2 Istwa 14–20; 26; 30

Lè Aza te wa Jida a, li te fè fas a anpil difikilte—menm jan ak nou tout jodi a. Pandan w ap li sou eprèv li te rankontre yo, remake ki kote li te mete konfyans li ak fason sa te chanje avèk letan.

Poukisa pafwa nou sispann mete konfyans nou nan Senyè a? Ki lòt bagay ou aprann konsènan revelasyon pèsonèl.

Gade nan D. Todd Christofferson, “Relasyon Nou Avèk Bondye,” Liahona, Me 2022, 78–80.

Pwofèt Miche dwe te santi anpil presyon pou l te predi siksè pou wa Wa Jozafa ak Akab nan gè yo te fè kont Siri a. Chèche prèv ki montre presyon sa a nan 2 Istwa 18:1–12. Ki prèv ou jwenn nan kouraj ak entegrite Miche nan vèsè 13–27 la? (Remake byen ke nan vèsè 14, Mikaya bay yon repons awogan; repons reyèl li se nan vèsè 16.) Kijan pawòl Miche yo te reyalize nan vèsè 28–34 yo?

Site kèk sitiyasyon ou ka fè fas ak presyon tankou sa Miche te fè fas la? Kisa ki ba ou kouraj pou w kanpe pou Senyè a ak ansèyman L yo?

Pandan w ap li 2 Istwa 20:1-12 a, chèche sa wa Jozafa te fè lè plizyè nasyon te vin atake Jida. Kijan w ka aplike aksyon l yo nan sitiyasyon difisil w ap rankontre?

Nou jwenn repons Senyè a pou priyè Jozafa a nan vèsè 14–17 la. Ki fraz ou jwenn la a ki ta ka konsole w oswa yon moun ou konnen nan moman difisil yo?

Nan jou apre a, pèp Jerizalèm nan t al rankontre lame opoze a. Pandan w ap li 2 Istwa 20:20 an, chèche mesaj Jozafa te bay pèp Jerizalèm nan. Ki jan pawòl li yo te reyalize? (gade vèsè 22–23). Kijan Bondye beni ou pake w kwè nan Li epi w suiv pwofèt Li yo?

Prezidan Russell M. Nelson te di: “Eksperyans mwen sèke yon fwa ou sispann mete pwen dentèwogasyon sou deklarasyon pwofèt la epi ou mete pwen eksklamasyon olye de sa, epi ou aji, benediksyon yo jis vide. Mwen pa janm mande tèt mwen, ‘Kilè pwofèt la pale kòm yon pwofèt ak kilè li pa fè sa?‘ Sa k enterese m se, ‘Kòman mwen ka plis tankou l?‘“ (nan Lane Johnson, ”Russell M. Nelson: Yon etid nan Obeyisans,“ Ensign, Out 1982, 24).

Gade Doktrin ak Alyans 21:4–6; “A Secure Anchor (Yon Ankraj Asire)“ (videyo), Bibliyotèk Levanjil; “Fè chwa enspire,“ Pou Fòs Jèn yo: Yon gid pou fè Chwa (2022), 4–5.

3:37

Menm jan ak anpil lòt wa nan peyi Jida a, rèy Ozyas la te kòmanse avèk anpil gwo akonplisman, men li te fini avèk trajedi sa a. Chèche chema sa a nan 2 Istwa 26. Ki sa w t ap di ki te pwen tounan nan lavi Ozyas?

Pandan w ap li vèsè 16–23 yo, kenbe nan tèt ou ke nan moman sa a, se sèlman prèt yo ki te gen dwa pou yo te boule lansan nan tanp lan. Poukisa ou panse wa Ozyas te dezobeyi Bondye? Kisa w aprann nan eksperyans trajik sa a?

Gade tou nan: “Oh! Sois Humble,” Cantiques, no. 69.

Nan 2 Istwa 30, Ezekyas sete wa peyi Jida a. Li te envite Wayòm Izrayèl la pou yo te rasanble nan Jerizalèm pou yo te selebre fèt Pak la—yon bagay Izrayelit yo pa t kapab fè pandan plizyè ane (gadevèsè 1-12). Ki sa ki enpresyone w nan envitasyon an ak kijan li te resevwa- pa envite Izrayelit yo ak envite nan Jida yo?

Piske sa te gen tèlman lontan, gen kèk vizitè Jerizalèm ki pa t abitye avèk detay sou fason pou yo te patisipe nan fèt Pak la. Pandan w ap li 2 Istwa 30:18–27 la, kisa w aprann nan repons Ezekyas la ak rezilta repons li te bay la?

Gade nan Russell M. Nelson, “Nou Bezwen Patizan Lapè,” Lyawona, Me 2023, 98–101.

• Pou w entwodui ide pou mete konfyans nan Senyè a, ou ka montre pitit ou yo yon bagay ou fè konfyans pou kenbe w sèk lè lapli, tankou yon parapli oswa yon djakèt. Kite yo pale sou rezon ki fè nou ka fè bagay sa yo konfyans lan. Apresa ede yo konpare konfyans nou nan Senyè a. Poukisa nou mete konfyans Li pou kenbe nou ansekirite?

• Ou ta ka ede pitit ou yo dekouvri kijan wa Aza ak wa Jozafa te reponn a difikilte nan mete konfyans nan Senyè a (gade 2 Istwa 14:11; 20:3–5, 12). Pataje youn ak lòt fason ou ka montre Senyè a ke ou mete konfyans ou nan li.

• Paj aktivite semèn sa a ka ede pitit ou yo konprann istwa priyè Jozafa a ak repons Senyè a. Oumenm ak pitit ou yo te ka pataje momankote Bondye te tande epi Li reponn priyè w yo. Panse pou w enkli ladan l moman kote repons yo te vini nan fason oswa nan lè ou pa t atann. Yon chante sou lapriyè, tankou “I Pray in Faith” (Children’s Songbook, 14), te kapab ede bati lafwa pitit ou yo.

• Pou pitit ou aprann sou danje ki genyen nan lògèy yo, yo ta ka bati yon kay an won avèk blòk oswa ti tas. Pandan y ap mete chak blòk oswa tas sou kay won an, ede yo idantifye youn nan akonplisman Ozyas yo nan 2 Istwa 26:3–15. Apre yo fini kay won an, pale avèk pitit ou yo sou fason Ozyas te ka kenbe l wo ak solid. Ki sa ki ta ka fè li tonbe? Apresa, pandan w ap li vèsè 16, ou ta ka pale sou sa sa vle di gen kè nou “leve jiska destriksyon [nou].“ Pataje avèk timoun ou yo sa k te rive Ozyas nan vèsè 16–23 yo. Kite yo frape kay won yo a. Pale sou sa nou ka fè pou nou rete enb.

• Foto ki anwo a montre lè Ezekyas te envite vwazen Jida yo ki te soti nan Wayòm Izrayèl la pou yo te selebre fèt Pak la avèk yo. Ou ta ka gade imaj sa a avèk pitit ou yo epi li 2 Istwa 30:18–19, ki eksplike ke kèk nan envite yo pa t lave tèt yo dapre lwa Moyiz la. Kisa Ezekyas te fè? Ki jan sa t ap fè envite yo santi yo? Ede pitit ou yo panse sou fason yo ka tankou Ezekyas nan fason yo trete lòt moun.