“24–30 Out. ‘M ap Di Nou Sa Bondye Fè Pou Mwen’: Sòm 49–51; 61–66; 69–72; 77–78; 85–86,” Vini, Suiv Mwen—Pou Lakay ak Legliz: Ansyen Testaman 2026 (2026)

“24–30 Out. ‘M ap Di Nou Sa Bondye Fè Pou Mwen,’” Vini, Suiv Mwen: Ansyen Testaman 2026

Sove Sa Ki Te Pèdi], pa Michael Malm

24–30 Out: “M ap Di Nou Sa Bondye Fè Pou Mwen”

Sòm 49–51; 61–66; 69–72; 77–78; 85–86

Moun ki te ekri Sòm yo te pataje santiman ki pèsonèl anpil nan pwezi yo. Yo te ekri sou santiman dekourajman, laperèz, ak remò. Pafwa, yo te menm santi Bondye te abandone yo, epi kèk sòm pote yon ton fristrasyon oswa dezespwa. Si w janm konn santi w konsa, li Sòm yo ap kapab ede w konnen ou pa poukont ou. Men w ap jwenn sòm ki kapab ankouraje w lèw w gen santiman sa yo tou, paske salmis yo te fè louwanj Senyè a pou bonte Li, yo te emèveye devan pouvwa Li epi yo te rejwi pou mizèrikòd Li. Yo te konnen mond lan te akable anba mal ak peche men Senyè a “bon, e [Li] padonnen peche” (Sòm 86:5). Yo te konprann ke gen lafwa nan Senyè a pa vledi ou p ap janm gen pwoblèm anksyete, peche, oubyen laperèz. Li vle di ou konnen ki moun pou al jwenn lè w gen pwoblèm sa yo.

Ide pou Aprantisaj Lakay a nan Legliz la

Sòm 49; 62:5–12

Redanmsyon vini sèlman pa lentèmedyè Jezkiri.

Sòm 49 la gen yon mesaj pou “gran kou piti, rich kou pòv” (vèsè 2). Ki sa w ta di mesaj sa a ye? Ki sa w santi Sòm 62:5–12 la ajoute sou mesaj sa a?

Li sòm sa yo gendwa enspire ou pou w medite sou fason nou tante pou nou mete konfyans nou sou lòt bagay olye de Bondye pou redanmsyon (gade Sòm 49:6–7). Ki jan temwayaj ou genyen ke “Bondye ap delivre [ou], L ap wete [ou] anba pouvwa lanmò” kapab enfliyanse lavi ou? (Sòm 49:15).

Sòm 51; 85–86

Akozde mizerikòd Sovè a, m ka jwenn padon.

Wa David te ekri Sòm 51 apre l te fin rekonèt li te bezwen padon—yon bagay nou tout bezwen. Ki vèsè ki dekri santiman ou te kon genyen? Ki sa w twouve nan sòm sa a ki ba w espwa pou w jwenn padon?

Ou ka fè rechèch Sòm 51 pou jwenn endikasyon sou ki sa sa vle di pou w repanti. Fè yon lis ak sa ou jwenn. Gade si ou kapab ajoute sou lis ou an nan etidye mesaj Prezidan Russell M. Nelson an “Nou Ka Fè Pi Bon Epi Vin Pi Bon” (Liahona, Me 2019, 67–69).

Ki jan w ta dekri sa nou santi lè nou resevwa padon atravè Kris la? Si w bezwen èd pou w dekri santiman w, ou ka gade nan Sòm 51:1–2, 7–12; 85:2–9. Gen kèk moun ki renmen desine oswa jwenn foto pou eksprime santiman yo; ou gendwa eseye fè sa. Ou te ka chante oswa koute yon kantik sou Sovè a, tankou “Merveilleux l’amour” (Cantiques, no. 117).

Pou nou repanti, nou bezwen gen lafwa ke non sèlman Jezikri kapab pirifye nou men L apfè l tou. Ki sa ou jwenn nan Sòm 86:5, 13,15 ki ede w konnen Sovè a kapab epi Li dispoze padonnen tou?

Gade tou Alma 36; Peter F. Meurs, “Li te Kapab geri M!,” Liahona, Me 2023, 39–41.

Sòm 51:13–15; 66:5–20; 71:15–24

Temwayaj mwen konsènan Jezikri kapab ede lòt moun vin jwenn Li.

Medite sou ki jan w te fè vin gen yon temwayaj konsènan Jezikri ak pouvwa ekspiyatwa Li. Apre sa, pandan w ap etidye Sòm 51:13–15; 66:5–20; 71:15–24, reflechi sou ki jan w ka envite lòt moun pou yo “vini … al gade sa Bondye fè” (Sòm 66:5). Si ou ta “di sa Bondye fè pou [ou]” (Sòm 66:16), ki sa ou ta deklare?

Ki sa “pale de jistis [Li] tout lajounen” vle di pou ou? (Sòm 71:8).

Gade tou Alma 26.

yon jenn gason k ap pataje ekriti yo ak lòt moun — “Vin koute non, … m ap di nou sa Bondye fè pou mwen” (Sòm 66:16).

Sòm 63; 69: 77–78

Senyè a ap ede m lè m nan bezwen.

Plizyè Sòm dekri ki sa nou santi lè nou lwen Bondye e dezespereman bezwen èd li (gade Sòm 63:1, 8; 69:1–8, 18–21; 77:1–9). Ki sa w jwenn nan Sòm 63;69; 77–78, yo ki te bay salmis sa yo asirans sa a?

Lè w deprime, ki jan sa ede w pou w “sonje gwo bagay [Bondye] te fè yo” ak “mèvèy [Li] te fè nan tan lontan” yo? (Sòm 77:11). Gen yon deskripsyon sou kèk nan mèvèy sa yo nan Sòm 78la. Pandan w ap li sa ki ekri sou yo, medite sou sa ki ede w “mete konfyans [ou] nan Bondye” (vèsè 7).

