“Septempuh 14–20. ‘God El Mwe Molela Luk’: Isaiah 1–12,” :Come, Follow Me—For Home and Church: Wuhlwewacng Mahtuh 2026 (2026)
“Septempuh 14–20. ‘God El Mwe Molela Luk,’” Come, Follow Me: Wuhlweacng Mahtuh 2026
Mwet Pahluh Isaiah El Palye Ke Isuslac Luhn Kraist, sel Harry Anderson
Septempuh 14–20:“God El Mwe Molela Luk”
Isaiah 1–12
Finne pacl se met lom in riti puk lal Isaiah, kom kuh in sokwack sramsram ma kom ac akihlen. Srihpac an pa, sin mwet pahluh nuhkwewa ke Wuhlweacng Mahtuh, Isaiah pa mwet pahluh se ma kwacna muhta tahfuh ma ke puk in ma suhmuhslah sahyac, weacng ke Mwet Lahngo sifacna. Kahs lal Isaiah sikyak pac ke on in alu ac kuhtuh pac on muhtahl sahyac.
Efuh kuh Isaiah el tahfuh arlac fusus? Pwacye lah sie srihpac an pa oasr mwe sang lal Isaiah in fahkwack ke kahs luhn God in kahlwem, kahs in esamyucki. Tuhsruhk yohk liki na ingacn. Isaiah el mokle mwet pahluh ke fihl nuh ke fihl ke srihpen mwe luti pwacye ma el luti uh som ahluhkwelah fihl lal sifacna (inmahsrlon yac 740 ac 701 met liki Kraist). El sihmihs ke orekma wolacna luhn God ke molwelah liki ma koluk, suc yohk likina muhtuhnfacl se kuh sie puhluhn pacl. Nephi el lotwelah sel Isaiah lah finne el ac mwet lal fahsrwelihk liki mwet Israel sahyac ah, elos srwackna ipin mwet wuhlweacng luhn God. Ke puk lal Isaiah, mwet sihm ke Wuhlweacng Sasuc konwacack ke palye ke Messiah ma ahkpwacyeyucklac ye muhtahlos. Ac ke Isaiah, Joseph Smith el konwacack mwe mokleyuck nuh sel nuhke orekma ke fahsrweni luhn mwet Israel ke lwen sahflah uh ac muhsahlah luhn Zion. Ke kom riti Isaiah uh, meac kom ac konwacack?
Nuhke kuhtuh pac mwe ahkuhtweyac kacl Isaiah ac ma suhmuhslah lal, liye “Isaiah” ke Pwacpuhl Tiksinacri an. Nuhke mwe etwacack ke pacl Isaiah el moul ah, liye 2 Kings 15–20 ac 2 Chronicles 26–32.
Mwe nuhnak nuhke Lutlut Lohm ah ac Alu
Isaiah 1–12
Kahs lal Isaiah nohfohn fah ahkfahsryeyucklac.
Mwet Lahngo el luti “ma nuhkwewa ma [Isaiah] el sramsramkihn ma sikyak tari ac ma ac fah sikyak, finne in fal nuhke kahs ma el tuh sramsramkihn ah” (3 Nephi 23:3). Ke kom lutlut ke puk lal Isaiah uh, nuhnkuh in orwaclah ke sie tahk ke kahs in pahluh ac sang sifac nuhkac kain se inge: Lwen lal Isaiah, Luti lal Mwet Lahngo fin facluh, ac Lwen Sahflah. Puhs kahs in pahluh lal Isaiah ma ahkfahsryeyucklac ke kain in ohiyac puhkantwen (liye Pwacpuhl Tiksinacri uh, “Isaiah”).
Prestuhn Dallin H. Oaks el tuh luti: “Puk lal Isaiah nein kahs in pahluh na puhs ma ahkfahsryeyucklac ke kain in ohiyac puhkantwen. Sie pahluh an atacn sramsramkihn mwet lal Isaiah ke pacl lal kuh ma sikyak ke fihl se tok ah. Sie pac kalmeac sahyac, kwacna orekmakihnyuck ke akucl, oacna in luhmweyuck nuhke ma sikyak ke infulwen pacl uh, ke Jerusalem tuh kuhnanuclac ah ac mwet we ah fahsrwelihk tukun srihpsrihpyak luhn Wen nuhtin God fin sahksin soko ah. Sie pac kalmeac kuh ahkfahsryeyucklac luhn kahs in pahluh se pacna inge oacna in sramsramkihn ma sikyak ke Tuhkuh Ahkluo luhn Mwet Lahngo. Ke srihpen puhs sin kahs in pahluh inge kuh in oasr kain in kalmeac nuhkac yohk srihpac kuht in suk fwacyuck sin Nguhn Muhtahl in kahsrwekuht in luhngaslah” (“Scripture Reading and Revelation,” Ensign, Jan. 1995, 8).
