Come, Follow Me
December 21–27. “Kad Ted e Pagan’ Rodad nga Dakaen, Ma ke Ayuwegdad Ni De Buch Ban’en Rodad”: Kristmas

December 21–27. ‘Kad Ted e Pagan’ Rodad nga Dakaen, Ma ke Ayuwegdad Ni De Buch Ban’en Rodad’: Kristmas,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)

December 21–27. ‘Kad Ted e Pagan’ Rodad nga Dakaen, Ma ke Ayuwegdad Ni De Buch Ban’en Rodad,’” Moey, Ngam Lakeg: Bin Kakrom e M’ag 2026

Yesus nikab bitir nibe mol

Ka ni Gargeleg Bochi Tir Ngodad, ke yib rok Simon Dewey

December 21– 27: “Kad Ted e Pagan’ Rodad nga Dakaen, Ma ke Ayuwegdad Ni De Buch Ban’en Rodad”

Kristmas

Fare bin Kakrom e M’ag e woed nibay ba faflaen’ ngay ni yibe soen nag. Woed ni, woed rogon e ngiyal’ ni Kristmas. Ko ngiyal’ ni’i moey Adam nge Eva, fapi patriarchs ko bin Kakrom e M’ag, fapi poet, nge gidii’ e ur moeyed ni yadma sap nga m’on ko boch e ran nib fel’, nib sug e athap riy nira yib fare Messiah ngabi be’ech nigey me ayuwegey. Fapi Israelites e rib ga’fan e biiney e athap ngorad—ni demuturug ko yaed bay u kalbus u Egypt fa Babylon fa kan kalbus nagrad ni bochane pi denen nge togopluw rorad. Demuturug rogon e pin’en nibe buch, fapi profet e pugoran ngorad ni fare Messiah, facha’ ni rayibi Chuwegrad, e rayib ni nge “pi’in yad bay u kalbus ni bay ni pagrad” (Isaiah 61:1).

Buch e biney nin athap nag napan e ni gargegleg Yesus Kristus nga Bethlehem. Facha’ nib gel nra Ayuweg piyu Israel e ni gargeleg ngalan ba dabiy ko gamanman (muguy ko Luke 2:7). Machane gathi kemus ni be’ nra Ayuweg e gidii’ ni kakarom u Israelites. Ke yib ni ngabi ayuwegem—ni ngabi fek nga dakean e kirbaen’ rom, nga pi gafgow nifan e pi denen rom, ni udakean e pi miyoel yoel u dow era gol nigem (muguy ko Isaiah 53:4–5). Aram fan ni kumus ko doba’ ma yima falfalaen’ riy nga m’on ko Kristus. Fare Messiah e yib ni gonapan 2,000 boche duw kafram, ma kube ul’ul’ nibe yib ngalane yafos rodad ni fa’an gadadra gay egin nibay riy.

ikon ko yaan e fil rogon

Kanawo’en i Fil Mornga’agen ulan e Tabinaew nge lane Galasia

ikon ko seminary
Be falfalaen’ug ngak e Tathapeg rog.

Yimanang ni Kristmas e bangiyal’ nirib gel e falfalaen’ riy nibochan e falfalaen’ ni fek Yesus Kristus nga fayleng. Boche duw um’on nin gargeleg fare Tathapeg, fapi profet ko bin Kakrom e M’ag e kar thamiyed e falfalaen’ napan e ur weliyed mornga’agen fare Messiah nira yib. Be’ech boch e pi vers ni ba’aray, mag tafney nag rogon fan nib ga’fan ngak e pi’in ni’i sap nga m’on ko fare murwel rok fare Tathapeg: Psalm 35:9; Isaiah 25:8–9; 44:21–24; 51:11; Zefaniah 3:14–20; Moses 5:5–11. Mangfan nib ga’fan e pi vers ney ngom? Mang e bay ko pi vers ney nibe pi’ e falfalaen’?

Ngkum guy ku Dallin H. Oaks, “Good Tidings of Great Joy” (First Presidency Christmas devotional, Dec. 4, 2022), Gospel Library; “Joy to the World,” Hymns, no 201.

ba t’uf nib gel rama’en ulane tharmiy

Boech e pow e rayog ni nge ayuweg dad ni nge pogran nag Yesus Kristus ngodad.

Bo’or e yalen nibay rogon ko Kristmas e woed nibay e pow riy nib sor fan ngak Kristus. Napan e bay mu fil fare bin Kakrom e M’ag e biney e duw, ma rayog ni ngam guy e pow ni bo’or mit nib sor fan ngak fare Tathapeg. Ba’aray in nikan list nag utanggin. Fil mornga’agen e pin’ey mag yoloey en’en nibe machib nag ngom ni mornga’agen.

