Ester

Būreejtōn Dieter F. Uchtdorf eaar katakin bwe kōj kajjojo “jej jutak ilo juon jikin ejej uwaan im ewōr juon jerbal eaorōk me [kōj] wōt jemaron̄ jerbale. … Irooj eaar lewaj eddo ko am̧ kōn juon un. Emaron̄ lōn̄ armej im bōro ko kwe wōt kwomaron̄ tōpari im im̧wei. Bōlen ejjeļo̧k juon emaron̄ kōm̧m̧ane ilo ejja wāween eo wōt” (“Lift Where You Stand,” Liaona, Nov. 2008, 56).

Ilo am̧ riiti bwebwenato in Ester, ļōmņak kōn wāween an naan in iokļo̧k e. Kappukot wāween ko Irooj ekar kōm̧m̧ane n̄an e bwe en lo̧mo̧o̧ren riJu ro (lale, n̄an waanjon̄ak, Ester 2:21–23; 3:10–14; 4:14–16). Innām ļōmņak elmen An kar lewaj am̧ iien em̧m̧an n̄an kōjeraam̧m̧an ro jet. Ta jet jekjek ko ak jemjerā ko me E kar tōl eok n̄ani “ilo iien in”? Ester 4:14 Eļan̄n̄e ewōr juon am̧ kōjeraam̧m̧an an petriak, ļōmņak in riit n̄an ekkatak eļapļo̧k kōn jerbal eo Irooj ekar kōpooje bwe kwon kōm̧m̧ane? Ta eo kwomaron̄ kōm̧m̧ane n̄an kōttōprak jerbal in?

Bar lale “For Such a Time as This” (pija in), ChurchofJesusChrist.org.

13:44

Ilo bok in Esther, jej ekkatak jān tiljek eo an Ester im Mordikeai, ak jej bar ekkatak jān utiej bōro im ill an Heman. Ilo am̧ riiti Esther 3; 5:9–14, ļōmņake en̄jake ko, naan ko, im m̧akutkut ko an Heman. Ta eo rej kwaļo̧k kōn e im men ko rej kōketak e? Ta jekjek ko ekar iooni? (lale Ester 7). Riit kōn Heman emaron̄ im̧we eok n̄an etale ta eo ej kōketak en̄jake im jerbal ko am̧. Kwoj ke en̄jake im̧we n̄an kōm̧m̧an oktak? Ewi wāween am̧ oktak n̄an Jemedwōj Ilan̄ kōn jipan̄?

Bar lale Jabōn Kōnnnaan Ko 16:32; Alma 5:28.

Lale etke Ester im aolepen riJu ro raar kāālet in jitlo̧k (lale Ester 3:13; 4:1–3, 10–17). Ewi wāween an jitlo̧k kōjeraam̧m̧an er? (lale Ester 5:2–3; 8:11–12). Etke Irooj ej kajjitōk bwe jen jitlo̧k? (lale Unin Kōnono ko im Kajjitōk ko, “Fasting and Fast Offerings,” Gospel Library). Ļōmņake ewi wāween am̧ kōm̧m̧an bwe jitlo̧k en juon kōjeraam̧m̧an eļap ilo mour eo am̧.

Bar lale Aiseia 58:6–12; “Fasting: Young Single Adult Ward, Amanda” (pija in alooj), ChurchofJesusChrist.org.

2:41

Ke Mordikeai im Ester rekar jutak kōn tōmak ko aer im armej ro aer, raar likūt mour ko aer ilo kauwōtata. Kāālet ko ad emaron̄ dikļo̧k kaje ko aer, ak kōm̧m̧ane men eo ejim̧we emaron̄ aikuj mennin oktak. Ta eo kwoj ekkatak jān Ester 3:1–4; 4:10–17 kōn peran n̄an kōm̧m̧ane men ko rejim̧we? Lale ta oktak eo ikōtaan jekjek an Mordikeai im Ester me rekar en̄jake ālkin aer kar kwaļo̧k peran (lale Ester 3:5–11; 5:1–4). Ta eo Ester im Mordikeai reaikuj jeļā kake Anij n̄an kōm̧m̧ani kāālet ko raar kōm̧m̧ani?

Ļōmņake jekjek ko me kwoj aikuj peran n̄an jutak kōn ta eo ejim̧we. Ta eo kwoj ekkatak jān Ester im Mordikeai me emaron̄ jipan̄ eok lo peran ilo Irooj?

