Haggai 1–2; Zechariah 1–4; 7–14

Bo’or bugibinen’ ningan rin’ ngan toey Jerusalem biyay. Me ma’ay e 15 e duw riy npan ni sul fapi Israelite, ma Somoel e da’ani falfalaen’ ngay ni danntay e temple nib ga’fan ko gubin binen’ (muguy u Haggai 1:2–5; nge mu’ ma kum guy u Ezra 4:24). Npan ni gara bi’eg Haggai 1; 2:1–9, mag laminag e duwer ni arogon:

• Mang e riya’en ni sapeg e Israelite ngay nibochane da’an rmu’niged i toey fare temple?

• Mang boech e tow’ath ni tay mirichilan Somoel ngorad nfa’anra yidra mu’ i toey e temple Rok?

• Mang e thin ku Somoel nibe yoeg ngoem u Haggai 1:5–7? Urogon ningam ta’areb nag rogon e gam’ing roem ngak Somoel? Urogon nikan tow’ath nigem nigabe tay Got nso’omon u lane yofas roem?

Fapi Tin-Tomuran e Girdi’ nso’onmon e i buchbuch rorad e pinen’ nta’aborogon ngak e nen’ ni buchbuch roek fapi Israelite u Haggai (muguy u Doctrine and Covenants 95). Mang e kam fil ko galney e kanawo’ ni mornga’agean rogon nibe thamiy Somoel ko temple?

Muguy ni kabe yoeg i Dale G. Renlund, “Jesus Christ Is the Treasure,” Liahona, Nov. 2023, 96–99; Terence M. Vinson, “True Disciples of the Savior,” Liahona, Nov. 2019, 9–11; “We Love Thy House, O God,” Hymns, no. 247; “Provo City Center Temple Completed” (video), ChurchofJesusChrist.org.

7:17

Me mang e gabe laminag, nib ga’fan ningan yoloey “thothup ngak Somoel” u dakaen binen’ ni nga’un guy ni gubin e rran Zechariah 14:20? (muguy u Exodus 28:36–38). Mang e bga’afan riy ningan yoloey u dakaen e temple ko tiney e rran? Mang e be yip’fan e biney e thin ngom? Urogon nrayog ninge par e thothup roem ko gubin e rran? Mu tayanum ko biney e duwer npan nigabe bi’eg fare poeng ni’i tay Somoel ko pigirdi’en ninge yog boch e thothup ngorad Zechariah 1:1–6; 3:1–7; 7:8–10; 8:16–17.

Ma kurayog ningam bi’eg u Zechariah 2:10–11; 8:1–8; 14:9–11, 20–21 ningam fil ko urogon ninge yog e yofas ngodad u bangiyal’ nibay Somoel rorad nib thothup. Mang e gabe laminag ko lik’aey rok Zechariah ko tin ninge buch ngamo’on u Jerusalem? Mang e kam pat ngay uroey nigabe ’adag ningam guy u lane binaew roem? Urogon nrayog ningam fal’agin rogom ngam par nwoed rogon nike weliy Zechariah?

Thin ni yoloey Zechariah e boech ni yip’fan e machib ni tay Yesus Kristus u mo’on nge mornga’agean nra Sul Biyay. Boech e pin’ey e ta’aborgon ko pinen’ ni machib nag Zechariah, nge lane fare chep nthothup Npan nigara bi’eg e pin’ey, mag fidem: Urogon e biney nibe fil ngog mornga’agean fare Tathapeg?

• Zechariah 9:9–11 (muguy Matthew 21:1–11; 1 Peter 3:18–19)

• Zechariah 11:12–13 (muguy Matthew 26:14–16; 27:1–7)

• Zechariah 12:10 (muguy John 19:37; Revelation 1:7)

• Zechariah 13:6–7; 14:1–9 (muguy u Matthew 26:31; Doctrine and Covenants 45:47–53)

Urogon nigabe laminag ngay nifa’anra gabay ko pigirdi’en e girdi’ u Jerusalem nur binged e mab ngak Yesus Zechariah 9:9–11? Urogon nigara pag Ir ngalane yofas roem, tabinaw, nge binaw roem?

