“O̧kwōj 31–Jeptōm̧ba 6. ‘Men Otemjej Ewor Aer Menono Ren Nōbar Irooj’”: Sam Ko 102–103; 110; 116–119; 127–128; 135–139; 146–150,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)
“O̧kwōj 31–Jeptōm̧ba 6. ‘Men Otemjej Ewor Aer Menono Ren Nōbar Irooj,’” Itok, Ļoor Eō: Kallim̧ur M̧okta 2026
Kautiej ej jepļaaktok, jān Kelsy and Jesse Lightweave
O̧kwōj 31–Jeptōm̧ba 6: “Men Otemjej Ewor Aer Menono Ren Nōbar Irooj”
Sam Ko 102–103; 110; 116–119; 127–128; 135–139; 146–150
Etan bok in Sam Ko jān iminene ko an ri Ju ro ej Tehillim, juon naan in Hibru meļeļein “nōbar.” Ej ekkeijelļo̧k ippān naan eo hallelujah (meļeļein “nōbar Jeova” ak “nōbar Irooj”). Eļan̄n̄e kwar kāālet juon naan n̄an kobaik enaan eo eļap an Sam Ko, praise enaaj kar kāālet eo em̧m̧an. Jet iaan Sam Ko me ewōr ie kūr eo n̄an “nōbar Irooj” (lale eļaptata Sam Ko 146–500, im aolepeer remaron̄ im̧we juon en̄jake in kabun̄jar im nōbar. Sam Ko rej karuwaineneik kōj n̄an kejo̧kļo̧kjeņ kōn kajoor eo an Anij, kōn tūriam̧o̧ eo An, im kōn men ko rem̧m̧an Ekar kōm̧m̧ani. Jeban maron̄ kōļļāiki E kōn jabdewōt men kein, ak jemaron̄ nōbar E. Nōbar eo emaron̄ itok ilo elōn̄ jekjek ko ak elōn̄ kain armej ro—emaron̄ kitbuuj al, jar, ak kwaļo̧k naan in kam̧ool. Ej tōl n̄an wūjlepļo̧k em̧ūlaļ n̄an Irooj im n̄an ļoor katak ko An. Jekdo̧o̧n wāween rōt nebar “nōbar Irooj” ie eļap unin ilo mour eo am̧, kwomaron̄ lo eļap im̧we n̄an kōm̧m̧ane ilo am̧ riiti im kejo̧kļo̧kjeņ kōn Sam Ko.
Ļōmņak ko n̄an Ekkatak ilo M̧weeo im ilo Kabun̄ in
Sam Ko 102–3; 116
Irooj emaron̄ kaeņōm̧m̧an eō ilo en̄taan ko aō.
Lale wāween an Sam Ko 102:1–11 kōmeļeļeik en̄jake in ikūm̧kūm̧ ko im ajimakeke me ekkā an waļo̧k ilo iien ko reppen. Bōlen kwe ak ro jet kojeļā kajeer em̧ōj ami en̄jake kain en̄jake kein. Ilo am̧ riiti Sam Ko 102:12–28; 103; 116, kappukot naan ko me rej lewaj lōke eo me kwomaron̄ “kūr n̄an etan Irooj” ilo iien mellijon̄ ko am̧ (Sam Ko 116:13). Kwomaron̄ kōņaan kōkaļļe, ak kwaļo̧k ippān ro jet naan ko me rej lewaj n̄an eok kōjatdikdik ilo E.
Bar lale Aiseia 25:8; Hibru 2:17–18; Alma 7:11–13; Camille N. Johnson, “Jisōs Kraist Ej Unjen Mour,” Liaona, Māe 2023, 81–83; “Where Can I Turn for Peace?” (Hymns, no. 129).
Carl Heinrich Bloch (1834–1890), Christ Healing the Sick at Bethesda1883, oil on canvas, 100 ¾ x 125 ½ inches. Brigham Young University Museum of Art, kar wiaiki jān jāān ko letok in Jack R. im Mary Lois Wheatley, 2001
Sam Ko 110; 118
Jisōs Kraist ear kakūrm̧ool kanaan ko jān Sam Ko.
Sam Ko epād ie eoon ko me rej jitōn̄ļo̧k mour im iien kwaļo̧k naan eo an Jisōs Kraist. Erkein rej jejjo iaan waanjon̄ak ko:
-
Sam Ko 110:1–4 (lale Matu 22:41–45; Hibru 5:4–10; 6:20)
-
Sam Ko 118:22 (lale Matu 21:42; Jerbal 4:10–11; 1 Piter 2:7)
-
Sam Ko 118:25–26 (lale Matu 21:9)
Ta ko eoon kein rej katakin eok kōn Jisōs Kraist? Etke eaorōk n̄an jeļā menin kake E?
Sam Ko 119
Naan ko an Anij rej dāpij eō ilo iaļ eo An.
