“Ohkohs 31–Septempuh 6. ‘Kaksakin Leum God Kowos Ma Orekla Nukewa Su Oasr Moul La’”: Psalms 102–103; 110; 116–119; 127–128; 135–139; 146–150,” Come, Follow Me—For Home and Church: Wuhlweacng Mahtuh 2026 (2026)
“Ohkohs 31–Septempuh 6. ‘Kaksakin Leum God Kowos Ma Orekla Nukewa Su Oasr Moul La,’” Come, Follow Me: Wuhlweacng Mahtuh 2026
Reverential Return, by Kelsy and Jesse Lightweave
Ohkohs 31–Septempuh 6: “Kaksakin Leum God Kowos Ma Nukewa Orekla Su Oasr Moul La”
Psalms 102–103; 110; 116–119; 127–128; 135–139; 146–150
Facsin ke ine luhn mwet Jew nuhke puk luhn Psalm pa Tehillim, kahs Hebrew se kalmac pa “kaksak.” El kuhpahsr nuhke kash se inge hallelujah (suc kalmac pa “kaksakihn Jehovah” kuh “kaksakihn Leum”). Kom fin enenuh in sulaclah sie kahs ah in ahkuhtweyac ke mwe fahkwack yohk ke Psalm, kaksak el sulaclah na wowo se. Kuhtuh psalm uh sesseslah ke nguhsr suwohswohs in “kaksakihn Leum” (liye Psalms 146–50), ac ma ingacn kwewa kuh in mokle alu ac kaksak. Psalm inge ngihsre kuht in akihlen kuh luhn Leum, pahkotwen Lal, ac ma wolacna El orwaclah. Kuht tiac kuh in fohlohkihn molin ma inge, tuhsruhk kuht kuh in Kaksakuhnuhl. Kaksak se ingacn kuh in tuhkuh ke kain in atac luhn kain in mwet— kuh in tuhkuh ke on, pruhe, kuh fahkwack ke luhlahlfongi. El kwacna kol nuhke kisackuhnlah yohk nuh sin Leum ac in fahsr tuhkihn mwe luti Lal. Lah meac kalmen “kaksakihn Leum” nuhke moul lom an, kom kuh in konwacack mokleyuck in oruh kaksak lom ke kom riti ac motko ke Psalm inge.
Mwe nuhnak nuhke Lutlut Lohm Sesr ac Alu
Psalms 102–3; 116
Leum El kuh in ahkkweyeyuc ke pacl kweok luhk.
Nuhnkuh ke Psalm 102:1–11 lah el ahkuhtweyac fuhkah ke puhla sensen ac srwenglah ma kwacna tuhkuh ke pacl upac uh. Sahp kom kuh mwet sahyac kom etuh puhlakihn tari kain puhla inge. Ke kom riti Psalms 102:12–28; 103; 116, suk ke pohloh kahs ma usot nuh sum luhlahlfongi in “pang ke inen Leum” ke pacl upac nuh sum (Psalm 116:13). Sahp kom ac ke mahkiyac, esamyac, kuh akacsruhi nuh sin mwet sahyac pohloh kahs ma usot finsrak lom Kacl.
Liye pac Isaiah 25:8; Hebrews 2:17–18; Alma 7:11–13; Camille N. Johnson, “Christ Is Relief,” Liahona, Mei 2023, 81–83; “Where Can I Turn for Peace?” (Puk In On, no. 129).
Carl Heinrich Bloch (1834-1890), Kraist El Unwelah Mwet Mas Fin Acn Bethesda, 1883, oil fin canvas, 100 3/4 × 125 1/2 inches. Brigham Young University Museum of Art, purchased with funds provided by Jack R. and Mary Lois Wheatley, 2001.
Psalms 110; 118
Jisus Kraist el ahkfalyelah palye ma oasr ke Psalm.
Puk luhn Psalm sesseslah ke pohloh kahs ma sruhmuhn ke moul ac luti luhn Jisus Kraist. Pa inge kuhtuh mwe srihkasrak uh:
-
Psalm 110:1–4 (liye Mattew 22:41–45; Hebrews 5:4–10; 6:20)
-
Psalm 118:22 (liye Mattew 21:42; Acts 4:10–11; 1 Peter 2:7)
-
Psalm 118:25–26 (liye Mattew 21:9)
Meac fuhs inge luti kom ke Jisus Kraist? Efuh yohk srihpac in etuh ma Kacl inge?
Psalm 119
Kahs luhn God fah kahsrweyuc in muhta na ke inkacnek Lal.
