“Ohkohs 3–9. ‘Ma Na Orek Tuh Kom In Kasrala Nuke Pacl Se Inge’: Esther,” Come, Follow Me—For Home and Church:: Wuhlweacng Mahtuh 2026 (2026)
“Ohkohs 3–9. ‘Ma Na Orek Tuh Kom In Kasrala Nuke Pacl Se Inge,’” Come, Follow Me: Wuhlweacng Mahtuh 2026
Kasra Esther El Molwelah Mwet Lal Jehovah, sel Sam Lawlor
Ohkohs 3–9: “Ma Na Orek Tuh Kom In Kasrala Nuke Pacl Se Inge”
Esther
Puhkantwen ma sikyak ke puk lal Esther ma oacna in wo ohiyac kuh mana orek in oacyac se. Kom ac ahkuhtweyac pac fuhkah ke sie tuhlihk muhtwacn ohrfacn suc eklac kasra se fin acn Persia ke na pacl fal se in molwelah mwet lal in tiac acnwucki? Fuhkah tuh kuhsin se lal Esther suc pahngpahng Mordecai tuh falyang in lohngwack ke sie plwacn in uniyac tohkohsrah sac? Ma inge ma na orek in oacyac, kuh ma inge ipin pacna plwacn wolacna luhn God? Elder Ronald A. Rasband el fahk: “Kuhtuh ma kuht liye muh sikyak wo ohiyac, ma oreklac ke kohkoh ac luhngse luhn Pahpah Inkuhsrao suc luhngse kuht. … Leum el oasr ke moul lasr uh finne ke ma srihsrihk nuhkwewa ma sikyak nuh sesr uh” (“By Divine Design,” Liahona, Nov. 2017, 56). Kuht ac kuh in tiac akihlen ke pacl nuhkwewa orekma luhn Leum ke ma “srihsrihk ahkutweyucki inge.” Tuhsruhk kuht lotwelah ke ma sikyak nuh sel Esther ah lah El kuh in kol inkacnek lasr ac ahkwoekuhtlac “nuhke sie pacl ohinge” (Esther 4:14) ke kuht pa kuhfwen mwe orekma luhn Pahol in akfalyelah srihpac Lal.
Nuhke sie ahkuhtweyac fototo ke puk lal Esther, liye “Esther, puk lal” ke Pwacpuhl tiksineri.
Mwe nuhnak nuhke Lutlut Lohm Sesr ac Alu
Esther
Leum el fihliyucwi ke ohiyac ma nga kuh in ahkinsewowoye mwet sahyac.
Prestuhn Dieter F. Uchtdorf el luti lah kais sie sesr “tu ke acn lasr sifacna ac oasr kunohkohn yohk srihpac ma [kuht] muhkwena kuh in oruh. … Leum el usot ma kunom ke srihpac. Sahp ac oasr mwet ac insiac ma kom muhkwena kuh in ekuhllah. Sahp wacngihn mwet sahyac kuh in oruh oacna ke orek uh” (“Lift Where You Stand,” Liahona, Nov. 2008, 56).
Ke kom riti ke sramsram kacl Esther uh, motko lah fahk se inge kuhpahsr nuh sel fuhkah. Suk ke inkacnek ma Leum el sackuhnlah nuh sel in molwelah mwet Jews ac (liye, nuhke mwe srihkasrak, Esther 2:21–23; 3:10–14; 4:14–16). Tohkoh kom motko lah El usot nuh sum fuhkah pacl wowo in ahkinsewowoye mwet sahyac. Meac kuhtuh ma sikyak ke moul lom kuh kuhpahsr ma El kol kom nuhkac “nuhke pacl se inge”? (Esther 4:14). Fin oasr mwe insewowo luhn patriarch lom, nuhnkuh in riti in lotwelah yohk ke orekma ma Leum El oraclah nuh sum kom in oruh. Meac kom kuh in oruh in ahksahfyelah orekma se inge?
Liye pac “For Such a Time as This” (video), ChurchofJesusChrist.org.
