Psalms 1–2; 8; 19–33; 40; 46

Napon e bay mu be’eg e Psalms, ma gara guy ni cha’en ni ke yoloey mornga’agen e be fanay e thin ni wod e murus, kirbaen’, fa maggar. Tiney e bogi thamiy ni ma yib ko gidii’, ni kub mu’un e gidii’ ngay ni bay e mich rok’. Banaan ni ma pii’ Psalms e athamgil riy, e wod fapi kanawo’en ni yira rrin’ mabfel’ nib mu’un e pagaen’uy riy ngak Somol. Napon e bay mu be’eg e Psalms 1; 23; 26–28; 46, mag yoloey ngabut’:

• Rogon e pagaen’uy ngak Somoel.

• Thin ni be yip fan.

• Thin ni be yip fan e gapas, gelngiy, nge ku boch e tawa’ath ni ma pii’.

• Thin ni be yip fan e pagan’ ko gidii’ ngak.

Ma kum guy ko rogon e pow nga yaan nibay ko Psalms ko rogon nima machib ko mornga’agen fare Tathapeg. Ni woed, e Psalm 23, mang e be yip fan fare bugithin ni “pi’ e toffan ngog u daken e ted nib galunglung e pan riy” fa “yungi ran nib mocha’” (verse 2)? Mang e be yip fan fare bugithin ni “gul” nga “sog” (verse 4)? Mang e be yip fan fare bugithin ni fare “kap” rodad ni (verse 5) bayi mada’ nga marichlen?

Oran e thin ni bay ko psalms e ba sor fan ko yafos ku Yesus Kristus napon ni i moy u fayleng. Gidii’ nib Kristian ni bay ulan fare bin Be’ech e M’ag e kar guyed ni biney e bay rogon row. Ra yag ni ngamu be’eg e tin baraay e chep nib thothup ni bay rogon ko biney: Mu sap nag e thin ni bay rogon ngorow ulan e psalms nge mornga’agen e yafos ko far Tathapeg:

• Psalm 2:1–3 nge Acts 4:24–28

• Psalm 2:7 nge Acts 13:30–33

• Psalm 22:1 nge Matthew 27:45–46

• Psalm 22:7–8 nge Matthew 27:39–43

• Psalm 22:16 nge Luke 23:32–33

• Psalm 22:18 nge Matthew 27:35

• Psalm 31:5 nge Luke 23:46

Mang e rayag ni ngam fil ko ni marunga’agen e tiney ni bay rogon? Mit i mang prophecy nge tin nikan michmicheg ni dawori buch e chiney? Tiney nikan michmicheg, mang e be pi’ e athap ngom ko tin nga mm’on banaan?

Be’eg e Psalms 8; 19; 33 e bay nra yagg ni nge thogthognag ngom ni ngam tafney nag boch e pin’en ni ke sunmiy Somoel ni rib fel’. Mu tinum ko rogon e pin’en ni bay mu thamiy. Ma kra yagg ni ngam moen’ e tang fa mu tafney nag e pi thin ney ko tang ni bay rogon ko pi psalms ney, ni wod rogon fare tang ko “How Great Thou Art” (Hymns, 86). Ba uw rogon e tin ni ke sunkiy Somoel e “reb gagiyel ni be gilnag buguwan Got” ngom? (Psalm 19:1).

Baraay boch e hymn ni kan fek e thin riy ko Psalms:

• Psalm 23: “The Lord Is My Shepherd” (Hymns, no. 108)

• Psalms 23:6; 150: “Praise to the Lord, the Almighty” (Hymns, no. 72)

• Psalm 26:8: “We Love Thy House, O God” (Hymns, no. 247)

• Psalm 27:1: “The Lord Is My Light” (Hymns, no. 89)

• Psalms 33:1–6; 95:1–6: “For the Beauty of the Earth” (Hymns, no. 92)

• Psalm 37:3–9: “Be Still, My Soul” (Hymns, no. 124)

• Psalm 148: “All Creatures of Our God and King” (Hymns, no. 62)

Ulan e Pslams, thin ni woed e mich, motochiyel, status, nge pufthin e ra yag ni be yip fan fapi thin rok Somoel. Nga par e biney ko tafney rom ko napon ni bay mu be’eg e Psalm 19:7–11. Mang e be yipfan e biney ngom ko mornga’agen fapi thin nge muruwel rok Somoel? Mang e be machib nag e Psalm 29 ngom ko mornga’agen laman? Ko rogon e tin ni ke buch rom, ba uw rogon laman Somoel ni kam rung’ag ni woed e tiney?

