“O̧kwōj 24-30. ‘Inaaj Kwaļo̧k Ta eo Ear Kōm̧m̧an n̄an Aō’: Sam Ko; 49–51; 61–66; 69–72; 77–78; 85–86,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)
“O̧kwōj 24-30. ‘Inaaj Kwaļo̧k Ta eo Ear Kōm̧m̧an n̄an Aō,’” Itok, Ļoor Eō: Kallim̧ur M̧okta 2026
Kōjparok Ta eo Ekar Jako, jān Michael Malm
O̧kwōj 24-30: “Inaaj Kwaļo̧k Ta eo Ear Kōm̧m̧an n̄an Aō”
Sam Ko 49–51; 61–66; 69–72; 77–78; 85–86
Rijeje ro an Sam Ko ej lukkun kwaļo̧k en̄jake ko rem̧ūlaļ ilo poem ko aer. Rej je kōn en̄jake in ebweer, mijak, im kabūrom̧ōjm̧ōj. Jet iien, remaron̄ āinwōt n̄e rej Anij ej kōjo̧o̧l er, im jet iaan sam ko raar kwaļo̧k ainikien illu im aikuj. Eļan̄n̄e kwoj en̄jake en̄jake kein, riiti Sam ko emaron̄ jipan̄ eok jeļā bwe ejjab kwe wōt kwoj en̄jake en̄jake kein. Ak kwonaaj barāinwōt lo bwe Sam ko me remaron̄ kōketak eok n̄e kwoj en̄jake en̄jake kein, kōnke ri jeje Sam ko rej bar nōbar Irooj kōn An em̧m̧an, bwilōn̄ kōn An kajoor, im lan̄lōn̄ kōn An tūriam̧o̧. Rekar jeļā bwe laļin eddodo kōn nana im jerawiwi ak Irooj “em̧m̧an, im pojak n̄an joļo̧k bōd (Sam Ko 86:5). Rekar meļeļe bwe tōmak ilo Irooj ejjab meļeļe kwojamin apān̄ kōn ikūm̧kūm̧, jerawiwi, ak mijak. Meļeļein bwe kojeļā wōn eo kwon etal ippān n̄e konaaj pād ilo jekjek kein.
Ļōmņak ko n̄an Ekkatak ilo M̧weeo im ilo Kabun̄ in
Sam Ko 49; 62:5–12
Lo̧mo̧o̧r ej itok im kōn wōt Jisōs Kraist.
Sam Ko 49 ewōr juon ennaan kōn “ro rettā im ro re utiej, rim̧weiie im rijeram̧ōl jim̧or” (eoon 2). Ta eo kwonaaj ba kōn ennaan in? Ta eo kwoj en̄jake kōn Sam Ko 62:5–12 ej kobaļo̧k ilo ennaan in?
Riiti sam kein emaron̄ im̧we eok n̄an lin̄ūri wāween ko jej po ie n̄an lōke men ko jet ijelo̧kin Anij n̄an bōk lo̧mo̧o̧r (lale Sam 49:6–7). Ewi wāween an naan in kam̧ool eo am̧ jelōt mour eo am̧ ke “Anij enaaj pinmuur [am̧] jān kajoor eo an [lōn]”? (Sam 49:15).
Sam Ko 51; 85–86
Kōn tūriam̧o eo an Rilo̧mo̧o̧r, bōd ko aō remaron̄ jako.
Kiin̄ Devid eaar je Psalm 51 ālkin an kar kile aikuj eo an n̄an jeorlo̧k bōd—juon men jej aolep aikuji. Ewi eoon kein rej kōmeļeļeik en̄jake ko em̧ōj am̧ en̄jaki? Ta eo kwoj lo ilo sam in me ej letok kōjatdikdik n̄an jeorļo̧k bōd?
Kwomaron̄ bar etale Psalm 51 n̄an uwaak ko kōn ta meļeļein ukweļo̧k. Kōm̧m̧ane juōn laajrak in ta eo kwoj loe. Ilo am̧ m̧aanjabpopo n̄an katakin, ļōmņak in ekkatak ennaan eo an Būreejtōn Russell M. Nelson “Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧kLiaona,Māe 2019, 67–69).
Ekōjkan am̧ kōm̧eļeļeik āinwōt ta en̄jake eo kwoj en̄jake n̄e kwoj bōk jeorļo̧k in bōd jān Kraist? N̄e kwoj aikuj jipan̄ kōmeļeļein en̄jake ko am̧, kwomaron̄ lale Sam Ko 51:1–2, 7–12; 85:2–9. Jet armej rekōņaan jin̄a ak kappukot pija ko n̄an kwaļo̧k en̄jake ko aer; kwomaron̄ kajjieon̄e men in. Kom̧ maron̄ al ak ron̄jake juon al kōn Rilo̧mo̧o̧r, āinwōt “I Stand All Amazed” (Hymns, no. 193).
