Job 1–3; 12–14; 19; 21–24; 38–40; 42

Fapi guruy nibay ko somm’on ko babyor ku Job, e woed bogi thin ni poet, ni weliy mornga’agen e muruwel ku Mo’oniyan’ ni’ir e toqogor rodad; ma dani weliy e tha’ u thilin Got nge Mo’oniyan’. Napon e baymu be’eg e n’en ni yoeg Mo’oniyan’ ni mornga’agen Job, (muguy ko Job 1:9–11; 2:4–5), ma bay ni gara fithem, “Mongfan ni gube ul’ul’ ko mich rog ngak Got?” Mongfan nibay e riyaq ko biney ni ngan fol ku Somoel nibochan e n’en nike yug Mo’oniyan’?

Mang e ke gin owchem ngay ko n’en ni rrin’ Job ko ngiyal’ ni i gafgow? (muguy ko Job 1:20–22; 2:9–10).

Tafagar ku Job e roged ni Got e be gechig nag i Job (muguy ko Job 4–5; 8; 11). Mang e gabe guy nib kireb ko biney e leam? Mu be’eg e n’en ni yoeg Job ko guruy 12–13. Mang e ran’en ni manang Job ko mornga’agen Got ni aramfan ni ul’ul’ nga i pagan’ ngak? Mang e gamanang ni mornga’agen Got ni’ir e ma ayuwegem ko ngiyal’ nibe yib e gafgow ngom?

Bochingiyal’ ma tin nth’abi ga’fan nib riyul’ e gadad ma fil ko ngiyal’ ni gadad be gafgow. Mu tafney nag e pi gafgow ney ni weliy Job ulan e Job 19:1–22 nge tin nib riyul’ ni weliy mornga’agen ulan fapi verses 23–27. Uw rogon ni gamanang nibay fare Tabayul rom nib fos? Biney e llowaen’ ni gamanang ba uw rogon nibe thilyeg rogon e yafos rom?

Rayog ni ngamu motoyil ko tang ni mornga’agen Yesus Kristus, ni woed fare “I Know That My Redeemer Lives” (Hymns, no. 136). Tin ngan e thin ko biney e tang e baayuwegem nibe weliy e pi thamtham rok ngak?

Ngkum guy ko Doctrine and Covenants 121:1–12; 122.

Ulan e Job 21–24, e gara be’eg mornga’agen e mealuqag thin u thilin Job nga pitafagar rok. Napon ni yani tow nga luk’ngun ara mealuqag thin e bay ba duwer nrima fith e gidii’ mornga’agen: Mongfan ni pi’in nib yul’yul’ e bay bochingiyal’ ni yad ma gafgow?

Dariy e puluw ko biney e duwer, machane fare gospel ku Yesus Kristus nikan fulweg yarmen, e bay boch mornga’agen e tin nib riyul’ ko fan nima yib e gafgow nga fan nibay fare mo’oniyan’. Tin baraay e chep nib thothup nibay u tanggin e bay mornga’agen e pi ryul’ ney riy: Mang e be machib nag e pi chep ney nib thothup ngom ko mornga’agen e Chitamangiy nu Tharmiy nge fare wo’en e thap rok?

• 2 Nephi 2:11–13

• Mosiah 23:21–23; 24:10–16

• Ether 12:27

• Doctrine and Covenants 58:3–5

• Abraham 3:22–26

Ma krayog ni ngamu be’eg e machib ni tay President Spencer W. Kimball ko mornga’agen fare mo’oniyan’ nibay ko “Tragedy or Destiny?” (Teachings of Presidents of the Church: Spencer W. Kimball [2011]), 11–21).

Bochan e tin nikam be’eg, uw rogon nrayog ni ngamu fulweg taban fare duwer ni “Mongfan nima pag Got e gidii’ nib yul’yul’ ngeyib e gafgow ngorad?”

I Job nike kadan’ ko fapi moning ni i tay fapi tafagar rok ngak (muguy ko Job 16:1–5; 19:1–3), Job ni ul’ul’ nge fith ko mongfan nrib t’uf ni nge ul’ul’ ko gafgow nib gel (muguy ko Job 19:6–7; 23:1–9; 31). Dani pi’ Somoel nib tomilang mornga’agen ulan fare babyor ku Job. Machane bay ba mulwol nrib ga’fan ni machib nag ulan fapi guruy 38–40. Uw rogon ni rayog ni nga mu ngocheg mornga’agen e biney e mulwol? Ni woed, mang e ran’en ni kam fil ko mornga’agen fare duwer ni fith Somoel ni bay ulan e Job 38:1–7, 18–24?