Bochan fare tempel nu Jerusalem ni kan toey nga dakean e burey, fare bugithin ni “daken e burey rok SOMOL” (Psalm 24:3) e bay ni be yip fan e tempel fa gin bay Got riy. Ba uw rogon e biney nra yag ni nge ayuweg nem ngam nangfan e Psalm 24? Mang e be yip fan ni nge “machalbog e ngongol rorad nge leam rorad”? (verse 4). Napon ni bay mu be’eg e Psalms 26–27, mang e kam fil ko mornga’agen e nu’un rok Somoel?

Bay bochingiyal’, ni woed ni gadad ma kirban’ napon ni bay da rung’aged nib t’uf ni nge be’ech gum’richa’endad u mon ni ngad darod ko gin bay Got riy. Gadad gubin, ni gadad ma mowar, ma dariy bagdad ni’ir e polo’ e gubin rok. Mit i mang athap e kam pir’eg ko mulwol rok Elder David A. Bednar “Clean Hands and a Pure Heart”? (Liahona, Nov. 2007, 80–83). Uw rogon nra yag ni ngam ayuweg be’ ko biney e mulwol ni be m’agfan’ nibochan e dani polo’? Mu tafney nag rogon nra yag ni ngamu thapeg e ayuw ni be yib ko fare Tathapeg ko rogon e par nib machalbog e ngongol rodad nge leam rodad.”

Ngkum guy ko Bradley R. Wilcox, “Worthiness Is Not Flawlessness,” Liahona, Nov. 2021, 61–67.

• Ra yag ni ngam yoloey I Somoel e ma … mag pining pifakam ngar sap niged ko pi chep ney nib thothup ko rogon nra yag ni ngar polo’ niged ere thin ney: Psalms 23:1; 27:1; 28:1; 28:7; 32:7; 46:1. Mang e be machib nag e tiney e verse ngodad ko mornga’agen rogon ni ma ayuweg dad Somoel?

• Ra yag ni ngam weliyed pifakam u tabang ko rogon i ayuweg e saf ni nge par nib gol mab mangil. Nge mu’, ma napon ni bay mu be’eged u tabaang e Psalm 23, mag ayuweg pifakam ngar guyed ko mang e ran’en nib thil u thilin e tagafaiy e saaf nge pin’en ni ke rrin’ Yesus ni fan ngodad. Mang e bt’uf ni ngad rrin’ed mara yag ni nge par fare thothup rodad nge ayuweg dad? Mon’ed e tang nra pi’ e ayuw ngorad ko rogon ni nang fan e biney, ni wod fare “I Feel My Savior’s Love” (Children’s Songbook, 74–75).

• Napon ni bay mu be’eged e Psalms 24:3 , u tabang, ma kra yag ni nga sap nag pifakam e thin nra pugoran ngorad e tempel. Ma krayag ni ngar yaliyed yaan e tempel. Nge mu’ ma krayag ni ngam mu be’eg e verse 4 tu tabaang ngan fil ko mini’ e ra yag ni nge yaen ngalan e tempel. Ma krayag ni ngam weliy rogon ni ma makalit pa’ay nge rogon ni ngan kleen nag. Uw rogon ni gadad ma makalit ko tin ni dani thothup banaan? Uw rogon ni ma kleen nag dad fare Tathapeg ko tin nib thothup banaan?

• Faanra bay e bitir rom ni ba achichig, ma ra yag ni ngam mu pining rad ngar ranod u yaan e yoer ko ngiyal’ ni ga be be’eg e Psalm 30:5, “Ra map e lu’ nnep’.” Nge mu’ mag fith ngorad ni ngar ranod u ya’an e falfalaen’ ko napon ni bay mu be’eg fare bugi thin ni, “me yib e felelan’ ni kadbul.” In yay ni ngam mu sul u dakean e biney e thin.

• Mu dag e sassing ni yaan fare Tathapeg, nge mu’ mag fith ngak fapi bitir rom ko mang e ran’en nike rrin’ ni ke bing wo’en e falfalaen’ ngom. Ma kra yag ni ngam mu pi’ ngak fapi bitir nra bagyad me kol ya’an fare sassing me weliy ban’an ni ke rrin’ Yesus ni ke pi’ e falfalaen’ riy ngak.

• Mu ayuweg pifakam ni ngam filed fapi thin ko Psalm 46:10: “Par e gapas ulan gum’ircha’em ni I gag Got.” Mange ba yip fan ni ngan par ni yiba “mocha’”? Sana ra yag ni ngam mu gayed rogon e par ni dabin mithmith. Ma krayog ni ngam mu weliyed u fithik’med ni par ni ba “mocha’” e ra yag ni nge gelnag e tha’ rom ngak Got. Mu ayuweg pifakam ngar tafney niged ba ngiyal’ ulan reb e rran nra yagg ni ngar pired ni yaed “ba mocha’” ni ngayog nra chugur gad ngak e Chitamangiy nu Tharmiy.