Srihke in kahlwem ke kahs lal Isaiah. Mwet Lahngo El fahk, “Tuh kowos enenuh in suk ma inge; tuh wolacna kahs lal Isaiah” (3 Nephi 23:1; liye pac fuhs 2–3). Tuhsruhk nuh sin mwet puhs, Isaiah el arulacna upac in kahlwem kac. Mwe nuhnak tahklac ten inge kuh in kahsruh:
-
Motko ke ma aholyac ac kahs in kuhpahsr ma Isaiah el orekmakihn.
-
Siyuck sum sifacna, “Meac nga luti ke Jisus Kraist?” (liye 1 Nephi 19:23).
-
Suk ke sifac ma fal nuhke pacl lasr uh.
-
Orekmakihn kahsruh nuhke lutlut lom an, kain nuhke tiksinacri, mwe kahsruh sihmlac ten inge, ahkuhtweyac ke sifac ke sapta an, ac Guide to the Scriptures.
Isaiah 1; 3–5
Mwet pahluh elos sensenkackihn ke ma koluk ac olwelah ke finsrak ke auliyak.
Oacna mwet pahluh ke pacl nuhkwewa, Isaiah el kalweni na in sensenkihn mwet uh ke ohiyac lalos ke moul in nguhn lalos. Ke kom riti Isaiah 1; 3; 5, suk pohloh kahs ma ahkuhtweyac lah fuhkah ohiyacn moul luhn mwet uh ke ohiyacn nguhn (liye, Isaiah 1:2–4, 21–23; 3:9, 16–17; 5:11–12, 20–23). Meac elyah kom liye ke pacl lasr uh ma oacna ma inge? Kom kuh pac in suk fohs ma sensenkihn ma sikyak nuh sin mwet Israel ah ke elos forlah liki nguhn (oacna Isaiah 1:7; 3:17–26; 5:5–7, 13–15).
In weacng kahs in sensenkackihn inge, Isaiah el fahkwack ke kahs in finsrak nuhke molwelah liki ma koluk kacl Mwet Lahngo (liye, nuhke mwe srihkasrak Isaiah 1:16–19, 25–27; 3:10; 4). Meac kom lotwelah kacl Leum ke mwe fahk inge? Mwe fahkwack luhn Leum ke fohs inge fuhkah sienna liki ma Setuhn el kuh kuht in luhlahlfongi?
Oacna Isaiah, mwet pahluh misenge elos sensenkihn kuht ke ma koluk ac ma ac tuhkuh kac, ac elos use mwe fahkwack ke finsrak kacl Jisus Kraist. Meac kuhtuh srihkasrak kom kuh in nuhnkuh kac? Sahp kom ac ke sifilpac riti ke sie mwe fahkwack ke toeni luhlahp somlah tari, in suk ke kahs in sensen ac kahs in olwelah.
Isaiah 2; 4; 11–12
God el fah oruh sie orekma wolacna ke lwen sahflah uh.
Puhs kahs in pahluh lal Isaiah ma oasr kalmeac nuhke pacl lasr misenge uh. In konwacltahlwack, suk ke future-tense verbs (oacna “ac fah” kuh “ac som”). Suk ke kahs inge ke kom riti Isaiah 2; 4; 11–12. Kom ac kuh in srihke ahollah nuhke present-tense verbs (oacna el kuh el som). Piac sin palye inge mokle kom yohk uh? Meac kom lotwelah ke palye ke Zion inge, muhsahi tempuhl, ac esacni Israel?
Isaiah 2:2–3 el yohk srihpac na pwacye nuh sin Mwet Luhlahlfongi ke Lwen-sahflah. Kahs in pahluh inge ahkpwacyeiyuck fuhkah? Meac kom lotwelah ke “ohiyac” ac “inkacnek” lun lohm Sel? (fuhs 3).
Liye pac Isaiah 5:26; “High on the Mountain Top,” On In Alu, no. 5.
Isaiah 6
Mwet pahluh elos pahng sin God.
Ke Isaiah 6, Isaiah el elakihn pahng nuh sel in sie mwet pahluh. Ke kom riti sapta se inge uh, meac kom luhngse ke ma sikyak sel Isaiah uh? Sapta se inge ekuhllah fuhkah atac kom nuhnkuh kacl Leum, mwet pahluh Lal, ac orekma ma elos pahng nuhkac in oruh uh?
“Tuh isusla sie tulik nu sesr!” ituku nu sesr sie wen (Isaiah 9:6).
Isaiah 7–9
God el olwelah in suhpwaclma Jisus Kraist in pa Mwet Lahngo luhk uh.
Ke luti lal Isaiah ah, mwet Israel elos kawuckyak nuh sin mwet Syria in lain mwet Assyria. Israel ac Syria srihke in sap kuhilyac Ahaz, tohkohsrah luhn Judah, ni weluhlos. Tuhsruhk Isaiah el palyeimuh tuhkweni se inge e tiac fahlac wo ac fahk nuh sel Ahaz in luhlahfongi ke Leum (Isaiah 7:7–9; 8:12–13).
