“December 14–20. ‘Mega’ar fare Somoel, Ma’ug Tu’ufeg Nem’: Malachi,” Moey, Ngam Lakeg—Ko Tabinaw nge Galasia: Old Testament 2026 (2026)

“December 14–20. ‘Mega’ar fare Somoel, Ma’ug Tu’ufeg Nem,’” Moey, Ngam Lakeg: Old Testament 2026

December 14–20: “Mega’ar fare Somoel, Ma’ug Tu’ufeg Nem”

Malachi

“Ma rigab tu’uf rog,” ni yoeg Malachi fare profet lingun Somoel ngak pigirdi’en. Ma Israelites, ni’ur gafgowgad u kalbus nge m’adad ni’un tay ngorad, erga’argad, “Wi’in riy e ’um dag nigaba’adag mad?” (Malachi 1:2). Ma gubin binen nike yan Israel u fathik, masana iyib e lam ngorad ko riyul’ ngay ni yat rorad e mornga’agean e adag ku Got ngak e micheg ko fapi girdi’ Rok. Ma ragon nikaran sap ngay, e bmoem ningan guy nibay e yat ko mornga’agean e mo’owar ko girdi’ nge togopluw. Mechane armfan ni amorgon, ma Got e da’ani taleg i pi’ e ayuw nge adag rok. Napan nfapi pagal nfak Jacob e ragafgow niged Joseph ni walagraed, ma fare Somoel e ki’i pi’ e ayuw ngorad ko uyngol (muguy ko Genesis 45:4–8). Napan ni non non pi’ Israel u fathik a pan na’ur ranoed riy, ma’i pi’ e manna ngar ked (muguy ko Exodus 16:1–4). Demturug ni amarogon ni sap Israel ko tin ba’aray e Got nda’ani fal’ nwoed e liyos, Got i micheg nag ngorad ni fa’anra yidra kalngan’, Mara kunuyrad nge n’agfan rorad “ko murnguy roek nrib gel” (muguy ko Isaiah 54:7). Riyul’ ngay ni, yat u lan fabin Kakrof E Chep Nthothup e mornga’agaen e gumaen’ rok Got, nge adag rok nrib manemus. Nre yat ney e kubay e ’ul’ul riy e nge mada’ ko biney e rran. Yesus Kristus, “fare Yal’ ko Riyul’,” ni amarogon nibe pining Malachi Ngak, e ke yib “ninge gol nigem u tan poen” (Malachi 4:2). Ir e kemus fan nibay e adag rok Got ngak fapi Israel ngegadad gubin.

Boech binen ni mornga’agean fare babiyor rok Malachi, muguy ko “Malachi” u lan fare Bible Dictionary.

Boech Rogon Nrayog ningan Filed e Machib u Tabinaew nge Galasia

Malachi 1–4

“Msul ngog, ngeyog ninggu sul ngom.”

Napan nikab fas Malachi, ma fapi Israelites e ’ur mu’niged i toey fare temple u Jerusalem, machane yad gubin mabtu’uf ningar mo’onog niged e tha’rorad ngak fare Somoel. Arogon nigabe fil u Malachi, mu sap nag e duwer ni‘i fith fare Somoel ko fapi Israelites fa tin ni’ur fithed Ngak. Mag fithem ko pi duwer ney nib chuchgur ngak (bay boech rogon aray u buut’) ninge ayuwegnem ngam chuchgur Ngak fare Somoel.

Urogon nikug thamiy e adag rok fare Somoel? (muguy ko Malachi 1:2).
Tin nigube pi’ Ngak e ribeguy Somoel e liyoeg rog riy? (muguy ko Malachi 1:6–11)
Urogon nrayog ninggu “sul” ngak fare Somoel? (muguy ko Malachi 3:7).
Bay boech rogon nigube iring roek Got? (muguy ko Malachi 3:8–11).
Urogon papnggig nigube dag ko ngiyal’ nrib mom’aw e gubin ngak Somoel nibe dag rogon nigube thamiy ngak? (muguy ko Malachi 3:13–15; ma kum guy u 2:17).

Malachi 1:6–14

Fare Somoel e ribe fith e “tin ningan ’ognag nrib machalbog.”

Napan nigara bi’eg e mornga’agean e tin ni’in ognag ningan pi’ u Malachi 1, me mang e gabe laminag ko maligach nge nin yibe og nag? Pi maligach ney e mang e be yip’fan ko rogon nibe thamiy e priest ngak fare Somoel? (muguy ko Malachi 1:13). Mu yoloey ngabuut’ ko gubin e tinigabe ognag, fa tinigabe pi’ ko fan e maligach, nigama pi’ ngak fare Somoel. Gubin e pin’em nikam yoloey ngabuut’, laminag ko mang era “alit” nag e ogfan fa “machalbog” nag e ogfan (Malachi 1:7, 11).

