Sòm 102–103; 110; 116–119; 127–128; 135–139; 146–150

Note kijan Sòm 102:1-11 dekri santiman anksyete ak izolman ki vini souvan pandan difikilte yo. Petèt oumenm oswa lòt moun ou konnen yo te santi w konsa. Pandan w ap li Sòm 102:12-28; 103; 116, chèche fraz ki ba w konfyans pou “rele non Senyè a” nan eprèv ou yo (Sòm 116:13). Ou ta ka make, memorize, oubyen pataje avèk lòt moun fraz ki ba w esperans nan Li yo.

Gade tou Ezayi 25:8; Ebre 2:17–18; Alma 7:11–13; Camille N. Johnson, “Kris la se Soulajman,” Liahona, Me 2023, 81–83; “Òu pourrais-je chercher?” (Cantiques, no. 68).

Sòm yo gen pasaj ki dirije nou vè lavi ak ministè Jezikri. Men kèk egzanp:

• Sòm 110:1–4 (gade Matye 22:41–45; Ebre 5:4–10; 6:20)

• Sòm 118:22 (gade Matye 21:42; Ak 4:10–11; 1 Pyè 2:7)

• Sòm 118:25–26 (gade Matye 21:9)

Kisa vèsè sa yo anseye ou konsènan Jezikri? Poukisa l enpòtan pou nou konnen bagay sa a konsènan li?

Sòm 119 sa a gen plizyè fraz ki konpare lavi nou avèk yon vwayaj pou n retounen al jwenn Papa nou Ki nan Syèl la. Pandan w ap li l, chèche mo tankou “mache,” “chemen,” “fason,” “pye,” ak “pèdi.” Reflechi sou pwòp vwayaj lavi pa ou—kote w te ye, kote ou ye kounyea, ak nan kikote ou prale. Kisa w aprann nan Sòm sa a sou vwayaj ou pou retounen lakay la? Ki sa w aprann lè w ap gade chemen lòt moun? Selon Sòm sa a, kisa Bondye bay pou ede w rete sou chemen Li a?

Fè yon ti reflechi sou yon moman lè w suiv yon chemen oswa yon kat jeyografik te ede w vwayaje yon kote avèk siksè. Ki sa eksperyans sa a aprann ou sou w ap suiv chemen Bondye a?

Nan anpil lòt ekriti, Senyè a ak pwofèt li yo pale de yon chemen. Men kèk egzanp. Konsidere chèche vèsè sa yo epi ekri oswa pataje sa ou aprann yo.

Ki jan verite sa yo ka ede w rete sou chemen Bondye?

Ki sa ki lòt ide ou ka aprann nan konsèy sa a prezidan Russell M. Nelson?

“Si nou vle vwayaj nou atravè lavi a reyisi, nou bezwen suiv direksyon divin yo. Senyè a te di, ‘Gade sou mwen nan chak panse; pa doute, pa pè ’[Doktrin ak Alyans 6:36]. Epi Salmis la te ekri, ‘Pawòl ou se yon chandèl ki fè m wè kote m ap mete pye m, se yon limyè k ap klere chemen mwen’ [Sòm 119:105]. …

“Nan vwayaj nou atravè lavi a, n ap rankontre anpil obstak epi n ap fè kèk erè. Gidans spirityèl ede nou rekonèt erè nou ak fè koreksyon ki nesesè yo. N ap sispann ale nan move direksyon. N ap etidye direksyon ekriti yo bay yo avèk swen. Apresa, w ap kontinye avèk repantans ak restitisyon ki nesesè pou nou rete sou ‘chemen dwat ak etwat ki mennen nan lavi etènèl la’ [2 Nefi 31:18Viv selon direksyon espirityèlEnsign,Nov. 2000, 17).

Gade tou Dieter F. Uchtdorf, “Anfan Pwodig la ak Wout ki Mennen Lakay la ou,” Liahona, Nov. 2023, 86–88.

Note rezon dapre Sòm 135:15-18, li derezonab pou nou kwè nan fo dieu. Ki sa w ka tante pou w mete konfyans ou nan sans sa a sanble ak yon zidòl? Ou ta ka fè yon lis bagay Senyè a ka fè, jan sa dekri nan Sòm 134-36la. Ki bagay puisan Li te fè pou ou?

Kisa ou jwenn nan Sòm 139 ki ede w konprann Senyè a okouran de ou—panse nou ak aksyon w, fòs ak feblès nou? Kijan verite sa a enfliyanse lavi ou ak chwa w yo?

Pandan w ap li denye Sòm louwanj sa yo, reflechi sou rezon ou genyen pou w louwe Senyè a. Poukisa li enpòtan pou moun louwe Li? Nan ki fason ou ka louwe L?

• Oumenm oswa youn nan pitit ou yo te kapab li Sòm 102:1–2, pandan n ap chèche fason Senyè a ede nou pandan difikilte nou yo. Kijan nou ka suiv èd Li? Ou kapab pataje youn ak lòt lè w te bezwen èd e w te santi Bondye te tande priyè w yo.

• Pitit ou yo ka gen plezi ap pale de sa li santi l tankou yo dwe nan fènwa. Oubyen yo ta ka diskite bagay ki difisil pou fè nan fènwa? Ou ka envite yo fè yon bagay ak je yo fèmen, tankou rale yon foto. Kisa nou aprann nan Sòm 119:105 la konsènan limyè ak pawòl Bondye a?

• Chèche yon bagay Papa nou ki nan Syèl la ba nou pou ede nou rete sou chemen l nan vèsè sa yo: Sòm 119:47–48; 119:105; 1 Nefi 11:25; 2 Nefi 31:20. Kisa nou ka fè pou nou rete sou chemen Bondye a?

• Pitit ou yo ka kontan gade foto bagay yo mansyone nan Sòm 119:105 yo. Yo te ka mete foto yo nan lòd pandan y ap li vèsè a. Nou ta ka chante yon chante ki anrapò ak sa ansanm tou, tankou “Apprends-moi à marcher dans la clarté” (Chants pour les enfants, 177) oswa “M ap Mache avèk Jezi” (Bibliyotèk Levanjil la).

• Konsidere fè lis bagay ou konnen sou chak nan pitit ou yo. Pandan w ap li lis yo, yonn alafwa, mande timoun yo pou yo devine kiyès yo dekri. Apre sa, apre nou fin li Sòm 139:1–3 ansanm, ou ta ka fè lis bagay Papa nou ki nan Syèl la ak Jezi konnen sou nou.

• Ekri pawòl Sòm 139:23–24 sou yon moso papye oswa yon tablo. Envite pitit ou yo souliye mo ki dekri bagay Bondye kapab fè pou nou. Poukisa nou ta bezwen Bondye fè bagay sa yo?

• Petèt timoun ou yo ta ka pataje eksperyans yo kote youn moun te louwe yo oubyen di yo ke yo fè yon bon travay. Pataje kèk nan bon bagay ki nan Sòm 146:6–9 la ke Senyè a te fè (ede pitit ou konprann mo yo pa abitye yo). Envite pitit ou yo pou pale sou lòt bagay Li fè pou nou. Ki jan nou ka fè louwanj pou li pou bagay sa yo?