Peran eo an Ester eaar tōl n̄an “juon raan in lan̄lōn̄” (lale Ester 9:17–19). Ekōjkan an āinwōt-Kraist lewaj n̄an kwe “juon raan in lan̄lōn̄”

Bar lale “Courage,” “Dare to Stand Alone” (pija in alooj), Gospel Library; “True to the Faith,” Hymns, no. 254.

3:19

4:20

• Kwomaron̄ en̄jake im̧we n̄an kōjerbal Ester 2:7 n̄an katakin ajri ro nejūm̧ n̄an jipan̄ ro uwaan baam̧le eo rej pād ilo aikuj, āinwōt an kar Mordikeai im Ester kōm̧m̧ane. Kwomaron̄ riiti ippān doon eoon eo ak kōkaduduki ilo naan ko am̧ make. Innām kwe im ajri ro nejūm̧ remaron̄ ļōmņake ro uwaan baam̧le eo me remaron̄ aikuj am̧ jipan̄. Kōm̧m̧an juon karōk n̄an jipan̄ er.

• Waanjon̄ak ko an Ester im Mordikeai remaron̄ jipan̄ ajri ro nejūm̧ meļeļe bwe peran meļeļein kōm̧m̧ane ta eo ejim̧we jekdoon n̄e kwoj mijak. Ļōmņak in je naan kein Mordikeai eaar peran n̄e ej … im Esther eaar peran n̄e ej … . Ilo ami katak bwebwenato in Ester ippān doon, ajri ro nejūm̧ remaron̄ kwaļo̧k wāween ko jet n̄an kam̧ōj jantōj ko. Kom̧ maron̄ riiti Ester 3:1–11; 4:10–17 ak “Lerooj Ester” (ilo Bwebwenato ko jān Kallim̧ur M̧okta, 166–70) Innām je Inaaj kwaļo̧k peran jen …, im kajjitōk ippān ajri ro nejūm̧ n̄an laajraki men ko Jemedwōj Ilan̄ ekōņaan bwe ren kōm̧m̧ani me ebōk peran. Juon al kōn peran, āinwōt “Dare to Do Right” (Children’s Songbook, 158), emaron̄ jipan̄.

  

  2:45

• Kwomaron̄ kwaļo̧k n̄an ajri ro nejūm̧ kōn iien eo Jisōs Kraist ekar peran, n̄an waanjon̄ak, ke E eaar en̄taan kōn jerawiwi ko ad, jim̧or ilo Gethsemane im ioon debwāāl (lale Matu 26:36–39; 27:33–35). Kajjitōk bwe ajri ro nejūm̧ ren kwaļo̧k juon iien me raar peran, im kwaļo̧k en̄jake eo am̧ make barāinwōt.

• Riiti Ester 4:1–3, 10–17 emaron̄ jipan̄ eok katakin ajri ro nejūm̧ kōn jitlo̧k. Etke Ester im riJu ro raar jitlo̧k? Jiron̄ ajri ro nejūm̧ etke kwoj jitlo̧k. Kwomaron̄ bar kajjitōk ippāer elmen aer naaj kar kōmeļeļeik men in jitlo̧k n̄an juon eo m̧ōttaer me ejan̄in kar kōm̧m̧ane. Ekōjkan ad maron̄ jipan̄ ro m̧ōttad meļeļe kōn kōjeraam̧m̧an ko me rej itok jān jitlo̧k?

• Kōketak ajri ro nejūm̧ n̄an lōmņan kōn juon men remaron̄ aikuj jipan̄ eo an Irooj kake. Kwaļo̧k bwe ren kōm̧m̧an bwe menin en m̧ōttan jitlo̧k eo aer ilo Jabōt in jitlo̧k in tok.

• Jipan̄ ajri ro nejūm̧ meļeļe bwe ke Ester eaar mijak, Mordekai eaar kōperan e ilo an kōmeļeļeik bwe Irooj eaar jipan̄e erom lerooj “ilo iien rot in” (Ester 4:14). Ta meļeļein an Mordekai ba menin? Kōnono n̄an doon kōn ewi wāween an Ester kar juon kein jerbal n̄an irooj. Elmen ad maron̄ in juon kein jerbal ilo pein Irooj?

• Elmen am̧ maron̄ jipan̄ ajri ro nejūm̧ meļeļe ta meļeļein kein jerbal eo? Bōlen kwomaron̄ karuwanene juon n̄an kōjan̄ juon al ilo kein kōjan̄jan̄ eo ak kwaļo̧k juon pija in juon armej ej kōjerbal juon kein jerbal. Innām kwomaron̄ kōnono kōn ta meļeļein n̄an juon kein jerbal ilo Pein Anij.