Psalm 119 sesseslah ke pohloh kahs na puhs ma kapsruh moul lasr nuhke sie fuhfahsryucsr in fohlohk nuh yurin Pahpah Inkuhsrao. Ke kom riti, suk kahs oacna “fahsr,” “inkacnek,” “innek,” “niac,” ac “sahruhkwel.” Motko ke fuhfahsryucsr lom sifacna ke moul se inge—kom oasr oyac met, kom oasr oyac ingena, ac kom ac som nuh oyac. Meac kom lotwelah ke psalm se inge ke fuhfahsryucsr lom in fohlohk nuh Yohrohl? Meac kom lotwelah ke kom liye inkacnek luhn mwet sahyac uh? Oacna ke ma sihmlac ke psalm se inge, meac God el use in kahsrwe kom in muhta na ke inkacnek Lal?
Nuhnkuh ke sie pacl kom ukwe inkacnek soko kuh sie macp ma kahsrwe kom in fahlac wo fuhfahsryucr lom an. Meac ma sikyak ah luti nuh sum ke fahsr inkacnek luhn God?
Ke ma suhmuhsah puhs pac sahyac, Leum ac mwet pahluh Lal sruhmuhn ke inkacnek se. Pa ten inge kuhtuh mwe srihkasrak uh. Nuhnkuh in riti fuhs inge ac suhmuhslah kuh akacsruhi nuh sin mwet sahyac ma kom lotwelah kac.
|
Ma Suhmuhslah |
Meac nga lotwelah ke inkacnek luhn God |
|---|---|
Ma Suhmuhslah Proverbs 4:11–19 | |
Ma Suhmuhslah Mattew 7:13–14 | |
Ma Suhmuhslah | |
Ma Suhmuhslah | |
Ma Suhmuhslah | |
Ma Suhmuhslah Doctrine and Covenants 25:2 |
Ma pwacye inge kuh in kahsrwe kom fuhkah in muhta na ke inkacnek luhn God?
Meac pac kuhtuh mwe luti kom kuh in lotwelah ke kom ukwe kahs in kahsruh ma tuhkuh sel Prestuhn Russell M. Nelson uh?
“Fin fuhfahsryucsr lasr ke moul se inge enenuh in kuhtanglah, kuht enenuh in ukwe kolyuck wowo. Leum el fahk, ‘Ngwet nuh sihk ke nuhnak nuhkwewa; tiac ahlohloh, tiac sahngweng’ [Doctrine and Covenants 6:36]. Ac mwet se suhmuhslah psalm se inge fahk, ‘Kas lom lam nuke niuk, ac kalem nuke inkanek luk’ [Psalm 119:105]. …
“Ke fuhfahsryucsr lom ke moul se inge, kom sun ma upac puhkantwen ac orwaclah kuhtuh ma tahfonglac. Kolyuck luhn ma suhmuhslah kahsrwe kom in akihlen tahfonglac lom ac in ahksuwohsyelah ke enenuh uh. Kom tui ke fahsr nuhke inkacnek tahfonglac lom. Kom oaru in lutlut ke inkacnek luhn ma suhmuhslah. Tohkoh kom muhtwacwacack ke auliyak ac enenuh in fohohklac nuhke ‘inkacnek suwohs ac oasrihksrihk soko inge ma kol nuhke moul ma pahtpaht’ [2 Nephi 31:18]” (“Living by Scriptural Guidance,” Ensign, Nov. 2000, 17).
Liye pac Dieter F. Uchtdorf, “The Prodigal and the Road That Leads Home,” Liahona, Nov. 2023, 86–88.
Psalms 134–36
Leum el kuh liki kuhtwena ma sruhloaclah.
Akihlen lah efuh, oacna fahk ke Psalm 135:15–18, ac ma lahlfon se in luhlahlfongi ke god kikiacp uh. Meac kuh in srihfeyuck kom in luhlahlfongi kac ma oacna ma sruhloaclah se? Kom kuh in tahkuhnlah ma Leum el kuh in oruh, oacna ke mwet ma suhmuhslah psalm inge oruh ke Psalms 134–36. Meac ma kuhlacna El oruh nuh sum?
Psalm 139
Leum el etuh insiyuck.
Meac kom konwacack ke Psalm 139 ma kahsrwe kom in kahlwem kac lah Leum el etwekom—El etuh nuhnak ac orekma lom, kuh lom ac muhnahs lom? Mwe luti pwacye se inge mokle fuhkah moul lom ac sulaclah lom an?
Psalms 146–50
“Kaksakihn Leum God.”
Ke kom riti sahflahiyacn fuhs in kaksak ke psalm inge, nuhnkuh ke srihpac lom in kaksakihn Leum. Efuh kuh yohk srihpac in Kaksakuhnuhl? Meac kuhtuh ohiyac kom kuh in Kaksakuhnuhl kac?
