Job 1–3; 12–14; 19; 21–24; 38–40; 42

Jebta ko rej kōpelļo̧k bok in Job rej kalikkar, ilo juon jekjek in jeje eaiboojoj, jerbal eo an āinwōt rikōjdat eo ak riņaruer; rejjab kōmeļeļe jabdewōt men ikōtaan Anij im Setan. Ilo am̧ riiti ta eo Setan ej ba kōn Job (lale Job 1:9–11; 2:4–5), kwomaron̄ kajjitōk ippam̧ make, “Etke ij tiljek wōt n̄an tōmak Anij?” Etke enaaj kauwōtata n̄an pokake Irooj kōn wōt un eo me Setan ej letok?

Ta eo ej im̧we eok kōn uwaak eo an Job n̄an ekajet eo an (lale Job 1:20–22; 2:9–10).

Ro m̧ōttan Job raar kwaļo̧k bwe Anij ekar kaje e (lale Job 4–5; 8; 11). Ta jorrāān ko kwoj loi ilo ļōmņak in? Riiti uwaak eo an Job ilo jebta 12–13. Ta eo Job eaar jeļā kōn Anij me eaar kōm̧m̧an bwe en lōke wōt? Ta eo kwojeļā kake Anij me ejipan̄ eok jelm̧ae apan̄ ko?

Jet iien ad jeļā kōn men ko raorōk rōm̧ool ilo iien ko reppen n̄an kōj. Kōļmenļo̧kjeņ kōn mālijjon̄ ko an Job kar kōmeļeļeiki ilo Job 19:1–22 im m̧ool ko eaar kwaļo̧ki ilo eoon 23–27. Elmen am̧ jeļā ke Rilo̧mo̧o̧r eo am̧ emour? Ta oktak eo jeļā in ej kōm̧m̧ane ilo mour eo am̧?

Ļōmņak in al ak ron̄jake juon al kōn Jisōs Kraist, āinwōt “Ij Jeļā Bwe Aō Dri Pinmuur Ej Mour” (Al Ko Al In Ajri, no. 28). Ta naan ko jān al in me rej kwaļo̧k en̄jake eo am̧ kōn E?

Bar lale Katak im Bujen Ko 121:1–12; 122.

Ilo Job 21–24, kwonaaj riiti kōnono ko ikōtaan Job im ro m̧ōttan. Ilo kōnono in epād juon kajjitōk me elōn̄ armej raar bar kajjitōk kake: Etke armej ro rōwānōk rej en̄taan jet iien?

Men̄e ejjab pād aolep uwaak ko ippād, ilo gospel eo an Jisōs Kraist em̧ōj an jepļaaktok, ewōr ippād jet m̧ool ko me remaron̄ kōmeļeļeik mālijjon̄ im en̄taan. Ijin ilaļ ewōr eoon ko n̄an raan kein āliktata me ewōr jet m̧ool ie. Ta eo eoon kein rej katakin eok kōn Jemedwōj Ilan̄ im karōk eo An?

• 2 Nipai 2:11–13

• Mosaia 23:21–23; 24:10–16

• Ether 12:27

• Katak im Bujen Ko 58:3–5

• Ebream 3:22–26

Kwomaron̄ bar riiti katak eo an Būreejtōn Spencer W. Kimball kōn mālijjon̄ ilo “Tragedy or Destiny?” (Teachings of Presidents of the Church: Spencer W. Kimball [2011]), 11–21).

Pedped ioon ta eo kwar ekkatak, elmen am̧ maron̄ uwaake kajjitōk ko āinwōt “Etke Anij ej kōtļo̧k an armej ro rōwānōk en̄taan?”

Kūtōtō kōn ekajet an ro m̧ōttan (lale Job 16:1–5; 19:1–3), Job eaar āliji an kajjitōk ippān Anij etke eaar aikuj ļap an en̄taan (lale Job 19:6–7; 23:1–9; 31). Irooj eaar jab leļo̧k juon un ealikkar ilo bok in Job. Bōtaab eaar kwaļo̧k juon enaan eaorōk ilo jebta 38–40. Elmen am̧ naaj kōmeļeļeik ennaan in? N̄an waanjon̄ak, ta eo kwoj ekkatak jān kajjitōk eo an Irooj ilo Job 38:1–7, 18–24?

Kwonaaj jeļā bwe Irooj eaar kōnono n̄an Job kōn jet iaan kōm̧anm̧an ko An im jet jerbal reļļap (lale Job 38–39). Kwomaron̄ kalimjōk jet iaan kōm̧anm̧an kein (ak lale pijaer). Elmen an men kein jipan̄ eok ļōmņak oktak kōn Anij? kōn apan̄ ko am̧? Elmen aer kar ukōt ļōmņak eo an Job (lale Job 42:1–6; bar lale Moses 1:8–10).

