7-13 Septanm. ’L Ap Dirije Chemen Ou’: Pwovèb 1–4; 15–16; 22; 31; Eklezyas 1–3; 11–12,” Vini, Suiv Mwen—Pou Fwaye ak Legliz: Ansyen Testaman 2026 (2026)
7-13 Septanm. ’L Ap Dirije Chemen Ou,’” Vini, Suiv mwen: Ansyen Testaman 2026
Jezi avèk timoun, pa Dilleen Marsh
Septanm 7–13: “L Ap Dirije Chemen Ou”
Pwovèb 1-4; 15–16; 22; 31; Eklezyas 1–3; 11–12
Ou ta ka panse a liv Pwovèb la kòm yon koleksyon konsèy ki saj nan men paran ki plen lanmou (gade Pwovèb 1:8). Mesaj prensipal li sèke si ou chèche sajès—espesyalman sajès Bondye—lavi ap mache byen. Men apre Pwovèb yo nou jwenn liv Eklezyas la, ki sanble l di, “Sa pa osi senp”. Predikatè yo site nan Eklezyas la te obsève ke li “te aplike kè [li] nan aprann sajès” men la ankò, li te jwenn “fristrasyon nan espri” ak “anpil soufrans” (Eklezyas 1:17–18). Nan plizyè kalite fason, liv la mande, “Èske ka genyen bon sans nan yon mond kote tout bagay sanble yo se vanite, pasaje, ak ensètitid?”
Men malgresa, pandan ke de liv yo konsidere lavi a nan pèspektiv diferan, yo anseye verite ki similè. Eklezyas deklare: “An nou tande konklizyon sou tout bagay la nèt: Gen krentif pou Bondye, epi kenbe kòmandman L yo: paske se pou sa ase Bondye te kreye lòm” (Eklezyas 12:13). Sa a se menm prensip nou jwenn nan tout liv Pwovèb la: “Mete konfyans ou nan Senyè a ak tout kè ou” (Pwovèb 3:5; gade tou vèsè 7). Lavi toujou pi bon--si se pa toujou pafè—lè nou mete konfyans nou epi suiv Senyè Jezikri.
Pou yon koudèy sou liv sa yo, gade “liv, Pwovèb” ak “Eklezyas” nan Diksyonè Bib la.
Ide pou Aprantisaj nan Fwaye a ak nan Legliz la
Pwovèb 1–4; 15–16; Eklezyas 1–3; 11–12
“Panche zòrèy ou pou w pran sajès.”
Liv Pwovèb ak Eklezyas yo ranpli ak ide konsènan sajès. Konsidere make mo “sajès” la ak mo yo ki anrapò avèk li, tankou “konesans” ak “konpreyansyon,” lè w jwenn yo nan Pwovèb 1–4; ak 15–16; Eklezyas 1–3; 11–12. Kòman vèsè sa yo afekte fason w panse apwopo sajès? Baze sou sa w jwenn yo, kijan ou t ap dekri sajès ke “Senyè a bay la”? (Pwovèb 22:6). Ki benediksyon ki soti nan sajès Bondye?
Gade tou nan Matye 7:21–23;25:31–40.
Ede etidyan yo aplike sa y ap aprann nan. “Bay moun k ap aprann opòtinite pou pataje youn ak lòt sa y ap aprann sou Sovè a ak levanjil Li a. Lè yo fè sa, sa ap ede yo rantre verite y ap anseye yo a andedan yo epi eksprime yo. Sa ap ede yo jwenn konfyans nan kapasite yo pou yo pataje verite nan lòt anviwonman tou” (Anseye nan Fason Sovè a, 26). Pa egzanp, ou ka envite moun k ap aprann yo ekri kèk referans nan Pwovèb oswa Eklezyas kote yo jwenn ide sou sajès Bondye. Apresa, envite etidyan yo pataje sa yo aprann.
