“Ohkohs 24–30. ‘Nga ac Fah Fahk Nu Suwos Ma El Oru Nu Sik’: Psalms 49–51; 61–66; 69–72; 77–78; 85–86,” Come, Follow Me—For Home and Church: Wuhlweacng Mahtuh 2026 (2026)
“Ohkohs 24–30. ‘Nga ac Fah Fahk Nu Suwos Ma El Oru Nu Sik,’” Fahsruh, Fahsr Tukuk: Wuhlweacng Mahtuh 2026
Molwelah Elos Suc Tuhlac, sel Michael Malm
Ohkohs 24–30: “Nga ac Fah Fahk Nu Suwos Ma El Oru Nu Sik”
Psalms 49–51; 61–66; 69–72; 77–78; 85–86
Mwet suhmuhslah Psalm tuhkweni sruhmuhn ke puhla loal lalos ke poetry(pohloh kahs ahkuhtweyac ke nuhnak ac puhla) lalos. Elos sihm sruhmuhn ke puhla toasr, sahngweng, ac auli. Kuhtuh pacl uh, elos puhla pac muh God el muhlkuhnuhloslac, ac kuhtuh psalm inge puhsra uh ullac ac enenuh kahsruh. Fin kom nuh puhla ke ohhiyac se ingacn, rit ke psalm kuh in kahsrwe kom in etuh lah tiac kom muhkwena. Tuhsruhk kom ac oacyacpac sokwack lah psalm inge kuh in ahkkweye kom ke pacl kom puhla ohinge uh, ke srihpen mwet suhmuhslah psalm inge elos oacyacpac kaksakihn Leum ke wolacna Lal, elos fwefwelac ke kuh Lal, ac enganwack ke pahkotwen Lal. Elos etuh lah kuht toasr ke ma koluk ac orekma koluk tuhsruhk Leum el “wo, ac ahkolah in nuhnak muhnahs” (Psalm 86:5). Elos kahlwem kac lah luhlahlfongi in Leum tiac kalmeyac pa kom e fah tiacna puhlakihn elyah, ma koluk, kuh sahngweng. Kalmac pa kom etuh lah suc kom ac for nuh se ke pacl se kom puhla ma ingacn uh.
Mwe nuhnak nuhke Lutlut Lohm Sesr ac Alu
Psalms 49; 62:5–12
Moliyucklac tuhkuh sin Jisus Kraist muhkwena.
KePsalm 49 oasr mwe fahkwack se ma fahk muh “mwet fuhlwact ac mwet srihsrihk oacna sie, mwet kahsruhp ac oacyacpac mwet suhkahsruhp” (fuhs 2). Meac kom ac fahk ke mwe fahk se ingacn? Meac kom puhla muh Psalm 62:5–12 tahfwelah nuhke mwe fahk se inge?
Riti psalm ac kuh in mokle kom in motko ke inkacnek ma kuht srihfeyuck kac in luhlahlfongi ke sie ma liki na in luhlahlfongi ke God nuhke molwelah ma koluk (liye Psalm 49:6–7). Moul lom an eklac fuhkah ke luhlahlfongi lom lah “God El fah moliyula liki ku lun misa”? (Psalm 49:15).
Psalms 51; 85–86
Ke srihpen pahkotwen luhn Mwet Lahngo, Nga kuh in eis nuhnak muhnahs.
Tohkohsrah David el suhmuhslah Psalm 51 tukun el ahkihlenwack enenuh lal in eis nuhnak muhnahs—sie ma kuht nohfohn enenuh in eis. Piyac kac fuhs ma ahkuhtweyac ke ma kom puhla an? Meac kom konwacack ke psalm se inge ma usot finsrak nuhke nuhnak muhnahs?
Kom kuh pac in suk Psalm 51 nuhke mwe ahkpwacye lah meac kalmacn auliyak. Orwaclah sie tahk ke ma kom sokwack an. Liye lah kom ac kuh in sang in weacng list lom an ke kom suk mwe fahkwack lal Prestuhn Russell M. Nelson ah “We Can Do Better and Be Better” (Liahona, Mei 2019, 67–69).
Kom ac ahkuhtweyac fuhkah puhla lom ke kom eis nuhnak muhnahs sin Kraist uh? Fin kom enenuh kahsruh in ahkuhtweyac ke puhla lom ingacn, kom kuh in liye Psalms 51:1–2, 7–12; 85:2–9. Kuhtuh mwet uh luhngse sroal kuh sokwack petsac in ahkuhtweyac ke puhla lalos; sahp kom kuh in srihke kain sacn. Kom kuh pac in yuck on kuh lohng ke on muhtahl ke Mwet Lahngo, oacna ke “I Stand All Amazed” (Puk In On, no. 193).
