2 ნეშტთა 14–20; 26; 30

როდესაც ასა იუდეის მეფე იყო, მას მრავალი გამოწვევა შეხვდა, ისევე როგორც ჩვენ დღეს. როდესაც კითხულობთ მის წინაშე მდგარი განსაცდელების შესახებ, შენიშნეთ, სად იყო მისი ნდობა მიმართული და როგორ შეიცვალა ეს დროთა განმავლობაში.

ხანდახან რატომ აღარ ვენდობით უფალს? კიდევ რას სწავლობთ ასას ცხოვრებიდან?

ასევე იხილეთ უხუცესი დ. ტოდ კრისტოფერსონი, „ჩვენი ურთიერთობა ღმერთთან“, ლიახონა, მაისი, 2022, 78–80.

წინასწარმეტყველ მიქაიეჰუს დიდი ზეწოლა უნდა ეგრძნო, რათა მეფეების იოშაფატისა და ახაბისთვის სირიის წინააღმდეგ ომში წარმატება ეწინასწარმეტყველებინა. მოძებნეთ ამ ზეწოლის მტკიცებულება 2 ნეშტთა 18:1–12-ში. რა მტკიცებულებებს ხედავთ მიქაიეჰუს გამბედაობისა და უმწიკვლობის შესახებ მუხლები 13–27-ში? (გაითვალისწინეთ, რომ მუხლი 14-ში მიქაიეჰუსი სარკასტულ პასუხს იძლევა; მისი ნამდვილი პასუხი მოცემულია მუხლი 16-ში.) როგორ სრულდება მიქაიეჰუის სიტყვები მუხლები 28–34-ში?

რა სიტუაციებში შეიძლება დაუპირისპირდეთ ზეწოლას, როგორიც მიქაიეჰუ? რა გაძლევთ გამბედაობას, დაუჭიროთ მხარი უფალსა და მის სწავლებებს?

როდესაც კითხულობთ 2 ნეშტთა 20:1–12-ს მოძებნეთ, რა გააკეთა მეფე იოშაფატმა, როდესაც მრავალი ერი დაესხა თავს იუდეას. როგორ შეგიძლიათ გამოიყენოთ მისი ქმედებები რთულ ვითარებაში?

უფლის პასუხს იოშაფატის ლოცვაზე ვიპოვით მუხლები 14–17-ში. რა ფრაზებია იქ, რომლებმაც შეიძლება დაგამშვიდოთ თქვენ ან სხვა ადამიანი რთულ დროს?

მეორე დღეს იერუსალიმის ხალხი მოწინააღმდეგე ჯარის შესახვედრად გამოვიდა. როდესაც კითხულობთ 2 ნეშტთა 20:20-ს მოძებნეთ გზავნილი, რომელიც იოშაფატმა იერუსალიმის ხალხს გაუზიარა. როგორ შესრულდა მისი სიტყვები? (იხ. მუხლები 22–23). როგორ გაკურთხათ ღმერთმა მასში რწმენისა და თავისი წინასწარმეტყველების მიმდევრობისათვის?

პრეზიდენტმა რასელ მ. ნელსონმა თქვა: „ჩემი გამოცდილებით, როგორც კი შეწყვეტთ წინასწარმეტყველის განცხადებების შემდეგ კითხვის ნიშნების დასმას და მათ ნაცვლად ძახილის ნიშნების დასმას დაიწყებთ და ამას გააკეთებთ, კურთხევები უბრალოდ გადმოიღვრება. არასოდეს ვეკითხები საკუთარ თავს: „როდის ლაპარაკობს წინასწარმეტყველი როგორც წინასწარმეტყველი და როდის - არა?“ მე მაინტერესებს: ’როგორ შემიძლია უფრო მეტად დავემსგავსო მას?’“ (ლეინ ჯონსონი, „Russell M. Nelson: A Study in Obedience“, Ensign, აგვისტო, 1982, 24).

ასევე იხილეთ მოძღვრება და აღთქმები 21:4–6; “A Secure Anchor” (video), Gospel Library; “Make inspired choices,” For the Strength of Youth: A Guide for Making Choices (2022), 4–5.

3:37

იუდეის მრავალი სხვა მეფის მსგავსად, ყუზიას მეფობა დიდი მიღწევებით დაიწყო, თუმცა ის ტრაგედიით დასრულდა. ეს მაგალითი ეძიეთ 2 ნეშტთა 26-ში. როგორ ფიქრობთ, რა იყო გადამწყვეტი ასპექტი ყუზიას სიცოცხლეში?

როდესაც კითხულობთ მუხლები 16–23-ს გახსოვდეთ, რომ იმ დროს მხოლოდ მღვდლებს ჰქონდათ უფლება, ტაძარში საკმეველი დაენთოთ. როგორ ფიქრობთ, რატომ განუდგა ყუზია ღმერთს? რას სწავლობთ ამ ტრაგიკული გამოცდილებიდან?

იხ. აგრეთვე “Be Thou Humble,” Hymns, no. 130.