Malachi 3:8–12

Somoel era bing e winda ko falngin’ e tharmiy nfa’anra gube adag e mich ma gube pi’ e tithing roeg.

Laminag nbay fagar roem nikeyani pat ngay nigame pi’ e tithing roem. “Mangfan nigabe rin’ e binir?” ni fith e fagar roem ngom. Laminag e ran’ey napan nigabe bi’eg u Malachi 3:8–12. Mang e kam pat ngay u roem nrayog ninge ayuweg e duwer ko fagar rom? Mang e kagab ’adag ko fagar rom ninge nang mornga’agaen e tithing? Fa’anra btuuf boech e ayuw, ma rayog ningam gar mornga’agean e thin rok Elder Neil L. Andersen “Tithing: Winda ni Yibe Bing u Tharmiy” (Liahona, Nov. 2023, 32–35), ni yibe sap nag e thin ko duwer nwoed e tiney:

Mangfan niba’adag fare Somoel ningad pi’ed e tithing rodad?
Mang era tilaeg be’ i pi’ e biroek e tithing, ma urogon nrayog ndabda rin’ed e binem?
Urogon nrayog nfa’an gara pi’ e tithing roem era gelnag e mich roem ngak e Chitamangidad nu Tharmiy nge Yesus Kristus?

Rayog ningam moeg ko pi tafagar roem ko urogon nike tow’ath nigem fare Somoel nibochane gabe pi’ e tithing roem. Rayog ngam gay ngam pat ngaboech rogon u “Lesson Numba 1—Bga’ e tow’ath riy” roek i Elder David A. Bednar’s message “Fare winda u Tharmiy” (Liahona, Nov. 2013, 17–18). Gadra mang mitimang boech e girdi’ nfa’an gadbe pi’ e tithing rodad?

Mang e gabe laminag ko rebugithin ney “Bing langan e winda ngom u tharmiy” (verse 10) nibe yip’fan? Rayog ningam sap ko winda mag laminag e rogon nifan e winda. Mangfan ni “winda u tharmiy” e reb rogon fan nib mangil nibe weliy Somoel nra tow’athiydad nfa’anra gadra pi’ e tithing rodad?

Yesusnike mu’ug ngak Joseph Smith u lane Temple u Kirtland — Yi’iy ni’iyib u lan fare Temple u Kirtland, nike yib roek Gary Smith

Malachi 4:5–6

“Baygu yoloeg fare profet Elijah ngeyib ngomed.”

Napan ni yoeg Moroni e thin roek Malachi 4:5–6 ngak Joseph Smith, me yoeg “nibuch’uw rogon ko woed rogon” nibay u lan fare Bible (muguy ko Joseph Smith—History 1:36–39). Mang e kan rung’ag roek Moroni nta’aborgon ko biney e yat niyibe weliy? Boed rogon, mag laminag e duwer ni’arogon:

Mani fapi “chitamanginrad”? (muguy ko Deuteronomy 29:13). Mang e kan micheg nag ngorad? (muguy ko Abraham 2:9–11). Urogon nrayog ningam pi’ e ayuw ngaman ko tin nikan micheg?
Mang e boech e tin nike buchbuch roem nike ayuwegem kam sap ngak pigirdi’em nkakrom? Mangfan nran’ir e rib ga’fan ko tin nibe gagiyag nag e Chitamangiy nu Tharmiy?

Ra ngan fil boech mornga’agean e yib ko Elijah nge urogon ke fulweg e prophsey ney daba’, muguy ko Doctrine and Covenants 110:13–16 nge D. Todd Christofferson, “The Sealing Power” (Liahona, Nov. 2023, 19–22). Mangfan nikam falfalaen’ nike yib Elijah?

Ma kum guy roek Gerrit W. Gong, “Gadad Gubin ma Bay e Yat Rodad,” Liahona, May 2022, 43–46; “Mucheleg Gumircha’em,” Hymns, no. 291; “Gelngin nikan Ch’ariy” (video), ChurchofJesusChrist.org.

Fa boech, muguy ko rogon nikan noeg ko biney e puul Liahona nge Gelngin ko fapi Falyangraen babiyor.

Rogon ningan Machibnag e Bitir

Malachi 1:2

Fare Somoel e rib ’adageg.