Kuht enenuh in tiac luhlahlfongi muhkwena lah Jisus Kraist El kuh in ahknwacsnwacsye kuhtlac tuhsruhk El ac oacyacpac orwaclah. Meac kom sokwack ke Psalm 86:5, 13, 15 ma kahsrwe kom in etuh lah Mwet Lahngo el kuh ac luhngse nuhnank muhnahs nuh sesr?
Liye pac Alma 36; Peter F. Meurs, “He Could Heal Me!,” Liahona, Mei 2023, 39–41.
Psalms 51:13–15; 66:5–20; 71:15–24
Luhlahlfongi luhk ke Jisus Kraist kuh in kahsruh mwet sahyac in tuhkuh nuh Yohrohl.
Motko lah kom eis fuhkah luhlahlfongi lom ke Jisus Kraist ac kuh in iwaclah Lal. Tohkoh, kom ke kom riti Psalms 51:13–15; 66:5–20; 71:15–24, nuhnkuh lah kom ac suli fuhkah mwet sahyac in “fahsru ac liye ma su God El oraclah” (Psalm 66:5). Kom fin “fah fahk ma El oru nu sik” (Psalm 66:16), meac kom ac fahk?
Meac kalmac sum in “kaskas ke suwoswos lom ke lusen len nufon”? (Psalm 71:24).
Liye pac Alma 26.
“Fahsru ac lohng, … ac nga ac fahk ma [God] el oruh nuh sihk” (Psalm 66:16).
Psalms 63; 69; 77–78
Leum El fah kahsrweyuc ke pacl enenuh luhk.
Puhkantwen on ke psalm ahkuhtweyac ke ohiyacn puhla se ke kuht loes liki God ac enenuh na upac kahsruh Lal (liye Psalms 63:1, 8; 69:1–8, 18–21; 77:1–9). Ke Psalms 63; 69; 77–78, meac kom konwacack muh sang mwe ahkkweye nuh sin mwet ma sihmihs on ke psalm inge?
Ke kom puhla ma upac, ac kahsre kom fuhka in “esam na orekma yohk lom, O Leum God” ac ma sakirik lom“in pacl meet ah”? (Psalm 77:11). Kuhtuh sin orekma usrnguck inge ahkuhtweyucki oasr ke Psalm 78. Ke kom riti ke ma inge, motko lah meac kahsrwe kom in “fihliyac lulalfongi [lalos] in God” (fuhs 7).
For more, see this month’s issues of the Liahona and Nuhke Kuh luhn Mwet Fuhsr mackuhsin.
mwe nuhnak nuhke Luti Tuhlihk
Ke srihpen Sascnri se inge pa sacnri se ahklimekohsr ke mahlwem inge, mwet luti ke U luhn Tuhlihk srihsrihk ngihsreyuck in orekmakihn mukuikui in lutlut ke“Appendix B: Preparing Children for a Lifetime on God’s Covenant Path.”
Psalms 51; 86:5, 13, 15
Ke nga oraclah sulaclah tahfonglac se, Jisus el kuh in kahsreyuc in eklac.
-
In kahsruh tuhlihk an in lotwelah ke ma pwacye ke auliyak uh Psalm 51, kom kuh in sruhlwaclah sie art luhlahp ah. Tohkoh kom kuh in kahsruh tuhlihk an in suhmuhslah lun art se ma koluk ingacn ma Satan el srihfe kuht in oruh. Kuht ac eslah fuhkah ma inge liki insiacsr? Siyuhk tuhlihk an in konwacack kahs se inge “insiuk” ke Psalm 51:10, 17. Sruhmuhn lah meac fohs inge luti ke auliyak uh. Sang tuhlihk an in ellah kahs lun art sacn ac suhmuhslah kahs sasuc ma ahkuhtweyac ke inkacnek ma Jisus el kuh in ikihlkuhtlac kac ke kuht auliyak uh.
-
Sahp kom ac ke kahsruh tuhlihk an in lotwelah lah meac kalmac in “sie inse muhsahllah ac inse toasr” (Psalm 51:17). Eltahl kuh in ayaol in srike in ikucslah sie ma kwekwe, kain se kuh ahtro kuh srihfacf uh. Kom kuh in kahsrweltahl in kapsruh kolo kwekwe inge nuhke ma sruok kuht liki luhngse luhn Pahpah Inkuhsrao. Kuht ac ikacslah insiacsr fuhkah nuh Sel?
