Micah; Nahum; Habakkuk; Zephaniah

Micah e i piningdad ngad lamniged rogon “ningadbad ngak Somoel, ngad siro’gad … u p’owchean Got” (Micah 6:6). Mang e be yoeg ko verses 6–8 nibe yip’fan ngom ko mang e baga’fan ngak fare Somoel npan Nra sap ko yofas rom?

Msap ko thin rok Dale G. Renlund, “Do Justly, Love Mercy, and Walk Humbly with God,” Liahona, Nov. 2020, 109–12.

Murwel rok Nahum e nga’i weliy rogon e mogothgoth nrayib nga Nineveh —capital ko gin tha’abi yo’or e kireb riy u Assyria, nike gager nag yu Israel me gafgow nag yu Judah. Nahum e weliy nso’omon e mornga’agean e domomow rok Got nge gelngin nrib gel, ngemu’ me yoeg ni Got e bay e mangil nge murnguy Rok. Msap ko verses u chapter 1 ninge ayuwegem ngam nang falngin—Got nge falngin. Mangfan nigabe laminag nib ga’fan e pin’ey ningad nangedfan ko mornga’agean fare Somoel?

Ma kubay boch ngiyal’ ni profet e bay e duwer rorad ko boech rogon kanawo’en fare Somoel. Habakkuk, ni’i par u Judah ko ngiyal’ nib yo’or e kireb, e i yol ngak Somoel ko mornga’gean duwer nibay rok (muguy u Habakkuk 1:1–4). Urogon nrayog ningam weliy mornga’agean e tin nibe laminag Habakkuk’s? Mang boech e duwer nib chuchgur ngay nima fith e girdi’ ko tiney e ran ngak Got? Ma yib boech e pi leam nem ngom? Kurayog ningam ta’areb nag rogon e duwer roek ngak boech e girdi’ u lan fare chep nthothup, nwoed nikan patngay u Mark 4:37–38 nge Doctrine and Covenants 121:1–6.

Me fulweg Somoel e thin ngak Habakkuk nibe yoeg Nra pi e Chaldeans (ko fapi Babylonians) ningar gechig niged yu Judah (muguy u Habakkuk 1:5–11). Ma da’ani fal’ u tafiney ku Habakkuk, ndabi pi’ Somoel e ayuw me par nge yaliy “fapi [Babylon] nib tagan ngar li’ed e pich’an nib mangil u [Judah]” (muguy ko verses 12–17). Mang e kam patngay u Habakkuk 2:1–4 mingam pagan’um ngak Somoel nfa’anra dawri fulweg e thin ko duwer roem? (muguy u Mark 4:39–40; Doctrine and Covenants 121:7–8; “God Will Lift Us Up” [video], Gospel Library).

4:59

Chapter 3 e maybil rok Habakkuk’s ko mich nge ’og nag e magar. Urogon lingan Habakkuk u chapter 3 nib thil ko chapter 1? B’aray reb e binen’ ningam laminag verses 17–19: Muyoloey ngabuut’ ko gubin binen’ nib tu’uf roem u fayleng nge tow’ath ko thothup rok Got nike pi’ ngom. Mag laminag rogon nikam lost nag e tin ba’aray binen’ nib mam’ingean u fayleng. Urogon nigara laminag rogon e tin ba’aray e tow’ath nikabay rom? Mangfan nra mom’aw ningad “falfal’aengad ngak fare Somoel” (verse 18) u dakean e gafgow nwoed nikan weliy u verse 17? Laminag ko urogon nrayog ningam ga’nag rogon e michrom ngak Got, ndemturug nfa’anra bfel e gafgow ko yofas.

Muguy nike weliy Gerrit W. Gong, “All Things for Our Good,” Liahona, May 2024, 41–44; “Lead, Kindly Light,” Hymns, no. 97; Topics and Questions, “Seeking Answers to Questions,” Gospel Library.

