ეზრა 1; 3–7; ნეემია 2; 4–6; 8

მას შემდეგ, რაც სპარსეთმა ბაბილონი დაიპყრო, უფალმა სპარსეთის მეფე კიროსს შთააგონა, ებრაელთა ჯგუფი იერუსალიმში ტაძრის აღსადგენად გაეგზავნა. როდესაც კითხულობთ ეზრა 1-ს, გაითვალისწინეთ, რა გააკეთა კიროსმა ამ მნიშვნელოვან საქმეში ებრაელების მხარდასაჭერად. თქვენი აზრით როგორ მოქმედებს უფალი თქვენ გარშემო მყოფი ქალებისა და მამაკაცების მეშვეობით, მათ შორის, ადამიანების, რომლებიც არ არიან მისი ეკლესიის წევრები? რას ცხადყოფს აღნიშნული, უფლისა და მისი საქმის შესახებ?

აგრეთვე იხილეთ ესაია 44:24–28.

როდესაც ბაბილონელები იერუსალიმში შეიჭრნენ, მათ გაძარცვეს ტაძარი და გადაწვეს იგი (იხილეთ 4 მეფეთა 25:1–10; 2 ნეშტთა 36:17–19). როგორ ფიქრობთ, რას იგრძნობდით, ამის შემსწრე ერთ-ერთი ებრაელი რომ ყოფილიყავით? (იხილეთ ფსალმუნი 136). დააკვირდით, რას გრძნობდნენ ებრაელები ათწლეულების შემდეგ, როდესაც მათ უფლება მიეცათ, დაბრუნებულიყვნენ და აღედგინათ ტაძარი (იხილეთ ეზრა 3:8–13; 6:16–22). ამან შეიძლება გიბიძგოთ, დაფიქრდეთ საკუთარ გრძნობებზე უფლისა და მისი სახლის მიმართ. რატომ არის ტაძრის აშენება სადღესასწაულო მიზეზი?

უფლის საქმე იშვიათად რჩება წინააღმდეგობის გარეშე. ეს დაკვირვება სამართლიანად ვრცელდება ზერუბაბელისა და ნეემიას მცდელობებზეც. აი, მარტივი მიდგომა, რომელიც დაგეხმარებათ ისწავლოთ ამ ისტორიებიდან და გაითვალისწინოთ, თუ როგორ შეგიძლიათ აკეთოთ უფლის საქმე, მიუხედავად წინააღმდეგობისა:

ღვთის საქმე ზერუბაბელისთვის (ეზრა 4:3):

ღვთის საქმე ნეემიასთვის (ნეემია 2:17–18):

ღვთის საქმე ჩემთვის:

წინააღმდეგობა, რომელიც ზერუბაბელს შეხვდა (ეზრა 4:4–24):

წინააღმდეგობა, რომელიც ნეემიას შეხვდა (ნეემია 2:19; 4:1–3, 7–8; 6:1–13):

წინააღმდეგობა, რომლის წინაშეც მე ვდგავარ:

როგორ უპასუხა ზერუბაბელმა ამ წინააღმდეგობას (ეზრა 5:1–2):

როგორ უპასუხა ნეემიამ (ნეემია 2:20; 4:6, 9; 6:3–15):

როგორ შემიძლია ვუპასუხო მე:

ნეემიას გამოცდილების თქვენს ცხოვრებასთან შედარებისთვის, შეგიძლიათ შეისწავლოთ პრეზიდენტ დიტერ ფ. უხტდორფის გზავნილი „We Are Doing a Great Work and Cannot Come Down“ (Liahona, მაისი, 2009, 59–62), განსაკუთრებით ბოლო ორი ნაწილი. როდესაც ფიქრობთ იმ სამუშაოზე, რომელიც ღმერთმა მოგცათ, შეგიძლიათ შეისწავლოთ „Young Women Theme“ ან „Aaronic Priesthood Quorum Theme“ (სახარების ბიბლიოთეკა). ან შეგიძლიათ მოიძიოთ საგალობლებში, მაგალითად „As Sisters in Zion“ (საგალობლები, no. 309) ან „Ye Elders of Israel“ (საგალობლები, no. 319).

როგორ ფიქრობთ, რას ნიშნავს მხსნელის სამსახურში გქონდეს „საქმის გულმოდგინება“? (ნეემია 4:6). რას შეიძლება ნიშნავდეს „ღვთის კეთილი ხელი იყო[ს თქვენზე]“ როცა ასრულებთ მის საქმეს? (ნეემია 2:8; აგრეთვე იხილეთ ნეემია 2:18; ეზრა 7:6, 9, 27–28). როგორ დაინახეთ მისი ხელი თქვენს ძალისხმევაში, ემსახუროთ მას?

