“Septempuh 7–13. ‘El Ac Fah Akkalemye Inkanek Suwoh Nu Sum’: Proverbs 1–4; 15–16; 22; 31; Ecclesiastes 1–3; 11–12,” Come, Follow Me—For Home and Church: Wuhlweacng Mahtuh 2026 (2026)
“Septempuh 7–13. ‘El Ac Fah Akkalemye Inkanek Suwoh Nu Sum,’” Fahsruh, Fashr Tukuk: Wuhlweacng Mahtuh 2026
Jisus Kraist yurin tuhlihk srihsrihk, sel Dilleen Marsh
Septempuh 7–13: “El Ac Fah Akkalemye Inkanek Suwos Nu Sum”
Soakas 1–4; 15–16; 22; 31; Ecclesiastes 1–3; 11–12
Kom kuh in luhma puk lal Soakas oacna sie ma nein kahs in luti lahlmwetmwet sin ninac ac pahpah tomom (liye Soakas 1:8). Mwe fahkwack yohk la uh pa kom fin suk lahlmwetmwet—finne nuhke lahlmwetmwet luhn God—moul lom ac fahlac wo. Tuhsruhk tukun puk luhn Soakas pa puk luhn Ecclesiastes, ma oacna in fahk muh, “Tiacna ma fihsrwacsr se.” Mwet Luti sac fahk ke Ecclesiastes lah el sulaclah sel in “etu ke kalmen etauk” tuhsruhk konwacack “yokelik fosrnga” ac “yokelik keok” (Ecclesiastes 1:17–18). Ke kain in ohiyac, puk se inge fahk, “Yac kuh in oasr srihpac pwacye fin facluh ke ma nuhkwewa oacna in wacngihn srihpac, sa wacngihnlac, ac tiac kahlwem na pwacye?”
Tuh ne ohinge, ke puk luo inge liye moul uh ke sienna ngwetngwet, elos luti ke oacna sie ma pwacye. Ecclesiastes el fahk: “Tukun ma inge nukewa ma sefanna fal in fwack: Sunakihn ac akfulatye God, ac akos ma nukewa El sapkin: mweyen pa inge sripa ma mwet uh orekla nu kac” (Ecclesiastes 12:13). Pa pacna inge mwe luti yohk se sukokyak ke puk luhn Soakas: “Lulalfongi Leum God ke insiom kewa” (Soakas 3:5; liye pac fuhs 7). Moul uh kwacna wo pacl nuhkwewa—fin tiac wo pacl nuhkwewa—ke pacl kuht luhlahlfongi ac ukwe Leum Jisus Kraist.
Ke sie ahkuhtweyac ke puk inge, liye “Proverbs, book of” ac “Ecclesiastes” ke Pwacpuhl Tiksinacri an.
Mwe nuhnak nuhke Lutlut Lohm Sesr ac Alu
Soakas 1–4; 15–16; Ecclesiastes 1–3; 11–12
“Lohng kas in lalmetmet ac srike kom in kalem kac.”
Puk lal Soakas ac Elllisiastis sesseslah ke mwe luti kahlwem ke lahlmwetmwet. Nuhnkuh in mahkiyac kahs se inge “lahlmwetmwet” ac kahs kuhpahsr nuhkac, oacna “etwacack” ac “kahlwem,” ke kom sokwack ke Soakas 1–4; 15–16; Ekklisiastis 1–3; 11–12. Sapta inge ekuhllah fuhkah ohiyacn nuhnak lom ke lahlmwetmwet? Ke ma kom konwacack an, kom ac ahkuhtweyac fuhkah ke lahlmwetmwet se ma“Leum El use?” (Soakas 2:6). Mwe insewowo fuhkah tuhkuh ke lahlmwetmwet luhn God?
Liye pac Mattew 7:24–27; 25:1–13.
Kahsruh mwet lutlut an in akacsruhi ke ma elos lotwelah an. “Sang nuh sin mwet lutlut pacl wo in akacsruhi sie sin sie ke ma elos lotwelah ke Mwet Lahngo ac wosasuc Lal. Oruh ma se inge fah kahsrweltahl in forlah nuhke ma pwacye elos luti inge ac fahkwack kac. Ac oacyacpac sang nuhnak kuh nu selos in akacsruhi ke mwe luti pwacye inge ke acn sahyac” (Teaching in the Savior’s Way, 26). Kom kuh pac in ngihsre mwet lutlut an in suhmuhslah kuhtuh fuhs ke Soakas kuh Ekklisiastis ma elos konwacack sramsram ke lahlmwetmwet luhn God. Tohkoh ngihsre mwet lutlut ingacn in sruhmuhn ke ma elos lotwelah an.