  • T’uf (Numbers 24:17; Matthew 2:2; Revelation 22:16).

  • Gafaliy e Saf (Psalm 23; Luke 15:4–7; John 10:11)

  • Fak e Saf (Genesis 22:8; Exodus 12:5; 1 Peter 1:18–20).

  • Ran (Exodus 17:1–6; Jeremiah 2:13; Ezekiel 47:1–12; John 4:7–14).

  • Malang (1 Samuel 2:2; 2 Samuel 22:2–3; Psalm 118:22–23; Isaiah 28:16; Ephesians 2:20).

  • Papang’in (Isaiah 11:1–2; Jeremiah 23:5; 33:15).

  • Ram’en (Psalm 27:1; Isaiah 9:2; 60:19; Micah 7:8; John 8:12).

Mang boche pow, fa vers, nge babyoren nikan yoloey ulane chep nib thothup nibe michmicheg nag mornga’agen Yesus Kristus?

Ngkum guy ko 2 Nephi 11:4; Mosiah 3:14–15; Moses 6:63; “Boeche Pow ku Kristus” nge “Yesus Kristus,” ulanggin fare Guide ko Babyoren nib Thothup (Gospel Library).

Ma bay nog fithingan ni “Tafonow nrib Manigil.”

Ba yo’or fithingan Yesus Kristus nib thilthil nge ngochol riy. Sap nag e pi ngochol ney ulane pi vers ney: Psalms 23:1; 83:18; Isaiah 7:14; 9:6; 12:2; 63:16; Amos 4:13; Zekariah 14:16; Moses 7:53. Mang boch e ngochol nrayag ni ngam tafney nag? Sana gara adag ni ngam yoloey urngin e ngochol ku Yesus Kristus nibay ko hymn ko Kristmas. Uw rogon nibe gagiyeg nigem e pi ngochol ney nge rogon e tafney rom Ngak?

Mu mel’eg reb e ngochol fa reb e muruwel rok fare Tathapeg nira ayuwegnem nga’i par ko tafney rom ulane biney e duw.

Ngkum guy ku Quentin L. Cook, “Personal Peace in Challenging Times,” Liahona, Nov. 2021, 89–92; “Hark! The Herald Angels Sing,” Hymns, no. 209.

Faanra gabadag ni ngamu guy boch mornga’agen, muguy ko fapi magazine ko Liahona nge Fan ko Gelngin e Pi’in ni Fal’yangren ko piney e puul.

ikon ko bin guury nifan e pi’in ni bitir

Boech e Kanawo’ ko Machib nag e Bitir

Fare bin Kakrom e M’ag e ma machib nag mornga’age Yesus.

  • Sana gur nge pifakam e bay boche nunuw nifan e Kristmas nra ayuwegnem ngam tababi weliy mornga’agen Yesus Kristus. Sana rayog ni ngam weliy mornga’agen e t’uf ko Kristmas, magal, nge boch e tawa’ath nima pugoran ngodad fare Tathapeg. Nge mu’ ma rayog ni ngam sap nag reb fa boche pi babyor nib thothup ko boch ban’en nibe dag e pow ku Yesus Kristus: Genesis 22:8; Numbers 24:17; Psalms 23:1; 27:1. Sana rayog ni nge tining e pi bitir ya’an fa reb e decoration nibay rogon ko fare vers ni yibe be’eg. Uw rogon ni Yesus e wod ba fak e Saf, woed ba t’uf, fa rama’en? Rayog ni ngam yon’ed e tang, ni woed e “Stars Were Gleaming” (Children’s Songbook, 37).

  • Krayog ninge sap pifakam ko ya’an e sassing nibay ko tomur ko biney e outline ma gabe be’eg e Isaiah 9:6 ngorad. Fith ngak pifakam ni ngar yip’ed pa’rad ko ya’an Yesus ni kab achichig napan e bayra rung’aged fare bugithin “batir nkan gargegleg.” Ser nag e mich rom ni fapi profet ko bin Kakrom e M’ag e yad manang ni ran gargeleg Yesus.

  • Napan e gabe fal’eg rogom ningam fil mornga’agen e yafos rok Yesus Kristus ulan fare bin Be’ech e M’ag ko bin ni migid e duw, musul udakean e pin’en nike fil pifakam ni mornga’agen ualn fare bin Kakrom e Mʼag. Rayog ni ngam sul udakean fapi outline ko gin nibay tigil’ e ayuw riy nge tin nikam yoloey nifan ngom ninge pugoran ngom etin nikam fil mornga’agen. Bitir nib achichig e moem ngorad ni ngar yaliyed ya’an fapi Yaat ko Bin Kakrom e M’ag fa fapi sassing ko Moey, Ngam Lakeg. Mang e pi prophecy fa yat e kam guy ni gaba’adaga? Mang e kad filed ni mornga’agen fare Tathapeg?

