Иов 1–3; 12–14; 19; 21–24; 38–40; 42

Иовын эхний бүлгүүд нь бидний дайсан буюу буруутгагч Сатаны гүйцэтгэдэг үүргийг яруу найргаар онцлон харуулдаг; Тэд Бурхан, Сатан хоёрын хоорондох бодит харилцааг дүрсэлдэггүй. Иовын талаар Сатаны хэлснийг уншихдаа (Иов 1:9–11; 2:4–5-ыг үзнэ үү) “Би яагаад Бурханд итгэлтэй хэвээр үлддэг вэ?” гэж та өөрөөсөө асууж болох юм. Яагаад зөвхөн Сатаны дурдсан шалтгаанаар Их Эзэнд дуулгавартай байх нь аюултай вэ?

Иовын тулгарсан сорилтдоо хандсан байдал нь танд ямар сэтгэгдэл төрүүлж байна вэ? (Иов 1:20–22; 2:9–10-ыг үзнэ үү).

Иовын найзууд Бурхан түүнийг шийтгэж байна гэж хэлсэн (Иов 4–5; 8; 11-ийг үзнэ үү). Та энэ мэдэгдлээс ямар асуудал олж харж байна вэ? 12–13-р бүлгээс Иовын хариултыг олж унш. Иов өөрийг нь итгэлтэй байлгасан Бурханы талаар юу мэддэг байсан бэ? Танд зовлон бэрхшээлтэй нүүр тулсан үед тусалдаг Бурханы талаар та юу мэддэг вэ?

Заримдаа бид хамгийн хэцүү цаг үедээ хамгийн чухал үнэнүүдийг сурч мэддэг. Иов 19:1–22 дахь Иовын дурдсан сорилтууд, 23–27-р шүлэгт тунхагласан үнэнүүдийн талаар тунгаан бод. Та Гэтэлгэгч амьд гэдгийг хэрхэн мэддэг вэ? Энэ мэдлэг таны амьдралыг хэрхэн өөрчлөх вэ?

“Би Гэтэлгэгч амьдыг мэднэ” (Сүмийн дуулал, д.70) гэх мэт Есүс Христийн тухай дууллыг хамтдаа дуулах юм уу сонс. Энэ дууллын ямар үгс Түүний талаарх таны бодлыг илэрхийлж байна вэ?

Мөн Сургаал ба Гэрээнүүд 121:1–12; 122-ыг үзнэ үү.

Иов 21–24-т та Иов, түүний найзуудын хооронд болсон мэтгэлцээнийг унших болно. Энэ мэтгэлцээний гол сэдэв нь олон хүний асуудаг: Яагаад зөв шударга хүмүүс заримдаа зовдог юм бэ? гэсэн асуулт байв.

Бидэнд бүх хариулт байхгүй ч Есүс Христийн сэргээгдсэн сайн мэдээнд бидэнд бэрхшээл, зовлон шаналлыг ойлгоход туслах зарим үнэн байдаг. Эдгээр үнэний заримыг агуулсан хожмын үеийн судруудыг доор харуулав. Эдгээр адислал Тэнгэрлэг Эцэг, Есүс Христ хоёрын талаар та нарт юу зааж байна вэ?

• 2 Нифай 2:11–13

• Мозая 23:21–23; 24:10–16

• Ифер 12:27

• Сургаал ба Гэрээнүүд 58:3–5

• Aбрахам 3:22–26

Та мөн ерөнхийлөгч Спэнсэрр В.Кимбаллын “Tragedy or Destiny? (Гай зовлон уу эсвэл хувь тавилан уу?)” номын зовлон бэрхшээлийн талаарх сургаалыг уншиж болно. (Teachings of Presidents of the Church: Spencer W. Kimball [2011], 11–21)

Та сурч мэдсэн дээрээ үндэслээд “Бурхан яагаад зөв шударга хүнд зовж зүдрэхийг зөвшөөрдөг вэ?” гэх мэт асуултад хэрхэн хариулж болох вэ?

Найзуудынхаа буруушаалтад бухимдсан (Иов 16:1–5; 19:1–3-ыг үзнэ үү), Иов Бурханаас яагаад ийм их зовлон амсах ёстой вэ? гэж ахин дахин асуусан (Иов 19:6–7; 23:1–9; 31-ийг үзнэ үү). Их Эзэн Иов номд тодорхой шалтгаан өгөөгүй. Гэвч Тэрээр 38–40-р бүлэгт нэгэн чухал захиасыг заасан. Та тэр захиасыг хэрхэн хураангуйлан хэлэх вэ? Жишээлбэл: Та Иов 38:1–7, 18–24 дэх Их Эзэний асуултуудаас юу сурч мэдэж болох вэ?

