Aiseia 1–12

Rilo̧mo̧o̧r eaar kwaļo̧k bwe “men otemjej eaar kōnono raar im renaaj kūrm̧ool, em̧ool ekkar n̄an naan ko eaar kōnono” (3 Nipai 23:3). Ilo am̧ ekkatak bok in Aiseia, ļōmņak in kōm̧m̧ane juon jaat in kanaan ko ippānļo̧k taitōļ ko āinwōt kein: raan eo an Aiseia, jerbal in kwaļo̧k eo an Rilo̧mo̧o̧r, im Raan ko āliktata. Kile bwe elōn̄ iaan kanaan ko an Aiseia em̧ōj aer kūrm̧ool elōn̄ļo̧k jān juon wāween (lale Bible Dictionary, “Aiseia”).

Būreejtōn Dallin H. Oaks eaar kwaļo̧k: “Bok in Aiseia ewōr ie elōn̄ kanaan ko me āinwōt ewōr elōn̄ļo̧k jān juon aer kein kam̧ool. Juon iaer āinwōt ej kobaik armej ro ilo tōre eo an Aiseia ak jekjek ko n̄an epepen eo tok juon. Bar juon meļeļe, kakōļļe eo emakijkij, ej āinwōt kōnono kōn m̧akūtkūt ko ilo tōre eo an meridian, ke Jerusalem ekar jorrāān im armej ro an raar ejepelōklōk ālkin debwāāāl eo an Nejin Anij. Ej bar juon meļeļe ak kūrm̧ool in ejja kanaan eo wōt eo ej āinwōt n̄an pojak n̄an Itok eo Kein Karuo an Rilo̧mo̧o̧r. Ilo m̧ool elōn̄ iaan kanaan kein elōn̄ļo̧k meļeļeier rej kalikkar aorōk eo kōn ad kappukōt revelesōn jān Jetōb Kwojarjar n̄an jipan̄ ukōti” (“Scripture Reading and Revelation,” Ensign, Jan. 1995, 8).

Āinwōt rikanaan ro ilo aolep tōre, Aiseia ear wōnm̧aanļo̧k im kakōl armej ro kōn jekjek ko aer ilo jetōb. Ilo am̧ riit Aiseia 1; 3; 5, kappukot naan ko me rej kōmeļeļeik ewi wāween jekjek eo an armej ro ilo jetōb (lale, n̄an waanjon̄ak, Aiseia 1:2–4, 21–23; 3:9, 16–17; 5:11–12, 20–23). Ta jorrāān ko rej āinwōt me kwoj loi ilo tōre kein ad? Kwomaron̄ bar pukot eoon ko me rej kakkōl kōn men ko renaaj waļo̧k kōn wōt jekjek eo ilo jetōb an riIsrael ro (āinwōt Aiseia 1:7; 3:17–26; 5:5–7, 13–15).

Kakobabain in kakkōl ko, Aiseia eaar leļo̧k enaan in kōjatdikdik n̄an lo̧mo̧o̧r jān Rilo̧mo̧o̧r (lale, n̄an waanjon̄ak, Aiseia 1:16–19, 25–27; 3:10; 4). Ta eo jej ekkatak kōn Irooj jān ennaan kein? Ewi wāween an ennaan in an Irooj ilo eoon kein oktak jān ta eo Setan ej kōņaan bwe jen tōmake?

Āinwōt Aiseia, rikanaan ro rainin rej kakkōl kōj kōn jerawiwi im men ko rej waļo̧k jāni, im rej letok ennaan in kōjatdikdik kōn Jisōs Kraist. Ta waanjon̄ak ko kwomaron̄ ļōmņaki? Kwomaron̄ kōņaan etale juon ennaan jān kweilo̧k eo eļap ko remootļo̧k, lali kakkōļ ko im kallim̧ur ko.

Elōn̄ iaan kanaan ko an Aiseia ewōr meļeļeir n̄an raan kein ad. N̄an loi, pukot naan ko me rej iokļo̧k ilju im jekļaj (āinwōt “naaj” ak “naaj etal”). N̄an waanjon̄ak, pukot naan kein ilo am̧ riiti Aiseia 2; 4; 11–12. Kwomaron̄ kajjieon̄ ukōti n̄an naan ko (āinwōt ej ak enaaj). Ewi iaan kanaan kein re im̧we eok? Ta eo kwoj ekkatak jān kanaan kein kōn Zaion, ekkal tampeļ, im aiintok Israel?

Aiseia 2:2–3 eļaptata an ekkar n̄an Armej ro rekwojarjar ilo raan āliktata. Ewi wāween an kanaan kein kūrm̧ool? Ta ko kwoj ekkatak kōn “wāween ko” im “iaļ ko” an Irooj ilo m̧weeo Im̧ōn (eoon 3).

Bar lale Aiseia 5:26; “,” Al in jar, no. 5.

Ilo Aiseia 6, Aiseia eaar kwaļo̧k bwebwenato in an kar bōk kūr bwe en juon rikanaan. Ilo am̧ riiti jebta in, ta eo ej im̧we eok kōn en̄jake eo an Aiseia? Ewi wāween an jebta in im̧we wāween am̧ ļōmņak kōn Irooj, rikanaan ro An, im jerbal ko kar kūr er n̄an kōm̧m̧ani?