Yalen e Kristmas erayog ninge sapegdad ngak Yesus Kristus.

  • Gidii’en e tabinaew ko fapi Islraelites e imoy e yalen rorad, ni wod fare madnom ko Paluk’af nge ku boche madnom nag, nifan e nge sapeg gum’ircha’enrad nge tafney rorad ngak Somoel (muguy ko Exodus 12). Mang boche yalen ni gamed ma rin’ pifakam ko Kristmas nibe ayuwegmed ko tafney romed ngak Yesus Kristus? Mang e gamanang ko mornga’agen e yalen e tabinaew rom ni kakrom? Sana rayog ni ngam weliyed pifakam boche yalen ni gaba’adag ni ngam tababgad i rin’. Boch e tafney nib be’ech ni rayog ni ngan uneg ngay e wod e pigpig ngak e gidii’ nib t’uf e ayuw rok, mel’eg ban’an ningan pi’ ni ba “tawa’ath” ngak fare Tathapeg, pining reb e tafagar nge un ngom nge guy ya’an fare devotional nike yib ko fare Bin Somm’on e Presidency (broadcasts.ChurchofJesusChrist.org), yoloey e birom e tang ko Kristmas, fa pir’eg rogon ni rayog ningam weliy mornga’agen Kristus nikan gargeleg.

Fil rogon nge gay rogon e dabiyog ningan fo’odnag, ulane tabinaew. “Gospel e ma tabab rogon ulane tabinaew. Urom e gin nibe par e gidii’ riy nibe fil e gospel e gin ni bay e gidii’ riy ni gara gay rogon riy—ni gubin e ran. Ya, urngin ngiyal’, ni yibe gay rogon ngan fil ko fare gospel e rogon ni gadad be fol ko fare gospel. Ere napan ni gabe fil ma gabe machib nag fare gospel u tabinaew, mu gay rogon ni ngam guy e n’en nib peth rogon ko tin ni gabe fil nge tin ni gabe rin’. Ulane tabinaew rom, e ngam pag fare gospel ni nge dag rogon ni gabe rin’ ko yafos rom, ma gathi ban’en nikemus ni gabe weliy mornga’agen” (Teaching in the Savior’s Way, 31).

Y’an e Nativity

Ya’an Fare Nativity, ni yib rok Ethan Brown

Chitamangiy nu Tharmiy e ke pi’ fare Fak ni ba tawa’ath ngog ni nge mang fare Tathapeg rog.

  • Uw rogon marayog ni ngam ayuweg pifakam nge thamiy e gapas nge falfalaen’ nima yib ku Kristus nikan gargeleleg? Sana rayog ni ngam yalay fare kaechiidoo “The Christ Child” (Gospel Library) fa be’eged e Matthew 1:18–25utaabang; 2:1–12; Luke 1:26–38; 2:1–20. Ra reb fapi bitir ma rayog ni nge mel’eg be’ ko fare video fa ulan fare chep nib thothup me weliy rogon en’en ni thamiy e chan’em ni mornga’agen fare Tathapeg. Nge mu’ mrayog ningamu weliyed ngomed etin ni gamed be thamiy ni mornga’agen.

    17:57

    The Christ Child

  • Sana rayog ni ngam weliyed pifakam mornga’agen e tawa’ath nikam thapeged ko duw nike pi’ e falfalaen’ ngomed. Nge mu’ ma rayog ni ngam be’eged e Isaiah 25:9 utabaang magmed weliy fan ni gamed be falfalaen’ ngay nike pi’ e Chitamangdad nu Tharmiy reb e Tathapeg ngodad. Ra ngam ayuweg pifakam ni nge nangfan rogon e muruwel rok Yesus Kristus ni’ir e fare Tathapeg rodad, mu piningrad ni ngar be’eged e Isaiah 25:8–9; 53:3–5; nge Hosea 13:14. Mang e be machib nag e tiney e chep nib thothup rogon ni ma ayuweg dad Somoel?

  • Ma kra yag ni ngam mu yin’ed rebe tang ko Kristmas utabaang, ni woed e “Away in a Manger” (Children’s Songbook, 42–43) fa “O Little Town of Bethlehem” (Hymns, no. 208). Mu ayuweg pifakam nge patag e thin nibay ko fare tang nibe ayuwegrad ni ngar nanged ni yad b’tuf rok e Chitamangiy nu Tharmiy nge Yesus Kristus.

Faanra gabadag ni ngamu guy boch mornga’agen, muguy ko fare magazine ko Pi Tafagar ko biney e puul.

Ya’an e Nativity

Fare Nativity, ke yib rok N. C. Wyeth

Activity payg ko Primary: Fare bin Kakrom e M’ag e ma machib nag ngog mornga’age Yesus