-
Komtacl kuh in tuhkweni liye petsac se ke Mwet Lahngo ac siyuck sin tuhlihk an lah kahs fuhkah eltahl ac orekmakihn in sang ahkuhtwelyac uh. Suhlwacltahl in sokwack kahs ma ahkuhtweyac Kacl ke Psalm 86:5, 13, 15. Efuh yohk srihpac in etuh ma Kacl inge?
Psalm 61:2–3
Jisus Kraist El yot kuh luhk.
-
Sahp tuhlihk an ac luhngse sruhluh petsac ke mwe akucl ke Psalm 61:2–3. Jisus Kraist el oacna “yot” se fuhkah (fuhs 2), “acn in molela,” ac “nien wikla luk”? (fuhs 3).
“Tuh kom nien wikla luhk, ac mwet kasru ku luk in lain mwet lokoalok luk” (Psalm 61:3).
Psalms 66:16; 77:11; 78:6–7
“Nga ac esam orekma luhn Leum.”
-
Siyuhk tuhlihk an in akacsruhi ke sramsram ke ma suhmuhslah ma elos luhngse emet (petsac ke Gospel Art Book kuh in kahsruh). Meac sramsram inge luti kuht ke Leum? Kom kuh in tuhkweni riti Psalm 66:16 ac kais sie tohpohklah kihsensiyuhk soko inge “Ma Leum el oru nu sik”?
-
Ke kom tuhkweni riti Psalms 77:11; 78:6–7 uh , kom kuh in akacsruhi nuh sin sie sin sie lah kom srihke fuhkah in “esam na orekma yohk lom, O Leum God” (Psalm 77:11), weacng orekma Lal ke moul lom an. Kuhfa luhn Leum kahsrwe kuht fuhkah in “esam pacl nuhkwewa”? (Moroni 4:3; 5:2).
Psalm 71:8
Nga kuh in fahk nuh sin mwet sahyac ke Jisus Kraist.
-
Tukun kom riti Psalm 71:8 wi tuhlihk an, sap eltahl in sruhlwaclah sie inwacluh luhlahp ah. Siyuhk seltahl in kahsrwe kom “nwacklah” inwacluh se ingacn ke petsac kuh kahs ma fahkwack ke ma kuht kuh in sruhmuhn nuh sin mwet sahyac ke Jisus Kraist.
-
Kom kuh in sang eltahl in liye sie petsac ke Jisus Kraist ah. Mwet se ma sruok petsac se ingacn kuh in fahk sie ma el etuh Kacl uh. Kuht ac kahsruh mwet sahyac fuhkah in etuh ke ma inge?
Puhs ma tuhlihk uh akacsruhi kac. “Ke tuhlihk uh lotwelah ma sasuc se, elos kena akacsruhi kac nuh sin mwet sahyac. Ahkkweye ke se inge ke kom sang pacl wowo se in luti ke ip yohk ke wosasuc nuh sin sie sin sie, sucu lalos, ac kawuck lalos. Siuck pac selos in akacsruhi nuh sum nuhnak, puhla lalos, ac ma sikyak nuh selos ma kuhpahsr nuhke ip yohk ma kom luti ingacn. Kom ac konwacack lah nuhnak lalos uh fihsrwacsr, nwacsnwacs, ac fokoko” (Teaching in the Savior’s Way, 32).
Psalm 86:7
Pahpah Inkuhsrao el lohng ac topuk pruhe luhk.
-
Puhs on ke psalm inge ma oacna pruhe nuh sin God. Ke kom wi tuhlihk an riti Psalm uh, kom kuh in sang nuh seltahl ma kuht kuh in orekmakihn in sramsram nuh sin mwet ma muhta loeslac, kain se ke fon kuh lwacta uh. Tohkoh na kom rit Psalm 86:7. Kuht “pahng” fuhkah nuh sin Pahpah Inkuhsrao? El topuk kuht fuhkah?
-
Kom kuh in tuhkweni yuck soko on ke pruhe, oacna ke “A Child’s Prayer” (Puk In On luhn Tuhlihk Srihsrihk, 12–13; liye pac Susan H. Porter, “Pray, He Is There,” Liahona, Mei 2024, 77–79). Fahk nuh sin sie sin sie ke pacl ma God el topuk pruhe lom.
Nuhke kuhtuh pac, liye ma nuhke mahlwem inge ke Friend mackuhsin an.