Естер

Ерөнхийлөгч Дийтр Ф.Угдорф бидний хүн нэг бүр “онцгой байранд байж, зөвхөн [бид л] гүйцэтгэж чадах ажил үүрэгтэй байдаг. … Энэ үүрэгт ажлыг Их Эзэн танд ямар нэгэн шалтгаанаар өгсөн юм. Та л тэдэнд хүрч, зүрх сэтгэлд нь нөлөөлж чадах хүн нь байх ч юм билүү. Танаас өөр хэн ч үүнийг таны хийдэг арга замаар хийж чадахгүй байж мэднэ” (“Зогсож байгаа газраасаа өргө”, 2008 оны 10-р сарын Ерөнхий чуулган, 68) гэж заасан.

Естерийн түүхийг уншихдаа, энэ мэдэгдэл хэрхэн түүнтэй холбогдож байгааг тунгаан бод. Их Эзэн түүнд ямар арга замаар еврейчүүдийг аврах боломж олгосныг олж мэд (жишээлбэл: Естер 2:21–23; 3:10–14; 4:14–16-г үзнэ үү). Дараа нь Тэрээр бусдыг адислах боломжийг танд хэрхэн олгосныг тунгаан бод. Ямар нөхцөл байдал эсвэл харилцаа холбоонд Тэрээр таныг “энэ цагийн төлөө” удирдан чиглүүлсэн гэж та бодож байна вэ? (Естер 4:14). Хэрэв танд патриархын адислал байдаг бол Их Эзэнд танаар хийлгэх ямар ажил байгааг илүү сайн мэдэхийн тулд адислалаа унш. Энэ ажлыг гүйцэлдүүлэхэд та нар юу хийж чадах вэ?

Мөн ChurchofJesusChrist.org-оос “For Such a Time as This” видеог үзнэ үү.

13:44

Естерийн номоос бид Естер, Мордехаи хоёрын итгэлтэй байдал, Хаманы бардамнал, уур хилэнгийн талаар мэдэж авдаг. Естер 3; 5:9–14-ийг уншиж байхдаа, Хаманы бодол санаа, үг хэл, үйлдлийг анхаараарай. Энэ нь түүний хэн болох талаар мөн түүний сэдэл юу байсан тухай юуг илчилдэг вэ? Ямар үр дагавар түүнийг хүлээж байсан бэ? (Естер 7-г үзнэ үү). Хаманы тухай унших нь бодол санаа, үйлдэлд тань юу нөлөөлж байгааг дүгнэх сэдэл төрүүлж болох юм. Ямар нэгэн өөрчлөлт хийх сэдэл танд төрсөн үү? Та хэрхэн Тэнгэрлэг Эцэгт хандан тусламж хүсэж болох вэ?

Мөн Сургаалт үгс 16:32; Алма 5:28-ыг үзнэ үү.

Естерийг болон бусад еврей хүнийг мацаг барихад хүргэсэн шалтгаанд анхаарлаа хандуул (Естер 3:13; 4:1–3, 10–17-г үзнэ үү). Мацаг барих нь тэднийг хэрхэн адисалсан бэ? (Естер 5:2–3; 8:11–12-ыг үзнэ үү). Их Эзэн яагаад биднээс мацаг барихыг хүсдэг вэ? (Gospel Library, Сэдэв ба асуулт, “Мацаг, мацаг барих”-ыг үзнэ үү). Мацаг барихыг хэрхэн амьдралынхаа илүү агуу адислал болгохоо эргэцүүлэн бод.

Исаиа 58:6–12; ChurchofJesusChrist.org, “Fasting: Young Single Adult Ward, Amanda” видеог тус тус үзнэ үү.

2:41

Мордехаи, Естер хоёр өөрсдийн итгэл үнэмшил, ард түмнийхээ төлөө зогсохдоо амиараа дэнчин тавьсан. Бидний сонголт ноцтой үр дагавартай байх нь бага ч зөв зүйлийг хийхэд зориг шаардагддаг. Естер 3:1–4; 4:10–17-оос зөвийг үйлдэх зоригтой байх талаар та юу сурч мэдсэн бэ? Естер, Мордехаи хоёрын эр зоригоо харуулсны дараах үр дагавар өөр өөр байсныг анхаараарай (Естер 3:5–11; 5:1–4-ийг үзнэ үү). Естер, Мордехаи хоёр сонголт хийхийн тулд Бурханы талаар юу мэдэх хэрэгтэй байсан бэ?

Зөв зүйлийн төлөө зогсоход зориг хэрэгтэй нөхцөл байдлын талаар бод. Их Эзэнд зоригжиход тань туслах юуг та Естер, Мордехаи хоёроос мэдэж авсан бэ?