Soakas1:7; 2:5; 3:7; 15:33; 16:6; 31:30; Ekklisiastis 12:13
“Nimet sifana nunku mu kom arulana fas in lalmetmet lom: sahngweng sin Leum God.”
Sie pac mwe luti sukokyak ke Soakas ac Ekklisiastis pa “sahngweng sin Leum.” Suk ke pohloh kahs sie inge ke kom rit uh. Kom puhla tuh meac kalmac in sahngweng sin Leum? Liye ke mwe luti lal Elder David A. Bednar ke mwe fahkwack lal “Therefore They Hushed Their Fears” (Liahona, Mei 2015, 46–49). Sahngweng sin Leum el sienna liki kain in sahngweng sahyac fuhkah?
Liye pac Soakas 8:13.
Soakas3:5–7; 4
“Luhlahlfongi Leum ke insiom kwewa.”
Kom ac srihke fuhkah in ekuhllah sie mwet in etuh lah wo in “luhlahlfongi ke Leum” liki na in “luhlahlfongi … ke etuh [lasr] sifacna”? (Soakas 3:5). Kuhpahsr fuhkah kuh lesin ke ma fuhkah kom ac orekmakihn? Ke kom motko ke Soakas 3:5–7, nuhnkuh ke inkacnek kom kuh in ahksahfyelah sacntacns oacna inge: Luhlahlfongi ke Leum el oacna … Luhlahlfongi ke etuh lom sifacna el oacna …
Efuh tiac wo kuht in luhlahlfongi etuh lasr sifacna? Kom konwacack fuhkah lah Leum el kuh in luhlahlfongiyuck?
Finne ohinge, kuht kuh in konwacack lah upac in luhlahlfongi ke Leum ke kuhtuh pacl uh. Efuh ohinge? Elder Gerrit W. Gong el fahk ke kuhtuh srihpac nuhkac uh, wi pac kahs in kahsruh nuhkac, ke “Trust Again” (Liahona, Nov. 2021, 97–99). Sramsram fuhkah kuh mwe lutlut fuhkah kom sokwack ke mwe fahkwack se inge ma kuh in kahsruh sie mwet in fohlohkohnwack luhlahlfongi lal ke Leum?
Kwewana Soakas 3:6 ac Soakas 4 kapsruh moul uh nuhke “inkacnek” kuh sie “innek.” Kom nuhnkuh tuh meac kalmac in sang Leum elan “akkalemye inkanek suwos nu sum”? (Soakas 3:6). Meac kom konwacack ke sapta 4 ma kahsrwe kom “motko ke inkacnek nuh [ke] niom”? ”? (fuhs 26). Meac fuhs 11–12 ac 18–19 luti ke mwe insewowo ke fahsr ke inkacnek pwacye? Meac kalmacn fuhs 26–27 nuh sum?
Liye pac 2 Nephi 31:18–21; “Lord, I Would Follow Thee,” Puk I, no. 220.
Soakas 15; 16:24–32
“Sie top fihsrwacsr ahkmihsyelah kasrkuhsrak.”
Kuhtuh sin mwe nuhnak ke Proverbs 15–16 kuh in mokle kom in ahkwoyelah ohiyacn sramsram lom nuh sin mwet sahyac, yohk na mwet sacohk lom. Nuhnkuh ke pacl ma “sie top fisrasr” kahsruh in “akmisyela kasrkusrak” (Soakas 15:1).
Kom kuh pac in nuhnkuh ke pacl ma Mwet Lahngo lasr El orekmakihn mwe luti ke Soakas 15:1–4, 18 (liye Mark 12:13–17; John 8:1–11). Kom ac ukwe fuhkah srihkasrak Lal ke kom wi mwet sahyac uh?
Kahs in kahsruh ke Soakas 15; 16:24–32 ac orekmakihnyuck fuhkah nuhke ohiyacn sramsram ke titsituhl uh misenge? Liye lah kom ac kuh in konwacack sie fohs ke sapta inge ma kom kuh in orekmakihn in mwe kahsruh ke mukuikui luhn sosruhl mitia kuh ke sihm tacks.
Liye pac Neil L. Andersen, “Following Jesus: Being a Peacemaker,” Liahona, May 2022, 17–20; Ronald A. Rasband, “Words Matter,” Liahona, May 2024, 70–77; For the Strength of Youth: A Guide for Making Choices (2022), 11–12.
Suc kuh in konwacack sie Muhtwacn Wowo? II, sel Louise Parker
Soakas31:10–31
“Sie muhtwacn suc sahngweng sin Leum, fal in kaksakihnyuck.”
