“27 Jiyè–2 Out. ‘M Ap Fè Travay Enpòtan’: Esdras 1; 3–7; Neemi 2; 4–6; 8,” Vini, Suiv Mwen—Pou Kay ak Legliz: Ansyen Testaman 2026 (2026)

“27 Jiyè–2 Out. ‘M Ap Fè yon Travay Enpòtan,’” Vini, Suiv mwen: Ansyen Testaman 2026

Mwen gen yon gwo travay pou m fè, Tyson Snow

27 Jiyè–27 Out: “M Ap Fè yon Travay Enpòtan”

Esdras 1; 3–7; Neemi 2; 4–6; 8

Pèp Juif la te rete an kaptivite nan Babilòn pandan apeprè 70 an. Yo te pèdi Jerizalèm ak tanp lan, e plizyè nan yo te bliye angajman yo anvè lwa Bondye a. Men Bondye pa t bliye yo. Anfèt, Li te deklare palentèmedyè pwofèt Li a, “m a vin vizite nou, m a fè kichòy pou nou, … m a fè nou tounen lakay nou ankòn” (Jeremi 29:10). Selon pwofesi sa a, Senyè a te trase chemen pou pèp Li a retounen—ni nan Jerizalèm, epi pi enpòtan toujou, ni pou alyans yo. Epi Li te leve sèvitè ki te akonpli “yon travy enpòtan” (Neemi 6:3): Yon gouvènè ki te rele Zowobabèl te sipèvize rekonstriksyon kay Senyè a. Esdras, yon prèt ak ekriven, te ede pèp la vire kè yo tounen nan lwa Senyè a. E Neyemi chèf rekonstriksyon miray pwoteksyon ki te antoure Jerizalèm yo. Yo te rankontre opozisyon, men yo te jwenn èd nan men sous inatandi tou. Eksperyans yo ka enfòme ak enspire eksperyans pa nou yo, paske nou menm tou n ap fè yon gwo travay. E menm jan avèk pa yo a, travay nou an gen anpil pou l wè ak kay Senyè a, lwa Senyè a, ak pwoteksyon spirityèl nou jwenn nan Li.

Pou yon koudèy sou liv Esdras ak Neemi yo, gade “Esdras” ak “Neemi” nan Diksyonè Bib la.

Ide pou Aprantisaj nan Fwaye a ak nan Legliz

Esdras 1

Senyè a enspire moun pou akonpli objektif Li yo.

Apre Pès te fin konkeri Babilòn, Senyè a te enspire wa Pès La, Siris, pou l te voye yon gwoup Juif ale Jerizalèm pou rebati tanp lan. Lè w ap li nan Esdras 1an, note kisa Siris te dispoze fè pou l te sipòte Juif yo nan travay enpòtan sa a. Kijan w wè Senyè a ap travay atravè gason ak fi alantou ou, sa enkli moun ki pa manm Legliz Li a? Kisa sa sijere pou ou sou Senyè a ak travay Li a?

Gade Ezayi 44:24-28tou.

Esdras 3:8–13; 6:16–22

Kay Senyè a se yon kay lajwa.

Lè Babilònyen yo te anvayi Jerizalèm, yo te fè piyaj nan tanp lan epi yo te boule l rapyetè (gade 2 Wa 25:1-10; 2 Kwonik 36:17–19). Kijan w panse w te gendwa santi w si w te pami youn nan Juif ki te temwen bagay sa a? (gade Sòm 137). Remake kijan Juif yo te santi yo, dè dizèn ane apre, lè yo te pèmèt yo retounen epi rebati tanp lan (gade Esdras 3:8–13; 6:16–22). Sa ka pouse w medite sou pwòp santiman pa w konsènan Senyè a ak kay Li. Poukisa bati yon tanp se yon rezon pou nou selebre?

prèt yo deyò tanp Zowobabèl la — Tanp Zowobabèl la; ilistrasyon pa Sam Lawlor

Esdras 4–7; Neemi 2; 4; 6

Bondye gen yon travay enpòtan pou m fè.

Travay Senyè a raman ale san okenn pwoblèm. Se te konsa pou efò Zowobabèl ak Neemi te dirije. Men yon apwòch senp ki ka ede w aprann nan istwa sa yo epi konsidere kijan ou ka fè travay Senyè a malgre opozisyon:

Travay Bondye pou Zowobabèl (Esdras 4:3):

Travay Bondye pou Neemi (Neemi 2:17–18):

Travay Bondye pou mwen:

Opozisyon Zowobabèl te fè fas (Esdras 4:4–24):

Opozisyon Neemi te fè fas (Neemi 2:19; 4:1–3, 7–8; 6:1–13):

Opozisyon mwen fè fas:

Kijan Zowobabèl te reponn (Esdras 5:1–2):

Kijan Neemi te reponn (Neemi 2:20; 4:6, 9; 6:3–15):

Kijan mwen kapab reponn:

Pou ede nan konparasyon ant eksperyans Neemi te fè ak eksperyans nan lavi pa ou, ou gendwa etidye mesaje Prezidan Dieter F. Uchtdorf la “N ap fè yon gwo travay e nou pa ka lage” (Lyawona, Me 2009, 59–62) espesyalman de dènye seksyon yo. Pandan w ap panse ak travay Bondye ba ou a, ou ka etidye “Tèm Jènfi yo” oswa “Tèm Kolèj Aawon” an (Libreri Levanjil). Oswa ou ta ka gade nan yon kantik tankou “Nous, soeur de Sion” (Cantiques, no. 201) oswa “Anciens d’Israël” (Cantiques, no. 202).

