4 მეფეთა 16–25

უმეტეს ჩვენგანს აქვს გამოცდილებები, რომლებიც ჩვენს რწმენას გამოწვევის წინაშე დააყენებს. იეზეკიასა და მის ხალხს ერთი ამ გამოწვევათაგანი ეწვია, როდესაც ასირიული არმია იერუსალიმს მიუახლოვდა. როდესაც კითხულობთ 4 მეფეთა 18–19-ს წარმოიდგინეთ, რომ იმ დროს თქვენ იერუსალიმში ცხოვრობდით. რას იგრძნობდით, მაგალითად, რომ გაგეგოთ ასირიელების დაცინვა 4 მეფეთა 18:28–37-ში; ასევე 19:10–13-ში? რას მოიმოქმედებდით? შეადარეთ ასირიელთა მიზეზები, რომელთა გამოც ისრაელიელები არ ენდობოდნენ ღმერთს იმ საბაბით, რომელსაც სატანა გვაძლევს ჩვენს რწმენაში ეჭვის შესატანად. თქვენ ასევე შეგიძლიათ ასირიელთა მიზეზები შეადაროთ თქვენსას, თუ რატომ ენდობით უფალს.

რას სწავლობთ იეზეკიას ქმედებებიდან ამ სიტუაციაში? (იხ. 4 მეფეთა 19:1–7, 14–19). როგორ უპასუხა უფალმა? (იხ. 4 მეფეთა 19:35–37). როგორ ფიქრობთ, რატომ დარჩა იეზეკია ერთგული? (იხ. 4 მეფეთა 18:5–7). იფიქრეთ იმაზე, თუ როგორ დაგიდგათ ღმერთი მხარში გამოწვევებით აღსავსე დროს. რის გაკეთებას ისურვებდით უფლის მიმართ თქვენი ნდობის გასაზრდელად?

პრეზიდენტ ჯეფრი რ. ჰოლანდის გზავნილი “Fear Not: Believe Only!” (Liahona-ში, May 2022, 34–36) არის რჩევა, რომელიც ყველა დროში დაგეხმარებათ შიშთან და ეჭვთან გამკლავებაში. საგალობელი, როგორიცაა „მოდით განვაგრძოთ“ (საგალობლები, გვერდი 10) შეიძლება შეიცავდეს წამახალისებელ გზავნილებს. რას პოულობთ ამ რესურსებში, რაც გეხმარებათ?

ასევე იხილეთ 2 ნეშტთა 31–32; 3 ნეფი 3–4; იორგ კლებინგატი „მამაცი მოწაფეობა უკანასკნელ დღეებში“ ლიახონა, მაისი, 2022, 107–10.

სანხეირიბს, ასირიის მეფეს, კარგი მიზეზი ჰქონდა დაეჯერებინა, რომ მისი ჯარი იერუსალიმს დაიპყრობდა (იხილეთ 4 მეფეთა 17; 18:33–34; 19:11–13). მაგრამ უფალს ჰქონდა სანხერიბთან დაკავშირებით გზავნილი, წინასწარმეტყველ ესაიას საშუალებით. ეს ჩაწერილია 4 მეფეთა 19:20–34-ში. რა ჭეშმარიტებებს პოულობთ უფლის გზავნილში, რომლებიც გეხმარებათ, გქონდეთ რწმენა მისი და მისი გეგმის მიმართ?

როდისმე გიგრძვნიათ, რომ სულიერად რამე გაკლდათ? იქნებ იგრძენით, რომ თქვენი კავშირი უფალთან შეიძლება უფრო ძლიერი იყოს. რამ გიბიძგათ, ისევ უფლისკენ მიბრუნებულიყავით? იმსჯელეთ ამ კითხვებზე, როდესაც კითხულობთ 4 მეფეთა 21–23-ს, სადაც აღწერილია იუდეის სამეფოს უფლისგან დაშორება მენაშეს მეფობის დროს (იხილეთ 4 მეფეთა 21) და როგორ დაეხმარა მეფე იოშია, ხალხს, ისევ უფლისკენ მიბრუნებულიყვნენ (იხილეთ 4 მეფეთა 22–23). როგორ და რატომ შეიცვალნენ იოშია და მისი ხალხი? (იხილეთ 4 მეფეთა 22:8–11; 23:1–6, 21, 24).

პრეზიდენტ სპენსერ ვ. კიმბელმა მეფე იოშიას ამბავს უწოდა „წმინდა წერილებიდან ერთ-ერთი ყველაზე საუკეთესო ამბავი“ (Teachings of Presidents of the Church: Spencer W. Kimball [2006], 62). წაიკითხეთ პრეზიდენტ კიმბალის სიტყვები მეფე იოშიას შესახებ (pages 62–64). იქნებ გაიხსენოთ თქვენი გამოცდილება, როდესაც წმინდა წერილის ამონარიდმა ძლიერად იმოქმედა თქვენზე. რისი გაკეთება შეგიძლიათ, რომ მიიღოთ უფრო მეტი მსგავსი გამოცდილება?

