Дуулал 49–51; 61–66; 69–72; 77–78; 85–86

Дуулал 49-д “баян ядуу аль алинд нь” (2-р шүлэг) зориулсан захиас бий. Тэр захиас нь юу байсан гэж та бодож байна вэ? Дуулал 62:5–12 нь захиас дээр юу нэмж байна та бодож байна вэ?

Эдгээр дууллыг унших нь гэтэлгэгдэхийн тулд Бурханаас өөр зүйлд найдаж болох арга замуудын талаар тунгаан бодоход таныг хүргэж магад (Дуулал 49:6–7-г үзнэ үү). “Бурхан амийг [тань] үхэгсдийн орны гараас золино” гэх таны гэрчлэл тань таны амьдралд хэрхэн нөлөөлсөн бэ? (Дуулал 49:15).

Хаан Давид бидэнд зайлшгүй хэрэгтэй зүйл болох өршөөл уучлал өөрт нь хэрэгтэй гэдгийг ухаан ойлгосныхоо дараа Дуулал 51-ийг бичжээ. Ямар шүлэг танд төрсөн тэрхүү мэдрэмжийг дүрсэлж байна вэ? Энэ дууллын юу нь танд өршөөгдөнө гэсэн найдварыг өгдөг вэ?

Мөн та наманчлах гэдэг нь ямар утгатайг Дуулал 51-ээс олж мэдэж болно. Олж мэдсэн зүйлсийнхээ жагсаалтыг гарга. Жагсаалт дээрээ нэмэхийг хүсвэл ерөнхийлөгч Рассэлл М.Нэлсоны “Бид илүү сайн үйлдэж, илүү сайн байж чадна” (2019 оны 4-р сарын Ерөнхий чуулган, 77–80) захиасыг үзнэ үү.

Христээр дамжуулан өршөөгдөх нь ямар байдгийг та хэрхэн дүрслэн хэлэх вэ? Хэрэв танд мэдрэмжээ дүрслэхэд тусламж хэрэгтэй бол Дуулал 51:1–2, 7–12; 85:2–9-ийг үзэж болно. Зарим хүн мэдрэмжээ зураг зурж эсвэл олох замаар илэрхийлэх дуртай байдаг. Та ч туршаад үзээрэй. Та мөн Аврагчийн тухай “Би гайхширна” (Дуулал, д.98) гэх зэрэг дууллыг дуулж эсвэл сонсож болно.

Бид наманчлахын тулд Есүс Христ биднийг цэвэршүүлж чадахаас гэхээс гадна цэвэршүүлнэ гэдэгт итгэх хэрэгтэй. Та Дуулал 86:5, 13, 15-аас Аврагч өршөөж чадна, мөн өршөөхөд бэлэн гэдгийг мэдэхэд тусалдаг юуг олж мэдсэн бэ?

Мөн Алма 36; Пийтр Ф.Мөрс, “Тэр намайг эдгээж чадна!,” Лиахона, 2023 оны 5-р сар, 39–41-ийг үзнэ үү.

Есүс Христ, Түүний цагаатгагч хүчний талаар хэрхэн гэрчлэлтэй болсноо тунгаан бод. Дараа нь Дуулал 51:13–15; 66:5–20; 71:15–24-ийг судлахдаа бусдыг хэрхэн “ирээд, Бурханы үйлсийг үз[эхэд]” (Дуулал 66:5) урьж болохоо бод. Хэрэв та нар “[та нарын] сүнсний төлөө [Их Эзэн] юу үйлдсэнийг өгүүлэх” (Дуулал 66:16) бол юу гэх вэ?

“Хэл минь ч өдөржин [Түүний] зөвт байдлыг өгүүлнэ” гэдэг нь таны хувьд ямар утгатай вэ? (Дуулал 71:24).

Мөн Алма 26-г үзнэ үү.

Хэд хэдэн дуулалд Бурханаас хол байх ямар гэдгийг мөн Түүний тусламж зайлшгүй хэрэгтэй байгааг дүрсэлсэн байдаг (Дуулал 63:1, 8; 69:1–8, 18–21; 77:1–9-ийг үзнэ үү). Дуулал 63; 69; 77–78-аас таны олж мэдсэнээр дууллыг бичсэн хүмүүст санаа зовох хэрэггүй гэдгийг юу ойлгуулсан бэ?

Сэтгэл санаагаар унах үед “ЭЗЭНий үйлсийг” мөн Түүний “эрт үеийн гайхамшгуудыг” санах нь танд хэрхэн тусалдаг вэ? (Дуулал 77:11.) Тэдгээр гайхамшгийн заримыг Дуулал 78-д дүрсэлжээ. Тэдгээрийн талаарх уншихдаа “Бурханд итгэлээ тави[хад]” (7-р шүлэг) юу танд тусалдаг талаар тунгаан бод.

