ფსალმუნები 48–50; 60–65; 68–71; 76–77; 84–85

48-ე ფსალმუნს აქვს გზავნილი „[უბრალოთა, დიდგვაროვანთა, მდიდართა და ღარიბთათვის]“ (მუხლი 3). რას იტყვით, რას ნიშნავს ეს გზავნილი? როგორ ფიქრობთ, რას მატებს ამ გზავნილს ფსალმუნი 61:6–13 ?

ამ ფსალმუნების წაკითხვამ შეიძლება შთაგაგონოთ, რომ დაფიქრდეთ იმაზე, თუ რა გზებით ვცდუნდებით, ვენდოთ სხვა რამეს, გარდა ღმერთისა, გამოსყიდვისთვის (იხილეთ ფსალმუნი 48:7–8). რა გავლენას ახდენს თქვენს ცხოვრებაზე თქვენი დამოწმება, რომ „ღმერთი დაიხსნის ჩემს სულს ჯოჯოხეთიდან“? (ფსალმუნი 48:16).

მეფე დავითმა დაწერა ფსალმუნი 50 მას შემდეგ, რაც მან გააცნობიერა პატიების სასოწარკვეთილი მოთხოვნილება — ის, რაც ჩვენ ყველას გვჭირდება. რომელი მუხლები აღწერს თქვენ მიერ განცდილ გრძნობებს? რას პოულობთ ამ ფსალმუნში, რაც გაძლევთ პატიების იმედს?

თქვენ ასევე შეგიძლიათ 50-ე ფსალმუნში მოიძიოთ მითითებანი, თუ რას ნიშნავს მონანიება. ჩამოწერეთ, რასაც იპოვით. ნახეთ, შეგიძლიათ თუ არა დაამატოთ თქვენს სიას პრეზიდენტ რასელ მ. ნელსონის გზავნილის „We Can Do Better and Be Better“, მოძიებით (Liahona, მაისი, 2019, 67–69).

როგორ აღწერთ, ქრისტეს მეშვეობით პატიების მიღებით გამოწვეულ გრძნობებს? თუ დახმარება გჭირდებათ თქვენი გრძნობების აღწერისას, შეგიძლიათ გადახედოთ ფსალმუნების 50:3–4, 9–14; 84:3–10. ზოგს უყვარს დახატვა ან სურათების პოვნა საკუთარი გრძნობების გამოსახატავად; შეგიძლიათ, თქვენც სცადოთ ეს. თქვენ ასევე შეგიძლიათ იმღეროთ ან მოუსმინოთ საგალობელს მხსნელის შესახებ, მაგალითად, „რა ამაღლებული ვარ“ (საგალობლები და საბავშვო სიმღერები, 22).

მოსანანიებლად, ჩვენ გვჭირდება რწმენა არა მხოლოდ იმისა, რომ იესო ქრისტეს შეუძლია ჩვენი განწმენდა, არამედ იმისაც, რომ ის ამას გააკეთებს. რას ნახულობთ ფსალმუნი 85:5, 13, 15 -ში, რაც გეხმარებათ გაიგოთ, რომ მხსნელს შეუძლია და სურს პატიება?

იხილეთ აგრეთვე ალმა 36; პიტერ ფ. მეურსი, „He Could Heal Me!“, Liahona, მაისი, 2023, 39–41.

დაფიქრდით, როგორ მოიპოვეთ იესო ქრისტესა და მის გამომსყიდველ ძალაზე დამოწმება. შემდეგ, ფსალმუნები 50:15–17; 65:5–20; 70:15–24-ის შესწავლისას იფიქრეთ იმაზე, თუ როგორ შეგიძლიათ მოიწვიოთ სხვები, „[მოვიდნენ] და [ნახონ] ღმერთის ნამოქმედარი“ (ფსალმუნი 65:5). თქვენ რომ „[განგეცხადებინათ] ის, რაც [უფალმა] ქმნა [თქვენი] სულისთვის“ (ფსალმუნი 65:16), რას განაცხადებდით?

რას ნიშნავს თქვენთვის „ყოველდღე [წარმოსთქვამდეთ მის] სიმართლეს“? (ფსალმუნი 70:24).

იხილეთ აგრეთვე ალმა 26.

რამდენიმე ფსალმუნი აღწერს, რას ნიშნავს ღმერთისგან შორს ყოფნა და მისი დახმარების სასოწარკვეთილი საჭიროება (იხილეთ ფსალმუნები 62:2, 9; 68:2–9, 19–22; 76:2–10). ფსალმუნებში 62; 68; 76–77რას ხედავთ, რამაც ფსალმუნთა შემქმნელებს რწმენა შემატა?

როცა გაჭირვებაში ხართ, როგორ გეხმარებათ „უფლის საქმეების“ და მისი „ძველი სასწაულების [გახსენება]“? (ფსალმუნი 76:12). ზოგიერთი საოცრება აღწერილია 77-ე ფსალმუნში. როდესაც მათ შესახებ კითხულობთ, დაფიქრდით, რა გეხმარებათ, „დაამყაროთ ღმერთზე [თქვენი] იმედი“ (მუხლი 7).

