“Ohkohs 10–16. ‘Tuh Nga Ac Fah Luhlahlfongwel’: Job 1–3; 12–14; 19; 21–24; 38–40; 42,” Come, Follow Me—For Home and Church: Wuhlweacng Mahtuh 2026 (2026)
“Ohkohs 10–16. ‘Tuh Nga Ac Fah Luhlahlfongwel,’” Come, Follow Me: Wuhlweacng Mahtuh 2026
Nuhnuhnkuh lal Job, sel Joseph Brickey
Ohkohs 10–16: “Tuh Nga Ac Fah Luhlahlfongwel”
Job 1–3; 12–14; 19; 21–24; 38–40; 42
Mwet uh ac na nuhnkuh lah efuh ma koluk uh sikyak nuh sin mwet wo uh—kuh, ke srihpac sac, efuh ma wo uh sikyak nuh sin mwet koluk. Efuh kuh God, suc suwohs, lwelah in sikyak ohinge? Puk lal Job topuk kain kihsensiyuck inge. Job el sie sin mwet wo suc ma koluk puhkantwen sikyak nuh se. Ke srihpen ma upac nuh sel Job, kawuck lal ah motko lah pwacye el wo tukihn ma nuhkwewa. Job el ahkkahlwemye ke suwohswohs lal sifacna ac motko lah pwacye God el suwohs tukihn ma nuhkwewa. Tuhsruhk finne el kweok ac nuhnkuh angwe, Job el sruokyac na pwacye ac luhlahlfongi lal ke Jisus Kraist. Ke puk lal Job, kihsensiyuck ac srihkeyuck ke luhlahlfongi tuh tiacna kahsreyuck. Tiac kalmac pa kihsensiyuck nuhkwewa topukyucklac. Tuhsruhk puk lal Job luti lah neke na topukyucklac, kihsensiyuck uh kuh in wi na luhlahlfongi uh fahsr. Ac lah meac sikyak ke pacl se inge, kuht kuh in fahk ke Leum lasr, “Nga ac fahklana ma nga nunku nu sel” (Job 13:15).
Nuhke mwe ahkuhtweyac ke puk luhn Job, liye “Job” in the Guide to the Scriptures (Gospel Library).
Mwe nuhnak nuhke Lutlut Lohm Sesr ac Alu
Job 1–3; 12–13
Nga kuh in luhlahlfongi God ke ma nuhkwewa ma sikyak nuh sihk.
Muhtwacwacackiyacn sapta ke Job ahkuhtweyac yohk ke orekma lal Satan; tiac arlac ahkuhtweyac ke ma sikyak inmahsrlon God ac Satan. Ke kom riti ma Satan el fahk kacl Job (liye Job 1:9–11; 2:4–5), kom kuh in siyuck sum, “Efuh nga na luhlahlfongi na kel God?” Efuh kuh sensen in ahkos Leum kena srihpac Satan el fahk uh?
Meac kom luhngse ke top lal Job nuhke ma upac ma sikyak sel? (liye Job 1:20–22; 2:9–10).
Kawuck lal Job ah fahk muh God El selngawel (liye Job 4–5; 8; 11). Meac elyah kom liye ke mwe nuhnak se inge? Riti top lal Job ke chapters 12–13. Meac Job el etuh ke God ma sang nuh sel in tahfwelah na ke luhlahlfongi lal? Meac kom etuh ke God ma kahsrwe kom in lain ma upac ma sun kom uh?
Job 19
Jisus Kraist El Mwet in Molelah luhk.
Kuhtuh pacl uh kuht lotwelah ma pwacye ma yohk srihpac emet ke pacl upac nuh sesr. Motko ke ma upac Job el ahkuhtweyac ke Job 19:1–22 ac ke ma pwacye el ahkkahlwemye ke fuhs 23–27. Kom etuh fuhkah lah Mwet in Molwelah lom moul? Eklac fuhkah mwe etwacack se inge oruh nuhke moul lom?
Nuhnkuh in yuck soko on kuh lohng ke sie on ke Jisus Kraist, oacna “I Know That My Redeemer Lives” (Puk In On, no. 136). Kahs fuhkah ke on soko inge ahkuhtweyac puhla lom Kacl?
Liye pac Doctrine and Covenants 121:1–12; 122.