Ke Isaiah el sang kahs in kahsruh nuh sel Ahaz ah, el orwaclah pahluh puhs ma etweyuck, oacna ma sukokyak ke Isaiah 7:14; 8:13–14; 9:2, 6–7. Finne fuhkah kalmen palye inge nuh sel Ahaz, eltahl fahkwack na pwaye ke Jisus Kraist (liye pac Mattew 1:21–23; 4:16; 21:44; Luke 1:31–33). Efuh kuh “Immanuel” ine wowo se luhn Mwet Lahngo? (liye Mattew 1:23). Fuhkah tuh El pa “Mwet Pwapa Wolana” kuh “Fiihsrak lun Misla” nuh sum? (Isaiah 9:7). Meac pac kom lotwelah kacl Mwet Lahngo ke fuhs inge uh?
For more, see this month’s issues of the Liahona and Ke Kuh luhn Mwet Fuhsr mackuhsin.
mwe nuhnak nuhke Luti Tuhlihk
Isaiah 1:2–4, 16–19
Ke srihpen Jisus Kraist, nga kuh in auliyak ac eklac nwacsnwacslah.
-
Ke Isaiah 1:2–4, kom ac tuhlihk an kuh in konwacack srihpac ma Leum el tiacna engan kac ke mwet inge. Akihlen ke oacna sie luhn ma orahkrahk ke fuhs 3—suc “mahstuh” lasr uh? Kuht ac ahkkahlwemye fuhkah lah kuht Etwacl?
-
In petsacelah Isaiah 1:16–18, kom ac tuhlihk an kuh in liye sie ma sruhsrah kohn ah ac sie ma fasrfasr ah. Kuh kowos kuh in tuhkweni ohllah sie ma ah. Kuht fohkfohklah ke moul in nguhn fuhkah? Jisus El kahsrwe kuht fuhkah in eklac nwacsnwacslah? Meac kuht lotwelah ke Mwet Lahngo ke fuhs inge? Akacsruhi nuh sin tuhlihk an lah fuhkah puhla lom Kacl ac ke ma El oruh nuh sum.
Isaiah 2:2–4
Nga lutlut ke Jisus Kraist ke nga oasr lun tempuhl.
-
Isaiah el palye ke pacl se ma “lohm sin Leum fin ohl uh” fah pwacnma mwet “ke muhtuhnfacl nuhkwewa” (Isaiah 2:2). Kom ac kahsruh fuhkah tuhlihk an in puhla pwacrwack in som nuhke lohm sin Leum? Kom kuh in suli tuhlihk an in sruhlwaclah sie sroal ke lohm selos ah. Tohkoh komtacl tuhkweni riti Isaiah 2:2, ac fahk elos in srolaclah sie petsac ke “lohm sin Leum,” pa tempuhl. Tuhkweni riti Isaiah 2:3 . Suli tuhlihk an in sang nuhke sroal lalos an mwet puhkantwen fahsr nuhke tempuhl, weacng pac sucu lalos an.
-
Kom kuh pac in tuhkweni riti Isaiah 2:2–3 ac sokwack sie ma mokle kom ac tuhlihk an in som nuhke tempuhl. Tohkoh, ke kowos riti tari Isaiah 2:4 uh, kom kuh in sramsramkihn lah tempuhl uh sang fuhkah mislac nuh selos. Nuhnkuh in yuck soko on ke tempuhl, oacna “I Love to See the Temple” (Puk In On luhn Tuhlihk Srihsrihk, 95). Kahsruh tuhlihk an in sokwack kahs ke on soko inge ma luti ke tempuhl ac ma kuht oruh lun tempuhl uh.
Salt Lake Tempuhl
Isaiah 7:14; 9:6–7
Jisus Kraist El tuhkuh nuh facluh in ekihn Mwet Lahngo luhk.
-
In ikacslah ke palye lal Isaiah ke Kraist, kom ac tuhlihk an kuh in sramsramkihn sifac luhn mwet uh, oacna prestuhn, pisap, kuh mwet luti. Meac sifac inge fahk nuh sesr ke mwet inge? Kahsruh tuhlihk an in sokwack ke sifac ke Jisus Kraist ke Isaiah 7:14 ac 9:6–7 (liye pac mukuikui ke sra puk ke wik inge). Meac kais sie sin sifac inge luti Kacl uh? Meac pac kuht luti ke Jisus Kraist ke fuhs inge?
-
Kom kuh pac in akacsruhi nuh sin tuhlihk an “Isaiah the Prophet” (ke Sramsram ke Wuhlweacng Mahtuh, 150–51). Tui kihtin pacl ke kais kuhtuh pacl in siyuck lah meac Isaiah el etuh ke Jisus Kraist yac puhs met liki El isuslac ah. Kom kuh in orekmakihn Mattew 1:21–23; Luke 1:31–33 in sramsramkihn lah kahs in palye lal Isaiah ke Isaiah 7:14; 9:6–7 tuh ahkpwacyeyuck fuhkah.
1:18Isaiah the Prophet
Nuhke kuhtuh pac, liye ma nuhke mahlwem inge ke Friend mackuhsin an.