2 ნეშტთა 30-ში იეზეკია იყო იუდეის მეფე. მან ისრაელის მეტოქე სამეფო იერუსალიმში მიიწვია პასექის აღსანიშნავად, რასაც ისრაელიელები მრავალი წლის განმავლობაში ვერ ახერხებდნენ (იხ. მუხლები 1–12). რა ახდენს შთაბეჭდილებას თქვენზე მოწვევის შესახებ და როგორ მიიღეს ის — როგორც ისრაელელმა სტუმრებმა, ისე იუდეაში მყოფმა მასპინძლებმა?

იმის გამო, რომ დიდი დრო იყო გასული, იერუსალიმის ზოგიერთმა სტუმარმა არ იცოდა, როგორ მიეღოთ მონაწილეობა პასექის დღესასწაულში. როდესაც კითხულობთ 2 ნეშტთა 30:18–27-ს, რას სწავლობთ იეზეკიას პასუხიდან და მისი პასუხის შედეგებიდან?

ასევე იხილეთ რასელ მ. ნელსონი, „გვესაჭიროება მშვიდობისმყოფელნი“, ლიახონა, მაისი, 2023, 98–101.

• უფლისადმი ნდობის იდეის გასაცნობად შეგიძლიათ აჩვენოთ თქვენს შვილებს ის, რასაც თქვენ ენდობით, რომ წვიმის დროს არ დაგასველებთ, მაგალითად, ქოლგა ან ქურთუკი. ასაუბრეთ ისინი იმაზე, თუ რატომ შეგვიძლია ვენდოთ ამ ნივთებს. შემდეგ დაეხმარეთ მათ შეადარონ ეს ჩვენს ნდობას უფლის მიმართ. რატომ ვენდობით მას, რომ დაიცავს ჩვენს სულიერ უსაფრთხოებას?

• თქვენ შეგიძლიათ დაეხმაროთ თქვენს შვილებს იმის აღმოჩენაში, თუ როგორ უპასუხეს მეფე ასამ და მეფე იოშაფატმა გამოწვევებს უფალზე მინდობით (იხ. 2 ნეშტთა 14:11; 20:3–5, 12). გაუზიარეთ ერთმანეთს, როგორ აჩვენოთ უფალს, რომ ენდობით მას.

• ამ კვირის აქტივობების გვერდი დაეხმარება თქვენს შვილებს, გაიგონ იოშაფატის ლოცვის ამბავი და უფლის პასუხი. თქვენ და თქვენს შვილებს შეგეძლოთ გესაუბრათ იმ დროზე, როდესაც ღმერთმა ისმინა და უპასუხა თქვენს ლოცვებს. შეგიძლიათ გაითვალისწინოთ ის შემთხვევებიც, როდესაც პასუხები მოვიდა ისეთი გზებით ან ისეთ დროს, როდესაც არ ელოდით. სიმღერა ლოცვაზე, მაგალითად, „თუ იფიქრე ლოცვაზე“ (საგალობლები, გვერდი 48), შეიძლება დაგეხმაროთ თქვენი შვილების რწმენის ჩამოყალიბებაში.

• სიამაყის საშიშროების გასაგებად, თქვენს შვილებს შეუძლიათ ააგონ კოშკი სათამაშო კუბიკებით ან პატარა ჭიქებით. როდესაც ისინი ათავსებენ თითოეულ კუბიკს ან ჭიქას კოშკზე, დაეხმარეთ მათ, ამოიცნონ ყუზიას ერთ-ერთი მიღწევა 2 ნეშტთა 26:3–15-იდან. მას შემდეგ, რაც დაასრულებენ კოშკს, განიხილეთ თქვენს შვილებთან ერთად, როგორ შეძლებდა ყუზია, კოშკი ისევ მაღალი და ძლიერი ყოფილიყო. რამ შეიძლება გამოიწვიოს მისი დაცემა? შემდეგ, როცა კითხულობთ მუხლი 16-ს, შეგიძლიათ ისაუბროთ იმაზე, თუ რას ნიშნავს ჩვენი გულების „გადიდგულ[ება] … [ჩვენს] დასაღუპავად“. უთხარით თქვენს შვილებს, რა დაემართა ყუზიას მუხლები 16–23-ში. უთხარით მათ, დაანგრიონ თავიანთი კოშკი. ისაუბრეთ იმაზე, თუ რა შეგვიძლია გავაკეთოთ იმისათვის, რომ თავმდაბალი ვიყოთ.

• ზემოთ მოცემული სურათი გვიჩვენებს, როგორ მიიწვია იეზეკიამ იუდას მეზობლები ისრაელის სამეფოდან, პასექის მათთან ერთად აღსანიშნად. შეგიძლიათ შეხედოთ ამ სურათს თქვენს შვილებთან ერთად და წაიკითხოთ 2 ნეშტთა 30:18–19, რომელიც განმარტავს, რომ ზოგიერთი სტუმარი არ განწმენდილა მოსეს რჯულის მიხედვით. რა გააკეთა იეზეკიამ? როგორ უნდა ეგრძნოთ სტუმრებს თავი? დაეხმარეთ თქვენს შვილებს, იფიქრონ იმაზე, თუ როგორ შეიძლება მიემსგავსნენ იეზეკიას სხვების მოპყრობაში.