N̄an ukweļo̧k, jej aikuj tōmak ejjab bwe Jisōs Kraist emaron̄ karreoik kōj wōt bōtaab E enaaj. Ta eo kwoj loe ilo Psalm 86:5, 13, 15 me ej jipan̄ eok jeļā ke Rilo̧mo̧o̧r ej maron̄ im kōņaan jeorļo̧k bōd?
Bar lale Alma 36; Peter F. Meurs, “He Could Heal Me!,” Liaona, Māe 2023, 39–41.
Psalms 51:13–15; 66:5–20; 71:15–24
Naan in kam̧ool eo aō kōn Jisōs Kraist emaron̄ jipan̄ ro jet itok n̄an E.
Kōļmenļo̧kjeņ kōn wāween an naan in kam̧ool eo am̧ kōn Jisōs Kraist im kajoor in pinmuur eo An. Inn ām, ilo am̧ ekkatak Sam Ko 51:13–15; 66:5–20; 71:15–24, ļōmņak kōn ekōjkan am̧ maron̄ karuwaneneik ro jet n̄an “kom̧win item lo jerbal ko an Anij” (Sam Ko 66:5). Eļan̄n̄e kwon kar “kwaḷọk ta eo [Irooj] kōm̧m̧an n̄an [am̧]” (Sam Ko 66:16), ta eo kwōn kar kwaļo̧k?
Ta meļeļein n̄an eok n̄an “kōnono kōn wānōk eo [An] ium̧win aolepen raan”? (Sam Ko 71:24).
Bar lale Alma 26.
“Kom̧win iten ron̄jake, … im inaaj kwaḷọk ta eo [Anij] ear kōm̧m̧an n̄an aō” (Sam Ko 66:16).
Sam Ko 63; 69; 77–78
Irooj enaaj jipan̄ eō ilo iien aō aikuj,
Elōn̄ rūjeje sam ko raar kōmeļeļeik ta eo āinwōt n̄e rej en̄jake etoļo̧k jān Anij im lukkuun aikuji An jipan̄ (lale Sam Ko 63:1, 8; 69:1–8, 18–21; 77:1–9). Ilo Sam Ko 63; 69; 77–78, ta eo kwoj loe me eaar leļo̧k kaenōm̧m̧an n̄an rūjeje in sam ro?
N̄e kwoj inepata, ewi wāween an jipan̄ eok “keememej jerbal ko an Irooj” im “menin bwilōn̄ ko [An] jān iien ko re m̧ootļo̧k”? (Sam Ko 77:11). Jet iaan mennin bwilōn̄ ko rej kōmeļeļeikier ilo Sam Ko 78. Ilo am̧ riiti kōn er, kejo̧kļo̧kjeņ kōn ta eo ej jipan̄ eok “likūt [am̧] kōtmāne ilo Anij” (eoon 7).
N̄an eļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Kōnke Jabōt in ej Jabōt ļalem ilo allōn̄ in, jej kōketak rūkkaki ro an Būraimere n̄an kōjerbal m̧akutkut in ekkatak eo ilo “Appendix B: Kōpooj Ajri ro n̄an juon Mour Ejjeļo̧k Jem̧ļo̧kin ilo Iaļen Bujen in an Anij.”
Sam Ko 51; 86:5, 13, 15
N̄e ij kōm̧m̧ane juon kāālet ebwōd, Jisōs emaron̄ jipan̄ eō oktak.
-
N̄an jipan̄ ajri ro nejūm̧ lo m̧ool ko kōn ukweļo̧k ilo Sam Ko 51, kwomaron̄ jin̄aik juon annan̄ in bōro. Innām kwomaron̄ jipan̄ ajri ro nejūm̧ je men ko lowaan bōro eo ejorrāān me Setan ej kapo kōj n̄an kōm̧m̧ani. Elmen ad juļo̧k men kein jān būruōd? Kajjitōk bwe ajri ro nejūm̧ ren pukot naan eo “bōro” ilo Sam Ko 51:10, 17. Kōnono kōn ta eo eoon kein rej katakin kōn ukweļo̧k. Kōtļo̧k bwe ajri ro nejūm̧ ren jere naan ko ilowaan bōro eo im je naan ko rekāāl me rej kōmeļeļeik wāween ko Jisōs Kraist emaron̄ ukōt kōj n̄e jej ukweļo̧k.
-
Kwomaron̄ kōnaan jipan̄ ajri ro nejūm̧ ekkatak ta meļeļein n̄e jej “bōro e rup im ettā” (Sam Ko 51:17). Remaron̄ kajjojo rupe juon men me epen, āinwōt lep ak juon nut. Kwomaron̄ jipan̄ er keidi libukwe eo n̄an men ko me rej dāpij kōj jān ad en̄jake iakwe eo an Jemedwōj Ilan̄. Ewi wāween ad kōpeļļo̧k būruōd n̄an E?