Pwovèb 1: 7; 2:5; 3:7; 15:33; 16:6; 31:30; Eklezyas 12:13
“Pa gade tèt ou kòm saj: gen krent pou Bondye.”
Yon lòt tèm nou jwenn nan tout Pwovèb ak Eklezyas se “krentif pou Senyè a.” Veye pou fraz sa a pandan w ap li. Kisa w santi sa vle di pou nou gen krentif pou Senyè a? Chèche ide nan mesaj Èldè David A. Bednar la “Se Poutèt Sa Yo te sa yo te Kalme Laperèz yo” (Liahona, Me 2015, 46–49). Kijan krent pou Senyè a diferan de lòt krent?
Gade tou nan Pwovèb 8:13
Pwovèb 3:5–7; 4
“Mete konfyans nan Senyè a avèk tout kè ou.”
Kijan w ta eseye konvenk yon moun ke li pi bon pou nou “mete konfyans nan Senyè a” pase pou nou “apiye…. sou pwòp konpreyansyon [pa nou]”? (Pwovèb 3:5). Ki konparezon oswa leson objè ou ta itilize? Pandan w ap medite sou Pwovèb 3:5-7, panse a fason ou ta ka konplete fraz tankou sa yo: Mete konfyans nan Senyè a se tankou … Apiye sou pwòp konpreyansyon nou se tankou …
Poukisa li pa saj pou nou apiye sou konpreyansyon pa nou? Kijan ou te dekouvri ke w ka fè Senyè a konfyans?
Malgre sa, nou gendwa twouve l difisil pou nou mete konfyans nou nan Senyè a pafwa. Poukisa li konsa? Èldè Gerrit W. Gong sijere kèk rezon, ansanm ak konsèy itil, nan “Mete Konfyans Ankò” (Liahona, Nov. 2021, 97–99). Ki istwa oswa ansèyman ou jwenn nan mesaj sa a ki ta ka ede yon moun retabli konfyans li nan Senyè a?
Toude sa yo, Pwovèb 3: 6 ak Pwovèb 4 konpare lavi avèk yon “chemen” oswa yon “fason.” Kisa w panse sa vle di pou kite Senyè a “dirije chemen [ou]”? (Pwovèb 22:6). Kisa w jwenn nan chapit 4 la ki ede w “medite sou chemen pye [ou]”? (vèsè 26). Pa egzanp, kisa vèsè 11–12 ak 18–19 anseye konsènan benediksyon nan suiv chemen dwat la? Kisa vèsè 26–27 vle di pou ou?
Gade tou 2 Nefi 31:18–21; “Seigneur, je te suivrai,” Cantiques, no 220.
Pwovèb 15; 16:24–32
“Yon repons dous ap kalme yon moun ki ankòlè.”
Kèk nan ide nan Pwovèb 15–16 yo ka enspire nou pou amelyore fason nou kominike avèk lòt moun, espesyalman moun nou renmen yo. Pa egzanp, reflechi sou moman espesifik kote “yon repons dous” te ede “[kalme] kòlè” (Pwovèb 15:1).
Ou kapab panse tou sou moman kote Sovè a sete egzanp sou ansèyman nan Pwovèb 15:1–4, 18 yo (gade Mak 12:13–17; Jan 8:1–11). Kijan nou ka suiv egzanp li nan relasyon nou avèk lòt moun?
Kijan konsèy ki nan Pwovèb 15; 16:24–32 yo aplike pou kominikasyon dijital jodi a? Gade si w ka jwenn yon vèsè nan chapit sa yo ke w ta ka parafraze kòm konsèy sou kominike atrav medya sosyal oswa atravè tèks.
Gade tou Neil L. Andersen, “Suiv Jezi: Rete yon Patizan Lapè,” Liahona, Me 2022, 17–20; Ronald A. Rasband, “Pawòl Konte,” Liahona, Me 2024, 70–77; Pou Fòs Jèn yo: Yon Gid pou Fè Chwa (2022), 11–12.
