იობი 1–3; 12–14; 19; 21–24; 38–40; 42

იობის შესავალი თავები პოეტური სახით ხაზს უსვამს სატანის, როგორც ჩვენი მოწინააღმდეგის ან ბრალმდებლის, როლს; ისინი არ აღწერს რეალურ ურთიერთქმედებას ღმერთსა და სატანას შორის. როდესაც კითხულობთ სატანის ნათქვამს იობის შესახებ (იხილეთ იობი 1:9–11; 2:4–5), შეიძლება ჰკითხოთ საკუთარ თავს: „რატომ ვრჩები ღმერთის ერთგული?“ რატომ იქნება საშიში უფლისადმი მორჩილება მხოლოდ სატანის შემოთავაზებული მიზეზის გამო?

რით ახდენს შთაბეჭდილებას იობის პასუხები მის განსაცდელებზე? (იხილეთ იობი 1:20–22; 2:9–10).

იობის მეგობრები ვარაუდობდნენ, რომ ღმერთი სჯიდა მას (იხილეთ იობი 4–5; 8; 11). რა პრობლემებს ხედავთ ამ მოსაზრებაში? წაიკითხეთ იობის პასუხი თავებში 12–13. რა იცოდა იობმა ღმერთზე, რამაც საშუალება მისცა მას, უფლისადმი ნდობა შეენარჩუნებინა? რა იცით ღმერთის შესახებ, რაც გეხმარებათ სირთულეებთან გამკლავებაში?

ზოგჯერ ჩვენ ყველაზე მნიშვნელოვან ჭეშმარიტებას ყველაზე რთულ დროს ვსწავლობთ. დაფიქრდით იობი 19:1–22 -ში აღწერილ განსაცდელებზე და ჭეშმარიტებებზე, რომელნიც მან გამოაცხადა მუხლებში 23–27. საიდან იცით, რომ თქვენი გამომსყიდველი ცოცხალია? როგორ ცვლის ამისცოდნა თქვენს ცხოვრებას?

იმღერეთ ან მოუსმინეთ საგალობელს იესო ქრისტეს შესახებ, მაგალითად, „ჩემი მხსნელი ცოცხალია“ (საგალობლები, 38). ამ საგალობლიდან რომელი სიტყვები გამოხატავს თქვენს გრძნობებს მხსნელის მიმართ?

აგრეთვე იხილეთ მოძღვრება და აღთქმები 121:1–12; 122.

იობი 21–24-ში თქვენ წაიკითხავთ კამათს იობსა და მის მეგობრებს შორის. ამ კამათის საფუძველი იყო კითხვა, რომელიც ბევრს აწუხებდა: რატომ იტანჯებიან მართალი ადამიანები ხანდახან?

მიუხედავად იმისა, რომ ჩვენ არ გვაქვს ყველა პასუხი, იესო ქრისტეს აღდგენილ სახარებაში, ჩვენ გვაქვს რამდენიმე ჭეშმარიტება, რომელიც დაგვეხმარება გაჭირვებაში და ტანჯვაში გარკვევაში. ქვემოთ მოცემულია უკანასკნელ დღეთა წმინდა წერილები, რომლებიც შეიცავენ ზოგიერთ ამ ჭეშმარიტებას. რას გასწავლიან ეს წმინდა წერილები ზეციერი მამისა და მისი გეგმის შესახებ?

• 2 ნეფი 2:11–13

• მოსია 23:21–23; 24:10–16

• ეფერი 12:27

• მოძღვრება და აღთქმები 58:3–5

• აბრაამი 3:22–26

თქვენ ასევე შეგიძლიათ წაიკითხოთ პრეზიდენტ სპენსერ ვ. კიმბალის სწავლებები გაჭირვების შესახებ „Tragedy or Destiny?“ (Teachings of Presidents of the Church: Spencer W. Kimball [2011]), 11–21).

ნასწავლის გათვალისწინებით, როგორ უპასუხებდით კითხვას, როგორიცაა „რატომ უშვებს ღმერთი მართალი ადამიანებს ტანჯვას?“

თავისი მეგობრების ბრალდებებით გაღიზიანებულმა (იხილეთ იობი 16:1–5; 19:1–3), იობმა არაერთხელ ჰკითხა ღმერთს, თუ რატომ უწევდა მას ამდენი ტანჯვა (იხილეთ იობი 19:6–7; 23:1–9; 31). იობის წიგნში უფალს არ დაუსახელებია ნათელი მიზეზი. მაგრამ მან გაუზიარა მნიშვნელოვანი გზავნილი თავებში 38–40. როგორ შეაჯამებდით ამ გზავნილს? მაგალითად, რას სწავლობთ იობი 38:1–7, 18–24-ში უფლის კითხვებიდან?

თქვენ შეამჩნევთ, რომ უფალი ესაუბრებოდა იობს თავის ზოგიერთ ქმნილებასა და სხვა ძლევამოსილ საქმეებზე (იხილეთ იობი 38–39). თქვენ შეიძლება, შეხედოთ ამ ქმნილებათაგან ზოგიერთს (ან მათ სურათებს). როგორ გეხმარებათ ეს ყველაფერი ღმერთზე განსხვავებულად იფიქროთ? თქვენს განსაცდელზე? როგორ შეცვალეს მათ იობის თვალთახედვა? (იხილეთ იობი 42:1–6; აგრეთვე მოსე 1:8–10).