-
Kwomaron̄ bar lale juon pija in Rilo̧mo̧o̧r eo ippān doon im kajjitōk ippān ajri ro nejūm̧ ta naan ko ren kar kōjerbali n̄an kōmeļeļeik E. Kajjitōk ippāer n̄an lali naan ko me ej kōmeļeļeik E ilo Sam Ko 86:5, 13, 15. Etke eaorōk n̄an jeļā men ko kōn E?
Sam Ko 61:2–3
Jisōs Kraist ej aō dekā.
-
Emaron̄ em̧m̧an ippān ajri ro nejūm̧ n̄an jin̄aik pija in kakōļļe ko ilo Sam Ko 61:2–3. Elmen an Jisōs Kraist āinwōt juon “dekā” eutiej (eoon 2), “jikin tilekek,” im “ṃōn ebbar e kajoor”? (eoon 3).
“Bwe Kwaar juon jikin tilekek n̄an eō, juon ṃōn ebbar e kajoor” (Sam Ko 61:3).
Sam Ko 66:16; 77:11; 78:6–7
“Inaaj keememej jerbal ko an Irooj.”
-
Kajjitōk bwe ajri ro nejūm̧ ren kwaļo̧k jet iaan bwebwena ko ko rem̧m̧antata an jeje ko rekwojarjar (pija ko jān Bok in Gospel Pija emaron̄ jipan̄). Ta eo bwebwenato kein rej katakin kōj kōn Irooj? Kom̧ maron̄ riit ippān doon Sam Ko 66:16 im kajjojo uwaake kajjitōk in “Ta eo Irooj eaar kōm̧m̧ane n̄an aō”?
-
Ilo ami riit Sam Ko 77:11; 78:6–7 ippān doon, kom̧ maron̄ kwaļo̧k n̄an doon elmen ami kajjieon̄ “keememej jerbal ko an Irooj” (Sam Ko 77:11), ekoba jerbal ko An ilo mour eo am̧. Elmen an kwojkwoj eo jipan̄ kōj “keememej aolep iien”? (Moronai 4:3; 5:2).
Sam Ko 71:8
Imaron̄ ba n̄an armej ro kōn Jisōs Kraist.
-
Ālkin riiti Sam Ko 71:8 ippān ajri ro nejūm̧, karuwanene er bwe ren jin̄aik juon lon̄i kileplep. Kajjitōk bwe ren jipan̄ eok “kobrak lon̄i eo” kōn pija ak naan ko rej pinej tarin men ko jej ba n̄an ro jet kōn Jisōs Kraist.
-
Kom̧ maron̄ leto letak juon pija in Jisōs Kraist. Armej eo ej jibwe pija eo emaron̄ ba juon men rejeļā kake E. Ewi wāween ad maron̄ jipan̄ armej ro jet jeļā men kein?
Elōn̄ men ko ajri remaron̄ kwaļo̧ki. “N̄e ajri rp rej ekkatak men ko rekāāl, eitōk wōt bwe ren kōņaan kwaļo̧k n̄an ro jet. Kōketak ikdeelel in kōn leļo̧k n̄an ajri ro iien ko rem̧m̧an n̄an katakin pedped ko an gospel eo n̄an doon, ro uwaan baam̧le eo aer, im ro m̧ōttaer. Barāinwōt kajjitōk ippāer n̄an kwaļo̧k n̄an eok ļōmņak ko, en̄jake ko, im jeļā ko aer reiookļo̧k pedped in katak ko kwoj katakin. Kwonaaj lo me ewōr jeļā ko ippāer me relam waan, erreo, im kajoor” (Katakin ilo Wāween eo an Rilo̧mo̧o̧r, 32).
Sam Ko 86:7
Jemedwōj Ilan̄ ej ron̄jake im uwaake jar ko ad.
-
Elōn̄ iaan sam ko rej āinwōt jar n̄an Anij. Ilo am̧ riiti Sam Ko ippān ajri ro nejūm̧, kwomaron̄ kwaļo̧k n̄an er men ko jemaron̄ kōjerbali n̄an kōnono ippān armej ro rettoļo̧k, āinwōt juon cellphone ak juon leta. Innām riiti Sam Ko 86:7. Elmen ad “kūr ioon” Jemedwōj Ilan̄? Elmen An ukwaake kōj?
-
Kom̧ maron̄ al ippān doon juon al kōn jar, āinwōt “A Child’s Prayer” (Children’s Songbook, 12–13; bar lale Susan H. Porter, “Jar, E Epād Ijo,” Liaona, Māe 2024, 77–79). Jiron̄ļo̧k doon kōn iien ko me Anij ear uwaaki jar ko ami.
N̄an eļapļo̧k, lale ennaan eo an allōn̄ in ilo eo Jera māākjiin.
Itok n̄an Kraist, jān Casey Childs