Psalms 1–2; 8; 19–33; 40; 46

Ke kom riti puk luhn Psalm uh, kom ac kuh in akihlen lah mwet suhmuhslah ingacn kwacna sruhmuhn ke sahngweng, ahsor, kuh sensen. Kain puhla inge tiac sasuc, finne nuhsin mwet luhlahlfongi uh. Tuhsruhk ma se oruh Puk luhn Psalm moklwe insiac uh pa eltahl oacyacpac sang mwe kahsruh, weacng pa luhlahlfongi kuhlacna ke Leum. Ke kom riti Psalms 1; 23; 26–28; 46, suhmuhslah ma inge:

• Suliyuck in luhlahlfongi ke Leum.

• Kahs ma ahkuhtweyac Kacl.

• Kahs ma ahkuhtweyac ke mislac, kuh, ac mwe insewowo sahyac ma El usot.

• Kahs ma ahkuhtweyac ke mwet suc luhlahlfongi in El.

Suk pac ke ma kom ac kuh in petsacelah ac ke akucl ma Psalm orekmakihn in luti ke Mwet Lahngo. Nuhke mwe srihkasrak, ke Psalm 23, meac pohloh kahs inge oacna “ona in ima folfol insroa” kuh “kof mihs” (fuhs 2) use nuhke nuhnak lom? Meac “sak lom” ac “sikal lom” (verse 4)ahol uh? Meac kalmen “cup” luk (fuhs 5) kahkla?

Puhs Psalm sruhmuhn ke moul luhn Jisus Kraist fin facluh. Mwet Christian ke pacl luhn Wuhlweacng Sasuc liye pac kuhpahsr inge. Motko in riti ke fuhs ma tahklac inge. Suk ke kuhpahsr inmahsrlon kahs ke Psalm inge ac ke moul luhn Mwet Lahngo:

• Psalm 2:1–3 ac Acts 4:24–28

• Psalm 2:7 ac Orekma13:30–33

• Psalm 22:1 ac Mattew 27:45–46

• Psalm 22:7–8 ac Mattew 27:39–43

• Psalm 2:7 ac Luke 13:30–33

• Psalm 22:18 ac Mattew 27:35

• Psalm 31:5 ac Luke 23:46

Meac kom lotwelah ke kuhpahsr inge? Mwe palye ac olwelah fuhkah ke ma suhmuhslah soenna ahkfalyeyucklac? Meac kom konwacack ke olwelah inge ma usot nuh sum finsrak nuhke pacl fahruh uh?

Riti Psalms 8; 19; 33 ac kuh in mokle kom in nuhnkuh ke ma puhkantwen wolacna suc Leum el orwaclah. Lohacng nuhke puhla lom ke pacl se kom rit an. Sahp kom ac luhngse pac onkackihn kuh motko ke kahs ke soko on ma kuhpahsr nuhke Psalm inge, oacna “How Great Thou Art” (On In Alul, 86). Ma Leum el orwaclah uh “fahkak wolana luhn God” nuh sum fuhkah? (Psalm 19:1).

Pa inge kuhtuh on in alu ma itucklac liki Puk luhn Psalm:

• Psalm 23: “The Lord Is My Shepherd” (Puk In On, no. 108)

• Psalms 23:6; 150: “Praise to the Lord, the Almighty” (Puk In On, no. 72)

• Psalm 26:8: “We Love Thy House, O God” (Puk In On, no. 247)

• Psalm 27:1: “The Lord Is My Light” (Puk In On, no. 89)

• Psalms 33:1–6; 95:1–6: “For the Beauty of the Earth” (Puk In On, no. 92)

• Psalm 37:3–9: “Be Still, My Soul” (Puk In On, no. 124)

• Psalm 148: “All Creatures of Our God and King” (Puk In On, no. 62)

Ke Puk luhn Psalm, kahs oacna luhlahlfongi, mwe kol, masap, ac nuhnuhnkuh kuh in luhmweyuck nuhke kahs luhn Leum. Nuhnkuh ke ma inge ke kom riti Psalm 19:7–11. Meac fuhs inge fahk nuh sum ke kahs luhn Leum? Meac Psalm 29 luti kom ke Puhsrwacl? Ke puhla lom sifacna, kahs luhn Leum kuh puhsrwen Leum oacna mwe ahkuhtweyac inge fuhkah?