Kimoun Ki Ka Jwenn yon Fi ki Gen Vèti? II tablo Louise Parker
Pwovèb 31:10–31
“Yon fi ki krenn Senyè a, l ap jwenn louwanj.”
Pwovèb 31:10–31 dekri “yon fi ki gen vèti,” oswa yon fi ki gen gwo fòs, kapasite, ak enfliyans espirityèl. Ou ka eseye rezime nan pwòp mo pa ou kisa chak nan vèsè sa yo di konsènan fi ki gen vèti. Kilès nan karaktè sa yo ou ka imite?
Eklezyas 1–312
Lavi mòtèl la tanporè.
Poukisa li enpòtan pou w sonje ke pifò bagay nan mond sa a, jan Eklezyas 1–2 afime a, se “vanite” (oswa tanporè epi souvan san enpòtans)? Kisa w jwenn nan Eklezyas 12 la ki bay lavi a enpòtans etènèl?
Pou plis ide, gade piblikasyon mwa sa a nan revi Lyawona a ak revi Pou fòs jèn yo.
Ide pou Anseye Timoun yo
Pwovèb 1:7; 2:5; 15:33; 16:6; Eklezyas 12:13
Gen “krentif pou Bondye” vle di pou w renmen L ak obeyi Li.
-
Pou ede pitit ou yo konprann pasaj sou krentif pou Bondye yo, ou ka ranplase mo “krentif” la pa mo tankou reverans, lanmou, oswa obeyisans (gade tou Ebre 12:28). Kijan definisyon sa a afekte fason nou panse konsènan vèsè sa yo? Kijan nou montre ke nou gen krentif pou Senyè a?
Pwovèb 3:5–7
Mwen ka mete konfyans nan Senyè a avèk tout kè mwen.
-
Oumenm ak pitit ou yo te kapab fè aksyon ki ka mache avèk Pwovèb 3:5–7, tankou fè yon kè avèk men ou, panche sou yon bò, mache anplas, ak montre je ou. Kijan nou ka montre ke nou fè Jezikri konfyans avèk tout kè nou?
-
Pou montre kisa sa vle di pou “pa apiye pwòp konpreyansyon ou” (Pwovèb 3:5), konsidere pou w envite pitit ou yo pou yo apiye sou yon bagay solid ak estab, tankou yon miray. Apresa yo ka eseye apiye sou yon bagay ki pa solid, tankou yon bale. Oubyen yo te ka eseye apiye yon tibwa oubyen yon kreyon sou objè ki pa gen twòp solidite, tankou yon liv oswa yon moso papye. Poukisa l enpòtan pou nou “mete konfyans nan Bondye” e pa apiye sou pwòp konpreyansyon pa nou?
Aprann Fè Senyè a Konfyans,, Kathleen Peterson
Pwovèb 15:1, 18
Mwen ka itilize mo janti.
-
Petèt ou menm ak pitit ou yo ka reflechi sou sitiyasyon kote oumenm oswa yomenm ta ka santi yo fache. Li Pwovèb 15:1 ansanm, epi ede pitit ou yo aplike vèsè sa a nan sitiyasyon yo te panse a. Petèt yo te kapab fè pratik sou kèk “repons dous.” Yon chante sou jantiyès, tankou “Ces mots d’amour la” (Chants pour les enfants, 190–91), ta kapab ranfòse prensip sa a.
-
Pou nou aprann kisa sa vle di pou “pa fè kòlè fasil” (Pwovèb 15:18), oumenm ak timoun ou yo te ka pataje moman kote oumenm (oubyen yon moun ou konnen) te santi l fache men te chwazi pou l janti. Ede pitit ou yo panse ak bagay nou ka rapid pou fè si nou se moun ki “pa fè kòlè fasil.” Pa egzanp, nou kapab rapidman pou nou panse a Jezi, pou mande Papa nou ki nan Syèl la èd, pou panse a yon chan Primè oswa si sa posib, pou mache ale.
Pou plis ide, gade nan piblikasyonrevi Zanmi mwa sa a.