For Such a Time as This
Kuht lotwelah yohk ke kuht oruh liki na ke kuht lohng muhkwena uh. Elder David A. Bednar el sang kahs in kahsruh nuh sin mwet luti uh: “Ma kuht srihke uh enenuh in tiac pa ‘Meac nga fahk nuh selos?’ Tuhsruhk, ma kuht enenuh in siyuck sesr sifacna uh pa ‘Meac nga kuh in suhlwaclos in oruh? Kihsensiyuck fuhkah moklweyuck ngacn kuh in siyuck, elos fin insese in topuk, fah muhtwacwacack in suli Nguhn Muhtahl nuh in moul lalos?’” (ke Teaching in the Savior’s Way, 25). Kom fin luti sucu lom kuh kuhlahs se kacl Esther, meac kom kuh in siyuck selos in oruh ma ac kahsrwelos in lotwelah?
“Ke Haman el liye lah Mordecai el tiac puhtati nuh ten ah … el kasrkuhsrak na upac” (Esther 3:5).
Esther 3; 5:9–14; 7
Insefuhlwact ac kasrkuhsrak kuh in kol kuht nuhke riahlah.
Ke puk lal Esther, kuht lutlut ke luhlahlfongi suwohs lal Esther ac Mordecai, tuhsruhk kuht oacyacpac lutlut ke insefuhlwact ac kasrkuhsrak lal Haman. Ke kom riti Esther 3; 5:9–14, nuhnkuh ke puhla lal Haman, kahs, ac mukwikwi lal. Meac ma ingacn ahkkhalwemye kacl ac mukuikui lal? Meac sikyak nuh sel? (liye Esther 7). Ke kom riti kacl Haman uh ac kuh in mokle kom in sulpac nuhnkuh lah meac mokle puhla lom ac mukwikwi lom uh. Yac mokleyuck kom in orek ayaol? Kom ac forlah fuhkah nuh sin Pahpah Inkuhsrao nuh ke kahsruh?
Liye pac Proverbs 16:32; Alma 5:28.
Esther 3–4; 5:2–3; 8:11–12
Lalo uh ahkkahlwemye lah nga luhlahlfongi ac ngwet nuh sin Leum.
Srihke akihlen lah efuh Esther ac mwet Jews sahyac ah sulaclah in lalo (liye Esther 3:13; 4:1–3, 10–17). Lalo lalos ahkinsewowoyaclos fuhkah? (liye Esther 5:2–3; 8:11–12). Efuh Leum el siyuck kuht in lalo? (liye Topics and Question, “Fasting and Fast Offerings,” Gospel Library). Nuhnkuh kac lah kom ac oruh fuhkah lalo in sie mwe insewowo yohk ke moul lom.
Liye pac Isaiah 58:6–12; “Fasting: Young Single Adult Ward, Amanda” (video), ChurchofJesusChrist.org.
Fasting: Young Single Adult Ward, Amanda
Esther 3:1–11; 4:10–17; 5:1–4; 9:17–19
Oruh ma wo uh kwacna enenuh puhlaik yohk.
Ke Mordecai ac Esther tuyak ke luhlahlfongi lalos ac mwet lalos, moul lalos oan in mwe sensen. Sulaclah lasr sahp kuh in fihsracsr kuhtuh ma sikyak nuh sesr kac, tuhsruhk ke kuht oruh ma pwacye uh ac srwackna enenuh kuht in puhlaik. Meac kom lotwelah ke Esther 3:1–4; 4:10–17 ke puhlaik in oruh ma pwacye? Srihke nuhnkuh ke kain in ma sikyak nuh sel Mordecai ac Esther tukun elos ahkkahlwemye puhlaik lalos in oruh ma pwacye (liye Esther 3:5–11; 5:1–4). Meac Esther ac Mordecai enenuh in etuh ke God in oruh sulaclah ma elos orwaclah ah?
Nuhnkuh ke pacl ma kom enenuh puhlaik in tuyak ke ma pwacye uh. Meac kom lotwelah sel Esther ac Mordecai ma kuh in kahsrwekom in konwacack puhlaik ke Leum?
Puhlaik lal Esther koluhlos nuhke “sie lwen engan” (liye Esther 9:17–19). Puhlaik oacna Kraist usot nuh sum fuhkah “sie lwen engan”?
Liye pac “Courage,” “Dare to Stand Alone” (videos), Gospel Library; “True to the Faith,” Puk In On, no. 254.
Courage
Dare to Stand Alone
Nuhke kuhtuh pac liye ma nuhke mahlwem inge ke Liahona ac Mwe Ahkkweye Mwet Fuhsr mackuhsin.
mwe nuhnak nuhke Luti Tuhlihk
Esther 2:5–7
Nga kuh in kuhlwacsuhpuh sucu luhk.
