1 Wa 12–13; 17–22

Kijan w t ap dekri erè wa Rehoboam nan, pitit gason Salomon an, te fè nan 1 Wa 12:1–14? Ki atribi Kretyen ki ta ka ede Rehoboam sove wayòm li an? (gade vèsè 7; Matye 20:25–28; Mozya 2:10–21). Kijan ou ka itilize atribi sa yo kòm yon dirijan—kit nan yon apèl Legliz la oswa kòm yon dirijan nan pwòp lavi pa ou?

Pwofèt Eli te mande yon vèv pou l ba l manje ak dlo anvan l te nouri tèt pa li ak pitit gason l lan ki te grangou. Poukisa li te fè sa? Demand Eli a ta ka konsidere kòm yon benediksyon pou ti fanmi sa a. Yo te bezwen benediksyon Senyè a, epi souvan sakrifis pote benediksyon—enkli benediksyon yon pi gwo lafwa.

Pandan w ap li 1 Wa 17:8–16, imajine ou sete vèv sa a. Kisa ki enpresyone w konsènan li? Ou ta ka fè yon lis tou sou chwa yo ki mande lafwa nan Jezikri (pa egzanp, gade Pou Fòs Jèn yo: Yon Gid pou Fè Chwa [2022]). Kisa nou aprann de vèv sa a konsènan egzèse lafwa?

Kijan aksyon Elize yo nan 1 Wa 19:19–21 menmjan ak aksyon vèv yo?

Reflechi sou sakrifis ou te fè pou swiv Sovè a. Kisa 1 Wa 17:8–16; 19:19–21 anseye w konsènan sakrifis sa yo? Kijan konesans ou sou Sovè a ede nou lè Li mande nou pou ou fè sakrifis? Kijan Li te beni ou?

Gade tou Matye 4:18–22; 6:25–33; Lik 4:24–26; ”Eli ak vèv Sarepta a” (videyo), Bibliyotèk Levanjil; ”When Faith Endures,” Hymns, no. 128

10:13

Petèt Izrayelit yo te ka santi yo gen bonjan rezon pou yo adore Baal, ke yo te konnen kòm dye tanpèt ak lapli. Apre twa ane sechrès, yo te vrèman bezwen lapli. Epi adore Baal te akseptab sosyalman epi wa ak rèn nan te fè pwomosyon sa. Pandan w ap li 1 Wa 18, reflechi sou rezon ki fè yon moun nan epòk nou an ka endesi pou swiv Senyè a. Nan chapit sa a, kisa ou panse Senyè a t ap eseye anseye konsènan Limenm? Ki eksperyans ki te ede w vin angaje pou suiv Sovè a?

Gade tou D. Todd Christofferson, ”Chwa ak Angajman” (devosyonèl mondyal pou jèn adilt yo, 12 Janvye 2020), Bibliyotèk Levanjil la.

Malerezman, mirak la sou Mon Kamel la pa t fè misyon Elize a pi fasil. Anfèt, lavi l te an danje, e li te oblije kache nan yon gwòt nan dezè a. La a, pandan l t ap soufri anba solitid ak dekourajman, li te viv yon eksperyans avèk Senyè a ki te trè diferan de eksperyans li sou Mon Kamèl la. Kisa eksperyans Eli a nan 1 Wa 19:1—18 ansenye w konsènan fason Senyè a kominike avèk ou lè w nan bezwen?

Medite sou moman lè ou santi Senyè a te pale avèk ou. Kijan w t ap dekri fason Li kominike avèk ou? Poukisa mo “trankil” ak “piti” se bon fason pou dekri vwa Lespri a? Ki lòt mo ou jwenn nan Elaman 5:30; Doktrin ak Alyans 6:22–23; 11:12–14? Kisa w ka fè pou w resevwa gidans Senyè a pi souvan?

Gade tou Sòm 46:10.

• Pou w ede timoun ou yo aprann istwa sou lafwa yo nan 1 Wa 17, ou ka montre yo foto oswa objè pou ilistre istwa yo, tankou zwazo, pen, oswa yon tigason. Pandan w ap rakonte timoun ou yo istwa sa yo, envite yo pou yo jwenn foto oswa yon objè ki ale avèk chak istwa. ”Eli Pwofèt la” (nan Istwa Ansyen Testaman yo, 121–24) ka ede w rakonte istwa sa yo. Kisa istwa sa yo anseye nou konsènan montre lafwa nan Jezikri?

  

  1:58

• Ede timoun ou yo panse ak fason yo ka montre lafwa yo nan Jezikri. Chante avèk yo yon chan konsènan lafwa, tankou ”Mwen gen lafwa nan Senyè a, Jezikri” (Bibliyotèk Levanjil la), epi pataje youn ak lòt sa nou aprann konsènan lafwa nan chan an.

• Petèt timoun ou yo te ka desinen yon foto sou sa Senyè a te mande vèv la pou l bay Eli (gade 1 Wa 17:12–13) ak sa vèv la te resevwa anretou (gade 1 Wa 17:15–16). (Gade paj aktivite semèn sa a tou.) Yo ta ka chèche foto lòt moun ki te abandone yon bagay yo te vle pou yon bagay ki pi bon. Envite timoun ou yo pou yo jwenn foto nan Liv Ilistrasyon Levanjil la oswa Vini, Suiv Mwen. Kisa Senyè a mande nou pou sakrifye? Kijan Li beni nou?

• Pandan n ap li 1 Wa 18:17–39 ansanm, timoun ou yo te kapab chwazi yon vèsè epi fè yon foto sou sa li dekri. Apresa envite yo pou yo itilize desen yo a pou rakonte istwa a nan pwòp mo pa yo. (Gade tou ”Eli ak Prèt Baal yo,” nan Istwa Ansyen Testaman yo, 125–28.)

  

  2:17

• Ede yo reflechi ak sitiyasyon kote yo ka bezwen deside si wi ou non y ap suiv Jezikri. Petèt yo te ka fè foto tèt yo k ap fè bon chwa. Pataje youn ak lòt poukisa nou chwazi suiv Jezi.

• Pandan w ap rezime 1 Wa 19:9–12, envite timoun ou yo pou yo fè aksyon pou reprezante gwo van, tranblemanntè a, ak dife a. Apresa envite yo chita trankilman pandan ansanm n ap di, ak yon vwa dous, “apre dife an yon ti vwa chichotman” (vèsè 12). (Gade tou ”Senyè a pale ak Eli,” nan Istwa Ansyen Testaman yo, 129–31.) Pale timoun yo konsènan moman kote ou te fè eksperyans ti vwa dous Sentespri a.

  

  1:48

• Chante yon kantik konsènan Sentespri a ansanm, tankou “Petite voix douce” (Chants pour les enfants,106–7). Kisa ki ka distrè nou pou fè nou pa rekonèt Lespri a? Kisa ki ka ede nou tande Li?