Ke srihpen tempuhl Jerusalem tuh muhsahyak fin ohl soko, pohloh kahs se ma fahk muh “fineohl sin Leum God” (Psalm 24:3) kuh in luhmweyuck nuhke tempuhl kuh ye muhtuhn God. Meac ma se inge sang nuhke kahlwem lom ke Psalm 24? Meac kalmac sum in “nasnas pao, ac mutal insiac”? (fuhs 4). Ke kom riti Psalms 26–27, meac pac kuhtuh ma sahyac kom lotwelah ke lohm sin Leum?

Kuhtuh pacl uh, kuht ac kuh in fuhlweack finsrak in lohng lah kuht enenuh kuht in nwacsnwacs in ilyak nuh ye muhtuhn God. Tukun ma nuhkwewa, kuht nuhkwewa puhlakihn ma upac, ac wacngihn sie sesr suwohs. Finsrak fuhkah kom konwacack ke mwe fahkwack lal Elder David A. Bednar “Clean Hands and a Pure Heart”? (Liahona, Nov. 2007, 80–83). Kom ac orekmakihn kahs lal inge fuhkah in kahsruh sie mwet ma puhla kena yohk in eklac suwohs? Motko lah kom ac eis fuhkah kahsruh luhn mwet Lahngo ke kom srihke in “nasnas pao, ac mutal insia.”

Liye pac Bradley R. Wilcox, “Worthiness Is Not Flawlessness,” Liahona, Nov. 2021, 61–67.

• Srihke nuhnkuh in suhmuhslah Leum el … Suli tuhlihk an in suk inkacnek in ahksahfyelah sacntacns soko inge orekmakihn fuhs inge: Psalms 23:1; 27:1; 28:1; 28:7; 32:7; 46:1. Meac fuhs inge luti kuht ke kahsruh luhn Leum nuh sesr?

• Kom kuh in sramsramkihn nuhsin tuhlihk an lah efuh sheep fuhsr soko enenuh in tiac sun ongaiyac ac in fokoko na. Tohkoh, ke kowos tuhkweni riti Psalm 23, kahsruh tuhlihk an in kapsruh ma mwet liyacacng sheep elos oruh nuh sin sheep fuhsr soko nuhke ma Jisus El oruh nuh sesr. Meac kuht enenuh in kuh in karihngihyuckyang ac fokoko in nguhn? Tuhkweni yuck soko on ma ac kuh in sang mwe nuhnak, oacna “I Feel My Savior’s Love” (Puk in On luhn Tuhlihk Srihsrihk, 74–75).

• Ke kom tuhkweni riti Psalm 24:3 uh, tuhlihk an kuh in suk kahs ma ahkacsmakuhnuhlos ke tempuhl uh. Elos kuh pac in liye sie petsac ke tempuhl ah. Na komtacl kuh in tuhkweni riti ke fohs 4 in lotwelah lah suc kuh in utyak nuh lun tempuhl uh. Kom kuh in sruhmuhn lah paho uh e fohkfohklah fuhkah ac kuht e ahknwacsnwacsyelah fuhkah? Ahkfohkfohkyeyucklac fuhkah moul in nguh lasr uh? Mwet Lahngo El kuh in kahsrwe kuht fuhkah in ahknwacsnwacsye kuht lac ke moul in nguhn lasr?

• Fin oasr tuhlihk srihsrihk, kom kuh in suhlwacltahl in oruh in na muh elos tuhng ke kom riti Psalm 30:5, “Sahp ac oasr tung ke fong.” Tohkoh kom fahk elos in ahkkahlwemye engan ke kom ac riti, “Tusruktu engan fah sikyak ke lotutang.” Kalweni pohloh kahs se inge ke kuhtuh pac pacl.

• Sruhkwack sie petsac ke Mwet Lahngo ac sang elos in liye, ac fahk nuh sin tuhlihk an ma El tuh oruh in usot engan nuh sum. Kom kuh pac in sang nuh sin kais sie tuhlihk an in sruok petsac se ingacn ac ahkacsruhi lah meac Jisus el oruh in sang engan nuh seltahl.

• Kahsruh tuhlihk an in esamyac lain soko emet ke Psalm 46:10: “Kowos in tia sifl mweun, ac etu lah nga God.” Meac kalmac in “mislac”? Sahp kom kuh in sislah pacl lom in orekmakihn ohiyen mislac. Kowos kuh pac in akacsruhi nuh sin kais sie sie ma kowos puhlakihn ke kowos “mislac” ma ahkfokokoye kuhpahsr lom sin God. Kahsruh tuhlihk an in nuhnkuh ke pacl ma elos kuh in “mislac” in puhla fototo nuh yurin Pahpah Inkuhsrao.