Muguy e kanawo’ nibay riy u lan fare Chep Nthothup, “Messiah,” Gospel Library; “Kanawo’ ni Mab Ngak fare Somoel u Jerusalem” (video), Gospel Library; Ronald A. Rasband, “Hosanna Ngak Got Nibay u Lang,” Liahona, May 2023, 108–12.

1:22

• Npan nigara bi’eg Haggai 1:2–5 ngak e bitir roem, mag ayuwegrad ngar ninged rogon fan ni’i alan’ Somoel ko fapi girdi’. Masana rayog nra me’eleg e bitir roem reb e thin u lane verse 6 nge yoloey ya’an e sasing riy. Miyad daged ya’an ngorad miyad gayed ko mang e be yip’fan e sasing ko buginef e thin. Npan nigadra par ngaboech binen’ nike milfadad ngay nigathi tin nibe laminag Somoel, ma urogon nibinef e ta’aborgon ko gan nigadad be kay ma danur fas riy? Rayog ningam nonad u ta’abang ngam weliyed rogon ningam ted fanmed ngak fare Somoel.

• Rayog ningam bi’eg u verse 8 ko bitir roem mag piningrad ngar ranoed u ya’an “i yan ko birey,” “fa nfek e lu’ud,” ngan “toey e na’un [ngak Somoel].” Bitir roem e rayog ningar yoloeyed ngabuut’ urngin binen’ niyadma rin’ ni gubin e ran, nib mo’un e tin nibe yib rok fare Somoel. Mfith ngak e bitir roem “mlaminag [ko binngan e] kanawo’” npan niyadbe lulbuy nag e tin nibe yoeg Somoel nib ga’fan u lan fare babiyor.

• U lane lik’ay, Zechariah e guy ba padrey “nike chuw ko mad nib alit” (Zechariah 3:3). Ma ba angel e pi’ e mad ngak ni bi’ech. . Rayog ningam ayuweg e bitir roem ngar gayed e tin nib riyul’ ngar patgad ngay npan niyadbe bi’eg u ta’abang Zechariah 3:1–7 miyad weliy ko mang e be yip’fan e mad nib alit nge mad nib bi’ech. . Uw rogon nigadra bi’ech ko dinen rodad, nfa’anra kan tawfe nagdad? Uw rogon ni m’ag ko tawfe e rayog ninge ayuwegdad “ngadared u lane kanawo’ [rok Somoel]”?

• Gur nge bitir roem e rayog ningam guyew ya’an e sasing ko tawfe, nwoed e biney. Mangfan nigadma chuw ko mad nib waechwaech ko tiney e tawfe? Rayog ningam moen’ e tang ko tawfe, nwoed e “Npan Nigura Tawfe” (Babiyor ko tang ko Bitir, 103); binef e tang e mang e be machib nag ko mangfan niba’adag Somoel ningan tawfe nagdad?

• Masana bitir roem e yadra yan u ya’an e tinnoeg ni’i buchbuch u Zechariah 9:9, npan ni yib Yesus nga Jerusalem ni iraram rofan ntomuran e yofas Rok. Ra ngan pi’ e ayuw riy, mag dag ya’an e sasing, nwoed ya’an e biney. Ma kurayog ningam dag ngorad “Fare Tathapeg Niyan nga Jerusalem” (in Yat ko Fabin Bi’ech e Chep Nthothup, 110–12). Bitir roem e rayog ningar duguliyed pa’rad ngkan ya’an e girdi’ lan fapi sasing “nyad bfalfalaen’ ngay.” Mini’ e Pelung u Zechariah 9:9? Mangfan nigadbe og nag e magar Ngak?

  

  1:35

• Mag ayuweg e bitir roem ngarted ngta’abang e yat u Zechariah nge verse u lan fabin Bi’ech e M’ag Nthothup nibe weliy mornga’agean e mo’onog rorad. Ba’aray boech kanawo’en: Zechariah 9:9 nge Matthew 21:5–9; Zechariah 9:11 and 1 Peter 3:18–19; Zechariah 11:12 nge Matthew 26:14–16; Zechariah 13:7 nge Matthew 26:31. Mang e kad filed nmornga’agean fare Tathapeg ko pi verse ney?