აი, გენერალური კონფერენციის ორი გზავნილი, რომელიც შეიძლება, დაგვეხმაროს ჩვენი თვალთახედვის შეცვლაში: თამარა ვ. რუნია, „მიმოხილვის ობიექტივიდან ღვთის ოჯახის დანახვა“ (ლიახონა, ნოემბერი, 2023, 62–69); რასელ მ. ნელსონი, „იაზროვნეთ ცელესტიალურად!“ (ლიახონა, ნოემბერი, 2023, 117–20). ნებისმიერ გზავნილში, მოძებნეთ ის, რაც გინდათ, გახსოვდეთ მომდევნო შემთხვევის დროს, როცა თქვენი განსაცდელი გადაულახავი მოგეჩვენებათ. როგორ შეახსენებთ საკუთარ თავს, რაც ისწავლეთ?

• წაახალისეთ თქვენი შვილები, რომ გითხრან, რაც იციან იობის შესახებ. თუ მათ დახმარება სჭირდებათ, შეგიძლიათ მიუთითოთ იობი 1:1, 13–22; 2:7–10 ან „Job“, (Old Testament Stories, 145–47). როგორ უპასუხა იობმა გამოწვევებს? (იხილეთ იობი 1:21; 2:10).

  

  1:55

• ის რაც უფლის შესახებ იცოდა, იობს ეხმარებოდა, თავის გამოწვევებში ერთგული დარჩენილიყო. შენ და შენს შვილებს შეგიძლიათ დაათვალიეროთ იესო ქრისტეს სურათები, სადაც ის სხვებთან ურთიერთობს (მაგალითად, ქვემოთ ასახული სურათი ან Gospel Art Book-ში). ისაუბრეთ იმაზე, თუ რა იცით მის შესახებ და როგორია ის. აქ მოცემულია რამდენიმე მუხლი, რომელიც აჩვენებს, თუ რა იცოდა იობმა უფლის შესახებ: იობი 12:10, 13, 16; 19:25–27. რატომ არის ღირებული ამ ყველაფრის ცოდნა მის შესახებ?

• იობმა მნიშვნელოვანი შეკითხვა დასვა იობი 14:14-ში. იქნებ თქვენ და თქვენმა შვილებმა მორიგეობით ისაუბროთ, როგორ უპასუხებდით იობს. იდეები შეგიძლიათ მოძებნოთ ალმა 11:42–44-ში, ვიდეოში „In a Coming Day“ (სახარების ბიბლიოთეკა) ან სიმღერაში აღდგომის შესახებ, როგორიცაა „იგი აღსდგა“ (საგალობლები და საბავშვო სიმღერები, 55).

1:11

• როდესაც იობი მოწყენილი იყო, მისმა მეგობრებმა თქვეს, რომ ღმერთი სჯიდა მას ცოდვების გამო (იხილეთ იობი 22:5). იობის მეგობრები რომ ვყოფილიყავით, როგორ შევეცდებოდით მის დახმარებას? როგორ შეიძლება ჩვენი სიტყვები დაეხმაროს სხვებს, როდესაც ისინი მოწყენილნი არიან? (იხილეთ იობი 16:5). ამ კითხვების განხილვისას გაითვალისწინეთ ამ მონახაზიდან ერთი ან მეტი სურათის ჩვენება.

• შეგიძლიათ სთხოვოთ თქვენს შვილებს, ჩამოთვალონ კარგი მეგობრის რამდენიმე თვისება და დაასახელონ მეგობარი, რომელსაც აქვს ეს თვისებები. შემდეგ თქვენ შეგიძლიათ დაათვალიეროთ იესო ქრისტეს სურათი. როგორ არის იესო თითოეული ჩვენგანისთვის კარგი მეგობარი? შეიძლება გაიხსენოთ ვინმე, რომელიც ცხოვრებაში მძიმე პერიოდს გადის. დაგეგმეთ, როგორ იქნებით მათთვის ქრისტეს მსგავსი მეგობარი.

• იობი 19:23–27-ის წაკითხვის შემდეგ, თქვენ და თქვენს შვილებს შეგეძლოთ გესაუბრათ იმაზე, თუ საიდან იცით, რომ ჩვენი გამომსყიდველი ცოცხალია. თქვენ შეიძლება ერთად იმუშაოთ, რომ თქვენი დამოწმება (ან მხსნელის ნახატები) წიგნში ჩადოთ (იხილეთ მუხლი 23).

• თქვენ ასევე შეგიძლიათ იმღეროთ სიმღერა, რომელიც მოწმობს მხსნელის შესახებ, მაგალითად, „ჩემი მხსნელი ცოცხალია“ (საგალობლები და საბავშვო სიმღერები, 38). გააზიარეთ ფრაზები საგალობლიდან, რომლებიც აძლიერებს თქვენს რწმენას უფლის მიმართ. რატომ არის მნიშვნელოვანი ვიცოდეთ, რომ იესო ქრისტე ცოცხალია?