Ilo iien jerbal in kwaļo̧k eo an Aiseia, Israel eaar ejaake juon jemjerā ippān Syria n̄an kōjparok er make jān Assyria. Israel im Syria rekar kōņaan kipel Ahaz, kiin̄ eo an Juda, bwe en kobaļo̧k ippāer. Ak Aiseia ekar kannaan bwe koņ eo enaaj jako im kar kapilōk Ahaz n̄an lōke Irooj (Aiseia 7:7–9; 8:12–13).

Āinwōt an kar Aiseia kar kapilōk Ahaz, ekar kōm̧m̧an jejjo̧ kannaan ko rebun̄bun̄, āinwōt ko jej loi ilo Aiseia 7:14; 8:13–14; 9:2, 6–7. Jekdo̧o̧n ta meļeļein kanaan ko n̄an Ahaz, raar alikkar ke rej jerbal n̄an Jisōs Kraist (bar lale Matu 1:21–23; 4:16; 21:44; Luk 1:31–33). Etke “Immanuel” ej juon taitōļ em̧m̧an n̄an Rilo̧mo̧o̧r eo? (lale Matu 1:23). Ekōjkan An kar juon “Rikapilōk” ak “Irooj in Aenōm̧m̧an” n̄an kwe? (Aiseia 9:7). Ta ko jet kwoj ekkatak kōn Rilo̧mo̧o̧r jān eoon kein?

• Ilo Aiseia 1:2–4, kwe im ajri ro nejūm̧ maron̄ lo unin an Irooj kar jab m̧ōņōņō ippān armej ro. Kile men in keid ippān mennin mour ko ilo eoon 3—wōn eo ad “masta”? Elmen ad kwaļo̧k ke jejeļā kōn E?

• N̄an pijaikļo̧k Aiseia 1:16–18, kwe im ajri ro nejūm̧ maron̄ lale jet men ebbōl an būrōrō im juon men erreo an mouj. Ak bōlen kom̧ maron̄ jerbal ippān doon n̄an kwal juon men. Ewi wāween ad ettoon ilo jetōb? Ewi wāween an Jisōs jipan̄ kōj erreo? Ta eo jej ekkatak kōn Rilo̧mo̧o̧r eo jān eoon kein? Kwaļo̧k n̄an ajri ro ewi wāween am̧ en̄jake kake E im ta eo E ekar kōm̧m̧ane n̄an kwe.

• Aiseia eaar lo ilo juon tōre bwe tampeļ, “toļ in im̧ōn Jeova” enaaj bōktok elōn̄ armej jān “aolep ri aelōn̄ ko.” (Aiseia 2:2). Ewi wāween am̧ maron̄ jipan̄ ajri ro nejūm̧ m̧ōņōņō in etal n̄an mweeo im̧ōn Irooj? Kwomaron̄ karuwanene er n̄an jin̄aik juon pija in m̧weeo m̧weer. Innām riit ippān doon Aiseia 2:2, im kajjitōk ippāer n̄an jin̄aik juon pija in “m̧weeo im̧ōn Irooj,” eo ej juon tampeļ. Riiti Aiseia 2:3 ippān doon. Karuwanene er n̄an kobaik pija in elōn̄ armej ro rej itok n̄an tampeļ, ekoba baam̧le ko aer.

• Kom̧ maron̄ bar riiti Aiseia 2:2–3 ippān doon im lale ta eo enaaj im̧we eok im ajri ro nejūm̧ n̄an etal n̄an tampeļ. Innām, ālkin ami riiti Aiseia 2:4 ippān doon, kom̧ maron̄ kōnono elmen an tampeļ boktok n̄an er aenōm̧m̧an. Ļōmņak in al juon al kōn tampeļ, āinwōt “I Love to See the TempleChildren’s Songbook, 95). Jipan̄ ajri ro nejūm̧ pukot naan ko ilo al in me rej kwaļo̧k ta in tampeļ im ta ko jej kōm̧m̧ani ijeņ.

• N̄an kwaļo̧k kadkadin kanaan ko an Aiseia kōn Kraist, kwe im ajri ro nejūm̧ maron̄ kōnono kōn taitōļ ko an armej, āinwōt būreejtōn, bisop, ak rūkaki. Ta ko taitōļ ko rej kwaļo̧k n̄an kōj kōn armej rein? Jipan̄ ajri ro nejūm̧ pukot taitōļ ko an Jisōs Kraist ilo Aiseia 7:14 im 9:6–7 (bar lale peij in m̧akūtkūt eo an wiik in). Ta eo taitōļ kein rej katakin kōn E? Ta eo jaar bar ekkatak kōn Jisōs Kraist jān eoon kein?

• Komaron̄ bar kwaļo̧k n̄an ajri ro nejūm̧ “Rikanaan Aiseia” (ilo Bwebwenato ko jān Kallim̧ur M̧okta, 150–51). Kōm̧m̧an iien n̄an bōjrak im kajjitōk ta ko Aiseia ejeļā kōn Jisōs Kraist elōn̄ iiō ko m̧okta jān An kar ļotak. Innām komaron̄ bar kōjerbal Matu 1:21–23; Luk 1:31–33 n̄an kōnono kōn ekōjkan an kanaan ko an Aiseia ilo Aiseia 7:14; 9:6–7 kar kūrm̧ool.

  

  1:18