg neg ngug fol Rok, u napon nib moqmaw’ rogon