Kam guy ni non Somoel ngak Job ko mornga’agen bogi ban’an ni sunmiy nge boch e muruwel rok ni rrin’ nth’abi fel’ (muguy ko Job 38–39). Rayog ni ngam guy ya’an boch e pi n’ey ni ke sunmiy (fa ya’an e sassing riy). Pin’ey nikam be’eg ma kam guy, ba uw rogon nike thilyeg e sap rom ngak Got? nge rogon e gafgow nibe yib ngom? Uw rogon ni thilyeg rogon e tafney ku Job? (muguy ko Job 42:1–6; ma kum guy ko Moses 1:8–10).

Ba’aray l’agruw e tok ko general conference ni rayog ni nge thilyeg rogon e leam rodad: Tamara W. Runia, “Seeing God’s Family through the Overview Lens” (Liahona, Nov. 2023, 62–69); Russell M. Nelson, “Think Celestial!” (Liahona, Nov. 2023, 117–20). Ulan e gali tok ney, ma rayog ni ngam pir’eg banaan nrayog ni nge ayuwegnem ko ngiyal’ ni gabe thamiy ni kari tomal gelingin e gafgow rom. Uw rogon ni nga i par ko tafney rom e n’en nikamf fil mornga’agen?

• Mfith ngak pifakam ngar roged ngom ko mang e yad manang ko mornga’agen Job. Fa’anra bt’uf e ayuw rorad, ma rayog ni ngar be’eged Job 1:1, 13–22; 2:7–10 fa “Job” (ulan Fapi Yaat ko Bin Kakrom e M’ag, 145–47). Mang e rrin’ Job ko ngiyal’ ni i gafgow? (muguy ko Job 1:21; 2:10).

  

  1:55

• I Job e ul’ul’ nga i par nib yul’yul’ ni bochan e tin ni manang ni mornga’agen Somoel. Rayog ni ngam mu yaliyed pifakam ya’an e sassing ku Yesus Kristus ni be non ngak boch e gidii’ (ni wod ya’an e bin ba’aray u tanggin fa fapi sassing nibay ko Gospel Art Book). Mu weliyed ko mang e gamad manang ni mornga’agen nge mit i mang gidii’ e ir. Tin baraay e verse e be dag ni Job e manang Somoel: Job 12:10, 13, 16; 19:25–27. Mongfan nib ga fan nib t’uf ni ngan nang e pin’ey ni mornga’agen?

• I Job ni fith ba duwer ni rib ga’ fan ulan e Job 14:14. Ma krayog ni ngamu thilthil gad pifakam ko rogon ni gamed ra fulweg e thin ngak Job. Krayog ni ngam sap nag boech mornga’agen ulan e Alma 11:42–44, ko fare video ko “In a Coming Day” (Gospel Library), fa lan fare tang ko Foskoyam’, ni wod e “Did Jesus Really Live Again?” (Children’s Songbook, 64).

1:11

• Ngiyal’ ni i kirbaen’ Job, ma i yoeg fapi tafagar rok ni Got e ke gechig nag ni bochan e ke denen (muguy ko Job 22:5). Fa’anra gadad e pi tafagar ku Job, ma uw rogon ni gadadra pi’ e ayuw ngak? Ba uw rogon nra pi’ e ayuw ko thin rodad ngak e pi’in nibe kirbaen’? (muguy ko Job 16:5). Mu dag boech e pi sassing ney ko biney e outline ko napon ni yibe weliy mornga’agen fapi duwer.

• Mu fith ngak pifakam ngar yoloeyed ko mang e ma rrin’ e fagar nib fel’ mar roged fithingan rebe fagar nima rrin’ e pin’ey. Nge mu’ mag med sap nga ya’an rebe sassing ku Yesus Kristus. I Yesus e ba uw rogon ni’ir e reb e tafagar nib mangil ni fan ngodad? Sana rayog ni baymu tafney nag be’ ni be gafgow e chiney. Mu tafney nag rogon nrayog ni ngam woed Kristus ni’ir reb e tafagar nib fel’ ngam pii’ e ayuw ngorad.

• Tomuren ni kan be’eg e Job 19:23–27, ma rayog ni ngam weliyed pifakam ko rogon ni gamed manang ni fare Tabiyul e bay nib fos. Rayog ni ngam muruwel gad u tabaang ngam ted fa mu yoloeyed e mich romad (ko fare Tathapeg) ngalan reb e babyor (muguy ko verse 23).

• Ma krayog ni ngam mon’ed reb e tang ni be micheg mornga’agen fare Tathapeg, ni wod fare “I Know That My Redeemer Lives” (Hymns, no. 136). Mu weliy bang ko fare tang ni be gel nag e mich rom ngak. Mongfan nib ga fan ni ngan nang nibay Yesus Kristus nib fos?