Их Эзэн Өөрийн зарим бүтээлийн талаар болон бусад хүчирхэг ажлын тухай Иовд ярьсныг та анзаарах болно (Иов 38–39-ийг үзнэ үү). Та тэдгээр бүтээлийн заримыг (эсвэл тэдгээрийн зургийг) харж болно. Эдгээр зүйл Бурханы талаар өөр бодолтой байхад тань хэрхэн тусалдаг вэ? Бэрхшээлийнхээ талаар юу хэлж болох вэ? Тэд Иовын үзэл бодлыг хэрхэн өөрчилсөн бэ? (Иов 42:1–6; мөн Мосе 1:8–10-ыг үзнэ үү).

Бидний үзэл бодлыг өөрчлөхөд туслах Ерөнхий чуулганы захиаснуудаас дурдвал: Тамара В.Рүниа, “Бурханы гэр бүлийг бүхэлд нь тоймлон харах” (Лиахона, 2023 оны 11-р сар); Рассэлл М.Нэлсон, “Селестиел ухаанаар бод!” (Лиахона, 2023 оны 11-р сар). Аль ч захиаснаас дараагийн удаа таны бэрхшээл дааж давшгүй мэт санагдах үед санахыг хүсэх ямар нэг зүйлийг олж мэд. Сурч мэдсэнээ өөртөө хэрхэн сануулах вэ?

• Иовын талаар мэддэг зүйлээ ярьж өгөхийг хүүхдүүдээс хүс. Хэрэв тэдэнд тусламж хэрэгтэй бол та тэднийг Иов 1:1, 13–22; 2:7–10 эсвэл “Иов” (Хуучин Гэрээний түүхүүд, 145–147) руу чиглүүлж болно. Иов бэрхшээлд ямар хариу үйлдэл үзүүлсэн бэ? (Иов 1:21; 2:10-ыг үзнэ үү).

  

  1:55

• Иов Их Эзэний тухай мэддэг байсан учраас сорилт бэрхшээлтэй үедээ итгэлтэй байсан. Магадгүй, та хүүхдүүдтэйгээ Есүс Христийн бусадтай харилцаж буй зургуудыг харж болно (Сайн мэдээний уран зургийн ном дахь зургууд эсвэл доорх зургууд гэх мэт). Түүний тухай болон Тэр ямархуу хүн талаар мэддэг зүйлсээ ярилц. Иовын Их Эзэний тухай юу мэддэг байсныг харуулсан зарим зүйлийг харуулав: Иов 12:10, 13, 16; 19:25–27. Түүний талаарх эдгээр зүйлийг мэдэх нь яагаад чухал вэ?

• Иов Иов 14:14-т нэгэн чухал асуулт тавьжээ. Та хүүхдүүдтэйгээ ээлж ээлжээр Иовд хэрхэн хариулах байснаа хуваалцаж болох юм. Та “In a Coming Day” (Gospel Library) дэх видео бичлэгээс Алма 11:42–44-ийг эсвэл видео бичлэгээс эсвэл Амилалтын тухай “Есүс үхлийн дараа үнэхээр амилсан уу?” гэх мэт дуун дээрх санаануудыг хайж болно. (Хүүхдийн дууны ном, 45).

1:11

• Иовыг гунигтай байхад найзууд нь түүнийг нүгэл үйлдсэн учраас Бурхан шийтгэж байна гэж хэлжээ (Иов 22:5-ыг үзнэ үү). Хэрэв бид Иовын анд нөхөр байсан бол түүнд туслах гэж яаж хичээх байсан бэ? Бидний хэлсэн үгс гунигласан хүмүүст хэрхэн тусалж болох вэ? (Иов 16:5-ыг үзнэ үү). Эдгээр асуултыг ярилцахдаа энэ тоймд байгаа зургуудаас нэгийг эсвэл түүнээс олныг үзүүлж болох юм.

• Сайн найзын зарим шинж чанарыг жагсаан бичиж, эдгээр шинж бүхий нэг найзаа нэрлэхийг хүүхдүүдээс хүс. Тэгээд та Есүс Христийн зургийг харж болно. Есүс ямар замаар бидний хүн нэг бүрийн сайн найз байдаг вэ? Хүнд хэцүү үеийг туулж байгаа хэн нэгнийг та бодож болох юм. Та хэрхэн тэдний хувьд Христтэй адил найз байхаа төлөвлө.

• Та хүүхдүүдтэйгээ Иов 19:23–27-г уншсаныхаа дараа Гэтэлгэгч маань амьд гэдгийг хэрхэн мэддэг тухай ярилцаж болно. Та нар гэрчлэлээ (эсвэл Аврагчийг дүрсэлсэн хүүхдийн зургуудыг) гэр бүлийн тэмдэглэл гэх мэт номдоо хамтдаа нэгтгэж болох юм (23-р шүлэг-ийг үзнэ үү).

• “Би Гэтэлгэгч амьдыг мэднэ” (Дуулал, д.70) гэх мэт Есүс Христийн талаар гэрчилдэг дууг хамтдаа дуул. Түүнд итгэх итгэлийг тань хүчирхэгжүүлэх дууллын үг хэллэгүүдийг хуваалц. Есүс Христийг амьд гэдгийг мэдэх нь яагаад чухал вэ?