Sam Ko 119 ewōr ie elōn̄ naan me rej keidi mour ko ad n̄an juon iaļ in roolļo̧k n̄an Jemedwōj Ilan̄. Ilo am̧ riit, kappukot naan ko āinwōt “etetal,” “iaļ,” “iaļ,” “ne,” im “jebwābwe.” Kejo̧kļo̧kjeņ kōn iaļan mour eo am̧ make—ijo kwaar pād ie, ijo kobed ie kiiō, im ijo kwoj etal n̄ane. Ta eo kwoj ekkatak jān sam ko kōn jepļaak n̄an kapijuknen eo am̧? Ta eo kwaar ekkatak jān lale iaļ ko an ro jet? Ekkar n̄an sam, ta eo Anij ear letok n̄an jipan̄ eok pād wōt ilo iaļ eo An?
Ļōmņak kōn juon iien me ļoor juon iaļ ak juon map ekar jipan̄ kōtōprak am̧ ito itak eo am̧ n̄an juon jikin. Ta eo en̄jake in ej katakin eok kōn ļoor iaļ eo an Anij?
Ilo elōn̄ eoon, Irooj im rikanaan ro an rej kōnono kōn iaļ in. Itulaļ ej jet waanjon̄ak: Lōmņak in kappukot eoon kein im je ak kwaļo̧k n̄an ro jet ta eo kwoj ekkatak.
|
Jeje Ko Rekwojarjar |
Ta eo ij ekkatak kōn iaļ eo an Anij |
|---|---|
Jeje Ko Rekwojarjar Jabōn Kōnnaan Ko 4:11–19 | |
Jeje Ko Rekwojarjar Matu 7:13–14 | |
Jeje Ko Rekwojarjar | |
Jeje Ko Rekwojarjar | |
Jeje Ko Rekwojarjar | |
Jeje Ko Rekwojarjar |
Ekōjkan an m̧ool kein maron̄ jipan̄ eok pād wōt ilo iaļ eo an Anij?
Ta ļōmņak ko jet komaron̄ ekkatak jān ļoor kapilōk jān Būreejtōn Russell M Nelson?
“Eļan̄n̄e m̧akūtkūt eo ad ilo mour in ej n̄an em̧m̧anļo̧k eo, jej aikuj ļoor iaļ eo an. Irooj ekar ba, ‘Reitok n̄an n̄a ilo aolepān ļōmņak ko, jab ebber, jab mijak’ [Katak im Bujen Ko 6:36]. Im Sam ko rekar je, ‘ Aṃ in naan e lamp n̄an neō, im meram n̄an aō iaḷ’ [Sam Ko 119:105]. …
“Ilo m̧akūtkūt eo am ilo mour in, kwomaron̄ ioon elōn̄ menin apan̄ ko im likjab ko. Unin tōl eo an jeje ko rekwojarjar rej jipan̄ kwe n̄an kile bōd n̄an kōm̧m̧an oktak eo emenin aikuj n̄an jim̧we. Kwon bōjrak in etal ilo iaļ eo ebōd. Kwon lukkuun ekkatak māb in iaļ ilo jeje ko rekwojarjar. Innām kwon wōnm̧anļo̧k ilo ukweļo̧k im kajim̧we n̄an pād ilo ‘iaļ eo erānin̄ im eaidik eo ej tōlļo̧k n̄an mour indeeo’ [2 Nipai 31:18]” (“Living by Scriptural Guidance,” Ensign,, Nov. 2000, 17).
Bar lale Dieter F. Uchtdorf, “Eo e Jerwaan im Iaļ eo Ej Tōl Ļo̧k N̄an M̧weo,” Liaona, Nob. 2023, 86–88.
Sam Ko 134–36
Irooj eļapļo̧k an kajoor jān jabdewōt ekjab.
Lale etke, ekkar n̄an Sam Ko 135:15–18, emenin jajeļo̧kjen n̄an lōke anij waan ko. Ta eo kwomaron̄ po in lōke me ejjeļo̧k oktak jān juon ekjab? Kwomaron̄ kōm̧m̧ane juon laajrak in men ko Irooj emaron̄ kōm̧m̧ani, āinwōt an rūjeje ro an sam kōm̧m̧ane ilo Sam Ko 134–36. Ta men ko rekajoor Ekar kōm̧m̧ane n̄an eok?
Sam Ko 139
Irooj ejeļā būruō.
Ta eo kwoj loe ilo Sam Ko 139 me ej jipan̄ eok meļeļe ke Irooj ejeļā kake eok—ļōmņak im m̧akūtkūt ko am̧, kajoor im m̧ōjņo ko am̧? Ewi wāween an m̧ool in im̧we mour eo am̧ im kāālet ko am̧?
Sam Ko 146–50
“Nōbar Irooj.”