Nuhke kuhtuh pac liye ma nuhke mahlwem inge ke Liahona ac Nuhke Kuh luhn Mwet Fuhsr mackuhsin.
mwe nuhnak nuhke Luti Tuhlihk
Psalm 102:1–2
Leum el ahkkweyeyuc ac use finsrak nuh sihk.
-
Kom kuh sie sin tuhlihk an kuh in riti Psalm 102:1–2, ac suk lah Leum el kahsrwe kuht fuhkah ke pacl upac nuh sesr. Kuht ac konwacack fuhkah kahsruh Lal? Kom kuh pac in akacsruhi nuh sin sie sin sie pacl ma kom enenuh kahsruh ac puhla muh God el lohng pruhe lom.
Psalm 119:105
Kahs luhn God oacna sie kahlwem.
-
Sahp tuhlihk an ac luhngse sramsramkihn puhla lalos ke elos muhta ke acn lohsr uh. Kuh elos kuh in sramsramkihn ma upac in orek ke lohsr uh. Kom kuh in ngihsre tuhlihk an in oruh sie ma ah ke muhtahlos mutullac, oacna ke sruhluh sie petsac ah. Meac kuht lotwelah ke Psalm 119:105 ke kahlwem ac kahs luhn God?
-
Suk ke sie ma Pahpah Inkuhsrao el use nuh sesr in kahsrwe kuht in muhta na ke inkacnek Lal ke fuhs ma tahklac inge: Psalms 119:47–48; 119:105; 1 Nephi 11:25; 2 Nephi 31:20. Meac kuht kuh in oruh in muhta na ke inkacnek luhn God?
-
Sahp tuhlihk an ac luhngse liye petsac ke ma sruhmuhnyuck ke Psalm 119:105. Elos kuh in tahkuhnlah petsac an in tahklac fal ke elos riti fuhs se ingacn uh. Komtacl kuh pac in tuhkweni yuck soko on ma kuhpahsr nuhkac an, oacna “Teach Me to Walk in the Light” (Puk In On luhn Tuhlihk Srihsrihk, 177) kuh “I Will Walk with Jesus” (Gospel Library).
Psalm 139:1–3, 23–24
Pahpah Tuhmasr Inkuhsrao ac Jisus Kraist etuh ac luhngse nga.
-
Nuhnkuh in suhmuhslah tahk fototo ke ma kom etuh ke kais sie tuhlihk kom luti an. Ke kom riti tahk kom suhmuhslah ingacn kais sie uh, siyuck sin tuhlihk an lah suc kom ahkuhtweyac ingacn. Tohkoh, tukun kom tuhkweni riti Psalm 139:1–3 uh, kom kuh in tahkuhnlah kuhtuh ma Pahpah Inkuhsrao ac Jisus etuh kacsr uh.
-
Suhmuhslah kahs ke Psalm 139:23–24 ke sie ipin pwepuh ah kuh ke port an. Pahngon tuhlihk an in tuyak lainiyac kahs ma ahkuhtweyac ke ma God el kuh in oruh in kahsrwe kuht. Efuh kuht in ke God Elan oruh ma inge?
Psalm 146:1, 5–9
Nga kuh in kaksakihn Leum.
-
Sahp tuhlihk an kuh in akacsruhi ke ma elos puhla ke sie mwet kaksakuhnuhlos kuh fahk nuh selos muh elos orwaclah wo. Akacsruhi kuhtuh ma wo ke Psalm 146:6–9 ma Leum el oruh (kahsruh tuhlihk an in kahlwem ke kahs elos tiac etuh kac). Nguhsre tuhlihk an in sruhmuhn ke ma sahyac El oruh nuh sesr. Kuht ac Kaksakuhnuhl fuhkah ke ma ingacn?
Lotwelah lohm sesr ah; akacsruhi nuh sin mwet sahyac. Prestuhn Russell M. Nelson el luti lah lohm ah pa enenuh in “acn in muhtwacwacack ke lutlut ke wosasuc” (“Becoming Exemplary Latter-day Saints,” Liahona, Nov. 2018, 13). Meac kom kuh in oruh ke wik se inge in ahkfokokoye lutlut lom sifacna kuh lutlut in sucu lowos ke Psalm uh? Tukun lutlut lom an, srihke nuhnkuh in akacsruhi nuh sin mwet sahyac ma kom lotwelah ac puhla an. Kom kuh in oruh ma se inge ke sramsram, kuh ke tacks kuh sosruhl mitia, kuh lohm alu ac.
Nuhke kuhtuh pac liye ma nuhke mahlwem inge ke Friend mackuhsin an.