Естерийн зориг “баярын өдөр” (Естер 9:17–19-ийг үзнэ үү) болоход хүргэжээ. Христийнх шиг зоригтой байх нь танд хэрхэн “баярын өдөр” өгсөн бэ?

Мөн Gospel Library-аас “Courage,” “Dare to Stand Alone” видеонуудыг, Дуулал-аас “Итгэлдээ үнэнч бай,” д.134-ийг үзнэ үү.

3:19

4:20

• Мордехаи Естерт тусалсан шиг та ч бас Естер 2:7-г ашиглан, тусламж хэрэгтэй гэр бүлийнхэндээ туслах талаар хүүхдүүддээ заахаар сүнслэгээр өдөөгдөж болох юм. Та шүлгийг хамтдаа унших юм уу өөрийн үгээр нэгтгэн дүгнэж болно. Дараа нь та хүүхдүүдтэйгээ таны тусламж хэрэгтэй байж болох гэр бүлийн гишүүдийг бодож болно. Тэдэнд туслах төлөвлөгөө гарга.

• Эр зоригтой байх гэдэг нь айсан үедээ ч зөвийг хийх гэсэн утгатайг Естер, Мордехаи хоёрын жишээ хүүхдүүдэд тань ойлгуулдаг. Мордехаи … үедээ зориг гаргасан, Естер … үедээ зоригтой байсан өгүүлбэрүүдэд үгийг нөхөж бич. Естерийн түүхийг хамтдаа судлахад хүүхдүүд тань өгүүлбэрийг гүйцээх арга замыг санал болгож болох юм. Естер 3:1–11, 4:10–17-ийг эсвэл “Естер хатан” (Хуучин Гэрээний түүхүүд, 166–170)-ыг уншиж болно эсвэл энэ тойм дахь зургуудыг хар. Тэгээд Би …-ээр зоригтой байх болно гэж бичээд, Тэнгэрлэг Эцэгийн тэднээр хийлгэхийг хүсдэг, эр зориг шаарддаг зүйлсийг жагсаан бичихэд хүүхдүүдийг урь. “Зөвийг чи хий” (Хүүхдийн дууны ном, 80) зэрэг эр зоригийн тухай дуу тус болж чадна.

  

  2:45

• Есүс Христийн зоригтой байсан үеийн тухай хүүхдүүдэд ярьж өг. Жишээлбэл: Тэр бидний гэм нүглийн төлөө Гетсеманид мөн загалмай дээр зовсон (Матай 26:36–39; 27:33–35-ыг үзнэ үү). Хүүхдүүдээсээ зоригтой байсан үеийнх нь талаар хуваалцахыг хүс. Мөн туршлагаасаа хуваалцаарай.

• Естер 4:1–3, 10–17-г унших нь хүүхдүүддээ мацаг барих талаар заахад тусална. Естер болон иудейчүүд яагаад мацаг барьдаг байсан бэ? Яагаад мацаг барьдгаа хүүхдүүддээ ярьж өг. Тэднээс өмнө нь мацаг барьж байгаагүй найздаа мацаг барих талаар юу гэж тайлбарлахыг нь асууж болно. Бид мацаг барьснаас ирдэг адислалуудыг ойлгоход нь найз нартаа хэрхэн тусалж болох вэ?

• Их Эзэний тусламж хэрэгтэй байж болох ямар нэг зүйлийг бодоход нь хүүхдүүдээ урамшуулан дэмж. Дараагийн мацгийн ням гарагт мацгийнхаа нэг хэсэг болгох ямар нэг зүйлийг тэдэнд санал болго.

• Естерийг айж байх үед Мордехаи “энэ цагийн төлөө” (Естер 4:14) хатан болоход нь Их Эзэн тусалсныг тайлбарлан, түүнийг урамшуулсан гэдгийг ойлгоход нь хүүхдүүддээ тусал. Мордехаи энэ үгээрээ ямар санааг хэлсэн бэ? Естер хэрхэн Их Эзэнд зэмсэг болж байсан талаар хоорондоо ярилц. Бид хэрхэн Их Эзэнд зэмсэг байж чадах вэ?

• Та хүүхдүүддээ зэмсэг гэж юу болохыг ойлгоход нь хэрхэн тусалж чадах вэ? Та хэн нэгнээр хөгжмийн зэмсэг дээр дуу тоглуулах юм уу багаж ашиглаж байгаа хүний зургийг үзүүлж болно. Бурханы мутарт зэмсэг болох гэдэг нь юу гэсэн утгатай талаар ярьж болно.