ასევე იხილეთ ალმა 31:5.

12:25

რა ახდენს თქვენზე შთაბეჭდილებას იოშიას მიერ დადებული აღთქმიდან 4 მეფეთა 23:3-ში? როდესაც აგრძელებთ თავი 23-ის კითხვას, ყურადღება მიაქციეთ, რა გააკეთა იოშიამ უფლისადმი თავისი მორჩილება რომ ეჩვენებინა (ასევე იხილეთ სურათი ამ მონახაზის ბოლოს). როგორ შეგიძლიათ უჩვენოთ მას თქვენი ერთგულება?

• 4 მეფეთა 18:3, 5–6-ში, დაეხმარეთ ბავშვებს, აღმოაჩინონ, რატომ იყო იეზეკია კარგი მეფე. შემდეგ, როდესაც 4 მეფეთა 19:14–19-ის კითხვას გააგრძელებთ, შეგიძლიათ აღმოაჩინოთ, როგორ გამოხატა მან, რომ უფალს ენდობოდა. შეგიძლიათ იესოს სურათს შეხედოთ და ისაუბროთ, რატომ შეგვიძლია მისი ნდობა. როგორ შეგვიძლია გამოვხატოთ, რომ უფლის გვჯერა?

• 4 მეფეთა 22:1-ში, დაეხმარეთ თქვენს შვილებს აღმოაჩინონ რამდენი წლისა იყო იოშია, როდესაც ის მეფე გახდა. რას ვიგებთ იოშიას შესახებ მუხლი 2-ში? გაითვალისწინეთ ისეთი აქტივობა, რომელიც გვიჩვენებს უფლის მიმდევრობას და იმას, თუ როგორ არ უნდა გადაუხვიოთ „არც მარჯვნივ [და] არც მარცხნივ“.

• მუშებს, რომლებიც აღწერილია 4 მეფეთა 22:3–7 -ში, მიანდეს ფული ტაძრის ასაშენებლად, „რადგან ისინი პატიოსნად [იქცეოდნენ]“ (მუხლი 7). ამ სტროფების წაკითხვის შემდეგ, თქვენ და თქვენმა შვილებმა შეიძლება ისაუბროთ იმ საკითხებზე, რომლებიც მოგანდეს. როგორ შეგვიძლია ვიყოთ სანდონი, როგორც ის მუშაკნი ამ სტროფებიდან?

• მეფე იოშიას ამბავის გასაცნობად 4 მეფეთა 22–23-ში თქვენ შეგიძლიათ წმინდა წერილი სადმე ოთახში დამალოთ. სთხოვეთ ბავშვებს მისი პოვნა. შემდეგ თქვენ შეგიძლიათ გაუზიაროთ, რა მოხდა, როდესაც იოშიას ერთ-ერთმა მღვდელმა იპოვა წმინდა წერილები ტაძარში (იხილეთ 4 მეფეთა 22:8–11; იხ.აგრეთვე “King Josiah” Old Testament Stories-ში, 148–49).). რა შეიძლებოდა დაგვმართოდა, წმინდა წერილები რომ არ გვქონოდა? ერთმანეთს გაუზიარეთ, რატომ ხართ მოხარული, რომ დღეს ჩვენ გვაქვს წმინდა წერილები.

  

  1:36

• 4 მეფეთა 23:2–3-ის წაკითხვის შემდეგ თქვენ და თქვენს შვილებს შეგიძლიათ ისაუბროთ იმ წმინდა წერილებზე, რომლებმაც შთაგაგონეს, „[გევლოთ] უფლის კვალზე“ (მუხლი 3). შეგიძლიათ აგრეთვე იმღეროთ სიმღერა წმინდა წერილის შესახებ, მაგ: “Search, Ponder, and Pray” (Children’s Songbook, 109).

• როდესაც იოშიამ და მისმა ხალხმა შეიმეცნეს უფლის მცნებები, მათ დადეს აღთქმა, მათით ეცხოვრათ. წაიკითხეთ ამის შესახებ თქვენს შვილებთან ერთად 4 მეფეთა 23:1–3-ში და დაეხმარეთ მათ, იპოვონ სიტყვები ან ფრაზები, რომლებიც გიჩვენებთ, რას ფიქრობდა ხალხი უფლის მცნებების შესახებ. ბავშვებს შეუძლიათ წამოდგნენ და ისაუბრონ, თუ რას შეიძლება ნიშნავდეს, „[აღთქმის მოწონება]“. შემდეგ მათ შეუძლიათ ადგილზე იარონ და ისაუბრონ, თუ რას შეიძლება ნიშნავდეს „უფლის კვალზე [სიარული]“. ასევე შეუძლიათ, ხელები გულზე დაიდონ და გვირჩიონ, რა გზებით შეგვიძლია ჩვენი აღთქმების დაცვა „მთელი [ჩვენი] გულითა და სულით“.