Npan nigara bi’eg e thin ko fare profet Zephaniah, mag sap ko kanawo’ nur ranoed riy nge mada’ ko ngiyal’ nin gathayrad —thingarmu sap ngay ko Zephaniah 1:4–6, 12; 2:8, 10, 15; 3:1–4. Mag sap ko kanawo’ ko pich’an ni cha’ariyrad Got—muguy Zephaniah 2:1–3; 3:12–13, 18–19. Mang e thin nigabe thamiy nibe yoeg fare Somoel ngom u lane pi verse ney?

Npan nigara mu’ i bi’eg Zephaniah 3:14–20, Mag sap ko urungin rogon nrayog ningam mu’nag e re bugithin ney: “Mu faleag e num’ mag falfalean’ u gumircha’em” nibochane … Mangfan nib tu’uf ningam nangfan rogon e pin’ey ningan falfalean’ ngay? Mu ta’areb nag rogon e pin’ey ko biney e verse ko tin nike buchbuch u 3 Nephi 17 mag laminag rogon ko urogon nike thamiy Yesus Kristus ko pigirdi’en—nikagab mo’un ngay.

• Pifakam e sana da’anra nanged ni fare profet Micah e i ayuweg fapi m’on nib luwean’ ngar patgad ngak Yesus u Bethlehem. Mu use nag i Micah 5:2 nge Matthew 2:1–6, ninge ayuweg e bitir roem ngar raned u kanawo’en. Ngemu’ mag weliy mornga’agean Yesus nin gargeleag nge rogon nrib ga’fan ko profet nir nangedfan ko gubin e duw u m’on ninge buch.

• Npan nigara mu’ i bi’eg e Nahum 1:7, ma bitir roem e rayog ningar toeyed e rungrung “ninge koel nib gel” fa ba no’un nib ga’ (ba’aray reb ya’an nikan pi’ aray). Mang boech fan ngirdi’ e rib tu’uf ninge yog e rungung nrib ga’ ngorad? Mang e be yip’fan e ran rodad “ni nran nibay e magawon riy”? Urogon ni Yesus Kristus e bwoed dakaen bdaf nib gel ngodad?

• Npan nigura weliy mornga’gean i Habakkuk 2:3, ma gur nge pfakam e mangil ningam weliyed mornga’agean e tin nib mangil nfa’an ran soen nag—woed a ’athalaab ndawri loel fa flowa ningan lith. Mang e ra buch nfa’an rad ked e ’athalaab nikab kak’iling ndawri fal’rogon? Ngemu’ mag weliy mornga’agean fare profet Habakkuk, ni athapeg Somoel ninge tilaeg e tin nibe buchbuch nib kireb u fayleng. Mag bi’eg e thin ni fulweg Somoel ngak Habakkuk 2:3. Mu ayuweg pfakam ngar lamniged e tin nike micheg nag Got. Ko gubine kanawo’, rayog ningam moeged u ta’abang, “Mu soen nag; ya ribbadugil nra yib.”

• Ngan yan u ya’an ku Habakkuk 2:14, me gur nge pfakam e rayog ningam sugiyed e maloer fa kahol ko sasing fa bugithin nibe yip’fan e tin ni’i rin’ Yesus nge tin ni’i machibnag. Urogon nrayog ningad sugiyed e fayleng ko mornga’agean Somoel?

• Rayog ningam dag ya’an e map ngak e bitir roem (muguy ko Church History Maps, no. 7, “Map ko fare Fayleng”). Mu ayuwegrad ngar gayed u dakean ko ngan e yidbe par riy nge gin nibe murwel e missionaries riy. Rayog ningam mo’oned e tang ni mornga’agean e machib nag e gospel, woed e “Gadra Dag e Tinnib Riyul’ ko Fayleng” (Children’s Songbook, 172–73). Mang e rayog ningad yoeged ko girdi’ ni mornga’agean Yesus Kristus?

• U Zephaniah 3:14–20, bitir roem e rayog ningar sapniged binen’ nyadba ’adag ningar yoen’ed e tang riy “noen’ e tang ko, … bfalfalaen’ nibe yib nga gumircha’em.” Ma rayog nigamedra yoen’ e tang u ta’abang fa mu weliyed mornga’agean e falfalaen’ nikam patgad ngay u lan fare gospel ku Yesus Kristus.