თაობების განმავლობაში ტყვეობაში მყოფ ებრაელებს წვდომა „მოსეს რჯულის წიგნზე“ შეზღუდული ჰქონდათ (ნეემია 8:1). ნეემია 8-ში ეზრამ ხალხს კანონი წაუკითხა. რას ნახულობთ ამ თავში, რაც მიგითითებთ, თუ რას გრძნობდნენ ეზრა და მისი ხალხი ღმერთის და მისი სიტყვის მიმართ? (განსაკუთრებით იხილეთ მუხლები 1–12). თქვენი ცხოვრებიდან რა წარმოაჩენს, თუ რას გრძნობთ ღმერთისა და მისი სიტყვის მიმართ?

აგრეთვე იხილეთ Teachings of Presidents of the Church: Ezra Taft Benson (2014), 115–24.

• იმისათვის, რომ ასწავლოთ თქვენს შვილებს იმ სიხარულის შესახებ, რომელსაც ებრაელები განიცდიდნენ მათი ტაძრის აღდგენის დროს, შეგიძლიათ აჩვენოთ მათ ქვემოთ ასახული მსგავსი სურათი. ისაუბრეთ იმაზე, თუ რატომ შეიძლება ეს ხალხი უფლის სახლში ყოფნით იყოს ბედნიერი. თქვენ ასევე შეგიძლიათ უთხრათ თქვენს შვილებს, რატომ არის ტაძარი თქვენთვის სასიხარულო ადგილი. როგორ დაგეხმარათ ტაძარი, ზეციერ მამასთან და მხსნელთან ახლოს გეგრძნოთ თავი?

• როცა ბავშვებთან ერთად კითხულობთ ეზრა 3:10–13-ს, დაეხმარეთ მათ, იპოვონ სიტყვები, რომლებიც აჩვენებენ, თუ რას გრძნობდნენ ებრაელები ტაძრის აღდგენის დროს. როცა მიხვალთ 13-ე მუხლის ბოლოს, კარგი იქნებოდა სიხარულით ერთად შემოგეძახათ. დაეხმარეთ თქვენს შვილებს მოიფიქრონ, თუ რატომ შეიძლება უხაროდეთ, რომ უფალმა გვიბოძა ტაძრები. როგორ გამოვხატოთ ეს სიხარული?

• შეგიძლიათ შვილებთან ერთად იმღეროთ სიმღერა ტაძრის შესახებ, მაგალითად, „მაღლა მთის მწვერვალზე“ (სახარების ბიბლიოთეკა). ყოველი სტრიქონის შემდეგ შეგიძლიათ შეაჩეროთ და სთხოვოთ ბავშვს, გაუზიაროს სხვებს ის, რის გამოც უყვარს ტაძარი. თქვენ ასევე შეგიძლიათ უყუროთ ტაძრების სურათებს სიმღერის დროს.

• ნეემიას ამბავი გაუზიარეთ თქვენს შვილებს (იხილეთ ნეემია 2:17–20; 6:1–9; ან “Nehemiah” in Old Testament Stories, 173–74). როდესაც კითხულობთ ნეემია 2:20-ს, თქვენ და თქვენს შვილებს შეგიძლიათ „[ადგეთ]“ და აჩვენოთ, თითქოს იერუსალიმის კედლების აშენებაში იღებთ მონაწილეობას. ან თქვენმა შვილებმა შეიძლება სიამოვნებით ააშენონ კედელი კუბიკებით ან სხვა საგნებით. როცა ამას აკეთებენ, შეგიძლიათ დაეხმაროთ მათ, იფიქრონ იმ მნიშვნელოვან რაღაცებზე, რომლებიც ზეციერ მამას სურს, ჩვენ გავაკეთოთ.

  

  1:38

• როდესაც კითხულობთ ნეემია 6:9-ს, სთხოვეთ თქვენს შვილებს, რომ ასწიონ ხელები, როცა თქვენ იტყვით: „განვამტკიცე ჩემი ხელები“. მოუყევით შვილებს იმ დროის შესახებ, როდესაც იგრძენით, რომ ღმერთმა განამტკიცა თქვენი ხელები მისი საქმის შესასრულებლად.

• ხმამაღლა წაიკითხეთ რამდენიმე ფრაზა ნეემია 8:2–3, 5–6, 8–9, 12-დან, რომლებიც აღწერენ იმას, თუ რა გააკეთა ხალხმა, როცა ეზრამ წმინდა წერილები წაიკითხა. როცა კითხულობთ, თქვენს შვილებს შეუძლიათ ამ დროს ამ ფრაზების გათამაშება. შემდეგ თქვენ შეგიძლიათ გაუზიაროთ ერთმანეთს, რას გრძნობთ წმინდა წერილების წაკითხვისას ან მოსმენისას.

• როდესაც ერთად კითხულობთ ნეემია 8:8-ს, შეგიძლიათ ჰკითხოთ თქვენს შვილებს, რა ეხმარება მათ წმინდა წერილების გაგებაში. აჩვენეთ მათ, როგორ გამოიყენონ წმინდა წერილების შესწავლის დამხმარე საშუალებები, როგორებიცაა Guide to the Scriptures და Topics and Questions (სახარების ბიბლიოთეკა). მოიწვიეთ თქვენი შვილები, ისაუბრონ იმაზე, რაც მხსნელის შესახებ წმინდა წერილებიდან ისწავლეს.