Job 21–24
“Ke el srihkeyuc tari, Nga ac fah eklac oacna gold.”
Ke Job 21–24, kom ac riti ke sie akuhkuhin inmahsrlol Job ac kawuck lal. Yohkiyen akuhkuhin se inge pa kihsensiyuck se suc puhkantwen mwet siyuck kac: Efuh mwet suwohswohs uh kweok ke kuhtuh pacl uh?
Finne wacngihn yohrohsr top ah kwewa, ke wosasuc fohlohkyak luhn Jisus Kraist, oasr yohrohsr mwe luti pwacye ma kuh in kahsrwe kuht in kahlwem ke ma upac ac mwe kweok lasr uh. Pa ten inge ma suhmuhslah ma nacnwack kuhtuh mwe luti pwacye ke lwen sahflah uh. Meac ma suhmuhslah inge luti kom ke Pahpah Inkuhsrao ac plwacn Lal?
-
Doctrine and Covenants 58:3–5
-
Abraham 3:22–26
Kom kuh pac in riti mwe luti lal Prestuhn Spencer W. Kimball ke mwe sruhf lal Satann ke “Tragedy or Destiny?” (Teachings of Presidents of the Church: Spencer W. Kimball [2011]), 11–21).
Ke ma kom lutlut kac tari, kom ac topuk fuhkah sie kihsensiyuhk oacna “Efuh God el lwelah mwet suwohswohs uh in kweok?”
Mislac ac Itu, sel Yongsung Kim. Image courtesy of havenlight.com
Job 38–40; 42
Liye luhn God yohk liki liye luhk uh.
Job el ullac ke kahs in ahkkoluk luhn kawuck lal (liye Job 16:1–5; 19:1–3), Job el kalweni in siyuck sin God lah efuh el enenuh in kweok arulacna upac (liye Job 19:6–7; 23:1–9; 31). Leum el tiacna fihliyac sie srihpac kahlwem ke puk lal Job. Tuhsruhk el luti ke sie mwe fahkwack na yohk srihpac ke chapters 38–40. Kom ac ahkfototoyelah fuhkah mwe fahkwack se inge? Meac kom lotwelah ke kihsensiyuck luhn Leum ke Job 38:1–7, 18–24?
Kom ac akihlen lah Leum el sramsram nuh sel Job ke kuhtuh ma El orwaclah ac kuhtuh orekma kuhlacna sahyac (liye Job 38–39). Kom kuh in liye ke ma el orwacla inge (kuh petsac ke ma inge). Ma inge kahsrwe kom fuhkah in nuhnkuh sienna ke God? ke ma upac sikyak nuh sum? Ma inge ekuhllah fuhkah liye lal Job uh? (liye Job 42:1–6; liye pac Moses 1:8–10).
Pa inge mwe fahkwack yohk luo ma kuh in kahsruh ekuhllah liye lasr uh: Tamara W. Runia, “Seeing God’s Family through the Overview Lens” (Liahona, Nov. 2023, 62–69); Russell M. Nelson, “Think Celestial!” (Liahona, Nov. 2023, 117–20). Ke kwewana mwe fahkwack inge, suk ke sie ma kom luhngse esamyac nuhke sie pacl ma upac uh oacna in upaclac. Kom ac ahkacsmakihnye kom fuhkah ke ma kom lotwelah tari?
Oruh kom in lwemlwem. Lutlut uh tiac enenuh in nacnwack rit, nuhnak, ac sramsram muhkwena. Kuhtuh pacl uh lutlut se ma fihsrwacsr in esamyucki emet uh tuhkuh ke mukwikwi luhn mahno se. Nuhke mwe srihkasak, ke kom riti ke Leum el ekuhllah fuhkah ngwetngwet lal Job uh ke Job 38–40, kom kuh in tifoklac fahsr raunyak ac liye ke kuhtuh ma Leum el oraclah fin facluh, kwewana ma luhlahp ac ma srihsrihk. Kuh kom kuh in liye ma se ke kain in ngwetngwet puhkantwen—lucng, ten, fototo, loessuhlah, ac kuhtuh pac.
