3 მეფეთა 12–13; 17–22

როგორ აღწერდით შეცდომას, რომელიც დაუშვა მეფე რეხაბყამმა, სოლომონის ძემ, 3 მეფეთა 12:1–14-ში? ქრისტეს მსგავსი რა თვისებები დაეხმარებოდა რეხაბყამს სამეფოს გადარჩენაში? (იხილეთ მუხლი 7; მათე 20:25–28; მოსია 2:10–21). როგორ შეგიძლიათ გამოიყენოთ ეს თვისებები, როგორც ხელმძღვანელმა — იქნება ეს საეკლესიო მოწოდებისა თუ საკუთარი ცხოვრებისათვის?

წინასწარმეტყველმა ელიამ, ვიდრე ქვრივი და თავისი მშიერი ვაჟი დაპურდებოდნენ, სთხოვა ქალს, მისთვის საჭმელი და წყალი მიეტანა. რატომ უნდა გაეკეთებინა მას ეს? ელიას მოთხოვნა, შეიძლებოდა, კურთხევა ყოფილიყო ამ პატარა ოჯახისთვის. მათ სჭირდებოდათ უფლის კურთხევა, მსხვერპლს კი მოაქვს კურთხევები — უფრო ძლიერი რწმენის კურთხევის ჩათვლით.

როდესაც კითხულობთ 3 მეფეთა 17:8–16-ს, წარმოიდგინეთ, რომ თქვენ ეს ქვრივი ხართ. რით ახდენს შთაბეჭდილებას იგი თქვენზე? თქვენ ასევე შეგიძლიათ გააკეთოთ იმ გადაწყვეტილებების სია, რომლებიც მოითხოვს იესო ქრისტეს რწმენას (მაგ. იხ. For the Strength of Youth: A Guide to Making Choices [2022]). რას სწავლობთ ამ ქვრივისაგან რწმენის გამოვლენის შესახებ?

რამდენად ჰგავს ელისეს ქმედებები 3 მეფეთა 19:19–21 -ში ქვრივის ქმედებებს?

იფიქრეთ იმ მსხვერპლზე, რომელიც გაიღეთ, რათა ყოფილიყავით მხსნელის მიმდევარი. რას გასწავლით 3 მეფეთა 17:8–16; 19:19–21 ამ მსხვერპლშეწირვის შესახებ? როგორ გეხმარებათ მხსნელის შესახებ თქვენი ცოდნა, როდესაც ის მსხვერპლის გაღებას გთხოვთ? როგორ გაკურთხათ უფალმა?

ასევე იხილეთ მათე 4:18–22; 6:25–33; ლუკა 4:24–26; “Elijah and the Widow of Zarephath” (video), Gospel Library; “When Faith Endures,” Hymns, no. 128.

10:13

ისრაელიელებს შესაძლოა, ეგრძნოთ, რომ საფუძვლიანი მიზეზები ჰქონდათ ბაყალის თაყვანისცემისთვის, რომელიც ცნობილი იყო როგორც ქარიშხლისა და წვიმის ღმერთი. სამწლიანი გვალვის შემდეგ მათ სასოწარკვეთილად სჭირდებოდათ წვიმა. და ბაყალის თაყვანისცემა სოციალურად მიღებული და წაქეზებული იყო მეფისა და დედოფლის მიერ. როდესაც კითხულობთ 3 მეფეთა 18-ს, იფიქრეთ იმაზე, თუ რატომ შეიძლება, ჩვენს დროში ვინმე ყოყმანობდეს, უფლის მიმდევარი იყოს თუ არა. ამ თავში, როგორ ფიქრობთ, რის სწავლებას ცდილობდა უფალი თავისი თავის შესახებ? რომელი გამოცდილება დაგეხმარათ, გამხდარიყავით მხსნელის მიმდევარი?

იხ. აგრეთვე D. Todd Christofferson, “Choice and Commitment” (worldwide devotional for young adults, Jan. 12, 2020), Gospel Library.

სამწუხაროდ, ქარმელის მთაზე მომხდარ სასწაულს ელიას მისია არ გაუიოლებია. ფაქტობრივად, მის სიცოცხლეს საფრთხე ემუქრებოდა და უდაბნოში, გამოქვაბულში, უნდა დამალულიყო. იქ, ებრძოდა რა მარტოობასა და იმედგაცრუებას, მან მიიღო უფალთან ურთიერთობის გამოცდილება, რომელიც ძალიან განსხვავდებოდა ქარმელის მთაზე მიღებული გამოცდილებისგან. რას გასწავლით ელიას გამოცდილება 3 მეფეთა 19:1–18 -ში იმის შესახებ, თუ როგორ გელაპარაკებათ უფალი გაჭირვების დროს?