Soakas 31:10–31 ahkuhtweyac ke “sie muhtwacn wowo,” kuh sie muhtwacn kuh in nguhn, etuh ma puhkantwen, ac mokle mwet in oruh ma wo. Kom kuh in srihke in ahkfototoye ke kahs lom sifiacna lah meac kais sie fuhs inge fahk ke muhtwacn wowo se. Piyac kac sin ohiyac inge kom kuh in etahi?
Ekklisiastis1–3; 12
Moul fin facluh ma nuhke kihtin pacl.
Efuh yohk srihpac nuh sum in esam lah puhs ma fin facluh, oacna Ekklisiastis 1–2 el fahkwack, pa “wacngihn srihpac” (kuh kihtin pacl na ac inkaiyacn pacl uh tiac yohk srihpac)? Meac kom sokwack ke Ekklisiastis 12 ma sang yohk srihpac nuhke moul uh?
Nuhke kuhtuh pacl liye ma nuhke mahlwem inge ke Liahona ac Nuhke Kuh luhn Mwet Fuhsr mackuhsin.
mwe nuhnak nuhke Luti Tuhlihk
Soakas 1:7; 2:5; 15:33; 16:6; Ekklisiastis 12:13
In “sahngweng sin God” pa in luhngse ac Ahksol.
-
In kahsruh tuhlihk an in kahlwem ke sramsram ke sahngwen sin God, kom kuh in ekuhllah “sahngweng” nuhke kahs oacna muhtahl, luhngse, kuh ahkostwen (liye pac Hebrews 12:28). Ma se inge ekuhllah fuhkahl ohiyacn nuhnak lasr ke fuhs inge? Kuht ac ahkkahlwemye fuhkah lah kuht sahngweng sin Leum?
Soakas 3:5–7
Nga kuh in luhlahlfongi ke Leum ke insiyuck kwewa.
-
Kom ac tuhlihk an kuh in sifacna orwaclah mukwikwi ma ac fal nuhke Soakas 3:5–7, oacna oraclah heart se ke poum, funglac nuhke sie siskac an, fahsr in suwohs, ac srihssrihsr nuhke motom. Kuht ac ahkkahlwemye fuhkah lah kuht luhlahlfongi Jisus Kraist ke insiacsr kwewa?
-
In ahkkahlwemye lah meac kalmac in “tiac fungyang nuhke etuh lom sifacna” (Soakas 3:5), motko in ngihsre tuhlihk an in fungyang nuhke sie ma kuh ac fokoko, oacna sie sinkac. Tohkoh na elos kuh in srihke in fungyang nuhke sie ma tiac fokoko oacna purum se. Kuh elos kuh in srihke in tulohkohnwack soko sahk kuh pinsucl nuhke ma fokoko, oacna puk kuh ipin pwepuh. Efuh yohk srihpac in “luhlahlfongi ke Leum” (fuhs 5) ac tiac ke “etuh lasr sifacna”?
Lotwelah in Luhlahlfongi ke Leum, sel Kathleen Peterson
Soakas 15:1, 18
Nga kuh in orekmakihn kahs fihsrwacsr.
-
Sahp kom ac tuhlihk an kuh in nuhnkuh ke pacl kom kuh elos puhla ahngyahng uh. Tuhkweni riti Soakas 15:1, ac kahsruh tuhlihk an in orekmaihn fuhs se inge nuhke ohiyac ma elos nuhnkuh kac uh. Sahp elos kuh in orekmakihn kuhtuh “top fihsrwacsr ah.” On soko ke kuhlwacng oacna “Love Is Spoken Here” (Puk In On luhn Tuhlihk Srihsrihk, 190–91), kuh in ahkyohkye mwe luti se inge.
-
In lotwelah lah meac kalmac in “akmisye” (Soakas 15:18), kom ac tuhlihk an kuh in akacsruhi ke pacl ma kom (kuh sie mwet kom etuh) puhla kasrkuhsrak tuhsruhk sulaclah na in kuhlwacng. Kahsruh tuhlihk an in nuhnkweack ke kuhtuh ma kuht kuh in pihsrpihsr in oruh fin kuht “suhmuhi in kasrkuhsrak.” Kuht kuh in pihsrpihsr in nuhnkuh kacl Jisus, in siyuck kahsruh sin Pahpah Inkuhsrao, in nuhnkuh ke soko on luhn primary, kuh, fin kuh, in fahlac liki.
Nuhke kuhtuh pac liye ma nuhke mahlwem inge ke Friend mackuhsin an.