• Дуулал 51-ээс наманчлалын тухай үнэнийг мэдэхэд нь хүүхдүүддээ туслахын тулд та том зүрх зур. Дараа нь та Сатаны биднээр хийлгэхээр уруу татдаг муу зүйлсийг зүрхэн дотор бичихэд нь хүүхдүүддээ туслаарай. Бид тэдгээрийг хэрхэн зүрх сэтгэлээсээ гаргаж болох вэ? Хүүхдүүдээс Дуулал 51:10, 17 дээрээс “зүрх” гэдэг үгийг олохыг хүс. Эдгээр шүлэг наманчлалын талаар юу зааж байгаа талаар ярилц. Хүүхдүүдээрээ зүрхэн доторх үгсийг арилгуулаад, биднийг наманчлах үед Есүс биднийг өөрчилж чадах арга замуудыг дүрсэлсэн шинэ үгсийг бичүүл.

• Та “эмтэрсэн, гэмшсэн зүрхтэй” (Дуулал 51:17) байна гэдэг нь юу гэсэн үг болохыг мэдэхэд хүүхдүүддээ тусалж болох юм . Жишээлбэл: Тэд өндөг, самар гэх мэт хатуу гадартай ямар нэгэн зүйлийг ээлжлэн хагалах гэж үзэж болно. Хальс нь Тэнгэрлэг Эцэгийн хайрыг мэдрэхэд саад болдог зүйлстэй харьцуулахад тусалж болно. Бид Түүнд хэрхэн зүрх сэтгэлээ нээж болох вэ?

• Та нар бас Аврагчийн зургийг хамтдаа хараад, Түүнийг дүрслэхдээ ямар үг ашиглаж болохыг хүүхдүүдээсээ асууж болно. Түүнийг дүрссэн үгсийг Дуулал 86:5, 13, 15 дээрээ-аас олохыг хүс. Түүний талаар энэ бүхнийг мэдэх нь яагаад чухал вэ?

• Хүүхдүүдэд тань Дуулал 61:2–3-т буй бэлгэдлүүдийг зурах таалагдаж болох юм. Есүс Христийг хэрхэн өндөр “хад” (2-р шүлэг), “хоргодох газар,” “бат бэх цамхаг” (3-р шүлэг) шиг бэ?

• Судрын дуртай түүхүүдээсээ хуваалцахыг хүүхдүүдээсээ хүс (Сайн мэдээний зургийн цуглуулга-аас авсан зургууд тусалж болно). Эдгээр түүх Их Эзэний талаар бидэнд юу заадаг вэ? Та Дуулал 66:16-г хамтдаа уншаад, “Миний сүнсний төлөө Их Эзэн юу хийсэн бэ?” гэсэн асуултад ээлжлэн хариулж болно.

• Дуулал 77:11; 78:6–7-г хамтдаа уншаад, таны амьдралд үйлдсэн гээд “Эзэний ажлуудыг сана[хыг]” (Дуулал 77:11) хэрхэн хичээдгээ бие биетэйгээ хуваалцаж болно. Ариун ёслол бидэнд хэрхэн “үргэлж санахад” тусалдаг вэ? (Моронай 4:3; 5:2).

• Хүүхдүүдтэйгээ хамт Дуулал 71:8-ыг уншсаны дараа том ам зурахыг тэднээс хүсээрэй. Есүс Христийн талаар бусдад хэлж болох зүйлсийг төлөөлсөн зураг, үгсээр энэ амыг “дүүргэхэд” туслахыг тэднээс хүс.

• Есүс Христийн зургийг тойруулан дамжуулж болно. Зураг барьж байгаа хүн нь Түүний тухай мэддэг нэг зүйлээ хэлнэ. Бид бусдад эдгээр зүйлийн талаар мэдэхэд нь хэрхэн тусалж чадах вэ?

• Дууллын олон ном Бурханд хандсан залбирал мэт бичигдсэн байдаг. Дуулал номыг хүүхдүүдтэйгээ уншихдаа хол газар амьдардаг хүмүүстэй холбогдохын тулд ашиглаж болох утас, захидал зэргийг үзүүлж болно. Тэгээд Дуулал 86:7-г унш. Бид Тэнгэрлэг Эцэгийг хэрхэн “дууддаг” вэ? Тэр бидэнд хэрхэн хариулдаг вэ?

• “Хүүхдийн залбирал” (Хүүхдийн дууны ном, 6; мөн Сюзан Х.Портэрын “Тэр байдаг учир залбир,” Лиахона, 2024 оны 5-р сар, 77–79-ийг үзнэ үү) зэрэг залбирлын тухай дууг хамт дуулж болно. Бурхан таны залбиралд хариулж байсан үеийнхээ талаар яриарай.