-
Kom kuh in puhla mokleyuck in orekmakihn Esther 2:7 in luti tuhlihk an in kahsruh sucu lalos ma enenuh kahsruh, oacna ke Mordecai el oruh nuh sel Esther ah. Kom kuh in tuhkweni riti fohs se inge kuh ahkfototoye lah ke kahs lom sifacna. Tohkoh na kom ac tuhihk an kuh in nuhnkuh ke kuhtuh sucu ma ac enenuh kahsruh lom. Oraclah sie plwacn ah in kahsrelos.
Esther 3:1–11; 4:10–17
Leum el kuh in kahsreyuc in puhlaik.
-
Mwe srihkasrak lal Esther ac Mordecai kuh in kahsruh tuhlihk an in kahlwem kac lah kalmen puhlaik pa in oruh ma pwacye finne ke pacl kom puhla sahngweng. Nuhnkuh in suhmuhslah pohloh kahs inge Mordecai el puhlaik ke el … ac Esther tuh puhlaik ke el … . Ke kom tuhkweni lutlut ke sramsram kacl Esther uh, tuhlihk an kuh in fahk ke kuhtuh innek ma kuh in sang ahksahfyelah sacntacns inge. Kom kuh in riti Esther 3:1–11; 4:10–17 kuh “Queen Esther” (ke Sramsram ke Wuhlweqacng Mahtuh, 166–70) kuh liye petsac ke ma tahklac inge. Tohkoh suhmuhslah Nga ac puhlaik ke … , ac suli tuhlihk an in suhmuhslah kuhtuh ma Pahpah Inkuhsrao el kena elos in oruh ma enenuh puhlaik. Soko on ke puhlaik, oacna “Dare to Do Right” (Puk In On luhn Tuhlihk Srihsrihk, 158), kuh in kahsruh.
2:45Queen Esther
-
Kom kuh pac in luti ke pacl ma Jisus Kraist el puhlaik—nuhke mwe srihkasrak, ke, pacl se El tuh kweok ke ma koluk lasr ke Gethsemane ac fin sahksin soko ah (liye Mattew 26:36–39; 27:33–35). Siyuck tuhlihk an in akacsruhi ke sie pacl ma elos puhlaik, ac akacsruhi ke ma sikyak nuh sum pac.
Esther 4:1–3, 10–17
Lalo uh use mwe insewowo.
-
Riti ke Esther 4:1–3, 10–17 kuh in kahsrwe kom in luti tuhlihk an ke lalo. Efuh Esther ac mwet Jew ac lalo? Fahk nuh sin tuhlihk an lah efuh kom lalo. Kom kuh pac in siyuck lah elos ac ahkuhtweyac fuhkah lah meac lalo nuh sin sie kawuck ma soenna oruh. Kuht ac kahsruh fuhkah kawuck lasr in kahlwem ke mwe insewowo ma tuhkuh ke srihpen lalo?
-
Pahtok tuhlihk an in nuhnkuh ke sie ma elos ac enenuh kahsruh luhn Leum kac. Fahk nuh selos in oraclah ip sacn ke lalo lalos ke sacnri fahsruh uh.
Ke srihpen Esther el puhlaik tuh puhlaik, el tuh kuh in molwelah mwet luhn Leum.
Esther 4:14
Nga kuh in sie kuhfwen mwe orekma ke poun God.
-
Kahsruh tuhlihk an in kahlwem kac lah ke Esther el sahngweng, Mordecai el pahtokuhl ac ahkuhtweyac nuh sel lah Leum el kahsrwel elan kasra se “nuhke pacl se inge” (Esther 4:14). Meac kalmen ma Mordecai el fahk inge? Sruhmuhn yurin kais sie suwos lah Esther el ekihn kuhfwen mwe orekma se luhn Leum fuhkah. Kuht kuh in ekihn kuhfwen mwe orekma luhn Leum fuhkah?
-
Kom ac kahsruh fuhkah tuhlihk an in kahlwem kac lah meac kuhfwen mwe orekma? Sahp kom kuh in suli sie mwet ah in sritacl on ke sie mwe sritacl on ah kuh sang sie petsac ke mwet se orekmakihn kuhfwen mwe orekma se. Tohkoh na kom kuh in sruhmuhn lah meac kalmac in ekihn kuhfwen mwe orekma ke poun God.
Nuhke kuhtuh pac liye ma nuhke mahlwem inge ke Friend mackuhsin an.