Nuhke kuhtuh pac liye ma nuhke mahlwem inge Liahona ac Nuhke Kuh luhn Mwet Fuhsr mackuhsin.
mwe nuhnak nuhke Luti Tuhlihk
Job 1–2; 12; 19
Luhlahlfongi ke Jisus Kraist ac kahsrweyuc ke pacl upac.
-
Ahkkweye tuhlihk an in fahk lah meac elos etuh kacl Job. Fin elos enenuh kahsruh, kom kuh in suhpwaclos in riti Job 1:1, 13–22; 2:7–10 kuh nuhke “Job” (ke Sramsram ke Wuhlweacng Mahtuh, 145–47). Meac Job el oruh ke ma upac ma sonuhl ah? (liye Job 1:21; 2:10).
1:55Job
-
Job el sruokyac na luhlahlfongi lal ke ma upac sikyak nuh sel ke srihpen ma el etuh ke Leum. Sahp kom ac tuhlihk an kuh in liye petsac ke Jisus Kraist ke El wi mwet sahyac (oacna ke petsac se ten inge kuh petsac ke Gospel Art Book). Sruhmuhn ke ma kom etuh Kacl ac ma El oacna. Pa inge kuhtuh fuhs ke ma suhmuhslah ma ahkahlwemye ke ma Job el etuh ke Leum: Job 12:10, 13, 16; 19:25–27. Efuh kuh yohk srihpac in etuh ke ma Kacl inge?
El Unweloslac Nohfohn, sel Michael Malm
Job 14:14
Ke srihpen Jisus Kraist, nga ac sifil moulyak tukun nga misac.
-
Job el siyuck kihsensiyuck na yohk srihpac se ke Job 14:14. Sahp kom ac tuhlihk an kuh in ayaol akacsruhi kac lah kom ac tohpohkohl Job fuhkah. Kom kuh in suk ke mwe nuhnak ke Alma 11:42–44, ke petsac mukwikwi se “In a Coming Day” (Gospel Library), kuh ke soko on ke Sifilpac Moulyak, oacna “Did Jesus Really Live Again?” (Puk In On luhn Tuhlihk Srihsrihk, 64).
#BECAUSEofHIM: An Easter Message of Hope and Triumph
Job 16:1–5; 22:5
Kawuck wowo uh ahkpwacrye ac ahkkweye sie sin sie.
-
Ke Job el suhpwacr, kawuck lal fahk lah God el selngawel ke srihpen el oruh ma koluk (liye Job 22:5). Fin kuht pa kawuck lal Job uh, kuht ac kahsrwel fuhkah? Ma kuht fahk uh kuh in kahsruh mwet sahyac fuhkah ke elos suhpwacr uh? (liye Job 16:5). Nuhnkuh in akacsruhi ke sie kuh kuhtuh sin petsac ke ma tahklac inge ke kom sramsramkihn kihsensiyuck inge uh.
-
Nuhnkuh in siyuck sin tuhlihk an in tahkuhnlah kuhtuh ohiyac wowo luhn kawuck wowo se ac in fahk sie inen kawuck ma oasr ohiyac wowo inge se. Tohkoh kom kuh in liye sie petsac ke Jisus Kraist. Inkacnek fuhkah Jisus el ekihn kawuck wowo se nuh sesr kais sie? Kom kuh in nuhnkuh ke sie mwet suc puhlakihn ma upac ingena. Plwacnelah lah kom ac ekihn fuhkah sie kawuck oacna Kraist nuh selos.
Job 19:23–27
Jisus Kraist el Mwet in Molelah luhk.
-
Tukun kom riti Job 19:23–27, kom ac tuhlihk an kuh in sruhmuhn lah kowos etuh fuhkah lah Mwet in Molwelah lasr El moul. Kom kuh in tuhkweni orekma in orwacni luhlahlfongi lowos (kuh sroal ke Mwet Lahngo) ke sie puk ac (liye fuhs 23).
-
Kom kuh pac in yuck soko on ma fahkwack ke Mwet Lahngo, oacna “I Know That My Redeemer Lives” (Puk In On, no. 136). Akacsruhi ke pohloh kahs ke on soko inge ma ahkfokokoye luhlahlfongi lom Kacl. Efuh yohk srihpac in etuh lah Jisus Kraist El moul?
Nuhke kuhtuh pac liye ma nuhke mahlwem inge ke Friend mackuhsin an.