Pou plis ide, gade piblikasyon mwa sa a nan revi Lyawona a ak revi Pou fòs jèn yo.

Ide pou Anseye Timoun yo

Paske Dimanch sa a se senkyèm Dimanch nan mwa a, nou ankouraje enstrikè Primè yo pou yo itilize aktivite aprantisaj yo nan “Apendis B: Prepare Timoun yo pou Tout yon Lavi sou Chemen Alyans Bondye a.”

Sòm 51; 86:5, 13, 15

Lè m fè yon move chwa, Jezi ka ede m chanje.

Pou w ede pitit ou dekouvri verite konsènan repantans nan Sòm 51, ou gendwa desine yon gwo kè. Apre sa, ou te ka de pitit ou ekri andedan kè a move bagay Satan tante nou pou nou fè. Ki jan nou retire bagay sa yo nan kè nou? Mande timoun yo pou yo jwenn mo “kè” a ki nan Sòm 51:10, 17. Pale konsènan sa vèsè sa yo anseye sou repantans. Kite pitit ou yo efase pawòl ki anndan kè a epi ekri nouvo mo ki dekri fason Jezi ka chanje nou lè nou repanti.
Ou ka vle ede pitit ou aprann ki sa sa vle di pou nou gen yon “kè brize ak kontri” (Sòm 51:17). Yo chak ta gendwa pran tou pa yo pou yo kase epi ouvri yon kokiy ki di, tankou yon ze oswa yon labapen. Ou ta ka ede yo konpare kokiy la ak bagay ki anpeche nou santi lanmou Papa nou ki nan Syèl la. Ki jan nou ka ouvri kè nou pou Li?
Ou ta ka gade yon foto Sovè a ansanm epi mande pitit ou yo ki pawòl yo ta itilize pou dekri Li. Envite yo pou yo chèche mo ki dekri Li nan Sòm 86:5, 13, 15. Poukisa l enpòtan pou nou konnen bagay sa yo konsènan li?

Sòm 61:2–3

Jezikri se ròch mwen.

Pitit ou yo ka jwi desine imaj senbòl yo nan Sòm 61:2–3. Ki jan Jezikri tankou yon “wòch” ki wo (vèsè 2), ak jan Li “pwoteje nou” ak “pran defans nou”? (vèsè 3).

yon toudegad ki bati ak wòch — “Se ou k ap pwoteje m, se ou k ap pran defans mwen kont lènmi m yo” (Sòm 61:3).

Sòm 66:16; 77:11; 78:6–7

“M ap sonje bèl mèvèy ou te fè.”

Mande pitit ou pou yo pataje kèk nan istwa ekriti yo pi renmen (foto soti nan Liv Ilistrasyon Levanjil la ta ka ede). Ki sa istwa sa yo anseye nou konsènan Senyè a? Ou ta ka li ansanm Sòm 66:16 epi chak moun pran tou pa yo pou reponn kesyon “Ki sa Senyè a te fè pou nanm mwen”?
Pandan w ap li Sòm 77:11; 78:6–7 ansanm, ou ta ka pataje youn ak lòt ki jan nou eseye “sonje bèl mèvèy Senyè a” (Sòm 77:11), ki gen mèvèy Li nan lavi nou ladan. Ki jan sentsèn nan ede nou “toujou sonje”? (Mowoni 4:3: 5:2).

Sòm 71:8

Mwen ka pale lòt moun de Jezikri.

Apre ou fin li Sòm 71:8 avèk pitit ou, envite yo pou yo desine yon gwo bouch. Mande yo pou yo ede w “ranpli” bouch la avèk imaj bagay nou ka di lòt moun konsènan Jezikri.
Ou te kapab pase youn lòt yon foto Jezikri. Moun ki kenbe foto a te kapab di yon sèl bagay yo konnen de Li. Ki jan nou kapab ede moun aprann konsènan bagay sa yo?

Timoun yo genyen anpil bagay pou yo pataje “Lè timoun yo aprann yon bagay ki nouvo, yo tou natirèlman anvi pataje l avèk lòt moun. Ankouraje dezi sa a nan bay timoun yo opòtinite pou yo anseye prensip levanjil yo youn ak lòt, pou manm fanmi yo, ak pou zanmi yo. Mande yo pou yo pataje avèk ou panse yo, santiman yo ak eksperyans yo parapò a prensip w ap anseye yo. W ap dekouvri ke yo gen ide ki senp, sen, epi puisan” (Anseye nan Fason Sovè a, 26).

Sòm 86:7

Pè Selès la tande priyè mwen epi Li reponn yo.

Anpil nan sòm yo tankou priyè pou bondye. Pandan w ap li Sòm ak pitit ou, ou ka montre yo bagay nou ka itilize pou nou kominike ak moun ki lwen yo, tankou yon telefòn oswa yon lèt. Apre sa, li Sòm 86:7. Ki jan nou “fè apèl a” Pè Selès la? Ki jan Li reponn nou?
Ou ta ka chante ansanm yon chan sou lapriyè, tankou “La prière d’un enfant” (Chants pour les enfants, 6–7; gade tou Susan H. Porter, “Priye,” Liahona, Me 2024, 77–79). Pale youn ak lòt de yon lè kote Bondye te reponn priyè nou.

Pou plis ide, gade piblikasyon pou mwa sa a sou revi Zanmi an.

yon pòtrè Jezi — Vin Jwenn Kris la, pa Casey Childs

Paj Aktivite Primè: Lè m fè yon move chwa, Jezikri ka ede m chanje — Vin Jwenn Kris la, pa Casey Childs