• იმისათვის, რომ დაეხმაროთ თქვენს შვილებს 50-ე ფსალმუნისსაშუალებით მონანიების შესახებ ჭეშმარიტებების აღმოჩენაში, თქვენ შეგიძლიათ დახატოთ დიდი გული. ამის შემდეგ შეგიძლიათ დაეხმაროთ ბავშვებს, გულის შუაში დაწერონ ცუდი რაღაცები, რომელთა გაკეთებასაც ცდუნების გზით სატანა გვაიძულებს. როგორ ამოვიღოთ ეს ყველაფერი გულიდან? სთხოვეთ ბავშვებს, იპოვონ სიტყვა „გული“ ფსალმუნი 50:12, 19-ში. ისაუბრეთ იმაზე, თუ რას გვასწავლის ეს მუხლები მონანიების შესახებ. ნება მიეცით ბავშვებს, წაშალონ სიტყვები გულიდან და დაწერონ ახალი სიტყვები, რომლებიც აღწერენ იმას, თუ როგორ შეუძლია იესოს შეგვცვალოს, როცა ჩვენ მოვინანიებთ.

• შესაძლოა გაგიჩნდეთ სურვილი, დაეხმაროთ ბავშვებს გაიგონ, რას ნიშნავს, გქონდეს „მოდრეკილი და მორჩილი გული“ (ფსალმუნი 50:19). მათ შეუძლიათ მორიგეობით გატეხონ რაღაც, რასაც აქვს მყარი ნაჭუჭი, მაგალითად, კვერცხი ან კაკალი. თქვენ შეგიძლიათ დაეხმაროთ მათ, შეადარონ ნაჭუჭი იმ ნივთებს, რაც გვაშორებს მამაზეციერის სიყვარულის შეგრძნებას. როგორ გავუხსნათ მას ჩვენი გული?

• თქვენ ასევე შეგიძლიათ ერთად შეხედოთ მხსნელის სურათს და ჰკითხოთ ბავშვებს, რა სიტყვებს გამოიყენებდნენ მის აღსაწერად. სთხოვეთ მათ, იპოვონ სიტყვები, რომლებიც აღწერს უფალს ფსალმუნი 85:5, 13, 15-ში. რატომ არის მნიშვნელოვანი ამ ყველაფრის ცოდნა მის შესახებ?

• თქვენმა შვილებმა შეიძლება ისიამოვნონ ფსალმუნი 60:3–4-ში მოცემული სიმბოლოების დახატვით. როგორ ჰგავს იესო ქრისტე მაღალ „[კლდეს]“ (მუხლი 3), „[მფარველს]“ და „[ძლიერ კოშკს]“? (მუხლი 4).

• სთხოვეთ თქვენს შვილებს, ისაუბრონ წმინდა წერილის ზოგიერთ მათთვის საყვარელ ისტორიაზე (სურათები წიგნიდან Gospel Art Book შეიძლება, დაგეხმაროთ). რას გვასწავლის ეს ისტორიები უფლის შესახებ? შეგიძლიათ ერთად წაიკითხოთ ფსალმუნი 65:16 და რიგრიგობით უპასუხოთ კითხვას „რა გააკეთა უფალმა ჩემი სულისთვის“?

• როცა ერთად კითხულობთ ფსალმუნები 76:12; 77:6–7 -ს შეგიძლიათ გაუზიაროთ ერთმანეთს, თუ როგორ ცდილობთ, „გაიხსენოთ უფლის საქმეები“ (ფსალმუნი 76:12), მათ შორის, მისი საქმეები თქვენს ცხოვრებაში. როგორ გვეხმარება ზიარება „ყოველთვის გვახსოვდეს“? (მორონი 4:3; 5:2).

• თქვენს შვილებთან ერთად ფსალმუნი 70:8 -ის წაკითხვის შემდეგ სთხოვეთ მათ, დახატონ დიდი პირი. სთხოვეთ მათ, დაგეხმარონ „აავსოთ“ პირი სურათებით ან სიტყვებით, რომლებიც წარმოადგენს იმას, რაც შეგვიძლია სხვებს ვუთხრათ იესო ქრისტეს შესახებ.

• თქვენ შეგიძლიათ გადააწოდოთ იესო ქრისტეს სურათი სხვებს. ადამიანს, რომელსაც ხელში უჭირავს სურათი, შეუძლია თქვას ერთი რამ, რაც მან იცის ქრისტეს შესახებ. როგორ შეგვიძლია დავეხმაროთ სხვა ადამიანებს, გაიგონ ეს ყველაფერი მის შესახებ?

• ბევრი ფსალმუნი ღვთისადმი ლოცვას ჰგავს. როცა შვილებთან ერთად კითხულობთ ფსალმუნებს, შეგიძლიათ აჩვენოთ ის, რაც შეგვიძლია, შორს მყოფ ადამიანებთან საკომუნიკაციოდ გამოვიყენოთ, მაგალითად, ტელეფონი ან წერილი. შემდეგ წაიკითხეთ ფსალმუნი 85:7. როგორ „მოვუხმოთ“ ზეციერ მამას? როგორ გვპასუხობს ის?

• თქვენ შეგიძლიათ ერთად იმღეროთ სიმღერა ლოცვის შესახებ, მაგალითად, „ოჯახური ლოცვა“ (საგალობლები და საბავშვო სიმღერები, 67; იხილეთ ასევე სიუზან ჰ. პორტერი, „ილოცეთ, ის აქ არის“, ლიახონა, მაისი, 2024, 77–79). უთხარით ერთმანეთს იმ პერიოდების შესახებ, როდესაც ღმერთმა უპასუხა თქვენს ლოცვებს.