Ilo am̧ riit sam ko āliktata kōn nōbar, ļōmņak kōn jet un ko me kwar nōbar Irooj kaki. Etke eaorōk n̄an nōbar E? Ta jet wāween ko komaron̄ nōbar E?
N̄an eļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Sam Ko 102:1–2
Irooj ej kaenōm̧m̧an eō im letok n̄an eō kōjatdikdik.
-
Kwe im ajri ro nejūm̧ maron̄ riiti Sam Ko 102:1–2, pukot ewi wāween an Irooj jipan̄ kōj ilo iien ko reppen n̄an kōj. Ekōjkan ad maron̄ lo jipan̄ eo An? Kom̧ maron̄ bar kwaļo̧k n̄an doon iien ko kom̧ kar aikuj jipan̄ im en̄jake ke Anij eaar ron̄jake jar ko am̧.
Sam Ko 119:105
Naan ko an Anij ej āinwōt juon meram.
-
Emaron̄ kalimomo n̄an ajri ro nejūm̧ n̄e rej kōnono ta en̄jake eo n̄e rej pād ilo marok. Ak remaron̄ kōnono kōn men ko me epen kōm̧m̧ani ilo marok. Komaron̄ karuwanene er n̄an kōm̧m̧ane juon men ilo an kilōk mejaer, āinwōt jin̄aik juon pija. Ta eo jej ekkatak jān Sam Ko 119:105 kōn meram im naan an Anij?
-
Kappukot juon men me Jemedwōj Ilan̄ ekar letok n̄an kōj n̄an jipan̄ dāpij kōj ilo iaļ eo An ilo eoon kein ilaļ: Sam Ko 119:47–48; 119:105; 1 Nipai 11:25; 2 Nipai 31:20. Ta eo jemaron̄ kōm̧m̧ane bwe jen pād wōt ilo iaļ eo an Anij?
-
Emaron̄ em̧m̧an ippān ajri ro nejūm̧ n̄an lale pija in men ko me kōnono kaki ilo Sam Ko 119:105. Remaron̄ karōki pija ko ilo aer riiti eoon eo. Kom̧ maron̄ al juon al ippān doon, āinwōt “Teach Me to Walk in the Light” (Children’s Songbook, 177) or “I Will Walk with Jesus” (Gospel Library).
Sam Ko 1–3, 23–24
Jemedwōj Ilan̄ im Jisōs Kraist rejeļā kajjieō im rej iakwe eō.
-
Ļōmņak in kōm̧m̧ane juon laajrak ekadu in men ko me kwojeļā kake kajjojo iaan ajri ro nejūm̧. Ilo am̧ riiti laajrak ko juon ilo̧k juon, kajjitōk ippān ajri ro nejūm̧ n̄an kajidedeiki wōn eo ej kōmeļeļeiki. Innām, ālkin ami riiti Sam Ko 139:1–3 ippān doon, kom̧ maron̄ laajraki men ko me Jemedwōj Ilan̄ im Jisōs rejeļā kōn kōj.
-
Je naan ko an Sam Ko 139:23–24 ilo juon pebaak juon boot. Karuwanene ajri ro nejūm̧ n̄an kameej naan ko me rej kōmeļeļeik me ko Anij emaron̄ kōm̧m̧ani n̄an kōj. Etke jej kōņaan bwe Anij en kōm̧m̧ani men kein?
Sam Ko 146:1, 5–9
Imaron̄ nōbar Irooj.
-
Bōlen ajri ro nejūm̧ remaron̄ kwaļo̧k en̄jake ko me juon armej ej nōbar er ak jiron̄ er ke raar kōm̧m̧ane juon jerbal em̧m̧an. Kwaļo̧k jet men em̧m̧an jān Sam Ko 146:6–9 me Irooj ear kōm̧m̧ani (jipan̄ ajri meļeļe naan ko rejjab jeļā). Karuwanene ajri nejūm̧ n̄an kōnono kōn men ko jet E ej kōm̧m̧ani n̄an kōj. Ewi wāween ad nōbar E kōn men kein?
Ekkatak ilo m̧weeo; kwaļo̧k n̄an ro jet. Būreejtōn Russell M. Nelson ekar katakin bwe m̧weeo ej aikuj “juon jikin ekkatak gospel eo” (“Becoming Exemplary Latter-day Saints,” Liaona, Nov. 2018, 13). Ta eo komaron̄ kōm̧m̧ane wiik in n̄an kam̧wilaļļo̧k am̧ ak an baam̧le eo am̧ ekkatak Sam Ko? Ālkin am̧ ekkatak, ļōmņak in kwaļo̧k n̄an ro jet ta eo kwaar ekkatak im en̄jake. Komaron̄ kōm̧m̧ane menin ilo kōnono, ilo jeje ak ilo social media, ak ilo m̧ōnjar eo.
N̄an eļapļo̧k, lale ennaan eo an allōn̄ in ilo eo Jera māākjiin.