Urogon ni gur nge bitir roem e rayog ningam fulweg e thin ko duwer u Malachi 1:2—“Ngan e be yoeg riy ni [fare Somoel] e rigadad btuuf’ roek?” Weliyed u ta’abang ko rogon nibe yip’fan nib ’adagmed. Nrayog ni bitir roem e ngar yoloeyed ya’an ko rogon nibe yip’fan e ’adag Rok.

M’uniged boech e bitir roemed ko sabathin ni mornga’agean e gospel. Fa’anra gabe machib nag pfakam nib bitir, mabtuuf’ ningam laminag rogon ningar uned boech ko sabathin ni mornga’agean e gospel. Reb rogon, bitir reom e rayog ningar pass niged e ball ngorad u buut’; napan niyadbe koel fare ball, mrayog ningar weliy rogon niyad minang ni Yesus e ba’adagrad.

Pagal nib achichig nge pulubthir roek niyow be sap ko winda ngowan.

Malachi 3:8–12

Fare Somoel e ra’i tow’athiyeg napan nigube pi’ e tithing roeg.

Urogon nrayog ningam ayuweg pfakam ngar filed mornga’agaen e tithing? Rayog ningam ayuwegrad ngar the’eged rigag binen’, nwoed e coin ko re babiyor ney ni mornga’agean e gosgos ko biney e wik. Nge mu’ miyad thiliyed u buut’ ko boech binen’—iraray urngin e tithing ni gadad ra pi ko fare Somoel. U Malachi 3:8–12, mangfan niba’adag fare Somoel ningad pi’ed e tithing rodad? (muguy ko “Malachi ni fare Profet” in Yat kobin kakrof e Chep Nthothup, 171–72; “Ba’aray E Tin So’omon!” [video], Gospel Library).

0:58
Malachi the Prophet

1:18
First Things First!
Napan nigara bi’eg Malachi 3:10 u ta’abang, rayog ningam ayuweg e bitir roem ngar sak’iygad nga p’owchean e winda mag bi’eg fare bugithin “winda u tharmiy.” Fa mu li’eng e ran e lan bkap nge sug me lu’ul ngabuut’ ninge yip’fan e re bugithin nem “dakuriy bang riy ningki fek boech.” Mu weliy ngak fapi bitir mornga’agean e tawa’ath ni’i pi’ Got ngom napan nigabe pi’ e tithing roem. Bitir roem e rayog ningar yoloeyed ya’an bugibinen’ nibe yip’fan e pi tow’ath ney ngemu’ miyad the’ nga langan e winda u tabinaw.

Malachi 4:5–6

Elijah e iyib ninge sapeg gumircha’endad ko tabinaw rodad.

U Malachi 4:5–6, Bitir roem e rayog ningar sapgad ko tin ba’aray e duwer ni mornga’agean e nen’ ni’i weliy Malachi: Mini’ e micheg fare Somoel nra loe’oeg? We’in I yoeg ncha’aneg e ra yib? Mang i yoeg Somoel nra rin’ e cha’aney? Mangfan ncha’aney e ribtuuf’ ninge yib? Uw e noeg nra buchbuch e pin’ey riy? (muguy ko Doctrine and Covenants 110:13–16).
Ngan pat ngay ko urogon nike buchbuch Malachi 4:5 fa tin nikan micheg, rayog ningam man u dakaen “Joseph nge Oliver Niyag fare Priesthood Key ngorow” u Doctrine and Covenants Stories, 26–30. Tang nwoed “Fare Gumircha’en fapi Bitir” (Babiyor ko Tang nfan e Bitir, 92) ninge ayuweg pifakam ngar ningedfan nibtuuf’ ni yib Elijah. Makurayog ningam guy u FamilySearch.org/discovery, fare FamilySearch Tree app, fa My Family booklet nifan e gosgos nra ayuwegem nge bitir roem ngan sapeg gumircha’emed ngak pirgirdi’emed ko kakrom.

Ra ngam guy boech, maguy ko mang e kan pi’ ko biney e puul Fagar babiyor.

bpin nibe chechingeg ba handkerchief ngalang — Kakadbul ni Hosanna, nike yib roek Rose Datoc Dall. Bpin nifithngan Mourning nibe sak’iy u lane fayleng ko ya’al, nike yileg pigirdi’en nkakrom. Nibe falfalaen’ ko milekag nikar ted ko gin nin koel e ya’al rorad riy.

Primary activity page: Fare Somoel era tow’ath nigeg nfa’an gura pi’ e tithing roeg — Kakadbul ni Hosanna, nike yib roek Rose Datoc Dall. Bpin nifithngan Mourning nibe sak’iy u lane fayleng ko ya’al, nike yileg pigirdi’en nkakrom. Nibe falfalaen’ ko milekag nikar ted ko gin nin koel e ya’al rorad riy.