Sòm 1–2; 8; 19–33; 40;46

Pandan w ap li Sòm yo, ou ka remake konbyen fwa ekriven yo eksprime laperèz, lapèn, oswa enksyete yo. Santiman sa yo nòmal, menm pou moun ki gen lafwa. Men, sa k fè Sòm yo enspiran se yo ofri solisyon tou, san wete yon konfyans total nan Senyè a. Pandan w ap li Sòm 1; 23; 26–28; 46, ekri:

• Envitasyon pou fè Senyè a konfyans.

• Mo ki dekri Li.

• Pawòl ki dekri lapè, fòs, ak lòt benediksyon Li bay.

• Pawòl ki dekri moun ki fè L konfyans.

Epitou veye pou imaj viv ak senbòl Sòm yo itilize pou anseye sou Sovè a. Paregzanp, nan Sòm 23, ki sa fraz tankou “kote zèb yo pi bèl se la li fè m pran repo” oswa “dlo a koule poze” (vèsè 2)yo pote nan lespri yo? Ki sa “baton” ak “gòl” rasiran an (vèsè 4) senbolize? Ki sa sa vle di pou “koup” (verse 5) nou ranpli?

Plizyè nan Sòm yo pwente sou lavi Jezikri nan mòtalite a. Kretyen nan epòk Nouvo Testaman an te wè koneksyon sa yo tou. Konsidere li referans nan ekriti sa yo. Chèche koneksyon ant pawòl ki nan sòm sa yo ak lavi Sovè a:

• Sòm 2:1–3 ak Travay 4:24–28

• Sòm 2:7 ak Travay 13:30–33

• Sòm 22:1 ak Matye 27:45–46

• Sòm 22:7–8 ak Matye 27:39–43

• Sòm 22:16 ak Lik 23:32–33

• Sòm 22:18 ak Matye 27:35

• Sòm 31:5 ak Lik 23:46

Ki sa w aprann lè w etidye koneksyon sa yo? Ki pwofesi biblik ak pwomès ki poko fin akonpli toujou? Ki sa w jwenn nan pwomès sa yo ki ba w espwa pou lavni?

Lekti Sòm 8; 19;33 a ka enspire w pou w konsidere plizyè kreyasyon mèveye Senyè a. Pote atansyon a santiman w yo lè w ap fè sa. Ou ta ka vle chante oswa reflechi sou pawòl yon chante ki gen rapò ak sòm sa yo, tankou “Que tu es grand” (Cantiques, 86). Ki jan kreyasyon Senyè yo “deklare laglwa Bondye” pou ou? (Sòm 19:1).

Men kèk lòt kantik Sòm te enspire:

• Sòm 23: “L’éternel est mon berger” (Cantiques, no. 57)

• Sòm 23:6; 150: “Louange à Dieu” (Cantiques, no. 37)

• Sòm 26:8: “Nous aimons ta maison” (Cantiques, no. 152)

• Sòm 27:1: “Christ est ma lumière” (Cantiques, no. 89)

• Sòm 33:1–6; 95:1–6: “Pour la terre et sa beauté” (Cantiques, non. 43)

• Sòm 37:3–9: “Va, ne crains pas” (Cantiques, no. 150)

• Sòm 148: “Vous, créations de notre Dieu” (Cantiques, no. 31)

Nan Sòm yo, mo tankou temwayaj, statutes, kòmandman, ak jijman yo gendwa fè referans ak pawòl Senyè a. Kenbe sa nan lespri ou pandan w ap li Sòm 19:7–11 lan. Ki sa vèsè sa yo sigjere a ou menm konsènan pawòl Senyè a? Ki sa Sòm 29 la sigjere konsènan vwa Li? Nan eksperyans pa ou, ki jan pawòl oubyen vwa Senyè a koresponn avèk deskripsyon sa yo?

Poutèt tanp Jerizalèm nan te bati sou tèt yon mòn, fraz “mòn Senyè a” (Sòm 24:3) ka ap fè referans ak tanp lan oubyen ak prezans Bondye. Ki sa sa ajoute sou konpreyansyon w de Sòm 24la? Ki sa sa vle di pou w gen “men pwòp, ak yon kè pi”? (vèsè 4). Pandan w ap li Sòm 26–27, ki lòt bagay ou aprann sou kay Senyè a?

Pafwa, nou gendwa dekouraje tande nou bezwen vin pirifye pou n antre nan prezans Bondye. Dayè, nou tout ap lite, e pa gen youn nan nou ki pafè. Ki espwa ou jwenn nan mesaj Èldè David A. Bednar a “Men pwòp ak yon kè pi”? (Liahona, Nov. 2007, 80–83). Ki jan w ka sèvi ak mesaj li a pou w ede yon moun ki santi l konble avèk anvi pou l pafè? Konsidere jan ou ka resevwa èd Sovè a nan efò nou pou nou gen “men pwòp, ak yon kè pi.”

Gade tou Bradley R. Wilcox, “Diyite se pa defo,” Liahona, Nov. 2021, 61–67.

• Konsidere ekri Seyè a se … Envite pitit ou pou yo chèche fason pou yo konplete fraz sa a lè nou sèvi avèk ekriti tankou sa yo: Sòm 23:1; 27:1; 28:1; 28:7; 32:7; 46:1. Ki sa ekriti sa yo anseye nou sou fason Senyè a sove nou?

• Ou ka pale ak pitit ou sou sa yon timouton bezwen pou l an sekirite e an sante. Apre sa, pandan w ap li Sòm 23a, ede pitit ou konpare sa yon bèje fè pou yon ti mouton ak sa Jezi fè pou nou. Ki sa nou bezwen pou nou rete ansekirite ak ansante espirityèlman? Chante ansanm yon chan ki ta kapab ba yo ide, tankou “Je ressens son amour” (Chants pour les enfants, 74–75).

• Pandan w ap li Sòm 24:3 ansanm, pitit ou yo te kapab chèche mo ki raple yo de tanp lan. Yo te ka gade yon foto yon tanp tou. Apre sa, ou ka li ansanm vèsè 4 pou w aprann kiyès ki ka antre nan tanp. Ou ta ka pale sou ki jan men vin sal ak ki jan nou pwòpte yo. Ki jan nou ka vin sal espirityèlman? Ki jan Sovè a ede netwaye nou espirityèlman?

• Si ou gen timoun piti, ou te gendwa envite yo pou yo pran pòz y ap kriye pandan w ap li nan Sòm 30:5, “Lannuit nou kriye.” Apre sa mande yo pou yo montre yo kontan pandan w ap li, “Kou l jou, kè nou kontan.” Repete fraz sa a plizyè fwa.

• Montre yon foto Sovè a, epi di piti ou ki bagay Li fè pou ou ki pote lajwa pou ou. Ou te ka bay chak timoun yon chans pou yo kenbe foto a epi pataje ki sa Jezi te fè ki pote lajwa pou yo.

• Ede timoun yo memorize premye liy nan Sòm 46:10la: “Rete trankil! Konnen se Mwen Menm ki Bondye.” Kisa sa ta vle di pou nou “rete trankil”? Petèt ou ta ka pase kèk tan ap pratike rete poze. Ou ta ka pataje youn ak lòt eksperyans kote”rete trankil” te ranfòse relasyon ou avèk Bondye. Ede pitit ou yo panse ak moman nan lajounen kote yo ka “rete trankil” pou yo santi yo pwòch Papa nou ki nan Syèl la.