იმსჯელეთ იმ დროზე, როცა, თქვენი აზრით, უფალი გესაუბრათ. როგორ აღწერთ მის თქვენთან ურთიერთობის ფორმას? რატომ არის სიტყვები „წყნარი“ და „ჩუმი“ კარგი საშუალება სულის ხმის აღსაწერად? სხვა რომელ სიტყვებს ნახავთ ჰელამანი 5:30-ში; მოძღვრება და აღთქმები 6:22–23; 11:12–14? რა უნდა გააკეთოთ იმისათვის, რომ უფრო ხშირად მიიღოთ უფლის ხელმძღვანელობა?

ასევე იხილეთ ფსალმუნი 45:11.

• იმისათვის, რომ დაეხმაროთ თქვენს შვილებს, ისწავლონ რწმენის ისტორიები 3 მეფეთა 17-ში, შეგიძლიათ აჩვენოთ მათ სურათები ან საგნები ისტორიების საილუსტრაციოდ, მაგალითად: ჩიტები, პური ან ბიჭი. როცა ბავშვებს უყვებით ამ ამბებს, სთხოვეთ მათ, იპოვონ სურათი ან ობიექტი, რომელიც შეესაბამება თითოეულ ამბავს. “Elijah the Prophet” ( Old Testament Stories-ში, 121–24) დაგეხმარებათ ამ ისტორიების მოყოლაში. რას გვასწავლის თითოეული ამბავი იესო ქრისტესადმი რწმენის გამოვლენის შესახებ?

  

  1:58

• დაეხმარეთ თქვენს შვილებს იფიქრონ, როგორ გამოავლინონ რწმენა იესო ქრისტეს მიმართ. იმღერეთ მათთან ერთად სიმღერა რწმენის შესახებ, მაგ: “I Have Faith in the Lord, Jesus Christ” (Gospel Library), და გაუზიარეთ ერთმანეთს, რას სწავლობთ რწმენის შესახებ ამ სიმღერიდან.

• შესაძლოა, თქვენმა შვილებმა დახატონ, თუ რა სთხოვა უფალმა ქვრივს, რომ ელიასთვის მიეცა (იხილეთ 3 მეფეთა 17:12–13) და რა მიიღო ქვრივმა სანაცვლოდ (იხილეთ 3 მეფეთა 17:15–16). (ასევე იხილეთ ამ კვირის ღონისძიებების გვერდი.) მათ ასევე შეუძლიათ მოიძიონ სხვა ადამიანების სურათები, რომლებმაც უკეთესის იმედით უარი თქვეს იმაზე, რაც სურდათ. სთხოვეთ თქვენს შვილებს, იპოვონ სურათები შემდეგ წყაროებში Gospel Art Book ან მოდი და გამომყევი. რა მსხვერპლს გთხოვთ უფალი? როგორ გვაკურთხებს ის?

• როდესაც ერთად კითხულობთ 3 მეფეთა 18:17–39 -ს, თქვენს შვილებს შეუძლიათ აირჩიონ ლექსი და დახატონ, თუ რას აღწერს ის. მათ შეუძლიათ გამოიყენონ თავიანთი სურათები ამბის საკუთარი სიტყვებით გადმოსაცემად. (იხ. აგრეთვეo “Elijah and the Priests of Baal,” in Old Testament Stories, 125–28.)

  

  2:17

• დაეხმარეთ თქვენს შვილებს, მოიფიქრონ სიტუაციები, როდესაც მათ შეიძლება დასჭირდეთ გადაწყვიტონ, გახდნენ თუ არა იესო ქრისტეს მიმდევრები. მათ ასევე შეუძლიათ, საკუთარი თავი სწორი არჩევანის გაკეთების მომენტში დახატონ. გაუზიარეთ ერთმანეთს, რატომ ირჩევთ, იყოთ იესოს მიმდევარი.

• როდესაც შეაჯამებთ 3 მეფეთა 19:9–12-ს, სთხოვეთ თქვენს შვილებს, თავიანთი ქმედებებით განასახიერონ ძლიერი ქარი, მიწისძვრა და ხანძარი. შემდეგ სთხოვეთ მათ, რომ ისხდნენ მშვიდად, როდესაც თქვენ მშვიდი ხმით ერთად ამბობთ, „ცეცხლის მერე – ოდნავი ჩქამი“ (მუხლი 12). (იხ. აგრეთვე “The Lord Speaks to Elijah,” Old Testament Stories-ში, 129–31.) უამბეთ თქვენს შვილებს სხვადასხვა მომენტების შესახებ, როდესაც თქვენ გაიგონეთ სულიწმინდის წყნარი, ჩუმი ხმა.

  

  1:48

• ჩუმად იმღერეთ სიმღერა სულიწმინდის შესახებ, მაგ: “The Still Small Voice” (Children’s Songbook, 106–7). რამ შეიძლება მოადუნოს ჩვენი ყურადღება, რომ ვეღარ ამოვიცნოთ სულიწმინდა? რა დაგვეხმარება, რომ გავიგონოთ უფლის ხმა?