Erkein ruo naan jān kweilo̧k eo eļap me remaron̄ jipan̄ eok ukōt ļōmņak eo am̧: Tamara W. Runia, “Kalimjōk Baam̧le eo an Anij kōn Māj Repakpakļo̧k” (Liaona, Nob. 2023, 62–69); Russell M. Nelson, “Ļōmņak kōn Selestial!” (Liaona, Nob. 2023, 117–20). Ilo jabdewōt iaan ennaan kein, pukot juon men me kwonaaj kōņaan keememej bar juon iien mālijjon̄ ko am̧ rej pen. Elmen am̧ naaj kakeememej eok make kōn ta eo kwaar ekkatak?

• Rōjan̄ ajri ro nejūm̧ n̄an jiron̄ eok ta ko rejeļā kake kōn Job. Eļan̄n̄e raikuj jipan̄, kwomaron̄ jitōn̄ļo̧k er n̄an Job 1:1, 13–22; 2:7–10 ak etal n̄an “Job” ( ilo Bwebwenato ko jān Kallim̧ur M̧okta, 145–47). Ta eo Job eaar kōm̧m̧ane ilo iien apan̄ kein? (lale Job 1:21; 2:10).

  

  1:55

• Job eaar tōmak ilo apan̄ ko an kōn wōt ta eo ejeļā kōn Irooj. Bōlen kwe im ajri ro nejūm̧ maron̄ kalimjōk juon pija in an Jisōs Kraist pād ippān ro jet (āinwōt pija eo ilaļ ak pija ko ilo Bok In Gospel Pija). Kōnon kōn ta eo kwojeļā kōn E im ta wāween ko An. Erkein jet eoon me rej kwaļo̧k ta ko Job ekar jeļā kake Irooj: Job 12:10, 13, 16; 19:25–27. Etke eaorōk men kein n̄an jeļā kōn E?

• Job eaar kajjitōk juon kajjitōk eaorōk ilo Job 14:14. Bōlen kwe im ajri ro nejūm̧ maron̄ juon ilo̧k juon kwaļo̧k elmen ami naaj kar uwaake Job. Kom̧ maron̄ pukot ļōmņak ko ilo Alma 11:42–44, ilo pija in alooj eo “In a Coming Day” (Gospel Library), ak juon al kōn Jerkakpeje eo, āinwōt “Did Jesus Really Live Again?” (Children’s Songbook, 64).

1:11

• Ke Job eaar inepata, ro m̧ōttan raar ba Anij eaar kaje kōnke ekar jerawiwi (lale Job 22:5). N̄e jen kar ro m̧ōttan Job, elmen ad naaj kar kajjieon̄ jipan̄ e? Ewi wāween an naan ko ad jipan̄ ro jet n̄e rej inepata? (lale Job 16:5). Ļōmņak in kwaļo̧k juon ak elōn̄ļo̧k pija ko ilo unin tōl in ilo am̧ kōnono kōn kajjitōk kein.

• Ļōmņak in kajjitōk ippān ajri ro nejūm̧ n̄an laajrake jet piktokin eo m̧ōttad em̧m̧an im kwaļo̧k kajeen juon m̧ōttaer eo me ewōr ippān piktok kein. Innām kom̧ maron̄ lale juon pijain Jisōs Kraist. Ilo wāween rot Jisōs ej juon m̧ōttad eo em̧m̧an n̄an kōj kajjojo? Kom̧ maron̄ bar ļōmņake juon armej eo ej pād ilo juon iien epen. Karōk ewi wāween am̧ naaj juon m̧ōttā eo āinwōt Kraist n̄an er.

• Alkin riiti Job 19:23–27, kwe im ajri ro nejūm̧ maron̄ kōnono elmen ami jeļā ke Rilo̧mo̧o̧r emour. Kom̧ maron̄ jerbal ippān doon n̄an je naan in kam̧ool ko ami (ak jin̄a in Rilo̧mo̧o̧r) ilo juon bok (lale eoon 23).

• Kom̧ maron̄ al ippān doon juon al me ej kam̧ool kōn Jisōs Kraist, āinwōt “Ij Jeļā Bwe Aō Dri Pinmuur Ej Mour” (Al Ko Al In Ajri, no. .28). Kwaļo̧k naan ko jān al in me ej kōkajoor tōmak eo am̧ ilo E. Etke eaorōk n̄an jeļā ke Jisōs Kraist emour?