Kisa ou panse li vledi pou nou prè pou nou “soti pou [nou] fè travay la” nan sèvis Sovè a? (Neemi 4:6). Kisa ki ta ka vle di pou w konnen “Bondye ba [ou] tout sa [ou] mande, paske Bondye te avèk [ou]” pandan w ap fè travay Li? (Neemi 2:8; gade Neemi 2:18tou; Esdras 7:6, 9, 27–28). Kijan ou te wè men l nan efò w ap fè pou w sèvi Li?

Neemi 8

Mwen beni lè m etidye ekriti yo.

Pou jenerasyon nan kaptivite, Juif yo te gen aksè limite a “liv lalwa Moyiz la” (Neemi 8:1). Nan Neemi 8, Esdras te li lwa an pou pèp la. Kisa ou jwenn nan chapit sa a ki montre kijan Esdras ak pèp li a te santi pou Bondye ak pawòl Li? (gade espesyalman vèsè 1–12). Kisa nan lavi ou montre kisa ou santi pou Bondye ak pawòl Li?

Gade tou nan Enseignements des Présidents de l’Eglise: Ezra Taft Benson (2014), 115–24.

Pou plis ide, gade piblikasyon mwa sa a nan revi Lyawona a ak revi Pou fòs jèn yo.

Ide pou Anseye Timoun yo

Esdras 3:8–136:16–22

Kay Senyè a se yon kay lajwa.

Pou w anseye pitit ou konsènan lajwa Juif yo te santi lè tanp yo a te rebati, ou gendwa montre yo yon foto ki menm jan ak youn ki anba la a. Pale sou rezon ki fè pèp sa yo te gendwa gen kè kontan pou yo nan tanp Seyè a. Ou kapab di pitit ou poukisa tanp lan se yon kote kè kontan pou ou tou. Nan ki fason tanp lan ede ou vin pi pwòch Papa nou ki nan Syèl la ak Sovè a?
Pandan w ap li Esdras 3:10–13 avèk pitit ou, ede yo jwenn mo ki montre kijan Juif yo te santi yo lè yo t ap rebati tanp lan. Lè w rive nan fen vèsè 13 la, petèt ou te gendwa rele ansanm ak lajwa. Ede pitit ou panse sou rezon nou genyen pou n santi lajwa dèske Senyè a ban nou tanp yo. Kijan nou kapab montre lajwa sa a?
Konsidere chante yon chan konsènan tanp lan ak pitit ou, tankou dezyèm vèsè “Welcome Home” (Libreri Levanjil la). Apre chak kouplè, fè yon ti poz pou mande yon timoun pou l pataje yon bagay li renmen sou tanp lan. Ou gendwa gade foto tanp pandan w ap chante a.

Neemi 2:17–20; 6:1–9

Senyè a ap ede m akonpli volonte “travay enpòtan” Li a.

Pataje istwa Neemi an avèk pitit ou (gade Neemi 2:17–20; 6:1–9; oswa “Neemi” nan Istwa Ansyen Testaman, 173–74). Pandan w ap li Neemk 2:20, ou menm ak pitit ou te kapab “eve” epi fè sanblan n ap ede bati miray Jerizalèm yo. Oubyen pitit ou ka renmen bati yon miray avèk blòk oswa ak lòt bagay ankò. Lè yo fè sa, nou kapab ede yo reflechi sou bagay enpòtan Papa nou ki nan Syèl la vle nou fè.

1:38
Nehemiah
Pandan n ap li Neemi 6:9, envite pitit ou leve men yo lè yo tande ou di “Aa Bondye! Ban m fòs non.” Di timoun yo de yon lè kote w te santi Bondye te fòtifye men w pou w fè travay Li.

Neemi 8:1–12

Ekriti yo se yon benediksyon.

Li kèk fraz nan Neemi 8:2–3, 5–6, 8–9, 12 awotvwa ki dekri sa moun yo te fè lè yo te tande Esdras te li ekriti yo. Pandan w ap li, pitit ou yo te kapab rekreye fraz sa yo. Apre sa, ou te gendwa pataje youn ak lòt ki jan w santi w lè w ap li oswa tande ekriti yo.
Pandan w ap li Neyemya 8:8ansanm, ou te gendwa mande pitit ou yo kisa ki ede yo konprann ekriti yo. Montre yo kijan pou yo itilize èd nan ekriti yo tankou Gid ekriti yo ak Sijè ak Kesyon (Libreri Levanjil la). Envite timoun ou yo pou yo pataje yon bagay yo aprann sou Sovè a nan ekriti yo.

Chèche jwenn verite etènèl nan ekriti yo. “Ekriti yo … chaje avèk verite levanjil, men pafwa sa mande yon efò konsyan pou nou jwenn yo. Pandan n ap aprann sa ki nan ekriti yo ansanm, kanpe epi mande moun w ap ansenye yo ki verite levanjil la yo remake. Ede yo wè kijan verite sa yo anrapò avèk plan sali Papa nou ki nan Syèl la. Pafwa yo deklare verite etènèl yo nan ekriti yo, e pafwa yo ilistre yo nan istwa yo ak nan lavi moun n ap li nan istwa yo. Li ta itil tou pou w eksplore ansanm kontèks istorik ki nan vèsè w ap li yo, ansanm avèk siyifikasyon vèsè yo ak fason yo aplike pou nou jodia” (Anseye nan Fason Sovè a, 22).

Pou plis ide, gade piblikasyon pou mwa sa a sou revi Zanmi an.

Esdras k ap li yon woulo — Esdras nan Pòtay Dlo a, © Providence Collection / ki gen lisans nan goodsalt.com

Paj ativite Primè: Ekriti yo se yon benediksyon — Esdras nan Pòtay Dlo a, © Providence Collection / ki gen lisans nan goodsalt.com